Ehungi ra Elihu
(32:1—37:24)1 Ovarumendu vetatu mba ve rihahiza nga tji va isa okukayendisa ehungi kuna Job mena rokutja Job ee rivara otja omuhinandjo mu ye omuini. 2 Nungwari umwe ngwa ri Elihu, ka sorere okuritjaera komazenge we, Job tjinga ee rivara omusemba komurungu wa Ndjambi. Elihu, Omubusi, wa ri omuzandu wa Barakel, nu wa ri owonganda ya Ram. 3 Elihu wa pindikirire omapanga yetatu wa Job wina. Motjimbe tjokutja kaave yenene okuyandja omaziriro omasemba ku Job, notjiṋa hi tja raisa aayo Ndjambi wa ri omuhasemba. 4 Elihu tjinga e ri ngwa ri omutanda pu wo, otja undja nga omundu auhe tja mana okuhungira. 5 Elihu tja muna kutja ovarumendu mba kave yenenene okuyandja eziriro ku Job arire tja pindike, 6 na utu okuhungira na tja:
“Ami owami omutanda, neṋe oweṋe ovanene;
notji mba tira okumuraera
imbi ami mbi me tjiwa.
7 Ami mbe ripura kutja mamu sokuhungira,
nokutja eṋe mbu mu ri ovanene
mamu sokuhaṋasana ounongo weṋu.
8 Nungwari Ombepo ya Ndjambi Omunamasaaehe
ondji hita movandu okuvepa ounongo.
9 Kaukurundu ombu yandja ounongo kovandu,
poo ombu ve vatera okutjiwa
imbi mbi ri ovisemba.
10 Nambano ami otji me vanga
kutja mu puratene ku ami;
me mu raere imbi mbi me tjiwa.
11 “Ami mba puratene nawa ke hungi
reṋu ngunda amamu hungire,
nu mba undju ngunda amamu
paha omambo omasemba.
12 Ami mba puratene nombango yandje aihe,
nu mba munu kutja eṋe kamu sorere okupimba Job,
kamu zirire Job osemba otja komahungiriro we.
13 Mamu panḓere tjike pokutja mwa munu ounongo?
Ndjambi nga rire ngwa ziri Job,
orondu eṋe kamu sorere okumuzira.
14 Job aa hungire kuna eṋe, kaa hungire na ami;
nungwari ami himee mu ziri
otja eṋe tji mwe mu ziri.
15 “Owo kava ri nomambo okuhungira,
Job, kave nomaziriro okukupa.
16 Hapo ami hi kare pokuundja,
owo tji va mwina?
Owo va kurama mbo nokuhinotjiṋa
tji mave hungire.
17 Kako, ami me yandja eziriro
randje nambano nai,
nu me hungire imbi mbi me tjiwa.
18 Ami mbi nomambo omengi okuhungira,
nu hi nokusora okuyarura
omambo wandje ombunda.
19 Tji mbi hi nokupewa oruveze okuhungira,
me pamuka otja ondjaṱu ombe
yomukova ndje ura nomavinu.
20 Ami mba pama nomambo;
mbi sokuhungira.
21 Ami hi na munda ku me
karere mombata ndji,
nu hi nokupopa omundu ngamwa.
22 Okupopa omundu hi ku i,
tjaa Ndjambi ngee ndji vere tjimanga,
tji mba tjiti nao.
Ehungi ra Elihu
(32:1—37:24)1 Ovarumendu vetatu mba ve rihahiza nga tji va isa okukayendisa ehungi kuna Job mena rokutja Job ee rivara otja omuhinandjo mu ye omuini. 2 Nungwari umwe ngwa ri Elihu, ka sorere okuritjaera komazenge we, Job tjinga ee rivara omusemba komurungu wa Ndjambi. Elihu, Omubusi, wa ri omuzandu wa Barakel, nu wa ri owonganda ya Ram. 3 Elihu wa pindikirire omapanga yetatu wa Job wina. Motjimbe tjokutja kaave yenene okuyandja omaziriro omasemba ku Job, notjiṋa hi tja raisa aayo Ndjambi wa ri omuhasemba. 4 Elihu tjinga e ri ngwa ri omutanda pu wo, otja undja nga omundu auhe tja mana okuhungira. 5 Elihu tja muna kutja ovarumendu mba kave yenenene okuyandja eziriro ku Job arire tja pindike, 6 na utu okuhungira na tja:
“Ami owami omutanda, neṋe oweṋe ovanene;
notji mba tira okumuraera
imbi ami mbi me tjiwa.
7 Ami mbe ripura kutja mamu sokuhungira,
nokutja eṋe mbu mu ri ovanene
mamu sokuhaṋasana ounongo weṋu.
8 Nungwari Ombepo ya Ndjambi Omunamasaaehe
ondji hita movandu okuvepa ounongo.
9 Kaukurundu ombu yandja ounongo kovandu,
poo ombu ve vatera okutjiwa
imbi mbi ri ovisemba.
10 Nambano ami otji me vanga
kutja mu puratene ku ami;
me mu raere imbi mbi me tjiwa.
11 “Ami mba puratene nawa ke hungi
reṋu ngunda amamu hungire,
nu mba undju ngunda amamu
paha omambo omasemba.
12 Ami mba puratene nombango yandje aihe,
nu mba munu kutja eṋe kamu sorere okupimba Job,
kamu zirire Job osemba otja komahungiriro we.
13 Mamu panḓere tjike pokutja mwa munu ounongo?
Ndjambi nga rire ngwa ziri Job,
orondu eṋe kamu sorere okumuzira.
14 Job aa hungire kuna eṋe, kaa hungire na ami;
nungwari ami himee mu ziri
otja eṋe tji mwe mu ziri.
15 “Owo kava ri nomambo okuhungira,
Job, kave nomaziriro okukupa.
16 Hapo ami hi kare pokuundja,
owo tji va mwina?
Owo va kurama mbo nokuhinotjiṋa
tji mave hungire.
17 Kako, ami me yandja eziriro
randje nambano nai,
nu me hungire imbi mbi me tjiwa.
18 Ami mbi nomambo omengi okuhungira,
nu hi nokusora okuyarura
omambo wandje ombunda.
19 Tji mbi hi nokupewa oruveze okuhungira,
me pamuka otja ondjaṱu ombe
yomukova ndje ura nomavinu.
20 Ami mba pama nomambo;
mbi sokuhungira.
21 Ami hi na munda ku me
karere mombata ndji,
nu hi nokupopa omundu ngamwa.
22 Okupopa omundu hi ku i,
tjaa Ndjambi ngee ndji vere tjimanga,
tji mba tjiti nao.
