Eimburiro rotjikunino tjomivite
1 Puratena, ami me ku imburire eimburiro ndi,
eimburiro repanga randje,
indi rotjikunino tjaro tjomivite:
Epanga randje ra ri notjikunino tjomivite
kondunda ohapise tjinene.
2 Eye wa twera ehi ratjo na isa mo omawe,
nu a kunu mo omivite omiwamiwa.
Wa tunga oruhungu rwovatjevere mokati katjo;
nu wina wa sa otjikameno.
Eye wa undja omandjembere okuhora,
nungwari otjikunino tja eta
omandjembere omayake porwe.
3 Nambano epanga randje otji mari tja nai: “Vature va Jerusalem nOvajuda me mu ningire kutja mu pangure pokati kotjikunino tjandje tjomivite na ami. 4 Pe notjiṋa tji mba kaera okutjita ku tjo are? Okutjavi otjo tji tja twako omandjembere omayake, nu tji tji ha twire ko omandjembere omawa ngaamu undjireko?
5 “Ihi tji me tjiti kotjikunino tjandje tjomivite otjo hi: Me isa ko orumbo rwatjo rwomakuiya, nu me haṋa orumbo rwomawe kutja tji riwe nu tji tombwe i ovipuka vyokuti. 6 Ami me tji esa ongaango, nokuhinokukondwa, nokuhinokutwerwa kutja mu hape ozondombora nozohongwe. Me rakiza kutja ovikamba avi ha roko mu tjo.”
7 Otjiwaṋa tja Israel otjikunino tjomivite
tja Muhona Omunamasaaehe;
notjiwaṋa tja Juda otjo omivite omihuze
eye mbya kuna.
Eye aa undjireko kutja ve tjite ouwa,
nungwari owo va tjita omatirahiro wombinḓu.
Eye aa undjireko kutja ve tjite ousemba,
nungwari ovaṋiṋikiziwa aave ririre ousemba.
Ouvi ovandu mbu ve tjita
8 Owee ku eṋe mbu mu randa ondjuwo notjikunino ngunda amu navyo rukuru. Korusenina ka pena okukara oruveze omundu warwe puma tura, ove erike oove ngu mo tura mehi. 9 Ami mba zuva Muhona Omunamasaaehe ama tja: “Tjiri, ozondjuwo ozonene nozombwa nḓa maze rire omatundu. 10 Ozohektara omurongo zotjikunino tjomivite maze eta omavinu womandjembere ozorita hambondatu uriri. Ozondwi nḓe ṱa pozorita esere nomirongo hambondatu maze eta ovikokotwa ozorita omurongo na hambondatu uriri.”
11 Owee ku eṋe mbu mu penduka omuhuka omunene okunwa omanuwa omazeu nu mbu mu tokerwa katumba nga mouṱuku, amamu ripurukisa nomavinu. 12 Nu pomikandi vyeṋu pe nyandwa oviharpe nozonḓukwa nozohiva, nu pe nuwa omavinu; nungwari ovitjitwa vya Muhona kamu na ko na tja, noviungura vyomake we kamu vi munu. 13 Punao, mamu twarewa kouhuura. Ovanane veṋu mave ṱondjara nga tjiva koka, novengi veṋu mave ṱonyota nga tjimwa koka. 14 Otjovakoke tja mwahurura otjinyo tjatjo ama tji munika oruyewo orunene. Nu matji ṋiṋa ovaingona va Jerusalem, otjingi tjatjo ngunda ama tji ravaere nondjoroka.
15 Ovandu mave ṱisiwa ohoṋi, navehe mbu mave ritongamisa mave susuparisiwa. 16 Nungwari Muhona Omunamasaaehe u raisa ounene we mombanguriro ye, nouyapuke we mokutjita ousemba. 17 Nu momatundu wovihuro ozondjona maze ri mo omahozu, nozongombona maze munu mo omaryo.
18 Owee ku imba mbe ha sora okupoka kourunde wawo, 19 na ku imba mbe tja nai? “Muhona nga hakahane a tjite oviungura vye tjimanga kutja tu vi mune; Omuyapuke wa Israel, nga yenenise omeripura we, eṱe tu tjiwe kutja eye we ripura tjike.”
20 Owee ku imba mbe tja ouvi owo ouwa, nouwa owo ouvi; nu mbe tja onḓorera oyo ondjerera, nondjerera oyo onḓorera; nu wina mbe tja oururu owo omuzeze, nomuzeze owo oururu.
21 Owee ku imba mbe rivara oveni otja ozonongo, nu mbe kambura kutja owo oveni ovanazondunge.
22 Owee ku imba omapenda mokunwa omavinu, na ku imba omapatje mokuhanga omanuwa omazeu. 23 Owee ku imba mbe isira omunandjo mena rotjisuta tjombopero, nu mbe tjaera omuhinandjo kutja a ha munu ousemba. 24 Otja orururumo rwomuriro tjinga aru seseta ovihozu, notja ehozu nda kukuta tjinga ari zenga momuriro, omize vyawo otjinga amavi woro, nomanyomokero wawo otjinga amaye sana koruuma, orondu owo va imbirahi Omatwako wa Muhona Omunamasaaehe, nu va nyengura embo rOmuyapuke wa Israel. 25 Omazenge wa Muhona opu ye era kotjiwaṋa tje, neye a yere eke re okutjivera. Ozondundu maze zezera, noturova twaimba mbu mave ṱu, matu saravara momivanda tjimuna ovikengerera. Omazenge wa Muhona kayeya wa pehi, nungwari eye eke re inga wa ropororera okuvera.
26 Muhona ma yere erapi rotjihako okuisana otjiwaṋa tjokokure. Eye ma tono orukwi ku tjo e tji isane okuza komaandero wehi, nu tara, otjo matji ya tjimanga ohakahana! 27 Kape na ngu ma urwa na ngu ma putara mokati kawo; kape na ngu ma koṱura na ngu ma rara; kape nekwamo ndi mari kutuka kovindeera vyawo, nu kape norukute rworukaku ndu maru poka. 28 Oviku vyatjo vya upikwa, nouta watjo wa petwa, ovikoti vyoukambe watjo ovyo ovikukutu otja ombawe, nomarama womatemba watjo wovita ye tanauka otja orukumbambura. 29 Okutona ombimbi kwovarwe wovita kwa sana nokutya ovimboro kwozongeyama nḓa zepa otjipuka naze tji kokozorere koṋa ku ku hi na ngu me ze yeka tjo.
30 Neyuva ndo tji re ya, owo mave rokohere Israel tjimuna ondokohero yokuvare. Tara kehi ndi! Oro onḓorera nombamisiro porwayo! Ondjerera ya ṋiṋiwa i onḓorera.
Eimburiro rotjikunino tjomivite
1 Puratena, ami me ku imburire eimburiro ndi,
eimburiro repanga randje,
indi rotjikunino tjaro tjomivite:
Epanga randje ra ri notjikunino tjomivite
kondunda ohapise tjinene.
2 Eye wa twera ehi ratjo na isa mo omawe,
nu a kunu mo omivite omiwamiwa.
Wa tunga oruhungu rwovatjevere mokati katjo;
nu wina wa sa otjikameno.
Eye wa undja omandjembere okuhora,
nungwari otjikunino tja eta
omandjembere omayake porwe.
3 Nambano epanga randje otji mari tja nai: “Vature va Jerusalem nOvajuda me mu ningire kutja mu pangure pokati kotjikunino tjandje tjomivite na ami. 4 Pe notjiṋa tji mba kaera okutjita ku tjo are? Okutjavi otjo tji tja twako omandjembere omayake, nu tji tji ha twire ko omandjembere omawa ngaamu undjireko?
5 “Ihi tji me tjiti kotjikunino tjandje tjomivite otjo hi: Me isa ko orumbo rwatjo rwomakuiya, nu me haṋa orumbo rwomawe kutja tji riwe nu tji tombwe i ovipuka vyokuti. 6 Ami me tji esa ongaango, nokuhinokukondwa, nokuhinokutwerwa kutja mu hape ozondombora nozohongwe. Me rakiza kutja ovikamba avi ha roko mu tjo.”
7 Otjiwaṋa tja Israel otjikunino tjomivite
tja Muhona Omunamasaaehe;
notjiwaṋa tja Juda otjo omivite omihuze
eye mbya kuna.
Eye aa undjireko kutja ve tjite ouwa,
nungwari owo va tjita omatirahiro wombinḓu.
Eye aa undjireko kutja ve tjite ousemba,
nungwari ovaṋiṋikiziwa aave ririre ousemba.
Ouvi ovandu mbu ve tjita
8 Owee ku eṋe mbu mu randa ondjuwo notjikunino ngunda amu navyo rukuru. Korusenina ka pena okukara oruveze omundu warwe puma tura, ove erike oove ngu mo tura mehi. 9 Ami mba zuva Muhona Omunamasaaehe ama tja: “Tjiri, ozondjuwo ozonene nozombwa nḓa maze rire omatundu. 10 Ozohektara omurongo zotjikunino tjomivite maze eta omavinu womandjembere ozorita hambondatu uriri. Ozondwi nḓe ṱa pozorita esere nomirongo hambondatu maze eta ovikokotwa ozorita omurongo na hambondatu uriri.”
11 Owee ku eṋe mbu mu penduka omuhuka omunene okunwa omanuwa omazeu nu mbu mu tokerwa katumba nga mouṱuku, amamu ripurukisa nomavinu. 12 Nu pomikandi vyeṋu pe nyandwa oviharpe nozonḓukwa nozohiva, nu pe nuwa omavinu; nungwari ovitjitwa vya Muhona kamu na ko na tja, noviungura vyomake we kamu vi munu. 13 Punao, mamu twarewa kouhuura. Ovanane veṋu mave ṱondjara nga tjiva koka, novengi veṋu mave ṱonyota nga tjimwa koka. 14 Otjovakoke tja mwahurura otjinyo tjatjo ama tji munika oruyewo orunene. Nu matji ṋiṋa ovaingona va Jerusalem, otjingi tjatjo ngunda ama tji ravaere nondjoroka.
15 Ovandu mave ṱisiwa ohoṋi, navehe mbu mave ritongamisa mave susuparisiwa. 16 Nungwari Muhona Omunamasaaehe u raisa ounene we mombanguriro ye, nouyapuke we mokutjita ousemba. 17 Nu momatundu wovihuro ozondjona maze ri mo omahozu, nozongombona maze munu mo omaryo.
18 Owee ku imba mbe ha sora okupoka kourunde wawo, 19 na ku imba mbe tja nai? “Muhona nga hakahane a tjite oviungura vye tjimanga kutja tu vi mune; Omuyapuke wa Israel, nga yenenise omeripura we, eṱe tu tjiwe kutja eye we ripura tjike.”
20 Owee ku imba mbe tja ouvi owo ouwa, nouwa owo ouvi; nu mbe tja onḓorera oyo ondjerera, nondjerera oyo onḓorera; nu wina mbe tja oururu owo omuzeze, nomuzeze owo oururu.
21 Owee ku imba mbe rivara oveni otja ozonongo, nu mbe kambura kutja owo oveni ovanazondunge.
22 Owee ku imba omapenda mokunwa omavinu, na ku imba omapatje mokuhanga omanuwa omazeu. 23 Owee ku imba mbe isira omunandjo mena rotjisuta tjombopero, nu mbe tjaera omuhinandjo kutja a ha munu ousemba. 24 Otja orururumo rwomuriro tjinga aru seseta ovihozu, notja ehozu nda kukuta tjinga ari zenga momuriro, omize vyawo otjinga amavi woro, nomanyomokero wawo otjinga amaye sana koruuma, orondu owo va imbirahi Omatwako wa Muhona Omunamasaaehe, nu va nyengura embo rOmuyapuke wa Israel. 25 Omazenge wa Muhona opu ye era kotjiwaṋa tje, neye a yere eke re okutjivera. Ozondundu maze zezera, noturova twaimba mbu mave ṱu, matu saravara momivanda tjimuna ovikengerera. Omazenge wa Muhona kayeya wa pehi, nungwari eye eke re inga wa ropororera okuvera.
26 Muhona ma yere erapi rotjihako okuisana otjiwaṋa tjokokure. Eye ma tono orukwi ku tjo e tji isane okuza komaandero wehi, nu tara, otjo matji ya tjimanga ohakahana! 27 Kape na ngu ma urwa na ngu ma putara mokati kawo; kape na ngu ma koṱura na ngu ma rara; kape nekwamo ndi mari kutuka kovindeera vyawo, nu kape norukute rworukaku ndu maru poka. 28 Oviku vyatjo vya upikwa, nouta watjo wa petwa, ovikoti vyoukambe watjo ovyo ovikukutu otja ombawe, nomarama womatemba watjo wovita ye tanauka otja orukumbambura. 29 Okutona ombimbi kwovarwe wovita kwa sana nokutya ovimboro kwozongeyama nḓa zepa otjipuka naze tji kokozorere koṋa ku ku hi na ngu me ze yeka tjo.
30 Neyuva ndo tji re ya, owo mave rokohere Israel tjimuna ondokohero yokuvare. Tara kehi ndi! Oro onḓorera nombamisiro porwayo! Ondjerera ya ṋiṋiwa i onḓorera.
