Onguturiro yatjiri i ri mu Kristus
1 Vakwetu, eṋe mamu tjiwa nawa imbi mbi me vanga okuhungira nambano, tjinga amu nondjiviro mOmatwako wa Moses. Omatwako ye honaparera omundu uriri eye ngunda e nomuinyo. 2 Nu ngatu tare kotjihorera hi: Omukazendu ngwa kupwa wa kutwa i Omatwako komurumendu we ngunda e nomuinyo; nungwari omurumendu tja koka, ingwi omukazendu tjandje wa kuturwa kOmatwako nge mu kutire komurumendu we. 3 Nomukazendu ngwi tja rire owomurumendu warwe omurumendu we ngunda e nomuinyo, eye ma varwa otja omukatuke worukupo. Nungwari omurumendu we tja ṱu, eye wa kuturwa kOmatwako, nu ke nokukatuka orukupo tja kupwa i omurumendu warwe. 4 Notjinga ape ri nao na eṋe, vakwetu. Neṋe tjinga amu ri ouṋepo worutu rwa Kristus, otjinga amwa ṱa, nu kamu ri kehi yOmatwako wa Moses. Eṋe nambano oweṋe ova ingwi ngwa pendurwa movakoke. Notji matu sokukara novihape vyongarero yokuungurira Ndjambi. 5 Orondu tjaa tuhupu otja kongaro youndu, ozonḓuma zourunde nḓa pendurwa i Omatwako wa Moses aaze ungura mouṋepo auhe wotutu twetu, kutja tu kare novihape mbi twara konḓiro. 6 Nungwari nambano eṱe twa kuturwa kOmatwako wa Moses, orondu tjinga atwa ṱa nu atu he tji ri kehi yOmatwako nge tu pandekere. Nambano matu sokukarera Ndjambi momuhingo omupe wOmbepo, nungwari katu tji nokumukarera momuhingo omukuru womatjangero womatwako.
Omatwako wa Moses nourunde
7 Nambano ngatu tje vi? Inga Omatwako wa Moses owo ourunde are? Kako ka tjiperi! Ami hitje tjiwa kutja ourunde otjikeṋa andakuzu Omatwako kaye ndji tjivisire. Ami hitje tjiwa kutja okunanukira otjiṋa ondjo, andakuzu Omatwako kaye tjere: “Ko nakunanukira ko otjiṋa tjomukweṋu.” 8 Nungwari otja ketwako ndi ourunde wa muna oruveze okupendura ozonḓuma ngamwa azehe pekepeke mu ami; orondu nokuhinomatwako ourunde kau nomasa. 9 Rukuru ami mba ri nomuinyo, omatwako tji ye ha ri po; nungwari indi etwako tji re ya, ourunde arire tji wa uta okukara nomuinyo, 10 nami e ṱu. Netwako ndi nda sere okundjipa omuinyo re ndji etera onḓiro. 11 Nourunde mbwa muna oruveze mu ami motjimbe tjetwako we ndji wovisa nau ndji zepa. 12 Omatwako otjinga aye ri omayapuke, nomarakiza wawo wina omayapuke nomasemba nomawa. 13 Nu mape hee kutja ihi tji tji ri otjiwa tje ndji etera onḓiro are? Kako ka tjiperi nao! Ourunde ombwe ndji etera onḓiro. Owo we ndji etera onḓiro mokuungurisa ihi tji tji ri otjiwa kokutja imbwi ourunde ouiniuini u horoke otja ourunde, nokutja metwako mu munike kutja ourunde owo ourunde tjinene komeho.
Ongondjero momundu
14 Eṱe matu tjiwa nawa, tjiri, kutja Omatwako ya za ku Ndjambi; nungwari ami owami omundu wonyama uriri, ngu mbi ri kehi youkarere wourunde. 15 Ihi tji me tjiti, hi nondjiviro na tjo; orondu ami hi tjiti ihi tji mbi vanga, nungwari mbi tjita ihi tji mba tonda. 16 Nu tji me tjiti ihi tji mbi ha vanga, okutja mape hee kutja ami mba itavere kutja Omatwako wa Moses ye ri osemba. 17 Nu nambano kawami ngu me tjiti otjiṋa hi, nungwari owo mbwi ourunde mbwa tura mu ami. 18 Ami me tjiwa nawa kutja ouwa mu ami kau tura, me hee kutja mongaro yandje otja ngu mbi ri omundu; orondu nandarire kutja indji ombango yokutjita ouwa mbi na yo, ami hi sora okuutjita! 19 Imbwi ouwa mbu mbi vanga okutjita, hi u tjiti, nungwari imbwi ouvi mbu mbi ha vanga okutjita ombu mbi tjita. 20 Nu tji me tjiti ihi tji mbi ha vanga okutjita, okutja kawami ngu me uhara ame tji tjiti, nungwari owo mbwi ourunde mbwa tura mu ami.
21 Nami opu me zu okurimuna kutja omatwako nga ye ri mu ami: Ami mbi vanga okutjita ouwa, nungwari ihi porwatjo tji mbi tjita owo mbwi ouvi. 22 Moukoto womutima wandje ami mbi muna mo orutjato momatwako wa Ndjambi. 23 Nungwari ami mbi rimuna kutja mouṋepo worutu rwandje mu nomatwako warwe, nge rwisa omatwako nga nge ri momutima wandje. Owo ye ndji isa po omupandekwa womatwako wourunde nge ungura mouṋepo worutu wandje. 24 Tjiri, owami omundu ngu mba ningisa ondjenda! Owaṋi ngu me ndji kutura korutu ndwi ndu maru ndji twara konḓiro? 25 Okuhepa uri ku Ndjambi! Eye u tjita nai mu Jesus Kristus oMuhona wetu!
Notjinga ape ri nao na ami: Nomutima wandje ami mbi karera Ndjambi, nungwari nouṋepo worutu rwandje mbi karera omatwako wourunde.
Onguturiro yatjiri i ri mu Kristus
1 Vakwetu, eṋe mamu tjiwa nawa imbi mbi me vanga okuhungira nambano, tjinga amu nondjiviro mOmatwako wa Moses. Omatwako ye honaparera omundu uriri eye ngunda e nomuinyo. 2 Nu ngatu tare kotjihorera hi: Omukazendu ngwa kupwa wa kutwa i Omatwako komurumendu we ngunda e nomuinyo; nungwari omurumendu tja koka, ingwi omukazendu tjandje wa kuturwa kOmatwako nge mu kutire komurumendu we. 3 Nomukazendu ngwi tja rire owomurumendu warwe omurumendu we ngunda e nomuinyo, eye ma varwa otja omukatuke worukupo. Nungwari omurumendu we tja ṱu, eye wa kuturwa kOmatwako, nu ke nokukatuka orukupo tja kupwa i omurumendu warwe. 4 Notjinga ape ri nao na eṋe, vakwetu. Neṋe tjinga amu ri ouṋepo worutu rwa Kristus, otjinga amwa ṱa, nu kamu ri kehi yOmatwako wa Moses. Eṋe nambano oweṋe ova ingwi ngwa pendurwa movakoke. Notji matu sokukara novihape vyongarero yokuungurira Ndjambi. 5 Orondu tjaa tuhupu otja kongaro youndu, ozonḓuma zourunde nḓa pendurwa i Omatwako wa Moses aaze ungura mouṋepo auhe wotutu twetu, kutja tu kare novihape mbi twara konḓiro. 6 Nungwari nambano eṱe twa kuturwa kOmatwako wa Moses, orondu tjinga atwa ṱa nu atu he tji ri kehi yOmatwako nge tu pandekere. Nambano matu sokukarera Ndjambi momuhingo omupe wOmbepo, nungwari katu tji nokumukarera momuhingo omukuru womatjangero womatwako.
Omatwako wa Moses nourunde
7 Nambano ngatu tje vi? Inga Omatwako wa Moses owo ourunde are? Kako ka tjiperi! Ami hitje tjiwa kutja ourunde otjikeṋa andakuzu Omatwako kaye ndji tjivisire. Ami hitje tjiwa kutja okunanukira otjiṋa ondjo, andakuzu Omatwako kaye tjere: “Ko nakunanukira ko otjiṋa tjomukweṋu.” 8 Nungwari otja ketwako ndi ourunde wa muna oruveze okupendura ozonḓuma ngamwa azehe pekepeke mu ami; orondu nokuhinomatwako ourunde kau nomasa. 9 Rukuru ami mba ri nomuinyo, omatwako tji ye ha ri po; nungwari indi etwako tji re ya, ourunde arire tji wa uta okukara nomuinyo, 10 nami e ṱu. Netwako ndi nda sere okundjipa omuinyo re ndji etera onḓiro. 11 Nourunde mbwa muna oruveze mu ami motjimbe tjetwako we ndji wovisa nau ndji zepa. 12 Omatwako otjinga aye ri omayapuke, nomarakiza wawo wina omayapuke nomasemba nomawa. 13 Nu mape hee kutja ihi tji tji ri otjiwa tje ndji etera onḓiro are? Kako ka tjiperi nao! Ourunde ombwe ndji etera onḓiro. Owo we ndji etera onḓiro mokuungurisa ihi tji tji ri otjiwa kokutja imbwi ourunde ouiniuini u horoke otja ourunde, nokutja metwako mu munike kutja ourunde owo ourunde tjinene komeho.
Ongondjero momundu
14 Eṱe matu tjiwa nawa, tjiri, kutja Omatwako ya za ku Ndjambi; nungwari ami owami omundu wonyama uriri, ngu mbi ri kehi youkarere wourunde. 15 Ihi tji me tjiti, hi nondjiviro na tjo; orondu ami hi tjiti ihi tji mbi vanga, nungwari mbi tjita ihi tji mba tonda. 16 Nu tji me tjiti ihi tji mbi ha vanga, okutja mape hee kutja ami mba itavere kutja Omatwako wa Moses ye ri osemba. 17 Nu nambano kawami ngu me tjiti otjiṋa hi, nungwari owo mbwi ourunde mbwa tura mu ami. 18 Ami me tjiwa nawa kutja ouwa mu ami kau tura, me hee kutja mongaro yandje otja ngu mbi ri omundu; orondu nandarire kutja indji ombango yokutjita ouwa mbi na yo, ami hi sora okuutjita! 19 Imbwi ouwa mbu mbi vanga okutjita, hi u tjiti, nungwari imbwi ouvi mbu mbi ha vanga okutjita ombu mbi tjita. 20 Nu tji me tjiti ihi tji mbi ha vanga okutjita, okutja kawami ngu me uhara ame tji tjiti, nungwari owo mbwi ourunde mbwa tura mu ami.
21 Nami opu me zu okurimuna kutja omatwako nga ye ri mu ami: Ami mbi vanga okutjita ouwa, nungwari ihi porwatjo tji mbi tjita owo mbwi ouvi. 22 Moukoto womutima wandje ami mbi muna mo orutjato momatwako wa Ndjambi. 23 Nungwari ami mbi rimuna kutja mouṋepo worutu rwandje mu nomatwako warwe, nge rwisa omatwako nga nge ri momutima wandje. Owo ye ndji isa po omupandekwa womatwako wourunde nge ungura mouṋepo worutu wandje. 24 Tjiri, owami omundu ngu mba ningisa ondjenda! Owaṋi ngu me ndji kutura korutu ndwi ndu maru ndji twara konḓiro? 25 Okuhepa uri ku Ndjambi! Eye u tjita nai mu Jesus Kristus oMuhona wetu!
Notjinga ape ri nao na ami: Nomutima wandje ami mbi karera Ndjambi, nungwari nouṋepo worutu rwandje mbi karera omatwako wourunde.
