Omahonaparero wa Muhona wohange
(Jes 2:2-4)1 Momayuva ngu maye ya
ondundu ku kwa zikama ondjuwo ya Muhona
mai rire onde tjinene pozongwao,
noyo mai tongama kombanda yovivanda avihe.
Noviwaṋa ovingi mavi womborokere ku yo,
2 novandu vavyo mave tja nai:
“Indjeye tu karonde kondundu ya Muhona,
kondjuwo ya Ndjambi wa Israel,
kutja eye e tu honge ozondjira ze
nokutja eṱe tu ryange momirari vye.
Orondu omahongero maye zu mOsion,
nombuze ya Muhona mari zu mOjerusalem.”
3 Eye ma pangura oviposa vyoviwaṋa ovingi
na rire omupangure mokati koviwaṋa ovinamasa,
mbi ri popezu nokokure na Israel.
Novyo mavi hambura omangaruvyo
wavyo ye rire ovitaure vyehi,
nomanga wavyo ye rire ovitaure vyehi,
nomanga wavyo ye rire ovikonde vyovihape.
Oviwaṋa kavi tji nokuhara amavi ru movita rukwao,
poo okurirongerisira ovita rukwao.
4 Auhe ma haama mohange
kehi yomuvite na kehi yomukuyu we,
nokuhinarive me mu tirisa.
Muhona Omunamasaaehe
ongwa kwizika otjiṋa hi.
5 Otjiwaṋa atjihe matji rikotamene natji kara nonḓuviro komukuru watjo wotjisenginina, nungwari eṱe matu rikotamene natu kara nonḓuviro ku Muhona, Ndjambi wetu nga ko nga aruhe.
Israel matji kotoka okuza kouhuura
6 Muhona ma tja nai: “Oruveze maru ya ami mu me woronganisa imba mbu mba vera, naimba avehe mba pizuka namba hihamwa mouhuura, 7 nu imba oviṱeṱu meve tjiti kutja ve rire otjiwaṋa otjipe tji tja sewa po, imba mba imbirahiwa kokure meve tjiti kutja ve rire otjiwaṋa otjinamasa. Ami meve honaparere kondundu Sion okuza ku ndinondi nga ko nga aruhe.”
8 Nove, Jerusalem, Ndjambi ma tjeverera otjiwaṋa tje otja omurise, mo rire otjihuro ohongora rukwao tjouhona mbwa ri owoye rutenga. 9 Mo urire tjike nomasa? Kamu tji nombara move are? Omuyandjandunge woye hapo wa ṱa tji u ri momihihamo nai tjimuna omukazendu pombandukiro? 10 Rivingeye nu mu tjeme, vature va Jerusalem, tjimuna omukazendu pombandukiro, orondu nambano mo zu mo motjihuro no katura mokuti. Ove mo sokuyenda kObabilon, oku mo kayamwa. Nu koṋa ngo Muhona oku meke ku kutura momake wovanavita na ove. 11 Oviwaṋa ovingi vya woronganene okukurwisa. Ovyo mavi tja nai: “Jerusalem matji sokuyandekwa! Matu munu otjihuro hi atji ri otjitambatundu!” 12 Nungwari ovyo kavi nokutjiwa omeripura wa Muhona na indji ondyero ye yokutja eye we vi woronganisira okuvivera tjimuna omikuta tji vi etwa kotjitondero okutondwa.
13 Muhona ma tja nai: “Vature va Jerusalem, twendeye mu kavere ovanavita na eṋe! Orondu ami me mu tjiti kutja mu rire ovanamasa tjimuna ondwezu yozonya zotjitenda novikoti vyongoporo. Neṋe mamu tombo oviwaṋa ovingi; novihuurwa vyawo mamu vi yapurire ami ngu mbi ri Muhona wouye auhe.”
Omahonaparero wa Muhona wohange
(Jes 2:2-4)1 Momayuva ngu maye ya
ondundu ku kwa zikama ondjuwo ya Muhona
mai rire onde tjinene pozongwao,
noyo mai tongama kombanda yovivanda avihe.
Noviwaṋa ovingi mavi womborokere ku yo,
2 novandu vavyo mave tja nai:
“Indjeye tu karonde kondundu ya Muhona,
kondjuwo ya Ndjambi wa Israel,
kutja eye e tu honge ozondjira ze
nokutja eṱe tu ryange momirari vye.
Orondu omahongero maye zu mOsion,
nombuze ya Muhona mari zu mOjerusalem.”
3 Eye ma pangura oviposa vyoviwaṋa ovingi
na rire omupangure mokati koviwaṋa ovinamasa,
mbi ri popezu nokokure na Israel.
Novyo mavi hambura omangaruvyo
wavyo ye rire ovitaure vyehi,
nomanga wavyo ye rire ovitaure vyehi,
nomanga wavyo ye rire ovikonde vyovihape.
Oviwaṋa kavi tji nokuhara amavi ru movita rukwao,
poo okurirongerisira ovita rukwao.
4 Auhe ma haama mohange
kehi yomuvite na kehi yomukuyu we,
nokuhinarive me mu tirisa.
Muhona Omunamasaaehe
ongwa kwizika otjiṋa hi.
5 Otjiwaṋa atjihe matji rikotamene natji kara nonḓuviro komukuru watjo wotjisenginina, nungwari eṱe matu rikotamene natu kara nonḓuviro ku Muhona, Ndjambi wetu nga ko nga aruhe.
Israel matji kotoka okuza kouhuura
6 Muhona ma tja nai: “Oruveze maru ya ami mu me woronganisa imba mbu mba vera, naimba avehe mba pizuka namba hihamwa mouhuura, 7 nu imba oviṱeṱu meve tjiti kutja ve rire otjiwaṋa otjipe tji tja sewa po, imba mba imbirahiwa kokure meve tjiti kutja ve rire otjiwaṋa otjinamasa. Ami meve honaparere kondundu Sion okuza ku ndinondi nga ko nga aruhe.”
8 Nove, Jerusalem, Ndjambi ma tjeverera otjiwaṋa tje otja omurise, mo rire otjihuro ohongora rukwao tjouhona mbwa ri owoye rutenga. 9 Mo urire tjike nomasa? Kamu tji nombara move are? Omuyandjandunge woye hapo wa ṱa tji u ri momihihamo nai tjimuna omukazendu pombandukiro? 10 Rivingeye nu mu tjeme, vature va Jerusalem, tjimuna omukazendu pombandukiro, orondu nambano mo zu mo motjihuro no katura mokuti. Ove mo sokuyenda kObabilon, oku mo kayamwa. Nu koṋa ngo Muhona oku meke ku kutura momake wovanavita na ove. 11 Oviwaṋa ovingi vya woronganene okukurwisa. Ovyo mavi tja nai: “Jerusalem matji sokuyandekwa! Matu munu otjihuro hi atji ri otjitambatundu!” 12 Nungwari ovyo kavi nokutjiwa omeripura wa Muhona na indji ondyero ye yokutja eye we vi woronganisira okuvivera tjimuna omikuta tji vi etwa kotjitondero okutondwa.
13 Muhona ma tja nai: “Vature va Jerusalem, twendeye mu kavere ovanavita na eṋe! Orondu ami me mu tjiti kutja mu rire ovanamasa tjimuna ondwezu yozonya zotjitenda novikoti vyongoporo. Neṋe mamu tombo oviwaṋa ovingi; novihuurwa vyawo mamu vi yapurire ami ngu mbi ri Muhona wouye auhe.”
