1 Indji ondji ri ombuze Muhona ndja yandjere ku Hosea, omuzandu wa Beeri, moruveze ndwi ooUsija na Jotam na Ahas na Hiskija tji va ri ozombara za Juda, na Jerobeam, omuzandu wa Joas, tja ri ombara ya Israel.
Omukazendu novanatje va Hosea
2 Muhona tja hungirire rutenga kOvaisrael notjinyo tja Hosea, eye wa tjere nai ku ye: “Twende u kakupe omukazendu omukorondu, novanatje voye wina mave karira ovakorondu. Momuhingo tjingewo otjiwaṋa tjandje tje ndji esa atji rire otjikorondu.”
3 Hosea otja kakupa omukazendu wena Gomer, omusuko wa Diblajim. Kombunda yongwatero yomuatje wawo otjiveri omuzandu, 4 Muhona arire tja tja nai ku Hosea: “Mu ruka ena ‘Jesreel’, orondu momayuva wopopezu ami me vere ombara ya Israel mena romazepero nga tjitwa i ihe mukururume Jehu mOjesreel. Ami me yandisa ouhona wa Jehu. 5 Nu mOrutjandja rwa Jesreel ami momayuva ngo me yandeke omasa wotjimbumba tja Israel tjovita.”
6 Gomer wa pandukire omuatje outjavari, neye wa ri omukazona. Muhona wa tja nai ku Hosea: “Mu ruka ena ‘Lo-Ruhama’, okutja ‘Muhasuverwa’, orondu ami hi nokuuhara ame raisa orusuvero rukwao kotjiwaṋa tja Israel, nu hi nokutjiisira ko. 7 Nungwari ami me raisa orusuvero kotjiwaṋa tja Juda. Ami, ngu mbi ri Muhona, Ndjambi wawo, meve yama, nungwari hi nokuveyama novita nomangaruvyo poo nomauta noviku poo noukambe novakavire.”
8 Gomer tja za nokuisa ko omukazona we komaihi “Muhasuverwa”, otja rira otjingundi rukwao na panduka omuzandu outjavari. 9 Muhona wa tja nai ku Hosea: “Mu ruka ena ‘Lo-Ammi’, okutja ‘Katjiwaṋa tjandje’, orondu otjiwaṋa tja Israel katjiwaṋa tjandje, nami kawami Ndjambi watjo.”
Israel matji yarurwa ko
10 Otjiwaṋa tja Israel matji takavara tjimuna eheke pomukuro wokuvare ndu u hi na moo sora okuvara poo okusaneka. Nambano Ndjambi ma tja nai ku tjo: “Eṋe kaweṋe otjiwaṋa tjandje,” nungwari eyuva mari ya eye mu ma tja nai ku tjo: “Oweṋe ovanatje va Ndjambi omunamuinyo!” 11 Ovaisrael nOvajuda mave wana rukwao. Owo mave ritoororere omunane umwe, nu wina mave takavara nave ṋingapara mehi rawo. Ii, eyuva ra Jesreel mari rire eyuva enene!
1 Indji ondji ri ombuze Muhona ndja yandjere ku Hosea, omuzandu wa Beeri, moruveze ndwi ooUsija na Jotam na Ahas na Hiskija tji va ri ozombara za Juda, na Jerobeam, omuzandu wa Joas, tja ri ombara ya Israel.
Omukazendu novanatje va Hosea
2 Muhona tja hungirire rutenga kOvaisrael notjinyo tja Hosea, eye wa tjere nai ku ye: “Twende u kakupe omukazendu omukorondu, novanatje voye wina mave karira ovakorondu. Momuhingo tjingewo otjiwaṋa tjandje tje ndji esa atji rire otjikorondu.”
3 Hosea otja kakupa omukazendu wena Gomer, omusuko wa Diblajim. Kombunda yongwatero yomuatje wawo otjiveri omuzandu, 4 Muhona arire tja tja nai ku Hosea: “Mu ruka ena ‘Jesreel’, orondu momayuva wopopezu ami me vere ombara ya Israel mena romazepero nga tjitwa i ihe mukururume Jehu mOjesreel. Ami me yandisa ouhona wa Jehu. 5 Nu mOrutjandja rwa Jesreel ami momayuva ngo me yandeke omasa wotjimbumba tja Israel tjovita.”
6 Gomer wa pandukire omuatje outjavari, neye wa ri omukazona. Muhona wa tja nai ku Hosea: “Mu ruka ena ‘Lo-Ruhama’, okutja ‘Muhasuverwa’, orondu ami hi nokuuhara ame raisa orusuvero rukwao kotjiwaṋa tja Israel, nu hi nokutjiisira ko. 7 Nungwari ami me raisa orusuvero kotjiwaṋa tja Juda. Ami, ngu mbi ri Muhona, Ndjambi wawo, meve yama, nungwari hi nokuveyama novita nomangaruvyo poo nomauta noviku poo noukambe novakavire.”
8 Gomer tja za nokuisa ko omukazona we komaihi “Muhasuverwa”, otja rira otjingundi rukwao na panduka omuzandu outjavari. 9 Muhona wa tja nai ku Hosea: “Mu ruka ena ‘Lo-Ammi’, okutja ‘Katjiwaṋa tjandje’, orondu otjiwaṋa tja Israel katjiwaṋa tjandje, nami kawami Ndjambi watjo.”
Israel matji yarurwa ko
10 Otjiwaṋa tja Israel matji takavara tjimuna eheke pomukuro wokuvare ndu u hi na moo sora okuvara poo okusaneka. Nambano Ndjambi ma tja nai ku tjo: “Eṋe kaweṋe otjiwaṋa tjandje,” nungwari eyuva mari ya eye mu ma tja nai ku tjo: “Oweṋe ovanatje va Ndjambi omunamuinyo!” 11 Ovaisrael nOvajuda mave wana rukwao. Owo mave ritoororere omunane umwe, nu wina mave takavara nave ṋingapara mehi rawo. Ii, eyuva ra Jesreel mari rire eyuva enene!
