Ouvi wovandu
(Psa 14)Komuimburise otja kombosiro yo Mahalat. Epsalme ra David.
1 Ovandu omayova ve rihungirira nai:
“Kaku na Ndjambi.”
Owo va zunḓaka nu ovitjitwa vyawo ovivi
kape na umwe wawo ngu tjita ousemba.
2 Ndjambi u tara kovandu okuza meyuru,
okutara kutja pena umwe omunazondunge,
ngu rikotamena ku ye.
3 Nungwari avehe va poka ku ye,
nu va zunḓaka pupeṱa;
kape na umwe ngu tjita ousemba,
nangarire umwe ke po.
4 Ndjambi ma pura nai:
“Kave nokutjiwa are?
Ovatjite vouvi avehe mba kave nozondunge are?
Owo ve punda otjiwaṋa tjandje
tjimuna mave ri omboroto,
nu kave kumbu ku ami.”
5 Nungwari owo mave urumisiwa
komeho yaindu rutenga,
orondu Ndjambi ma rimbi omaṱupa
wovanavita notjiwaṋa tje.
Ndjambi we ve nakaura,
nu komuhingo mbwi Israel otji
matji ve havere okumana.
6 Andakuzu Ndjambi ma eta
ombatero kOvaisrael okuza kOsion!
Tjiri, Ovaisrael mave yoroka,
Ndjambi tje ve ṋingaparisa rukwao!
Ouvi wovandu
(Psa 14)Komuimburise otja kombosiro yo Mahalat. Epsalme ra David.
1 Ovandu omayova ve rihungirira nai:
“Kaku na Ndjambi.”
Owo va zunḓaka nu ovitjitwa vyawo ovivi
kape na umwe wawo ngu tjita ousemba.
2 Ndjambi u tara kovandu okuza meyuru,
okutara kutja pena umwe omunazondunge,
ngu rikotamena ku ye.
3 Nungwari avehe va poka ku ye,
nu va zunḓaka pupeṱa;
kape na umwe ngu tjita ousemba,
nangarire umwe ke po.
4 Ndjambi ma pura nai:
“Kave nokutjiwa are?
Ovatjite vouvi avehe mba kave nozondunge are?
Owo ve punda otjiwaṋa tjandje
tjimuna mave ri omboroto,
nu kave kumbu ku ami.”
5 Nungwari owo mave urumisiwa
komeho yaindu rutenga,
orondu Ndjambi ma rimbi omaṱupa
wovanavita notjiwaṋa tje.
Ndjambi we ve nakaura,
nu komuhingo mbwi Israel otji
matji ve havere okumana.
6 Andakuzu Ndjambi ma eta
ombatero kOvaisrael okuza kOsion!
Tjiri, Ovaisrael mave yoroka,
Ndjambi tje ve ṋingaparisa rukwao!
