Omeritjaerero omasemba
1 Muhona ma tja: “Ravaera nomasa otja pu mo sora! Yera eraka roye ri pose otja ohiva! Zuvarisa kotjiwaṋa tjandje Israel ozongatukiro nourunde watjo. 2 Otjo tji rikotamena ku ami eyuva arihe ama tji tja tji nonḓero okutjiwa ozondjira zandje nokukara nonḓuviro komatwako wandje. Otjo tji tja tji vanga kutja ami mbi tji pe omatwako omasemba, nu tji tja tji nonyuṋe mokurikotamena ku ami.”
3 Ovandu mave pura ave tja: “Okutjavi eṱe tji matu ritjaere kovikurya, ndoovazu Muhona ka twara ko ombango? Okutjavi tji matu rihihamisa oveni, ndoovazu eye ke na ko na tja?”
Muhona ma ziri a tja: “Ouatjiri okongwi okutja moruveze tjingero ndwi ndu mu ritjaera kovikurya mu yenenisa imbi ovyonḓero yeṋu, nu mu ṋiṋikiza ovaungure veṋu. 4 Omeritjaerero weṋu kovikurya ye mu etera oviposa nozombata novirwa, neṋe amu rire ovatjite voutwe. Mamu tjangovasi omeritjaerero otja inga maye ndji pe ombango yokupuratena kozongumbiro zeṋu are? 5 Tji mamu ritjaere kovikurya mu ritatumisa oveni; eṋe mu peta oviuru vyeṋu tjimuna onḓeka, nu mu yara ozombanda zomakutu nokurimba omutwe okurangavara ko. Inga ongu mu tja omeritjaerero kovikurya are? Mamu tjangovasi ami me kara nonyuṋe motjiṋa hi are?
6 “Omeritjaerero ami ngu mbi vanga, owo nga: Kutureye omapando wa imba mbe tatumisiwa mouhasemba, nu mu ise ko omutenge koviṱuve vyovakweṋu; kutureye ovaṋiṋikiziwa ve kare mouyara. 7 Haṋasaneye ovikurya vyeṋu puna imba mbe nondjara. Nu sekiriseye mozonganda zeṋu imba ovasyona mbe hi neha. Yandjeye ozombanda zeṋu ku imba mbe hi na zo, nu amu panḓa okuvatera oveṱunḓu reṋu.
8 “Ondjingonekero yandje otji mai yere kombanda yeṋu otja ozohanya zeyuva tji mari piti, novirwaro vyeṋu otji mavi verukisiwa tjimanga. Ami aruhe me kara puna eṋe okumuyama; oukarepo wandje mau mu tjevere apehe nau mu hongorere ominda avihe. 9 Tji mamu kumbu, ami me mu ziri. Tji mamu ku ombatero ku ami, ami me tja: ‘Owami ngwi.’
“Tji mamu yandisa omaṋiṋikiziro nomanyekererero ngamwa aehe, tji mamu yandisa okuhungira ovizeze, 10 nu tji mamu yandja ovikurya ku imba mbe nondjara nokukovisa imba mbe nouhepe, onḓorera yeṋu mai rire ondjerera, nomuzororema weṋu mau hanyanya tjimuna omutenya. 11 Nu ami aruhe me mu hongorere, nu me mu kovisa noviṋa oviwa mehi rourumbu. Me mu pe omasa omape, neṋe mamu kara otja otjikunino tji tji nomeva omengi, notja oruharwi ndu ha pwire. 12 Otjiwaṋa tjeṋu matji tungurura imbi mbya kara orure avi ri omatundu, ma tji vi tungu rukwao komazikameno omakuru. Eṋe mamu tjiukwa otja otjiwaṋa tji tja tungurura otumbo, nu tji tja yarura ko ozondjuwo omatundu.”
Ondjambi yokuṱakamisa Esabata
13 Muhona ma tja: “Tji mo yapura esabata nu tji u hi nokuungura oviungura vyoye mu ro, nu tji mo vara eyuva randje eyapuke otja eyuva rondjoroka, no yozike ro nokuhina okuryanga nokuungura nokuhungira eraka rovizeze, 14 ove mo kara nenyando, ndi mari zu mokundjikarera. Ami me tjiti kutja u yozikwe mouye auhe, nu mo kara nombyarero mehi, ndi mba yandja ku iho mukururume Jakob. Ami ngu mbi ri Muhona mba hungire.”
Omeritjaerero omasemba
1 Muhona ma tja: “Ravaera nomasa otja pu mo sora! Yera eraka roye ri pose otja ohiva! Zuvarisa kotjiwaṋa tjandje Israel ozongatukiro nourunde watjo. 2 Otjo tji rikotamena ku ami eyuva arihe ama tji tja tji nonḓero okutjiwa ozondjira zandje nokukara nonḓuviro komatwako wandje. Otjo tji tja tji vanga kutja ami mbi tji pe omatwako omasemba, nu tji tja tji nonyuṋe mokurikotamena ku ami.”
3 Ovandu mave pura ave tja: “Okutjavi eṱe tji matu ritjaere kovikurya, ndoovazu Muhona ka twara ko ombango? Okutjavi tji matu rihihamisa oveni, ndoovazu eye ke na ko na tja?”
Muhona ma ziri a tja: “Ouatjiri okongwi okutja moruveze tjingero ndwi ndu mu ritjaera kovikurya mu yenenisa imbi ovyonḓero yeṋu, nu mu ṋiṋikiza ovaungure veṋu. 4 Omeritjaerero weṋu kovikurya ye mu etera oviposa nozombata novirwa, neṋe amu rire ovatjite voutwe. Mamu tjangovasi omeritjaerero otja inga maye ndji pe ombango yokupuratena kozongumbiro zeṋu are? 5 Tji mamu ritjaere kovikurya mu ritatumisa oveni; eṋe mu peta oviuru vyeṋu tjimuna onḓeka, nu mu yara ozombanda zomakutu nokurimba omutwe okurangavara ko. Inga ongu mu tja omeritjaerero kovikurya are? Mamu tjangovasi ami me kara nonyuṋe motjiṋa hi are?
6 “Omeritjaerero ami ngu mbi vanga, owo nga: Kutureye omapando wa imba mbe tatumisiwa mouhasemba, nu mu ise ko omutenge koviṱuve vyovakweṋu; kutureye ovaṋiṋikiziwa ve kare mouyara. 7 Haṋasaneye ovikurya vyeṋu puna imba mbe nondjara. Nu sekiriseye mozonganda zeṋu imba ovasyona mbe hi neha. Yandjeye ozombanda zeṋu ku imba mbe hi na zo, nu amu panḓa okuvatera oveṱunḓu reṋu.
8 “Ondjingonekero yandje otji mai yere kombanda yeṋu otja ozohanya zeyuva tji mari piti, novirwaro vyeṋu otji mavi verukisiwa tjimanga. Ami aruhe me kara puna eṋe okumuyama; oukarepo wandje mau mu tjevere apehe nau mu hongorere ominda avihe. 9 Tji mamu kumbu, ami me mu ziri. Tji mamu ku ombatero ku ami, ami me tja: ‘Owami ngwi.’
“Tji mamu yandisa omaṋiṋikiziro nomanyekererero ngamwa aehe, tji mamu yandisa okuhungira ovizeze, 10 nu tji mamu yandja ovikurya ku imba mbe nondjara nokukovisa imba mbe nouhepe, onḓorera yeṋu mai rire ondjerera, nomuzororema weṋu mau hanyanya tjimuna omutenya. 11 Nu ami aruhe me mu hongorere, nu me mu kovisa noviṋa oviwa mehi rourumbu. Me mu pe omasa omape, neṋe mamu kara otja otjikunino tji tji nomeva omengi, notja oruharwi ndu ha pwire. 12 Otjiwaṋa tjeṋu matji tungurura imbi mbya kara orure avi ri omatundu, ma tji vi tungu rukwao komazikameno omakuru. Eṋe mamu tjiukwa otja otjiwaṋa tji tja tungurura otumbo, nu tji tja yarura ko ozondjuwo omatundu.”
Ondjambi yokuṱakamisa Esabata
13 Muhona ma tja: “Tji mo yapura esabata nu tji u hi nokuungura oviungura vyoye mu ro, nu tji mo vara eyuva randje eyapuke otja eyuva rondjoroka, no yozike ro nokuhina okuryanga nokuungura nokuhungira eraka rovizeze, 14 ove mo kara nenyando, ndi mari zu mokundjikarera. Ami me tjiti kutja u yozikwe mouye auhe, nu mo kara nombyarero mehi, ndi mba yandja ku iho mukururume Jakob. Ami ngu mbi ri Muhona mba hungire.”
