Eimburiro rondoṋeno
1 Eyuva mari ya ovandu mu mave imbura eimburiro ndi mehi ra Juda:
Otjihuro tjetu otjinamasa!
Ndjambi omuini ongu ma yeura orumbo rwatjo okutuyama.
2 Paturureye omivero vyotjihuro
mu hitise mo otjiwaṋa otjiṱakame,
ihi otjiwaṋa tji tji tjita imbi mbi ri ovisemba.
3 Ove, Muhona, u yandja ohange ndja yenena
ku imba mba zikama momeripura wawo,
nu mbe riyameka kove.
4 Riyamekeye ku Muhona aruhe;
eye oruuwa ndu karerera.
5 Eye wa susuparisa overitongamise;
na nyona otjihuro otjinamasa mu va tura;
eye we tji vanda pehi
na tji nyanyaukire moruuma.
6 Imba mba ri kehi yoṋiṋikizire
nambano mave tji yata
nave tji tombo nozombaze.
7 Muhona, ove u sembamisira ondjira yovasemba
nondjira mu ve kayenda oyo ya seruke.
8 Eṱe tu kongorera ombango yoye
natu twa omaundjiro wetu move;
ove oove ngu u ri onḓero yomitima vyetu.
9 Ouṱuku omuinyo wandje u ku zera tjinene,
nomuhuka ombepo yandje i ku paha.
Ove tji mo pangura ehi,
ovature varo avehe
mave tjiwa kutja ousemba otjikeṋa.
10 Nangarire kutja ove u ṱira omunauvi otjari,
eye kemee rihongo okutjita ousemba.
Eye u tjita ouvi mehi rovasemba,
nu ka kara ko na tja nounene wa Muhona.
11 Ovanavita na ove kave tjiwa kutja ove mo ve vere.
Muhona, ve ṱisa ohoṋi nu ve hihamisa;
ve hihamisa nomberero ove ndji wa ṱuna.
Ve raisira kutja ove otjiwaṋa tjoye we tji suvera tjinene.
12 Ove mo tu pe ohange, Muhona;
motjiṋa atjihe mu tu toṋa,
yari motjimbe tjoye.
13 Muhona, Ndjambi wetu,
eṱe twa honaparerwa i ovahona varwe,
nungwari eṱe tu tjiwa ove erike,
ngu u ri oMuhona wetu.
14 Nambano owo va ṱa,
nu kamaave kara nomuinyo rukwao;
ozombepo zawo kaze nokupenduka,
tjinga awe ve vera no ve yandeke.
Kape na umwe ngu ma uhara
ame ve zemburuka rukwao.
15 Muhona, ove wa takavarisa otjiwaṋa tjetu,
nu wa neneparisa ehi ratjo kominda avihe;
notjiṋa hi tje ku pa ondjozikiro.
16 Ove wa vera otjiwaṋa tjoye, Muhona,
nu mombamisiro yatjo otjo
tje ku paha natji uru kove.
17 Ove, Muhona, wa tjita kutja tu ure,
tjimuna omukazendu mozongama zombandukiro.
18 Eṱe twa ri momihihamo na momatjemeno,
nungwari katu na tji twa panduka.
Katu karere nondjamo kehi retu;
katu notjiṋa tji twa toṋa.
19 Ovandu vetu imba mba ṱa
mave kara nomuinyo rukwao.
Otutu twawo matu penduka movakoke.
Avehe mba mba rara momaendo wawo
mave penduka nave imbura nondjoroka.
Otja omueme omukeṋakeṋe punga au porisa ehi
Muhona opunga ama kotora
ominyo vyaimba mba koka rukuru.
Ombanguriro nOkuyarura koupe
20 Hiteye momatuwo weṋu, vandu votjiwaṋa tjandje, nu mu pate omivero vyeṋu. Ṱareye oruveze orusupi nga omazenge wa Ndjambi tji ya yanda. 21 Tara, Muhona meya okuza komaturiro we meyuru okuverera ovature vehi omauvi wawo. Omazepero, nga tjitwa mongumumu kombanda yehi, maye horoka, nehi kari nokuuhara amari vandeke imba mba ṱa.
Eimburiro rondoṋeno
1 Eyuva mari ya ovandu mu mave imbura eimburiro ndi mehi ra Juda:
Otjihuro tjetu otjinamasa!
Ndjambi omuini ongu ma yeura orumbo rwatjo okutuyama.
2 Paturureye omivero vyotjihuro
mu hitise mo otjiwaṋa otjiṱakame,
ihi otjiwaṋa tji tji tjita imbi mbi ri ovisemba.
3 Ove, Muhona, u yandja ohange ndja yenena
ku imba mba zikama momeripura wawo,
nu mbe riyameka kove.
4 Riyamekeye ku Muhona aruhe;
eye oruuwa ndu karerera.
5 Eye wa susuparisa overitongamise;
na nyona otjihuro otjinamasa mu va tura;
eye we tji vanda pehi
na tji nyanyaukire moruuma.
6 Imba mba ri kehi yoṋiṋikizire
nambano mave tji yata
nave tji tombo nozombaze.
7 Muhona, ove u sembamisira ondjira yovasemba
nondjira mu ve kayenda oyo ya seruke.
8 Eṱe tu kongorera ombango yoye
natu twa omaundjiro wetu move;
ove oove ngu u ri onḓero yomitima vyetu.
9 Ouṱuku omuinyo wandje u ku zera tjinene,
nomuhuka ombepo yandje i ku paha.
Ove tji mo pangura ehi,
ovature varo avehe
mave tjiwa kutja ousemba otjikeṋa.
10 Nangarire kutja ove u ṱira omunauvi otjari,
eye kemee rihongo okutjita ousemba.
Eye u tjita ouvi mehi rovasemba,
nu ka kara ko na tja nounene wa Muhona.
11 Ovanavita na ove kave tjiwa kutja ove mo ve vere.
Muhona, ve ṱisa ohoṋi nu ve hihamisa;
ve hihamisa nomberero ove ndji wa ṱuna.
Ve raisira kutja ove otjiwaṋa tjoye we tji suvera tjinene.
12 Ove mo tu pe ohange, Muhona;
motjiṋa atjihe mu tu toṋa,
yari motjimbe tjoye.
13 Muhona, Ndjambi wetu,
eṱe twa honaparerwa i ovahona varwe,
nungwari eṱe tu tjiwa ove erike,
ngu u ri oMuhona wetu.
14 Nambano owo va ṱa,
nu kamaave kara nomuinyo rukwao;
ozombepo zawo kaze nokupenduka,
tjinga awe ve vera no ve yandeke.
Kape na umwe ngu ma uhara
ame ve zemburuka rukwao.
15 Muhona, ove wa takavarisa otjiwaṋa tjetu,
nu wa neneparisa ehi ratjo kominda avihe;
notjiṋa hi tje ku pa ondjozikiro.
16 Ove wa vera otjiwaṋa tjoye, Muhona,
nu mombamisiro yatjo otjo
tje ku paha natji uru kove.
17 Ove, Muhona, wa tjita kutja tu ure,
tjimuna omukazendu mozongama zombandukiro.
18 Eṱe twa ri momihihamo na momatjemeno,
nungwari katu na tji twa panduka.
Katu karere nondjamo kehi retu;
katu notjiṋa tji twa toṋa.
19 Ovandu vetu imba mba ṱa
mave kara nomuinyo rukwao.
Otutu twawo matu penduka movakoke.
Avehe mba mba rara momaendo wawo
mave penduka nave imbura nondjoroka.
Otja omueme omukeṋakeṋe punga au porisa ehi
Muhona opunga ama kotora
ominyo vyaimba mba koka rukuru.
Ombanguriro nOkuyarura koupe
20 Hiteye momatuwo weṋu, vandu votjiwaṋa tjandje, nu mu pate omivero vyeṋu. Ṱareye oruveze orusupi nga omazenge wa Ndjambi tji ya yanda. 21 Tara, Muhona meya okuza komaturiro we meyuru okuverera ovature vehi omauvi wawo. Omazepero, nga tjitwa mongumumu kombanda yehi, maye horoka, nehi kari nokuuhara amari vandeke imba mba ṱa.
