1 Ami me hungire kutja mbi yanḓiparise Jerusalem;
ami hi nakumwina ngandu otjo tji tja yamwa,
nondjamo yatjo tji ya yere otja otjiyumbu tji matji yaka.
2 Jerusalem, oviwaṋa mavi munu ondjozikiro yoye,
ozombara zavyo azehe maze munu ondjozikiro ndji.
Ove mo rukwa ena epe,
ena nda rukwa i Muhona omuini.
3 Mo rire ekori rouhona emanise meke ra Muhona,
nombate yombara meke ra Ndjambi woye.
4 Ko nokuuhara amo isanewa rukwao kutja “Muisiwa”,
nehi roye kari tji nokuisanewa rukwao kutja “Kuti onguza”.
Ena roye epe mari rire “Muingona wa Ndjambi”.
Ehi roye mari isanewa kutja “Mukupua Omuṋingandu”.
Orondu Muhona u nonyuṋe move,
nu ma kara otja omurumendu omukupe wehi roye.
5 Otja omuzandu punga ama vareke omusuko,
Muhona ngwe ku uta opunga ame ku vareke.
Otja omuvareke punga ama yorokere omuvarekwa we,
Ndjambi woye opunga ama kara nondjoroka move.
6 Korumbo rwoye, Jerusalem, ami mba twako ovatjevere;
owo ave ha mwina ko omutenya nouṱuku.
Ngave zemburukise Muhona omakwizikiro we
kutja eye e he ye zembi ko.
7 Ave suvisa ko Ndjambi ngandu eye tja yarura kOjerusalem koupe
nokutjitjita otjihuro tji matji yozikwa i ouye auhe.
8 Muhona wa tjita omakwizikiro omaṱakame nga,
neye me ye yenenisa nomasa we:
“Ovikokotwa vyeṋu kavi nokuuhara
amavi riwa i ovanavita na eṋe.
Novandu wozonganda kave tji nakunwa omavinu
ngu mwa ungurira nouzeu.
9 Nungwari eṋe mbu mwa kuna namu kondo ovikokotwa
mamu ri omboroto namu tanga Muhona.
Neṋe mbu mwa nikora omandjembere
mamu nwine omavinu morupanda rwondjuwo yandje.”
10 Vature va Jerusalem, piteye, piteye motjihuro,
nu ovandu veṋu mbu mave kotoka mu keveungurire ondjira!
Ṱuneye ondjira ombaranga; isemweye omawe mu yo!
Turikeye erapi rotjihako kutja oviwaṋa vi mune!
11 Tareye, Muhona ma zuvarisa nai nga komaandero wouye:
“Raereye kovature va Jerusalem
kutja Muhona meya okumuyama
nu ma yende puna ovandu eye mba kutura.”
12 Eṋe mamu isanewa kutja
“Otjiwaṋa otjiyapuke tja Ndjambi,
Otjiwaṋa Muhona tja kutura”.
Jerusalem matji isanewa kutja
“Otjihuro Muhona tja suvera,
Otjihuro Ndjambi tje ha isire”.
1 Ami me hungire kutja mbi yanḓiparise Jerusalem;
ami hi nakumwina ngandu otjo tji tja yamwa,
nondjamo yatjo tji ya yere otja otjiyumbu tji matji yaka.
2 Jerusalem, oviwaṋa mavi munu ondjozikiro yoye,
ozombara zavyo azehe maze munu ondjozikiro ndji.
Ove mo rukwa ena epe,
ena nda rukwa i Muhona omuini.
3 Mo rire ekori rouhona emanise meke ra Muhona,
nombate yombara meke ra Ndjambi woye.
4 Ko nokuuhara amo isanewa rukwao kutja “Muisiwa”,
nehi roye kari tji nokuisanewa rukwao kutja “Kuti onguza”.
Ena roye epe mari rire “Muingona wa Ndjambi”.
Ehi roye mari isanewa kutja “Mukupua Omuṋingandu”.
Orondu Muhona u nonyuṋe move,
nu ma kara otja omurumendu omukupe wehi roye.
5 Otja omuzandu punga ama vareke omusuko,
Muhona ngwe ku uta opunga ame ku vareke.
Otja omuvareke punga ama yorokere omuvarekwa we,
Ndjambi woye opunga ama kara nondjoroka move.
6 Korumbo rwoye, Jerusalem, ami mba twako ovatjevere;
owo ave ha mwina ko omutenya nouṱuku.
Ngave zemburukise Muhona omakwizikiro we
kutja eye e he ye zembi ko.
7 Ave suvisa ko Ndjambi ngandu eye tja yarura kOjerusalem koupe
nokutjitjita otjihuro tji matji yozikwa i ouye auhe.
8 Muhona wa tjita omakwizikiro omaṱakame nga,
neye me ye yenenisa nomasa we:
“Ovikokotwa vyeṋu kavi nokuuhara
amavi riwa i ovanavita na eṋe.
Novandu wozonganda kave tji nakunwa omavinu
ngu mwa ungurira nouzeu.
9 Nungwari eṋe mbu mwa kuna namu kondo ovikokotwa
mamu ri omboroto namu tanga Muhona.
Neṋe mbu mwa nikora omandjembere
mamu nwine omavinu morupanda rwondjuwo yandje.”
10 Vature va Jerusalem, piteye, piteye motjihuro,
nu ovandu veṋu mbu mave kotoka mu keveungurire ondjira!
Ṱuneye ondjira ombaranga; isemweye omawe mu yo!
Turikeye erapi rotjihako kutja oviwaṋa vi mune!
11 Tareye, Muhona ma zuvarisa nai nga komaandero wouye:
“Raereye kovature va Jerusalem
kutja Muhona meya okumuyama
nu ma yende puna ovandu eye mba kutura.”
12 Eṋe mamu isanewa kutja
“Otjiwaṋa otjiyapuke tja Ndjambi,
Otjiwaṋa Muhona tja kutura”.
Jerusalem matji isanewa kutja
“Otjihuro Muhona tja suvera,
Otjihuro Ndjambi tje ha isire”.
