Muhona ma yama Jerusalem
1 Jerusalem, yanḓimuka,
rira omunamasa nomunene rukwao!
Tjihuro tja Muhona otjiyapuke,
zara ozombanda zoye ozombwa ozomanise!
Imba mbe he ri Ovajuda
kamaave hiti momivero vyoye rukwao.
2 Ripukumuna moruuma, Jerusalem!
Sekama mu pandekwa
nu u haame kotjihavero tjoye tjouhona.
Kutura omapando nge ku pandeka,
mu pandekwa wa Sion!
3 Muhona ma tja nai kotjiwaṋa tje: “Tji mwa rira ovakarere kamu sutirwe novimariva; nu momuhingo tjingewo kamu nokusutwa, tji mamu kuturwa. 4 Tji mwa katura kOengipte otja ovozonganda, mwa tjita nao mombango yeṋu oveni; Ovaasirie hapo ombe mu ṋiṋikiza nomasa, nu kave sutire otjiṋa indu tji ve mu huura. 5 Nu nambano mObabilon mwa tjitwa omuhingo tjingewo; oweṋe ovahuurwa, nu kape sutirwe otjiṋa indu tji mwa huurwa. Imba mbe mu honaparera ve ritongamisa nokurihiva, nu aruhe ve ndji nyengura. 6 Moruveze ndu maru ya, otjiwaṋa tjandje matji tjiwa ena randje; otjo matji tjiwa kutja ami owami ngu mbi ri Ndjambi, nokutja ami mba hungira ku tjo.”
7 Kakokuwa okumuna omutumwa
tji ma tuurunga ozondundu
ama eta ombuze ombwa are,
indji ombuze yohange noyondjamo?
Eye ma tjivisa outoṋi ama tja nai kOsion:
“Ndjambi woye eye ombara!”
8 Imba mbe tjevera otjihuro mave ravaere,
mave ravaere pamwe nenyando.
Orondu owo mave sora okumuna
nomeho wawo oveni
inga omakotokero wa Muhona kOsion!
9 Ureye nenyando, eṋe matundu wa Jerusalem!
Muhona ma kutura otjihuro tje
na huhumiṋa otjiwaṋa tje.
10 Muhona ma ungurisa
omasa we omayapuke
momeho woviwaṋa;
eye ma yama otjiwaṋa tje,
nouye auhe mau munu ondjamo ndji.
11 Twendeye, twendeye, mu ze mo mObabilon!
Eṋe amuhe mbu mu tjinda
oviungurise vyondjuwo ya Muhona,
riyapureye oveni;
amu ṱunu koviṋa mbya zerikwa!
12 Otjikando hi kamu nokusokuhakahana
okuza mo mehi;
kamu nokusokurora okutaura.
Muhona, Ndjambi weṋu,
me mu hongorere;
eye me mu yama kominda avihe.
Omukarere omuhihamisiwa
13 Muhona ma tja nai:
“Omukarere wandje ma ṋingapara motjiungura tje,
eye ma tongama nu ma yozikwa.
14 Ovandu ovengi va uruma tji ve mu muna;
eye wa tjituka nga tjaa ha munika otja omundu.
15 Nungwari nambano oviwaṋa
ovingi mavi himwa na ye,
nozombara maze mwina aza kumwa.
Ozo maze munu nu maze zuu
otjiṋa tji ze hi na indu za munine
nu tji ze hi na indu za zuvire.”
Muhona ma yama Jerusalem
1 Jerusalem, yanḓimuka,
rira omunamasa nomunene rukwao!
Tjihuro tja Muhona otjiyapuke,
zara ozombanda zoye ozombwa ozomanise!
Imba mbe he ri Ovajuda
kamaave hiti momivero vyoye rukwao.
2 Ripukumuna moruuma, Jerusalem!
Sekama mu pandekwa
nu u haame kotjihavero tjoye tjouhona.
Kutura omapando nge ku pandeka,
mu pandekwa wa Sion!
3 Muhona ma tja nai kotjiwaṋa tje: “Tji mwa rira ovakarere kamu sutirwe novimariva; nu momuhingo tjingewo kamu nokusutwa, tji mamu kuturwa. 4 Tji mwa katura kOengipte otja ovozonganda, mwa tjita nao mombango yeṋu oveni; Ovaasirie hapo ombe mu ṋiṋikiza nomasa, nu kave sutire otjiṋa indu tji ve mu huura. 5 Nu nambano mObabilon mwa tjitwa omuhingo tjingewo; oweṋe ovahuurwa, nu kape sutirwe otjiṋa indu tji mwa huurwa. Imba mbe mu honaparera ve ritongamisa nokurihiva, nu aruhe ve ndji nyengura. 6 Moruveze ndu maru ya, otjiwaṋa tjandje matji tjiwa ena randje; otjo matji tjiwa kutja ami owami ngu mbi ri Ndjambi, nokutja ami mba hungira ku tjo.”
7 Kakokuwa okumuna omutumwa
tji ma tuurunga ozondundu
ama eta ombuze ombwa are,
indji ombuze yohange noyondjamo?
Eye ma tjivisa outoṋi ama tja nai kOsion:
“Ndjambi woye eye ombara!”
8 Imba mbe tjevera otjihuro mave ravaere,
mave ravaere pamwe nenyando.
Orondu owo mave sora okumuna
nomeho wawo oveni
inga omakotokero wa Muhona kOsion!
9 Ureye nenyando, eṋe matundu wa Jerusalem!
Muhona ma kutura otjihuro tje
na huhumiṋa otjiwaṋa tje.
10 Muhona ma ungurisa
omasa we omayapuke
momeho woviwaṋa;
eye ma yama otjiwaṋa tje,
nouye auhe mau munu ondjamo ndji.
11 Twendeye, twendeye, mu ze mo mObabilon!
Eṋe amuhe mbu mu tjinda
oviungurise vyondjuwo ya Muhona,
riyapureye oveni;
amu ṱunu koviṋa mbya zerikwa!
12 Otjikando hi kamu nokusokuhakahana
okuza mo mehi;
kamu nokusokurora okutaura.
Muhona, Ndjambi weṋu,
me mu hongorere;
eye me mu yama kominda avihe.
Omukarere omuhihamisiwa
13 Muhona ma tja nai:
“Omukarere wandje ma ṋingapara motjiungura tje,
eye ma tongama nu ma yozikwa.
14 Ovandu ovengi va uruma tji ve mu muna;
eye wa tjituka nga tjaa ha munika otja omundu.
15 Nungwari nambano oviwaṋa
ovingi mavi himwa na ye,
nozombara maze mwina aza kumwa.
Ozo maze munu nu maze zuu
otjiṋa tji ze hi na indu za munine
nu tji ze hi na indu za zuvire.”
