Ombunguhiro yovikurya
1 “Tjinangara pena umwe weṋu ngu ma vanga okupunguhira Muhona ombunguhiro yovikurya, nga rire oruhere orunḓunḓura; nu nga tirire ko omaze womiṋinga nu a weze ko ovyomoro omuwa. 2 Neye nge i tware kovazandu va Aron, imba ovapristeri. Nomupristeri nga wote eke okuura roruhere orunḓunḓura nomaze womiṋinga, novyomoro omuwa avihe, neye nge vi ningiririsire kotjipunguhiro otja ombunguhiro yomazemburukiro ku Muhona, nomuṋuko wavyo ma u yandja onyuṋe ku Muhona. 3 Nu ihi otjihupe tjombunguhiro yovikurya ngatji rire otja Aron novazandu ve; otjo otjiyapuke, tjinga atja hupu kozombunguhiro za Muhona zovikurya.
4 “Tji mo punguha ombunguhiro yovikurya yotjiyambo tji tja terekwa mezuko, nga rire oruhere orunḓunḓura, pu pa terekwa omavanda nge hi nosurise, nu nga rungwa nomaze womiṋinga poo omavanda omapapi nge hi nosurise, nu nga huwa nomaze womiṋinga.
5 “Tjinangara mo punguha ombunguhiro yovikurya yevanda nda terekwa potjiterekero otjipapi, nga rire oruhere orunḓunḓura ndwa rungwa nomaze womiṋinga, nu ndu hi nosurise. 6 Koyora indi evanda moutekero, nu u tirire ko omaze womiṋinga tji mo i yandja otja ombunguhiro.
7 “Tjinangara mo punguha ombunguhiro yovikurya vyevanda nda terekwa monyungu, nga rire oruhere orunḓunḓura ndwa rungwa nomaze womiṋinga. 8 Eta otjombunguhiro yovikurya ku Muhona nu u tji yandje komupristeri ngu me tji twara kotjipunguhiro. 9 Nomupristeri nga ise ko ombunguhiro yomazemburukiro ku indji yovikurya, e i ningiririsire kotjipunguhiro i rire ombunguhiro oningiririsiwa, nomuṋuko wayo ma u yandja onyuṋe ku Muhona. 10 Nu ihi otjihupe tjombunguhiro yovikurya ngatji rire otja Aron novazandu ve, otjo otjiyapuke tjozombunguhiro zomuriro ku Muhona.
11 “Ombunguhiro aihe yovikurya, ndji mamu punguhire Muhona, ai kara nosurise, nu amu twa mo osurise poo ouitji wozonyutji movikurya, mbi mamu punguhire Muhona. 12 Ombunguhiro yovihape ovitenga, mbi mamu kondo ombura aihe, ngai etwe ku Muhona, nungwari ai ningiririsirwa kotjipunguhiro otja ovyomoro omuwa. 13 Mombunguhiro yoye aihe yovikurya twa mo omongwa, nu o kaerisa omongwa womerikutiropamwe wa Ndjambi na ove pombunguhiro yoye yovikurya. Mozombunguhiro zoye azehe twa mo omongwa. 14 Tjinangara mo punguhire Muhona ombunguhiro yovikurya yovitengakuhora, nga rire ovikokotwa mbya takwa monyungu poo ovikokotwa ovipe mbya kweyewa. 15 Weza ko omaze womiṋinga nu twako ovyomoro omuwa, okutja oyo ombunguhiro yovikurya. 16 Nomupristeri nga ise ko ombunguhiro yomazemburukiro kovikokotwa mbya kweyewa na komaze womiṋinga puna ovyomoro omuwa avihe, otja ombunguhiro oningiririsiwa ku Muhona.
Ombunguhiro yovikurya
1 “Tjinangara pena umwe weṋu ngu ma vanga okupunguhira Muhona ombunguhiro yovikurya, nga rire oruhere orunḓunḓura; nu nga tirire ko omaze womiṋinga nu a weze ko ovyomoro omuwa. 2 Neye nge i tware kovazandu va Aron, imba ovapristeri. Nomupristeri nga wote eke okuura roruhere orunḓunḓura nomaze womiṋinga, novyomoro omuwa avihe, neye nge vi ningiririsire kotjipunguhiro otja ombunguhiro yomazemburukiro ku Muhona, nomuṋuko wavyo ma u yandja onyuṋe ku Muhona. 3 Nu ihi otjihupe tjombunguhiro yovikurya ngatji rire otja Aron novazandu ve; otjo otjiyapuke, tjinga atja hupu kozombunguhiro za Muhona zovikurya.
4 “Tji mo punguha ombunguhiro yovikurya yotjiyambo tji tja terekwa mezuko, nga rire oruhere orunḓunḓura, pu pa terekwa omavanda nge hi nosurise, nu nga rungwa nomaze womiṋinga poo omavanda omapapi nge hi nosurise, nu nga huwa nomaze womiṋinga.
5 “Tjinangara mo punguha ombunguhiro yovikurya yevanda nda terekwa potjiterekero otjipapi, nga rire oruhere orunḓunḓura ndwa rungwa nomaze womiṋinga, nu ndu hi nosurise. 6 Koyora indi evanda moutekero, nu u tirire ko omaze womiṋinga tji mo i yandja otja ombunguhiro.
7 “Tjinangara mo punguha ombunguhiro yovikurya vyevanda nda terekwa monyungu, nga rire oruhere orunḓunḓura ndwa rungwa nomaze womiṋinga. 8 Eta otjombunguhiro yovikurya ku Muhona nu u tji yandje komupristeri ngu me tji twara kotjipunguhiro. 9 Nomupristeri nga ise ko ombunguhiro yomazemburukiro ku indji yovikurya, e i ningiririsire kotjipunguhiro i rire ombunguhiro oningiririsiwa, nomuṋuko wayo ma u yandja onyuṋe ku Muhona. 10 Nu ihi otjihupe tjombunguhiro yovikurya ngatji rire otja Aron novazandu ve, otjo otjiyapuke tjozombunguhiro zomuriro ku Muhona.
11 “Ombunguhiro aihe yovikurya, ndji mamu punguhire Muhona, ai kara nosurise, nu amu twa mo osurise poo ouitji wozonyutji movikurya, mbi mamu punguhire Muhona. 12 Ombunguhiro yovihape ovitenga, mbi mamu kondo ombura aihe, ngai etwe ku Muhona, nungwari ai ningiririsirwa kotjipunguhiro otja ovyomoro omuwa. 13 Mombunguhiro yoye aihe yovikurya twa mo omongwa, nu o kaerisa omongwa womerikutiropamwe wa Ndjambi na ove pombunguhiro yoye yovikurya. Mozombunguhiro zoye azehe twa mo omongwa. 14 Tjinangara mo punguhire Muhona ombunguhiro yovikurya yovitengakuhora, nga rire ovikokotwa mbya takwa monyungu poo ovikokotwa ovipe mbya kweyewa. 15 Weza ko omaze womiṋinga nu twako ovyomoro omuwa, okutja oyo ombunguhiro yovikurya. 16 Nomupristeri nga ise ko ombunguhiro yomazemburukiro kovikokotwa mbya kweyewa na komaze womiṋinga puna ovyomoro omuwa avihe, otja ombunguhiro oningiririsiwa ku Muhona.
