Ondjandero kOisrael i ri popezu
1 Muhona wa hungira ku ami a tja: 2 “Muatje womundu, ami, ngu mbi ri Muhona Ndjambi, me tja nai kehi ra Israel: Ondjandero! Ondjandero mai ya kehi arihe!
3 “Israel, ondjandero yoye ye ya. Ove mo munu omazenge wandje, orondu ami me ku pangurire imbi mbi wa tjita. Me ku sutisire omeritjindiro woye omayaukise aehe. 4 Hi nokukuyama, nu hi nokukuṱirondjenda. Me ku verere omeritjindiro woye noviṋa oviyaukise mbi wa tjita kokutja u tjiwe kutja owami, ngu mbi ri Muhona.”
5 Muhona Ndjambi ma tja nai: “Omaumba ngu maye kongorerasana maye ya kove. 6 Ondjandero mai ya! Ondjandero yoye mai ya! Ove wa yanda mba. 7 Ondjandero ku eṋe, vature vehi, ye ya. Omayuva ye ri popezu mu mu hi tji nokukara nenyando kozondundu zovisenginina rukwao, mu mu nomapurukisiro porwe.
8 “Ove mo munu omasa womazenge wandje tjimanga. Ami me ku pangurire imbi mbi wa tjita, nu me ku sutisire omeritjindiro woye omayaukise aehe. 9 Ami hi nakukuyama nu hi nokukuṱirondjenda. Ami me ku verere omeritjindiro woye noviṋa oviyaukise mbi wa tjita. Neṋe otji mamu tjiwa kutja owami, ngu mbi ri Muhona, nokutja owami ngu me mu vere.”
10 Eyuva romanyoneno kOisrael re ya. Outwe mau takavara. Omeritongamisiro maye ryamene ko. 11 Outwe mau eta ouvi ouingi. Kape na tji matji sewa po kovanauvi, kape nokukara outumbe nouwa nounene ku wo.
12 Omayuva maye ya. Eyuva ri ri popezu omarandero nomarandisasaneno mu maye rire oviporoporo, omberero ya Ndjambi tjinga amai ya ku auhe pu pe ṱeki pamwe. 13 Kape nomurandise ngu ma hupu orure nai nga tji ma yenene okumuna rukwao imbi mbya pandjarisa, orondu omazenge wa Ndjambi ye ri kombanda yaauhe. Imba mbe ri ovanauvi kave nokuhupa. 14 Ohiva mai pose, nu auhe me rirongere, nungwari kape na ngu ma i kovita, orondu omazenge wa Ndjambi maye ya ku auhe pu pe ṱeki pamwe.
Omberero yomauvi wa Israel
15 Pe nomarwiro momivanda, nomitjise nondjara mozondjuwo. Auhe ngwa vazewa mokuti ma ṱengaruvyo, nu auhe ngu ri motjihuro ma ṱu i omutjise nondjara. 16 Tjiva mave taurire kozondundu tjimuna ozonguti nḓa tirisiwa momikutu. Avehe vawo mave tjemisiwa i omauvi wawo. 17 Omake waavehe maye pungara, nozongoro zawo maze zezera. 18 Mave zara ozombanda zomakutu nu mave mumapara. Avehe mave ṱisiwa ohoṋi, noviuru vyawo mavi kururwa. 19 Mave imbirahi osilveri nongoldo momivanda aayo oviyaya, orondu ongoldo nosilveri kavi nokuveyama meyuva romazenge wa Muhona. Owo kave nakukovisa na vyo eraru rawo poo okukutisa na vyo omazumo wawo. Ongoldo nosilveri vye ve pukisira kouvi. 20 Owo ve ritongamisira ovihuze vyawo oviwa ovimanise, nungwari va ungura na vyo oviserekarera vyovisenginina oviyaukise. Muhona opa zokutjita kutja outumbe wawo u ve yaukise.
21 Muhona ma tja nai: “Ami me yandjere ovandu wozonganda kutja ve punde outumbe mbwi, novanauvi mave toora outumbe wawo auhe nave u zunḓa. 22 Ami hi nakuninga ko na tja ondjuwo yandje tji ya yambururwa, ovapunde tji ve i teya nave i yamburura.
23 “Oviṋa avihe vi ri momburukisiro, ehi re ura novazepe, novihuro vye ura noutwe. 24 Ami me eta oviwaṋa ovirunde tjinenenene poṋa mba, nu e vi yandjere okukambura ozonganda zeṋu. Ovarumendu veṋu ovanamasa noveritongamise tjinene mave rihahiza, tji me yandjere oviwaṋa mbi okuyamburura poṋa pu mu rikotamenena kovisenginina. 25 Omburuma mai ya. Mamu paha ohange nu kamaamu i munu. 26 Omaumba maye kongorerasana, nozombuze ozombi wina. Eṋe mamu riheke kovaprofete okuserekarera imbi mbi mave uku. Ovapristeri kave nokuhonga ovandu, novanene kave nokuyandja ondunge. 27 Ombara mai kara noruhoze, omuingona me rihahiza, novandu mave zezerisiwa i omburuma. Ami me mu verere ozondjito zeṋu azehe, me mu pangura momuhingo tjingewo mbu mwa pangura na wo ovakweṋu. Imbi mavi mu raisire kutja owami, ngu mbi ri Muhona.”
Ondjandero kOisrael i ri popezu
1 Muhona wa hungira ku ami a tja: 2 “Muatje womundu, ami, ngu mbi ri Muhona Ndjambi, me tja nai kehi ra Israel: Ondjandero! Ondjandero mai ya kehi arihe!
3 “Israel, ondjandero yoye ye ya. Ove mo munu omazenge wandje, orondu ami me ku pangurire imbi mbi wa tjita. Me ku sutisire omeritjindiro woye omayaukise aehe. 4 Hi nokukuyama, nu hi nokukuṱirondjenda. Me ku verere omeritjindiro woye noviṋa oviyaukise mbi wa tjita kokutja u tjiwe kutja owami, ngu mbi ri Muhona.”
5 Muhona Ndjambi ma tja nai: “Omaumba ngu maye kongorerasana maye ya kove. 6 Ondjandero mai ya! Ondjandero yoye mai ya! Ove wa yanda mba. 7 Ondjandero ku eṋe, vature vehi, ye ya. Omayuva ye ri popezu mu mu hi tji nokukara nenyando kozondundu zovisenginina rukwao, mu mu nomapurukisiro porwe.
8 “Ove mo munu omasa womazenge wandje tjimanga. Ami me ku pangurire imbi mbi wa tjita, nu me ku sutisire omeritjindiro woye omayaukise aehe. 9 Ami hi nakukuyama nu hi nokukuṱirondjenda. Ami me ku verere omeritjindiro woye noviṋa oviyaukise mbi wa tjita. Neṋe otji mamu tjiwa kutja owami, ngu mbi ri Muhona, nokutja owami ngu me mu vere.”
10 Eyuva romanyoneno kOisrael re ya. Outwe mau takavara. Omeritongamisiro maye ryamene ko. 11 Outwe mau eta ouvi ouingi. Kape na tji matji sewa po kovanauvi, kape nokukara outumbe nouwa nounene ku wo.
12 Omayuva maye ya. Eyuva ri ri popezu omarandero nomarandisasaneno mu maye rire oviporoporo, omberero ya Ndjambi tjinga amai ya ku auhe pu pe ṱeki pamwe. 13 Kape nomurandise ngu ma hupu orure nai nga tji ma yenene okumuna rukwao imbi mbya pandjarisa, orondu omazenge wa Ndjambi ye ri kombanda yaauhe. Imba mbe ri ovanauvi kave nokuhupa. 14 Ohiva mai pose, nu auhe me rirongere, nungwari kape na ngu ma i kovita, orondu omazenge wa Ndjambi maye ya ku auhe pu pe ṱeki pamwe.
Omberero yomauvi wa Israel
15 Pe nomarwiro momivanda, nomitjise nondjara mozondjuwo. Auhe ngwa vazewa mokuti ma ṱengaruvyo, nu auhe ngu ri motjihuro ma ṱu i omutjise nondjara. 16 Tjiva mave taurire kozondundu tjimuna ozonguti nḓa tirisiwa momikutu. Avehe vawo mave tjemisiwa i omauvi wawo. 17 Omake waavehe maye pungara, nozongoro zawo maze zezera. 18 Mave zara ozombanda zomakutu nu mave mumapara. Avehe mave ṱisiwa ohoṋi, noviuru vyawo mavi kururwa. 19 Mave imbirahi osilveri nongoldo momivanda aayo oviyaya, orondu ongoldo nosilveri kavi nokuveyama meyuva romazenge wa Muhona. Owo kave nakukovisa na vyo eraru rawo poo okukutisa na vyo omazumo wawo. Ongoldo nosilveri vye ve pukisira kouvi. 20 Owo ve ritongamisira ovihuze vyawo oviwa ovimanise, nungwari va ungura na vyo oviserekarera vyovisenginina oviyaukise. Muhona opa zokutjita kutja outumbe wawo u ve yaukise.
21 Muhona ma tja nai: “Ami me yandjere ovandu wozonganda kutja ve punde outumbe mbwi, novanauvi mave toora outumbe wawo auhe nave u zunḓa. 22 Ami hi nakuninga ko na tja ondjuwo yandje tji ya yambururwa, ovapunde tji ve i teya nave i yamburura.
23 “Oviṋa avihe vi ri momburukisiro, ehi re ura novazepe, novihuro vye ura noutwe. 24 Ami me eta oviwaṋa ovirunde tjinenenene poṋa mba, nu e vi yandjere okukambura ozonganda zeṋu. Ovarumendu veṋu ovanamasa noveritongamise tjinene mave rihahiza, tji me yandjere oviwaṋa mbi okuyamburura poṋa pu mu rikotamenena kovisenginina. 25 Omburuma mai ya. Mamu paha ohange nu kamaamu i munu. 26 Omaumba maye kongorerasana, nozombuze ozombi wina. Eṋe mamu riheke kovaprofete okuserekarera imbi mbi mave uku. Ovapristeri kave nokuhonga ovandu, novanene kave nokuyandja ondunge. 27 Ombara mai kara noruhoze, omuingona me rihahiza, novandu mave zezerisiwa i omburuma. Ami me mu verere ozondjito zeṋu azehe, me mu pangura momuhingo tjingewo mbu mwa pangura na wo ovakweṋu. Imbi mavi mu raisire kutja owami, ngu mbi ri Muhona.”
