Ombara Salomo ma ningire ounongo
(1Ozo 3:1-15)1 Salomo, omuzandu wombara David, wa zikama mouhonapare we, nu Muhona, Ndjambi we, we mu sera ondaya ne mu tjiti omunamasa tjinene.
2 Salomo wa hungira kovahongore ve avehe votjimbumba tjovarumendu eyovi notjovarumendu esere na kovahongore avehe vouhonapare na koviuru avihe vyomaṱunḓu na kOvaisrael avehe. 3 Eye we ve rakiza kutja ve yende puna ye kondunda yomerikotameneno kOgibeon. Owo va ya ngo, orondu oku kwa ri Ondanda yOmahakaeneno ndja tungirwe i Moses, ingwi omukarere wa Muhona, mokuti onguza. 4 Nungwari ihi Otjipwikiro tjOmerikutiropamwe wa Ndjambi tjandje tji ri mOjerusalem, atja ṱizirwa mondanda ndja zikirwe i ombara David, tje tji isire kOkirjat-Jearim. 5 Otjipunguhiro tjongoporo tji tja ungurirwe i Besalel, omuzandu wa Uri, wonganda ya Hur, wina tja ri mOgibeon momurungu wOndanda yOmahakaeneno. Nu Salomo notjiwaṋa atjihe ve rikotamena ku Muhona mbo. 6 Ombara ye rikotamena ku Muhona, amai punguhire ozombunguhiro kotjipunguhiro tjongoporo tji tja ri pOndanda yOmahakaeneno; eye wa zepa ovinamuinyo eyovi ne vi ningiririsire ku tjo.
7 Mouṱuku mbo Ndjambi we rimunikisa ku Salomo na pura a tja: “Mo vanga kutja mbi ku pe tjike?”
8 Salomo wa zira nai: “Ove aruhe iyo raisa ondjingonekero onene ku tate David, nambano ove wa tjita kutja mbi mu pingene mouhona. 9 Muhona Ndjambi, omakwizikiro woye ku tate ya yenenisiwa; Ove we ndji zika okurira ombara kombanda yotjiwaṋa otjinene tji tji ha sora okuvarwa. 10 Arikana, ndji pa ounongo nondjiviro mbi me hepa okuhonaparera na vyo otjiwaṋa tjoye. Nu tji pe he ri nao, me yenene vi okuhonaparera otjiwaṋa tjoye otjinene hi?”
11 Ndjambi wa zira ku Salomo a tja: “Ove we ritoororera osemba. Moruveze rwokuningira outumbe poo ovihuze poo ondangu poo okuzepa ovanavita na ove poo okukara nomuinyo orure, ove wa ningira ounongo nondjiviro kutja u sore okuhonaparera otjiwaṋa hi mu mbe ku tjita okurira ombara yatjo. 12 Ami me ku pe ounongo nondjiviro. Nu me weza ko outumbe novihuze nondangu mbi hi na vya ri nombara yarwe ngamwa poo mbi hi na maavi kakara nombara yarwe kombunda.”
Ouvara noutumbe wombara Salomo
(1Ozo 10:26-29)13 Salomo arire tja zu po poṋa pomerikotameneno kozondunda za Gibeon ku kwa ri Ondanda yOmahakaeneno, na yaruka kOjerusalem. Ingo oka kahonaparera Israel. 14 Eye wa woronganisa otjira tjovita tjomatemba 1 400, noukambe oukavirwa 12,000. Tjiva wawo we ye ṱizira mOjerusalem, nu warwe we ye ṱizira movihuro pekepeke. 15 Momayuva wouhona we osilveri nongoldo ya ri oviṋa uriri mOjerusalem tjimuna omawe, notupapa twa takavarere tjinene tjimuna omikuyumbwa mOrutjandja. 16 Novarande vombara ombaa ve karanda oukambe kOengipte na kOkwe, kotjimariva tji tja zikamisiwa. 17 Etemba rimwe rovita mOengipte aa ri kosa ovisilveri omasere hamboumwe, nokakambe kemwe aa ke kosa esere nomirongo vitano. Komuhingo mbwi ovarande va Salomo otjaave randisa oviṋa mbi kozombara zOvahetite nozOvasirie.
Ombara Salomo ma ningire ounongo
(1Ozo 3:1-15)1 Salomo, omuzandu wombara David, wa zikama mouhonapare we, nu Muhona, Ndjambi we, we mu sera ondaya ne mu tjiti omunamasa tjinene.
2 Salomo wa hungira kovahongore ve avehe votjimbumba tjovarumendu eyovi notjovarumendu esere na kovahongore avehe vouhonapare na koviuru avihe vyomaṱunḓu na kOvaisrael avehe. 3 Eye we ve rakiza kutja ve yende puna ye kondunda yomerikotameneno kOgibeon. Owo va ya ngo, orondu oku kwa ri Ondanda yOmahakaeneno ndja tungirwe i Moses, ingwi omukarere wa Muhona, mokuti onguza. 4 Nungwari ihi Otjipwikiro tjOmerikutiropamwe wa Ndjambi tjandje tji ri mOjerusalem, atja ṱizirwa mondanda ndja zikirwe i ombara David, tje tji isire kOkirjat-Jearim. 5 Otjipunguhiro tjongoporo tji tja ungurirwe i Besalel, omuzandu wa Uri, wonganda ya Hur, wina tja ri mOgibeon momurungu wOndanda yOmahakaeneno. Nu Salomo notjiwaṋa atjihe ve rikotamena ku Muhona mbo. 6 Ombara ye rikotamena ku Muhona, amai punguhire ozombunguhiro kotjipunguhiro tjongoporo tji tja ri pOndanda yOmahakaeneno; eye wa zepa ovinamuinyo eyovi ne vi ningiririsire ku tjo.
7 Mouṱuku mbo Ndjambi we rimunikisa ku Salomo na pura a tja: “Mo vanga kutja mbi ku pe tjike?”
8 Salomo wa zira nai: “Ove aruhe iyo raisa ondjingonekero onene ku tate David, nambano ove wa tjita kutja mbi mu pingene mouhona. 9 Muhona Ndjambi, omakwizikiro woye ku tate ya yenenisiwa; Ove we ndji zika okurira ombara kombanda yotjiwaṋa otjinene tji tji ha sora okuvarwa. 10 Arikana, ndji pa ounongo nondjiviro mbi me hepa okuhonaparera na vyo otjiwaṋa tjoye. Nu tji pe he ri nao, me yenene vi okuhonaparera otjiwaṋa tjoye otjinene hi?”
11 Ndjambi wa zira ku Salomo a tja: “Ove we ritoororera osemba. Moruveze rwokuningira outumbe poo ovihuze poo ondangu poo okuzepa ovanavita na ove poo okukara nomuinyo orure, ove wa ningira ounongo nondjiviro kutja u sore okuhonaparera otjiwaṋa hi mu mbe ku tjita okurira ombara yatjo. 12 Ami me ku pe ounongo nondjiviro. Nu me weza ko outumbe novihuze nondangu mbi hi na vya ri nombara yarwe ngamwa poo mbi hi na maavi kakara nombara yarwe kombunda.”
Ouvara noutumbe wombara Salomo
(1Ozo 10:26-29)13 Salomo arire tja zu po poṋa pomerikotameneno kozondunda za Gibeon ku kwa ri Ondanda yOmahakaeneno, na yaruka kOjerusalem. Ingo oka kahonaparera Israel. 14 Eye wa woronganisa otjira tjovita tjomatemba 1 400, noukambe oukavirwa 12,000. Tjiva wawo we ye ṱizira mOjerusalem, nu warwe we ye ṱizira movihuro pekepeke. 15 Momayuva wouhona we osilveri nongoldo ya ri oviṋa uriri mOjerusalem tjimuna omawe, notupapa twa takavarere tjinene tjimuna omikuyumbwa mOrutjandja. 16 Novarande vombara ombaa ve karanda oukambe kOengipte na kOkwe, kotjimariva tji tja zikamisiwa. 17 Etemba rimwe rovita mOengipte aa ri kosa ovisilveri omasere hamboumwe, nokakambe kemwe aa ke kosa esere nomirongo vitano. Komuhingo mbwi ovarande va Salomo otjaave randisa oviṋa mbi kozombara zOvahetite nozOvasirie.
