Omahuuriro nomanyoneno wotjihuro Ai
1 Tjazumba Muhona wa tja nai ku Josua: “O tira, nu o mumapara! Toora ovarwe voye wovita avehe, nu u yende kOai. Ami me ku pe outoṋi kombanda yombara ya Ai; notjiwaṋa notjihuro tje nehi re mavi rire ovyoye. 2 Tjita kOai na kombara yatjo otja tji wa tjita kOjeriko na kombara yatjo. Nungwari otjikando hi ovipundwa novinamuinyo vyatjo ngavi rire ovyoye. Rirongera okurwisa otjihuro amo tji tjendjerekere kongotwe.”
3 Josua otje rirongera na i kOai puna ovarwe ve wovita avehe. Eye wa toorora ovarumendu omapenda omayovi omirongo vitatu ne ve hindi ouṱuku. 4 Neye wa rakiza a tja: “Kaṱareye munda mbwina wotjihuro kongurova, nungwari amu i kokure tjinene na tjo, nu mu rirongere okurwa. 5 Ami novarumendu vandje wovita matu hungama otjihuro. Owo tji mave piti okuturwisa otja tji va tjita yaruka ovihahambunda. 6 Owo mave tu kongorere, ngandu indu tji twe ve pitisa ohumburuko notjihuro. Nu mave tjangovasi matu tupuka tjimuna tji twa tjita rutenga. 7 Eṋe piteye motutatwa tweṋu mu kambura otjihuro. Muhona, Ndjambi weṋu, me tji yandja mouvara weṋu, 8 Tji mwa zu nokukambura otjihuro, tji hwikeye otja Muhona pe mu raera. Inga owo omarakiza wandje ku eṋe.” 9 Josua otje ve hinda, nowo va ya kotutatwa twawo komunda wokongurova kwa Ai pokati ka Ai na Betel. Nu Josua wa kara mozondanda ouṱuku mbo.
10 Josua wa penduka omuhuka omunene na woronganisa ovarwe ve wovita. Eye novanane vOvaisrael otji ve ve hongorere kOai. 11 Novarwe wovita, mba ri puna ye va hungama otjihuro nave katona ozondanda komukuma wokeyuva kokunene kwa Ai; nu pokati kawo na Ai pa ri otjana. 12 Eye wa toora ovarumendu mangara omayovi yetano, ne ve ṱarisa motutatwa komukuma wokongurova kwa Ai pokati ka Ai na Betel. 13 Imbwi owo omuano ovarwe wovita mbu va ṱuninwa okunuwa: Otjimbumba otjinanḓengu tjovita tja tona ozondanda komukuma wokeyuva kokunene kwotjihuro, imba ovandu mba ri motutatwa ngunda ava ri kuṱa kongurova. Ouṱuku mbo Josua wa rara momukutu. 14 Ombara ya Ai tji ya muna otjimbumba tja Josua ya kumuka tjimanga okukarwa. Oyo novarwe vayo avehe va hungama omukutu wa Jordan ve karwisire Ovaisrael poṋa tjingepo mba pu va rwira rutenga. Oyo kai tjivirwe kutja mai rwisirwa okuza kongotwe. 15 Josua nOvaisrael avehe va tjita aayo mave yaruka ovihahambunda nave tupuka mokuti onguza. 16 Nu imba ovarumendu avehe mba ri motjihuro va woronganisiwa kutja ve ve tezere, nowo ngunda amave tezere Josua otjaave yende amave humburuka kokure notjihuro. 17 Omurumendu auhe mOai wa tezera Ovaisrael. Otjihuro tja isiwa tjo nokuhinaumwe ngu me tji yeura.
18 Muhona wa tja nai ku Josua: “Urika nengaruvyo roye kOai, orondu ami me tji yandja kove.” Nu Josua wa tjita otja punga a raerwa. 19 Neye tja yera eke re, ovarumendu, mba ṱarere motutatwa, va hakahana okusekama nave hiti motjihuro nave tji kambura. Tjimanga va hwika otjihuro. 20 Ovarumendu va Ai tji va taviza kombunda arire tji va munu omuise amau sekama meyuru. Nu kapa ri oruveze ku wo okutaura, orondu Ovaisrael, mba tupuka mokuti onguza, va tanauka nave ve rwisa. 21 Josua nOvaisrael avehe tji va muna kutja imba mba ri motutatwa va kambura otjihuro, nokutja otjo matji pi otji va tanauka nave utu okuzepa ovarumendu va Ai. 22 Ovaisrael, mba ri motjihuro, va utukira ovarumendu va Ai nave ve rwisa wina. Novandu va Ai va koverwa oparukaze nave ṱu i Ovaisrael. Kape na umwe wawo ngwa tupuka poo ngwa hupa, 23 posi yombara ya Ai ondja kamburwa nai twarewa ku Josua.
24 Ovaisrael va zepa ovanavita avehe mbe ve tezera nga mokuti onguza. Tjazumba va yaruka kOai nave kazepa avehe mba ri ngo. 25 Ovature avehe va Ai mba ṱa meyuva ndo, ovarumendu novakazendu, va ri omayovi omurongo na yevari. 26 Nu Josua wa ṱiza enga re ama urike na ro kotjihuro Ai, ne he ri twa pehi nga ovandu avehe mu tjo tji va ṱu. 27 Ovaisrael ve rikamburira ovinamuinyo novihuurwa avihe motjihuro otja Muhona punga a raerere ku Josua. 28 Josua wa hwika Ai ne tji esa etundu nga ku ndinondi. 29 Neye wa turika ombara ya Ai komuti ne mu esa mbo nga kongurova. Nu komahitiro weyuva Josua wa raera kutja ve turure orurova nu ve ru yumbe pehi pomuvero wotjihuro. Nowo va rongera ko omawe nge ri ko nga ku ndinondi.
Omatwako maye reserwa kondundu Ebal
30 Josua wa tungira Muhona, Ndjambi wa Israel, otjipunguhiro kondundu Ebal.Otjipunguhiro 31 Eye we tji ungura otja komarakiza wa Moses, omukarere wa Muhona, nga raerere kOvaisrael otja tji pa tjangwa mEmbo rOmatwako ra Moses: “Otjipunguhiro tjomawe nge ha kerwe noviungurise vyovitenda.” Owo va punguhira Muhona ozombunguhiro ozoningiririsiwa ku tjo, nozombunguhiro zohange wina. 32 Ovaisrael ngunda amave tarere, Josua wa tjanga rukwao komawe wotjipunguhiro hi inga omatwako Moses nga tjangererere Ovaisrael. 33 Ovaisrael avehe novanane, novatjange novapangure vawo, na wina ovozonganda mba ri mokati kawo, va kurama komikuma aviyevari vyOtjipwikiro tjOmerikutiropamwe wa Muhona, amave tara kovapristeri Ovalevi mbaa ve tji tjindi. Orumbembera rumwe rwovandu rwa kuramene meṋe yondundu Garisim, nu indwi orukwao rwa kuramene meṋe yondundu Ebal. Moses, omukarere wa Muhona, we ve rakizire rukuru kutja ve tjite nai, oruveze Ovaisrael ndu mave serwa ondaya tji maru ya. 34 Josua we ve resera omatwako aehe neraka enene, na wina ondaya nosengiro otja tji vya tjangwa mEmbo rOmatwako. 35 Josua wa resera ombongarero aihe, ovakazendu novanatje novozonganda mba ri mokati kawo wina inga omatwako aehe wa Moses.
Omahuuriro nomanyoneno wotjihuro Ai
1 Tjazumba Muhona wa tja nai ku Josua: “O tira, nu o mumapara! Toora ovarwe voye wovita avehe, nu u yende kOai. Ami me ku pe outoṋi kombanda yombara ya Ai; notjiwaṋa notjihuro tje nehi re mavi rire ovyoye. 2 Tjita kOai na kombara yatjo otja tji wa tjita kOjeriko na kombara yatjo. Nungwari otjikando hi ovipundwa novinamuinyo vyatjo ngavi rire ovyoye. Rirongera okurwisa otjihuro amo tji tjendjerekere kongotwe.”
3 Josua otje rirongera na i kOai puna ovarwe ve wovita avehe. Eye wa toorora ovarumendu omapenda omayovi omirongo vitatu ne ve hindi ouṱuku. 4 Neye wa rakiza a tja: “Kaṱareye munda mbwina wotjihuro kongurova, nungwari amu i kokure tjinene na tjo, nu mu rirongere okurwa. 5 Ami novarumendu vandje wovita matu hungama otjihuro. Owo tji mave piti okuturwisa otja tji va tjita yaruka ovihahambunda. 6 Owo mave tu kongorere, ngandu indu tji twe ve pitisa ohumburuko notjihuro. Nu mave tjangovasi matu tupuka tjimuna tji twa tjita rutenga. 7 Eṋe piteye motutatwa tweṋu mu kambura otjihuro. Muhona, Ndjambi weṋu, me tji yandja mouvara weṋu, 8 Tji mwa zu nokukambura otjihuro, tji hwikeye otja Muhona pe mu raera. Inga owo omarakiza wandje ku eṋe.” 9 Josua otje ve hinda, nowo va ya kotutatwa twawo komunda wokongurova kwa Ai pokati ka Ai na Betel. Nu Josua wa kara mozondanda ouṱuku mbo.
10 Josua wa penduka omuhuka omunene na woronganisa ovarwe ve wovita. Eye novanane vOvaisrael otji ve ve hongorere kOai. 11 Novarwe wovita, mba ri puna ye va hungama otjihuro nave katona ozondanda komukuma wokeyuva kokunene kwa Ai; nu pokati kawo na Ai pa ri otjana. 12 Eye wa toora ovarumendu mangara omayovi yetano, ne ve ṱarisa motutatwa komukuma wokongurova kwa Ai pokati ka Ai na Betel. 13 Imbwi owo omuano ovarwe wovita mbu va ṱuninwa okunuwa: Otjimbumba otjinanḓengu tjovita tja tona ozondanda komukuma wokeyuva kokunene kwotjihuro, imba ovandu mba ri motutatwa ngunda ava ri kuṱa kongurova. Ouṱuku mbo Josua wa rara momukutu. 14 Ombara ya Ai tji ya muna otjimbumba tja Josua ya kumuka tjimanga okukarwa. Oyo novarwe vayo avehe va hungama omukutu wa Jordan ve karwisire Ovaisrael poṋa tjingepo mba pu va rwira rutenga. Oyo kai tjivirwe kutja mai rwisirwa okuza kongotwe. 15 Josua nOvaisrael avehe va tjita aayo mave yaruka ovihahambunda nave tupuka mokuti onguza. 16 Nu imba ovarumendu avehe mba ri motjihuro va woronganisiwa kutja ve ve tezere, nowo ngunda amave tezere Josua otjaave yende amave humburuka kokure notjihuro. 17 Omurumendu auhe mOai wa tezera Ovaisrael. Otjihuro tja isiwa tjo nokuhinaumwe ngu me tji yeura.
18 Muhona wa tja nai ku Josua: “Urika nengaruvyo roye kOai, orondu ami me tji yandja kove.” Nu Josua wa tjita otja punga a raerwa. 19 Neye tja yera eke re, ovarumendu, mba ṱarere motutatwa, va hakahana okusekama nave hiti motjihuro nave tji kambura. Tjimanga va hwika otjihuro. 20 Ovarumendu va Ai tji va taviza kombunda arire tji va munu omuise amau sekama meyuru. Nu kapa ri oruveze ku wo okutaura, orondu Ovaisrael, mba tupuka mokuti onguza, va tanauka nave ve rwisa. 21 Josua nOvaisrael avehe tji va muna kutja imba mba ri motutatwa va kambura otjihuro, nokutja otjo matji pi otji va tanauka nave utu okuzepa ovarumendu va Ai. 22 Ovaisrael, mba ri motjihuro, va utukira ovarumendu va Ai nave ve rwisa wina. Novandu va Ai va koverwa oparukaze nave ṱu i Ovaisrael. Kape na umwe wawo ngwa tupuka poo ngwa hupa, 23 posi yombara ya Ai ondja kamburwa nai twarewa ku Josua.
24 Ovaisrael va zepa ovanavita avehe mbe ve tezera nga mokuti onguza. Tjazumba va yaruka kOai nave kazepa avehe mba ri ngo. 25 Ovature avehe va Ai mba ṱa meyuva ndo, ovarumendu novakazendu, va ri omayovi omurongo na yevari. 26 Nu Josua wa ṱiza enga re ama urike na ro kotjihuro Ai, ne he ri twa pehi nga ovandu avehe mu tjo tji va ṱu. 27 Ovaisrael ve rikamburira ovinamuinyo novihuurwa avihe motjihuro otja Muhona punga a raerere ku Josua. 28 Josua wa hwika Ai ne tji esa etundu nga ku ndinondi. 29 Neye wa turika ombara ya Ai komuti ne mu esa mbo nga kongurova. Nu komahitiro weyuva Josua wa raera kutja ve turure orurova nu ve ru yumbe pehi pomuvero wotjihuro. Nowo va rongera ko omawe nge ri ko nga ku ndinondi.
Omatwako maye reserwa kondundu Ebal
30 Josua wa tungira Muhona, Ndjambi wa Israel, otjipunguhiro kondundu Ebal.Otjipunguhiro 31 Eye we tji ungura otja komarakiza wa Moses, omukarere wa Muhona, nga raerere kOvaisrael otja tji pa tjangwa mEmbo rOmatwako ra Moses: “Otjipunguhiro tjomawe nge ha kerwe noviungurise vyovitenda.” Owo va punguhira Muhona ozombunguhiro ozoningiririsiwa ku tjo, nozombunguhiro zohange wina. 32 Ovaisrael ngunda amave tarere, Josua wa tjanga rukwao komawe wotjipunguhiro hi inga omatwako Moses nga tjangererere Ovaisrael. 33 Ovaisrael avehe novanane, novatjange novapangure vawo, na wina ovozonganda mba ri mokati kawo, va kurama komikuma aviyevari vyOtjipwikiro tjOmerikutiropamwe wa Muhona, amave tara kovapristeri Ovalevi mbaa ve tji tjindi. Orumbembera rumwe rwovandu rwa kuramene meṋe yondundu Garisim, nu indwi orukwao rwa kuramene meṋe yondundu Ebal. Moses, omukarere wa Muhona, we ve rakizire rukuru kutja ve tjite nai, oruveze Ovaisrael ndu mave serwa ondaya tji maru ya. 34 Josua we ve resera omatwako aehe neraka enene, na wina ondaya nosengiro otja tji vya tjangwa mEmbo rOmatwako. 35 Josua wa resera ombongarero aihe, ovakazendu novanatje novozonganda mba ri mokati kawo wina inga omatwako aehe wa Moses.
