Otjiraisiro tjomuprofete ngu ri mutundu
1 Omuhongore omunene wotjimbumba tjOvaasirie tjovita wa rwisa Ovafilisti votjihuro Asdod otja pa rakiziwa i Sargon, ombara ya Asirie. 2 Ozombura ndatu komurungu wanao Muhona wa raerere Jesaja, omuzandu wa Amos, kutja ma hukure ozongaku nozombanda zomakutu nḓa zarere. Neye wa kara nonḓuviro na ryanga muzu nu huuna. 3 Asdod tji tja huurwa, Muhona wa tja nai: “Omukarere wandje Jesaja wa ryanga muzu nu huuna oure wozombura ndatu. Ihi otjo otjiraisiro tjaimbi mbi mavi tjitwa kOengipte na kOetiopie. 4 Ombara ya Asirie mai twara ovahuurwa muzu mbu ya huura momahi yevari nga. Omitanda novakurundu mave kayenda huuna nu muzu amave munika ovikondambunda pehi; notji mave eta ohoṋi kOengipte. 5 Imba mbe riyameka kOetiopie nu mbe rihivira Engipte mave yaruka okuyaraara, nomaundjiro wawo aye pwire. 6 Oruveze ndo tji rweya, ovandu mba tura meṋe yokuvare kwa Filisti mave tja: ‘Tareye ku imbi mbya tjitwa kovandu ku twe riyameka kutja ve tu yame kombara ya Asirie! Matu taura komuhingo uṋe?’ ”
Otjiraisiro tjomuprofete ngu ri mutundu
1 Omuhongore omunene wotjimbumba tjOvaasirie tjovita wa rwisa Ovafilisti votjihuro Asdod otja pa rakiziwa i Sargon, ombara ya Asirie. 2 Ozombura ndatu komurungu wanao Muhona wa raerere Jesaja, omuzandu wa Amos, kutja ma hukure ozongaku nozombanda zomakutu nḓa zarere. Neye wa kara nonḓuviro na ryanga muzu nu huuna. 3 Asdod tji tja huurwa, Muhona wa tja nai: “Omukarere wandje Jesaja wa ryanga muzu nu huuna oure wozombura ndatu. Ihi otjo otjiraisiro tjaimbi mbi mavi tjitwa kOengipte na kOetiopie. 4 Ombara ya Asirie mai twara ovahuurwa muzu mbu ya huura momahi yevari nga. Omitanda novakurundu mave kayenda huuna nu muzu amave munika ovikondambunda pehi; notji mave eta ohoṋi kOengipte. 5 Imba mbe riyameka kOetiopie nu mbe rihivira Engipte mave yaruka okuyaraara, nomaundjiro wawo aye pwire. 6 Oruveze ndo tji rweya, ovandu mba tura meṋe yokuvare kwa Filisti mave tja: ‘Tareye ku imbi mbya tjitwa kovandu ku twe riyameka kutja ve tu yame kombara ya Asirie! Matu taura komuhingo uṋe?’ ”
