Ovihuro vyomaundiro
(Num 35:9-34)1 Muhona wa hungira ku Josua kutja a raere nai kOvaisrael: 2 “Toororeye ovihuro vyomaundiro, mbi mba rakizire ku Moses kutja e mu raere. 3 Omundu ngwa zeperere omukwao ma yenene okutaurira ku vyo ama hene komurumendu ngu ma vanga okumusutisa mongore yokuzepa. 4 Eye ma sora okutaurira ku tjimwe tjavyo, a i poṋa pombanguriro pomahitiro wotjihuro na kaserekarera kovanane votjihuro imbi mbya tjitwa. Nungwari owo mave mu yandjere okuhita motjihuro nave mu pe poṋa puma kara kutja a ture mu tjo. 5 Nomunangore tje mu kongorere nga mbo, ovandu votjihuro ave he mu yandja ko momake we. Owo ngave mu yame, orondu eye wa zeperere Omuisrael omukwao, nu ka ri nomazenge na ye. 6 Eye nga kare motjihuro ho, ngandu indu tja pangurwa komurungu wombanguriro, nu ngandu indu omurumendu ngu ri Omupristeri Otjiuru moruveze ndo tja koka. Tjazumba ingwi ngwa zeperere omukwao ma sora okuyaruka kotjihuro tje omuini ka ziririre indu tja taurire.”
7 Komuhingo mbwi Ovaisrael otji va toorora ovihuro mbi komukuma wokongurova kwa Jordan: OoKedes mOgalilea, mehi rozondundu ra Naftali, na Sikem mehi rozondundu ra Efraim, na Kirjat-Arba, tji tji ri Hebron, mehi rozondundu ra Juda. 8 Komukuma wokomuhuka wa Jordan motjivanda mokuti onguza komuhuka wa Jeriko va toorora Beser tjomuhoko wa Ruben, na Ramot mOgilead tjomuhoko wa Gad, na Golan mObasan tjomuhoko wa Manasse. 9 Imbi ombya ri ovihuro vyomaundiro mbya toororerwa Ovaisrael avehe novandu wozonganda, mba turire mokati kawo, omundu auhe ngwa zeperere omukwao kutja a kayamwe mu vyo; eye kamaa ṱu i omunangore e hiya pangurwa komurungu wombanguriro.
Ovihuro vyomaundiro
(Num 35:9-34)1 Muhona wa hungira ku Josua kutja a raere nai kOvaisrael: 2 “Toororeye ovihuro vyomaundiro, mbi mba rakizire ku Moses kutja e mu raere. 3 Omundu ngwa zeperere omukwao ma yenene okutaurira ku vyo ama hene komurumendu ngu ma vanga okumusutisa mongore yokuzepa. 4 Eye ma sora okutaurira ku tjimwe tjavyo, a i poṋa pombanguriro pomahitiro wotjihuro na kaserekarera kovanane votjihuro imbi mbya tjitwa. Nungwari owo mave mu yandjere okuhita motjihuro nave mu pe poṋa puma kara kutja a ture mu tjo. 5 Nomunangore tje mu kongorere nga mbo, ovandu votjihuro ave he mu yandja ko momake we. Owo ngave mu yame, orondu eye wa zeperere Omuisrael omukwao, nu ka ri nomazenge na ye. 6 Eye nga kare motjihuro ho, ngandu indu tja pangurwa komurungu wombanguriro, nu ngandu indu omurumendu ngu ri Omupristeri Otjiuru moruveze ndo tja koka. Tjazumba ingwi ngwa zeperere omukwao ma sora okuyaruka kotjihuro tje omuini ka ziririre indu tja taurire.”
7 Komuhingo mbwi Ovaisrael otji va toorora ovihuro mbi komukuma wokongurova kwa Jordan: OoKedes mOgalilea, mehi rozondundu ra Naftali, na Sikem mehi rozondundu ra Efraim, na Kirjat-Arba, tji tji ri Hebron, mehi rozondundu ra Juda. 8 Komukuma wokomuhuka wa Jordan motjivanda mokuti onguza komuhuka wa Jeriko va toorora Beser tjomuhoko wa Ruben, na Ramot mOgilead tjomuhoko wa Gad, na Golan mObasan tjomuhoko wa Manasse. 9 Imbi ombya ri ovihuro vyomaundiro mbya toororerwa Ovaisrael avehe novandu wozonganda, mba turire mokati kawo, omundu auhe ngwa zeperere omukwao kutja a kayamwe mu vyo; eye kamaa ṱu i omunangore e hiya pangurwa komurungu wombanguriro.
