Omuinyo mbu tu sokuhupa kutja tu karere Ndjambi
1 Nu nambano, vakwetu, motjimbe tjotjari tja Ndjambi hi otjinene ku eṱe, me riyarikaṋa kutja mu riyandjeye oveni ku Ndjambi, otja ombunguhiro onamuinyo nondjapuke eye me nonyuṋe. Omerikotameneno otja inga ya pwira Ndjambi. 2 Amu horere komihingo vyouye mbwi, nungwari Ndjambi nge mu yarure koupe mourekoto womitima vyeṋu. Eṋe otji mamu yenene okutjiwa ombango ya Ndjambi, okutja otjohi tji tji ri otjiwa neye me nonyuṋe, nu tji tja pwira ye.
3 Nu motjimbe tjotjari Ndjambi tje ndji pa ami me tja nai ku eṋe amuhe: Amu rivara oveni komeho ya imba pu mwa sokurivara, nungwari kareye nouripura ousemba otja kotjisanekero tjongamburiro Ndjambi ndje mu pa. 4 Eṱe tu nouṋepo ouingi morutu rumwe, nu okaṋepo akehe kena otjiungura tjapeke. 5 Nu komuhingo tjingewo nangarire kutja oweṱe ovengi, oweṱe ovorutu rumwe mu Kristus, nu twa wanekwa kumwe otja ouṋepo pekepeke worutu rumwe. 6 Eṱe tu noviyandjewa vyotjari pekepeke otja kotjari Ndjambi tja yandja ku auhe wetu. Ingwi ngwa pewa otjiyandjewa tjokuzuvarisa Ombuze ya Ndjambi nga zuvarise otja kongamburiro ndje hongonona. 7 Nu ingwi ngwa pewa otjiyandjewa tjokukarera mombongo nga karere; ngwa pewa otjiyandjewa tjokuhonga nga honge; 8 ngwa pewa otjiyandjewa tjokupanḓiparisa ovakwao nge ve panḓiparise. Ingwi ngu yandja kovakwao nga yandje nouharupu; ngu ri omutarere wombongo nga ungure noupandi; ngu yandja ovyotjari kovakwao nge vi yandje nenyando.
9 Orusuvero ngaru kare nokuhinotjavivi. Tondeye ouvi nu kakatereye kouwa. 10 Suverasaneye nomutima watjiri otja ovakambure, nu mu panḓere pokuyozikasana. 11 Ungureye noukukutu, nu amu ṱotjirweyo; karereye Muhona nomitima vyeṋu avihe. 12 Omaundjiro weṋu nga ye mu pe ondjoroka; momauzeu weṋu kareye nomuretima, nu mu panḓere pokukumba. 13 Vatereye ovakambure ovakweṋu mbe nouhepe, nu mu sekirise ovakambure mbu mu he i.
14 Ningireye Ndjambi a sere ondaya ku imba mbe mu tatumisa, ii, mu ningireye e ve sere ondaya nu amu ningire kutja e ve senge. 15 Nyandeye pamwe na imba mbe nenyando, nu mu rire pamwe novarire. 16 Karasaneye nomutima umwe; amu ritongamisa, nungwari tjiteye oupanga noverisusuparise; amu rivara otja ozonongo.
17 Amu yarura ouvi mouvi nungwari tjiteye ihi tji tji ri otjisemba kovandu avehe. 18 Tji mape sorwa, kareye nohange novandu avehe. 19 Eṋe oveni amu kara nongore nomundu, vakwetu, nungwari yandjeye oruveze komazenge wa Ndjambi, orondu omatjangwa maye tja: “Ongore oyandje, owami ngu me sutisa”, Muhona ma tja nao. 20 Omatjangwa opu maye zu okutja nai: “Omunavita na ove tje nondjara mu pa ovikurya, nu tje nonyota mu pa okunwa. Tji wa tjiti nai mo mu ṱisa ohoṋi tjinene.” 21 Ouvi au he ku taara, nungwari ove nga rire ngu mo taara ouvi amo tjiti ouwa.
Omuinyo mbu tu sokuhupa kutja tu karere Ndjambi
1 Nu nambano, vakwetu, motjimbe tjotjari tja Ndjambi hi otjinene ku eṱe, me riyarikaṋa kutja mu riyandjeye oveni ku Ndjambi, otja ombunguhiro onamuinyo nondjapuke eye me nonyuṋe. Omerikotameneno otja inga ya pwira Ndjambi. 2 Amu horere komihingo vyouye mbwi, nungwari Ndjambi nge mu yarure koupe mourekoto womitima vyeṋu. Eṋe otji mamu yenene okutjiwa ombango ya Ndjambi, okutja otjohi tji tji ri otjiwa neye me nonyuṋe, nu tji tja pwira ye.
3 Nu motjimbe tjotjari Ndjambi tje ndji pa ami me tja nai ku eṋe amuhe: Amu rivara oveni komeho ya imba pu mwa sokurivara, nungwari kareye nouripura ousemba otja kotjisanekero tjongamburiro Ndjambi ndje mu pa. 4 Eṱe tu nouṋepo ouingi morutu rumwe, nu okaṋepo akehe kena otjiungura tjapeke. 5 Nu komuhingo tjingewo nangarire kutja oweṱe ovengi, oweṱe ovorutu rumwe mu Kristus, nu twa wanekwa kumwe otja ouṋepo pekepeke worutu rumwe. 6 Eṱe tu noviyandjewa vyotjari pekepeke otja kotjari Ndjambi tja yandja ku auhe wetu. Ingwi ngwa pewa otjiyandjewa tjokuzuvarisa Ombuze ya Ndjambi nga zuvarise otja kongamburiro ndje hongonona. 7 Nu ingwi ngwa pewa otjiyandjewa tjokukarera mombongo nga karere; ngwa pewa otjiyandjewa tjokuhonga nga honge; 8 ngwa pewa otjiyandjewa tjokupanḓiparisa ovakwao nge ve panḓiparise. Ingwi ngu yandja kovakwao nga yandje nouharupu; ngu ri omutarere wombongo nga ungure noupandi; ngu yandja ovyotjari kovakwao nge vi yandje nenyando.
9 Orusuvero ngaru kare nokuhinotjavivi. Tondeye ouvi nu kakatereye kouwa. 10 Suverasaneye nomutima watjiri otja ovakambure, nu mu panḓere pokuyozikasana. 11 Ungureye noukukutu, nu amu ṱotjirweyo; karereye Muhona nomitima vyeṋu avihe. 12 Omaundjiro weṋu nga ye mu pe ondjoroka; momauzeu weṋu kareye nomuretima, nu mu panḓere pokukumba. 13 Vatereye ovakambure ovakweṋu mbe nouhepe, nu mu sekirise ovakambure mbu mu he i.
14 Ningireye Ndjambi a sere ondaya ku imba mbe mu tatumisa, ii, mu ningireye e ve sere ondaya nu amu ningire kutja e ve senge. 15 Nyandeye pamwe na imba mbe nenyando, nu mu rire pamwe novarire. 16 Karasaneye nomutima umwe; amu ritongamisa, nungwari tjiteye oupanga noverisusuparise; amu rivara otja ozonongo.
17 Amu yarura ouvi mouvi nungwari tjiteye ihi tji tji ri otjisemba kovandu avehe. 18 Tji mape sorwa, kareye nohange novandu avehe. 19 Eṋe oveni amu kara nongore nomundu, vakwetu, nungwari yandjeye oruveze komazenge wa Ndjambi, orondu omatjangwa maye tja: “Ongore oyandje, owami ngu me sutisa”, Muhona ma tja nao. 20 Omatjangwa opu maye zu okutja nai: “Omunavita na ove tje nondjara mu pa ovikurya, nu tje nonyota mu pa okunwa. Tji wa tjiti nai mo mu ṱisa ohoṋi tjinene.” 21 Ouvi au he ku taara, nungwari ove nga rire ngu mo taara ouvi amo tjiti ouwa.
