Omatwako wouyapuke nousemba
1 Muhona wa hungira ku Moses a tja: 2 “Raera kombongo aihe yOvaisrael nu itja nai ku yo: Rireye ovayapuke, orondu ami, ngu mbi ri Muhona, Ndjambi weṋu, owami omuyapuke. 3 Auhe nga yozike ihe na ina, nu nga ṱakamise omayuva wandje wOkusuva. Owami ngu mbi ri Muhona, Ndjambi weṋu.
4 “Amu riungurire ovisenginina okuisapo oomukuru ku mamu rikotamene, owami ngu mbi ri Muhona, Ndjambi weṋu.
5 “Tji mamu zepere Muhona otjinamuinyo tjombunguhiro yohange, tji punguheye komuhingo wokutja Muhona e i yakure nonyuṋe. 6 Indji onyama ngai riwe meyuva tjingero otjinamuinyo ndi tja ṱu, nu onyama ndja hupu nga keyuva oritjatatu ngai ningiririsiwe, 7 motjimbe tjokutja oyo ya rire ohakohoke, nu auhe ngwe i ri, ami hi nokuyakura ombunguhiro ndjo. 8 Nu ngamwa ngwe i ri ma rire omunandjo, orondu eye wa yamburura ihi tji tja yapurirwa Muhona. Ingwi ngwa tjiti nai ke nokuvarwa otja owotjiwaṋa tjandje.
9 “Tji mamu kondo ovihape vyovikunino vyeṋu, amu vi kondo nga kovikoro vyovikunino okumana, nu amu wongo ovihweka mbya wire pehi. 10 Amu nikora omandjembere komivite vyeṋu okuisa ko aehe, nu amu nyanyangiza oupunda mbwa pumbukire pehi. Yesireye ovasyona na imba ovozonganda. Owami ngu mbi ri Muhona, Ndjambi weṋu.
11 “Kamu nakuvaka ko, nu kamu nakukora ko ovizeze, nu kamu nakutikura ko ovakweṋu. 12 Kamu nakuyana ko ovizeze mena randje, nu kamu nokuyamburura ko ena ra Ndjambi weṋu komuhingo mbwi. Owami ngu mbi ri Muhona.
13 “Ko nakuṋiṋikiza ko omundu omukweṋu poo okupunda oviṋa vye. Ko nokuwombisa ko ondjambi yomuungure nga komuhuka weyuva rarwe. 14 Ko nakutukana ko omboro, nu ko nakutwa po otjiputarise mondjira yomupoṱu, nungwari tira Ndjambi woye. Owami ngu mbi ri Muhona.
15 “Kamu nokutjita ko ouhasemba mombanguriro. Ko nokutjita ko ombangu kotjingundi, nu ko nokutongamisa ko omuvarwandu. Nungwari pangura omundu omukweṋu otja pu pe ri osemba. 16 Ko nakuryanga ko amo yamburura ovandu varwe mokati kotjiwaṋa tjeṋu. Ko nakutwa ko omuinyo womukweṋu moumba, tje ri mombanguriro. Owami ngu mbi ri Muhona.
17 “Ko nokukara ko nongore nomukweṋu momutima woye, nungwari mu ronga ongahukiro kutja o ha tura ondjo mena re. 18 Ko nakuyarura ko ongore momundu auhe poo onyengo okumutonda, nungwari suvera omukweṋu otja tji mo risuvere omuini. Owami ngu mbi ri Muhona.
19 “Kareye nonḓuviro komatwako wandje; ko nakuwaneka ko ovinamuinyo vivari vyomihoko pekepeke. Ko nakukuna ko otjikunino tjoye nozondwi mbari zomihoko vivari pekepeke.
20 “Omurumendu tja rara pomukazendu ngu ri omukarere womurumendu warwe, omukazendu ngwi ngunda e hiya sutwa ne hiya kuturwa, ngape kare omakonḓononeno. Owo ave ha ṱu, orondu ingwi omukazendu inga keya kuturwa. 21 Omurumendu ngwi nga punguhire Muhona ondwezu yonḓu pomahitiro wOndanda yOmahakaeneno i rire ombunguhiro yomasutiro wondjo. 22 Nomupristeri nge mu tjitire ombunguhiro yomakohororero nondwezu yonḓu ndji okuisapo ourunde omundu ngwi mbwa tjita; neye otji ma isirwa.
23 “Tji mwa hiti mehi ndi nda kwizikirwa eṋe namu kunu omiti ngamwa avihe vyovihape, ovihape vyavyo vi vareye otja ovihakohoke; ovyo ngavi rire ovihakohoke ku eṋe oure wozombura ndatu; nu amu ri ku vyo. 24 Nu mombura oitjaine ovihape mbi avihe ngavi rire oviyandjewa vyokutja okuhepa ku Muhona. 25 Nungwari mombura oitjatano otji mamu yenene okuvirya; tji mwa tjiti avihe mbi, omiti vyeṋu mavi mu etere ovihape ovingi. Owami ngu mbi ri Muhona, Ndjambi weṋu.
26 “Kamu nakurya ko ombinḓu yangamwa otjiṋa. Kamu nokutjita ko omaveterero noundjai. 27 Kamu nakukonda ko ozondjise zeṋu mozohingo nokuhenya otuyezu tweṋu kovikoro. 28 Kamu nakuritjanga ko ozondja motutu tweṋu, nokuritjanga ovihako mu two mena romukoke. Owami ngu mbi ri Muhona.
29 “Ko nakuyamburura ko omuatje woye omukazona, amo mu tjiti a rire omukorondu; tji wa tjiti nao mo tanaukire komukuru wovisenginina nehi mari ura noruvakiro. 30 Ṱakamiseye omayuva wandje wOkusuva, nu yozikeye oruveze ami mu mbi rikotamenenwa. Owami ngu mbi ri Muhona.
31 “Kamu nakuyenda ko kozondjai nḓe nozombepo zovaṱi na kozombetere. Amu ze paha ko kutja amu ha zunḓiwa i zo. Owami ngu mbi ri Muhona, Ndjambi weṋu.
32 “Yandja ondengero nu yozika omukurundu au nondira Ndjambi woye. Owami ngu mbi ri Muhona.
33 “Kamu nakutatumisa ko owozonganda ngu ri mehi reṋu. 34 Owozonganda ngwi mu vareye otja Omuisrael omukweṋu; nu mu suvereye otja tji mwe risuvere oveni; orondu eṋe oveni mwa ri ovozonganda mehi ra Engipte. Owami ngu mbi ri Muhona, Ndjambi weṋu.
35 “Kamu nokutjita ko ouhasemba mombanguriro, nangarire kutja okomasanekero woure, na kondjinda, na kotjisanekero tjomurya. 36 Kareye novisanekero ovisemba, novitenda ovisemba ovisaneke, novisaneke vyomurya ovisemba. Owami ngu mbi ri Muhona, Ndjambi weṋu ngwe mu pitisire mehi ra Engipte. 37 Ṱakamiseye omaraerero nomazikamisiro wandje aehe, nu ye tjiteye. Owami ngu mbi ri Muhona.”
Omatwako wouyapuke nousemba
1 Muhona wa hungira ku Moses a tja: 2 “Raera kombongo aihe yOvaisrael nu itja nai ku yo: Rireye ovayapuke, orondu ami, ngu mbi ri Muhona, Ndjambi weṋu, owami omuyapuke. 3 Auhe nga yozike ihe na ina, nu nga ṱakamise omayuva wandje wOkusuva. Owami ngu mbi ri Muhona, Ndjambi weṋu.
4 “Amu riungurire ovisenginina okuisapo oomukuru ku mamu rikotamene, owami ngu mbi ri Muhona, Ndjambi weṋu.
5 “Tji mamu zepere Muhona otjinamuinyo tjombunguhiro yohange, tji punguheye komuhingo wokutja Muhona e i yakure nonyuṋe. 6 Indji onyama ngai riwe meyuva tjingero otjinamuinyo ndi tja ṱu, nu onyama ndja hupu nga keyuva oritjatatu ngai ningiririsiwe, 7 motjimbe tjokutja oyo ya rire ohakohoke, nu auhe ngwe i ri, ami hi nokuyakura ombunguhiro ndjo. 8 Nu ngamwa ngwe i ri ma rire omunandjo, orondu eye wa yamburura ihi tji tja yapurirwa Muhona. Ingwi ngwa tjiti nai ke nokuvarwa otja owotjiwaṋa tjandje.
9 “Tji mamu kondo ovihape vyovikunino vyeṋu, amu vi kondo nga kovikoro vyovikunino okumana, nu amu wongo ovihweka mbya wire pehi. 10 Amu nikora omandjembere komivite vyeṋu okuisa ko aehe, nu amu nyanyangiza oupunda mbwa pumbukire pehi. Yesireye ovasyona na imba ovozonganda. Owami ngu mbi ri Muhona, Ndjambi weṋu.
11 “Kamu nakuvaka ko, nu kamu nakukora ko ovizeze, nu kamu nakutikura ko ovakweṋu. 12 Kamu nakuyana ko ovizeze mena randje, nu kamu nokuyamburura ko ena ra Ndjambi weṋu komuhingo mbwi. Owami ngu mbi ri Muhona.
13 “Ko nakuṋiṋikiza ko omundu omukweṋu poo okupunda oviṋa vye. Ko nokuwombisa ko ondjambi yomuungure nga komuhuka weyuva rarwe. 14 Ko nakutukana ko omboro, nu ko nakutwa po otjiputarise mondjira yomupoṱu, nungwari tira Ndjambi woye. Owami ngu mbi ri Muhona.
15 “Kamu nokutjita ko ouhasemba mombanguriro. Ko nokutjita ko ombangu kotjingundi, nu ko nokutongamisa ko omuvarwandu. Nungwari pangura omundu omukweṋu otja pu pe ri osemba. 16 Ko nakuryanga ko amo yamburura ovandu varwe mokati kotjiwaṋa tjeṋu. Ko nakutwa ko omuinyo womukweṋu moumba, tje ri mombanguriro. Owami ngu mbi ri Muhona.
17 “Ko nokukara ko nongore nomukweṋu momutima woye, nungwari mu ronga ongahukiro kutja o ha tura ondjo mena re. 18 Ko nakuyarura ko ongore momundu auhe poo onyengo okumutonda, nungwari suvera omukweṋu otja tji mo risuvere omuini. Owami ngu mbi ri Muhona.
19 “Kareye nonḓuviro komatwako wandje; ko nakuwaneka ko ovinamuinyo vivari vyomihoko pekepeke. Ko nakukuna ko otjikunino tjoye nozondwi mbari zomihoko vivari pekepeke.
20 “Omurumendu tja rara pomukazendu ngu ri omukarere womurumendu warwe, omukazendu ngwi ngunda e hiya sutwa ne hiya kuturwa, ngape kare omakonḓononeno. Owo ave ha ṱu, orondu ingwi omukazendu inga keya kuturwa. 21 Omurumendu ngwi nga punguhire Muhona ondwezu yonḓu pomahitiro wOndanda yOmahakaeneno i rire ombunguhiro yomasutiro wondjo. 22 Nomupristeri nge mu tjitire ombunguhiro yomakohororero nondwezu yonḓu ndji okuisapo ourunde omundu ngwi mbwa tjita; neye otji ma isirwa.
23 “Tji mwa hiti mehi ndi nda kwizikirwa eṋe namu kunu omiti ngamwa avihe vyovihape, ovihape vyavyo vi vareye otja ovihakohoke; ovyo ngavi rire ovihakohoke ku eṋe oure wozombura ndatu; nu amu ri ku vyo. 24 Nu mombura oitjaine ovihape mbi avihe ngavi rire oviyandjewa vyokutja okuhepa ku Muhona. 25 Nungwari mombura oitjatano otji mamu yenene okuvirya; tji mwa tjiti avihe mbi, omiti vyeṋu mavi mu etere ovihape ovingi. Owami ngu mbi ri Muhona, Ndjambi weṋu.
26 “Kamu nakurya ko ombinḓu yangamwa otjiṋa. Kamu nokutjita ko omaveterero noundjai. 27 Kamu nakukonda ko ozondjise zeṋu mozohingo nokuhenya otuyezu tweṋu kovikoro. 28 Kamu nakuritjanga ko ozondja motutu tweṋu, nokuritjanga ovihako mu two mena romukoke. Owami ngu mbi ri Muhona.
29 “Ko nakuyamburura ko omuatje woye omukazona, amo mu tjiti a rire omukorondu; tji wa tjiti nao mo tanaukire komukuru wovisenginina nehi mari ura noruvakiro. 30 Ṱakamiseye omayuva wandje wOkusuva, nu yozikeye oruveze ami mu mbi rikotamenenwa. Owami ngu mbi ri Muhona.
31 “Kamu nakuyenda ko kozondjai nḓe nozombepo zovaṱi na kozombetere. Amu ze paha ko kutja amu ha zunḓiwa i zo. Owami ngu mbi ri Muhona, Ndjambi weṋu.
32 “Yandja ondengero nu yozika omukurundu au nondira Ndjambi woye. Owami ngu mbi ri Muhona.
33 “Kamu nakutatumisa ko owozonganda ngu ri mehi reṋu. 34 Owozonganda ngwi mu vareye otja Omuisrael omukweṋu; nu mu suvereye otja tji mwe risuvere oveni; orondu eṋe oveni mwa ri ovozonganda mehi ra Engipte. Owami ngu mbi ri Muhona, Ndjambi weṋu.
35 “Kamu nokutjita ko ouhasemba mombanguriro, nangarire kutja okomasanekero woure, na kondjinda, na kotjisanekero tjomurya. 36 Kareye novisanekero ovisemba, novitenda ovisemba ovisaneke, novisaneke vyomurya ovisemba. Owami ngu mbi ri Muhona, Ndjambi weṋu ngwe mu pitisire mehi ra Engipte. 37 Ṱakamiseye omaraerero nomazikamisiro wandje aehe, nu ye tjiteye. Owami ngu mbi ri Muhona.”
