Ehi nda yandjewa komuhoko wa Efraim nowa Manasse mbwa turire komukuma wokongurova
1 Omuruko wokeyuva kokumuho kwehi nda yandjewa komaṱunḓu wa Josef wa utira okuza mOjordan popezu na Jeriko, kotjikoro tjokomuhuka wotuharwi twa Jeriko, nau i mokuti onguza, owo wa ryama okuza mOjeriko nau rondo kehi rozondundu nga kObetel. 2 Okuza mObetel owo wa ya kOlus, nau kapita amau i kOatarot, ku kwa tura Ovaarki. 3 Nungwari owo wa ryama kuṱa kongurova kehi rOvajafleti nga kObet-Horon-tjOkehi. Okuzambo wa ya kOgeser, nau kayandera mOmuronga Mediterania.
4 Ozondekurona za Josef, imbwi omuhoko wa Efraim nowa Manasse wokongurova, za pewa ehi ndi ri rire ouini wazo.
Omuhoko wa Efraim
5 Ehi nda ri orozonganda zomuhoko wa Efraim, oro ndi: Omuruko wawo wa za mOatrot-Adar kuṱa komukuma wokomuhuka, nau i nga kObet-Horon-tjOkombanda, 6 nokuzambo au i kOmuronga Mediterania. Nu kuṱa komukuma wokeyuva kokunene kwa ri Mikmetat, nu komukuma wokomuhuka omuruko wa tanaukira kuṱa kOtaanat-Silo, nau i kOjanoak komuhuka. 7 Nokuza kOjanoak omuruko wa ṱuruka nga kOatarot na Naara, nau kavaza kOjeriko, au kayandera pOjordan. 8 Omuruko mbwi wa ya kuṱa komukuma wokongurova okuza kOtapuah nga komupupo wa Kana, nau kayandera mOmuronga Mediterania. Indi onda ri ehi nda yandjewa kozonganda zomuhoko wa Efraim ri rire ouini wazo, 9 puna ovihuro novirongo vyavyo tjiva mbya ri momiruko vya Manasse, nungwari mbya yandjewa kOvaefraim. 10 Ovaefraim kave rambere Ovakanaan mba turire mOgeser, nOvakanaan opu va turira nungwari owo va ungurisiwa oviungura vyoṋiṋikizire.
Ehi nda yandjewa komuhoko wa Efraim nowa Manasse mbwa turire komukuma wokongurova
1 Omuruko wokeyuva kokumuho kwehi nda yandjewa komaṱunḓu wa Josef wa utira okuza mOjordan popezu na Jeriko, kotjikoro tjokomuhuka wotuharwi twa Jeriko, nau i mokuti onguza, owo wa ryama okuza mOjeriko nau rondo kehi rozondundu nga kObetel. 2 Okuza mObetel owo wa ya kOlus, nau kapita amau i kOatarot, ku kwa tura Ovaarki. 3 Nungwari owo wa ryama kuṱa kongurova kehi rOvajafleti nga kObet-Horon-tjOkehi. Okuzambo wa ya kOgeser, nau kayandera mOmuronga Mediterania.
4 Ozondekurona za Josef, imbwi omuhoko wa Efraim nowa Manasse wokongurova, za pewa ehi ndi ri rire ouini wazo.
Omuhoko wa Efraim
5 Ehi nda ri orozonganda zomuhoko wa Efraim, oro ndi: Omuruko wawo wa za mOatrot-Adar kuṱa komukuma wokomuhuka, nau i nga kObet-Horon-tjOkombanda, 6 nokuzambo au i kOmuronga Mediterania. Nu kuṱa komukuma wokeyuva kokunene kwa ri Mikmetat, nu komukuma wokomuhuka omuruko wa tanaukira kuṱa kOtaanat-Silo, nau i kOjanoak komuhuka. 7 Nokuza kOjanoak omuruko wa ṱuruka nga kOatarot na Naara, nau kavaza kOjeriko, au kayandera pOjordan. 8 Omuruko mbwi wa ya kuṱa komukuma wokongurova okuza kOtapuah nga komupupo wa Kana, nau kayandera mOmuronga Mediterania. Indi onda ri ehi nda yandjewa kozonganda zomuhoko wa Efraim ri rire ouini wazo, 9 puna ovihuro novirongo vyavyo tjiva mbya ri momiruko vya Manasse, nungwari mbya yandjewa kOvaefraim. 10 Ovaefraim kave rambere Ovakanaan mba turire mOgeser, nOvakanaan opu va turira nungwari owo va ungurisiwa oviungura vyoṋiṋikizire.
