Otjirimunikise tjotjimbamba tjovihape mbya hora
1 Muhona Ndjambi we ndji raisira otjirimunikise hi: Pa ri otjimbamba mu mwa ri ovihape mbya hora! 2 Nu Muhona wa pura a tja: “Amos, mo munu tjike?”
Nami e ziri e tja: “Me munu otjimbamba tjovihape mbya hora!”
Muhona arire tja tja ku ami: “Ondjandero yotjiwaṋa tjandje Israel ye ya. Ami hi nokuuhara ame tji isire rukwao. 3 Nu meyuva ndo omaimburiro maye katjituka ondjuriro mondjuwo youhona. Oturova otuingi matu rimbara poṋa apehe, aku tja nduu nyee!” Muhona Ndjambi ongwa hungire.
Osengiro kOvaisrael
4 Purateneye ku ihi, eṋe mbu mu ṋiṋikiza ovahepe nokunyona ovasyona mbe ri mehi. 5 Eṋe mu rihungirira oveni amamu tja: “Omayuva wOmatendameno wOmueze maye kapita ruṋe kutja tu sore okurandisa ovikokotwa vyetu, na indi esabata wina kutja tu sore okurandisa ovirya vyetu, nokuṱiṱiparisa otjisanekero tjovikokotwa, nokuneneparisa ovitenda ovisaneke, nokutjita ovisanekero vi rire ovitikure, 6 nokurandisa ovasyona kovimariva, novahepe kepanda rimwe rozongaku kutja ve rire ovakarere.”
7 Muhona wa Israel we riyanena omuini na tja: “Ami himee zembi ko ozondjito zawo ozombi azehe. 8 Mena raimbi avihe ehi kaari nyinganyinga, novature varo kaave ṱoruhoze are? Noro kaari surakana nokupukurukwa otja onḓonḓu Nil mOengipte are? 9 Meyuva ndo ami me tokisa eyuva mutenya ne zorerisa ehi ngunda ape nondjerera yeyuva. Ami, ngu mbi ri Muhona Ndjambi, owami ngu mba hungire. 10 Omayuva womikandi vyeṋu me ye tjitukisa ye rire oworuhoze, nomiroro vyeṋu mavi rire etando. Ami me mu zarisa ovipiriko e mu hora omaparu moviuru; neṋe mamu sana kovanene mbu mave riri omuzandu wawo omukwatwa erike. Eyuva ndo mari rire etetarise nga kondjandero.
11 “Tara, omayuva maye ya ami mu me hindi ondjara mehi, nu kandjara yomboroto nonyota yomeva, nungwari ondjara yokuvanga okuzuva embo ra Muhona. Ami, ngu mbi ri Muhona Ndjambi, mba hungire. 12 Ovandu mave tambauka okuza keyuva kokunene nga keyuva kokumuho, nokuza komuhuka nga kongurova amave yevayeva ngamwa akuhe okupaha ombuze okuza ku Muhona; nungwari owo kamaave ve i munu ko. 13 Nu meyuva ndo ovasuko ovawa novazandu omitanda mave wotamisiwa i onyota. 14 Nu imba avehe mbe yana kovisenginina vya Samaria ave tja: ‘Tjimbe tjotjisenginina tjoye, Dan,’ nu ‘Tjimbe tjotjisenginina tjoye, Berseba,’ imba ombu mave u nokuhinokusekama ko rukwao.”
Otjirimunikise tjotjimbamba tjovihape mbya hora
1 Muhona Ndjambi we ndji raisira otjirimunikise hi: Pa ri otjimbamba mu mwa ri ovihape mbya hora! 2 Nu Muhona wa pura a tja: “Amos, mo munu tjike?”
Nami e ziri e tja: “Me munu otjimbamba tjovihape mbya hora!”
Muhona arire tja tja ku ami: “Ondjandero yotjiwaṋa tjandje Israel ye ya. Ami hi nokuuhara ame tji isire rukwao. 3 Nu meyuva ndo omaimburiro maye katjituka ondjuriro mondjuwo youhona. Oturova otuingi matu rimbara poṋa apehe, aku tja nduu nyee!” Muhona Ndjambi ongwa hungire.
Osengiro kOvaisrael
4 Purateneye ku ihi, eṋe mbu mu ṋiṋikiza ovahepe nokunyona ovasyona mbe ri mehi. 5 Eṋe mu rihungirira oveni amamu tja: “Omayuva wOmatendameno wOmueze maye kapita ruṋe kutja tu sore okurandisa ovikokotwa vyetu, na indi esabata wina kutja tu sore okurandisa ovirya vyetu, nokuṱiṱiparisa otjisanekero tjovikokotwa, nokuneneparisa ovitenda ovisaneke, nokutjita ovisanekero vi rire ovitikure, 6 nokurandisa ovasyona kovimariva, novahepe kepanda rimwe rozongaku kutja ve rire ovakarere.”
7 Muhona wa Israel we riyanena omuini na tja: “Ami himee zembi ko ozondjito zawo ozombi azehe. 8 Mena raimbi avihe ehi kaari nyinganyinga, novature varo kaave ṱoruhoze are? Noro kaari surakana nokupukurukwa otja onḓonḓu Nil mOengipte are? 9 Meyuva ndo ami me tokisa eyuva mutenya ne zorerisa ehi ngunda ape nondjerera yeyuva. Ami, ngu mbi ri Muhona Ndjambi, owami ngu mba hungire. 10 Omayuva womikandi vyeṋu me ye tjitukisa ye rire oworuhoze, nomiroro vyeṋu mavi rire etando. Ami me mu zarisa ovipiriko e mu hora omaparu moviuru; neṋe mamu sana kovanene mbu mave riri omuzandu wawo omukwatwa erike. Eyuva ndo mari rire etetarise nga kondjandero.
11 “Tara, omayuva maye ya ami mu me hindi ondjara mehi, nu kandjara yomboroto nonyota yomeva, nungwari ondjara yokuvanga okuzuva embo ra Muhona. Ami, ngu mbi ri Muhona Ndjambi, mba hungire. 12 Ovandu mave tambauka okuza keyuva kokunene nga keyuva kokumuho, nokuza komuhuka nga kongurova amave yevayeva ngamwa akuhe okupaha ombuze okuza ku Muhona; nungwari owo kamaave ve i munu ko. 13 Nu meyuva ndo ovasuko ovawa novazandu omitanda mave wotamisiwa i onyota. 14 Nu imba avehe mbe yana kovisenginina vya Samaria ave tja: ‘Tjimbe tjotjisenginina tjoye, Dan,’ nu ‘Tjimbe tjotjisenginina tjoye, Berseba,’ imba ombu mave u nokuhinokusekama ko rukwao.”
