Otjipwikiro tjOmerikutiropamwe matji etwa mondjuwo ya Muhona
(2Eku 5:2—6:2)1 Ombara Salomo wa woronganisira ovanane vOvaisrael na imbi oviuru vyomihoko novyomaṱunḓu wOvaisrael mOjerusalem kutja ve kaete Otjipwikiro tjOmerikutiropamwe wa Muhona kOsion, Otjihuro tja David, nu ve tji ete kondjuwo ya Muhona. 2 Ovarumendu avehe vOvaisrael va woronganena pOmukandi wOviranda vyOmaso momueze Etanim, imbwi outjahambombari. 3 Novanane avehe tji va worongana, ovapristeri arire tji va toora Otjipwikiro tjOmerikutiropamwe 4 nave tji twara kondjuwo ya Muhona. Ovapristeri nOvalevi wina va twara Ondanda yOmahakaeneno noviungurise avihe oviyapuke mbya ri mu yo kondjuwo ya Muhona. 5 Nombara Salomo nOvaisrael avehe va woronganena momurungu wOtjipwikiro tjOmerikutiropamwe, nave punguha ozonyanda nozongombe ozengi tjinene nḓe hi notjivaro. 6 Tjazumba ovapristeri otji va toora Otjipwikiro tjOmerikutiropamwe nave ketjitwa metuwo romokwara rondjuwo, okutja mOtjouyapukeyapuke, kehi yovivava vyovakerubi. 7 Novivava vyawo vya nyaturukira kombanda yOtjipwikiro tjOmerikutiropamwe nave tji kutjire pamwe noviti vyatjo ovitjindiro. 8 Noviti ovitjindiro, mbi ri mbo nga ku ndinondi, vya ri ovire nai nga ovikoro vyavyo tjaavi munikire metuwo nda ri komurungu wOtjouyapukeyapuke; nungwari kaavi sora okumunikira pendje. 9 Kamwa ri otjiṋa tjarwe mOtjipwikiro tjOmerikutiropamwe posi yovitjangero imbi vivari vyomawe, Moses mbya twire mu tjo kondundu Sinai, Muhona ka tjitire omerikutiropamwe nOvaisrael, indu tji va zire kOengipte.
10 Novapristeri tji va pita mondjuwo ya Muhona, kamanga otjikamba otji tje urisa ondjuwo ya Muhona. 11 Nowo kave yarukire mu yo okutjita oviungura vyawo, ongeṋangeṋeno ya Muhona tjinga aye urisa indji ondjuwo ya Muhona 12 Nu Salomo otja kumba na tja:
“Ove, Muhona, wa twa eyuva meyuru,
nu vari ove we ritoororera okukara movikamba na monḓorera.
13 Nambano nai mbe ku tungire ondjuwo,
mu mo tura nga aruhe.”
Salomo ma hungire notjiwaṋa
(2Eku 6:3-11)14 Notjiwaṋa atjihe ngunda atja kurama mbo, ombara Salomo wa tanauka na tara ku tjo, ne tji ningirire ondaya ya Ndjambi. 15 Neye wa tja nai: “Nga tangwe Muhona, Ndjambi wa Israel! Eye wa yenenisa omakwizikiro nga tjita ku tate David, indu tja tja: 16 ‘Okuza keyuva, ndi mba pitisa otjiwaṋa tjandje mOengipte, ami hi toororere otjihuro ngamwa mehi arihe ra Israel, mu mwa sokutungwa ondjuwo ondjapuke mu me kumbirwa. Nungwari mba toorora ove, David, okurira ombara wotjiwaṋa tjandje Israel.’ ”
17 Salomo wa hungira komurungu na tja: “Tate David wa vanga okutungira Muhona, Ndjambi wa Israel, ondjuwo ondjapuke, 18 nungwari Muhona wa tja nai ku tate David: ‘Ami mbi nohange na ove kutja wa vanga okundjitungira ondjuwo ondjapuke. 19 Nungwari kaove ngu mo i tungu, David; ma rire omuzandu woye ongu me ndji tungire ondjuwo ondjapuke.’
20 “Nambano Muhona wa yenenisa omakwizikiro we nga tjita. Ami mba pingena tate David okurira ombara ya Israel, nu mba tungire Muhona, Ndjambi wa Israel, ondjuwo. 21 Ami wina mba ṱuna oruveze mondjuwo rwOtjipwikiro tjOmerikutiropamwe mu mu novitjangero imbi vivari vyomawe vyomerikutiropamwe, Muhona nga tjita puna ootate mukururume, indu tje ve pitisire mehi ra Engipte.”
Ongumbiro ya Salomo
(2Eku 6:12-42)22 Notjiwaṋa atjihe ngunda atji ri mbo, Salomo wa kakurama komurungu wotjipunguhiro tja Muhona. Eye wa yera omaoko we keyuru, 23 na kumbu a tja: “Muhona, Ndjambi wa Israel, kape na omukuru ngu ri otja ove kombanda meyuru poo kehi kombanda yehi! Oove omuṱakame komerikutiropamwe woye nu u raisa orusuvero rwoye orukarerere kotjiwaṋa tjoye tji tji nonḓuviro kove nomutima watjo auhe. 24 Ove wa ṱakamisa omakwizikiro ngu wa tjita ku tate David, omukarere woye; nu ndinondi wa yenenisa imbi mbi wa kwizika. 25 Nambano Muhona, Ndjambi wa Israel, ami me kumbu kutja ove u ṱakamise omakwizikiro nga omakwao ngu wa tjita ku tate David, indu tji we mu raera nai: ‘Ami aruhe me ku pe ondekurona, ndji mai ku pingene okurira ombara ya Israel, indu ozondekurona zoye tji maze kara nonḓuviro ku ami tjimuna ove tji wa kara na yo ku ami.’ 26 Nu komuhingo mbwi otji me kumbu, Ndjambi wa Israel, kutja ove u yenenise omakwizikiro ngu wa tjita ku tate David, omukarere woye.
27 “Ndjambi, tjiri, hapo mape ya ove o tura kombanda yehi? Nandarire eyuru arihe kari yenene kove, nu ondjuwo indji ndji mba tunga mai yenene vi kove? 28 Arikana, ndji zuvira ongumbiro yandje nomeriyarikaṋeno wandje, Muhona, Ndjambi wandje; ndji zuvira ondjuriro nongumbiro yandje, ndji me kumbu kove ndinondi. 29 Tjevera ondjuwo ndji omutenya nouṱuku; poṋa mba ove pu wa toorora okukumbirwa po. Ndji zuvira, tji me kumbire mondjuwo ndji. 30 Zuvira ozongumbiro zandje nozotjiwaṋa tjoye, aruhe matji kumbire moṋa mwi. Moyoye meyuru tu zuvira nu tu isira.
31 “Omundu tji ma kumininwa kutja wa tjiti ouvi komukwao, na etwa kotjipunguhiro tjoye mondjuwo ndji a yane kutja ke nondjo, 32 Muhona, zuva meyuru, nu pangura ovakarere voye. Vera ingwi omunandjo pu pa yenene, nu kutura ingwi omuhinandjo.
33 “Otjiwaṋa tjoye tji tja haverwa i ovanavita na tjo mena rokutja tja tura ondjo komurungu woye, nu tjazumba otjo atji ritanaurire kove, natji ku yozike, natji ningire ondjesiro mondjuwo ndji, 34 tji zuvira meyuru. Isira otjiwaṋa tjoye Israel omauvi watjo, nu tji yarura kehi, ndi wa yandja kooihe mukururume.
35 “Otjiwaṋa tjoye tji tja tura ondjo komurungu woye, nove tji we tji vere nokuhinokutjita ombura, nu tjazumba otjo atji ritanaura, atji tara kondjuwo ndji natji kumbu nokukutanga, 36 tji zuvira meyuru. Isira omauvi wombara nowotjiwaṋa tja Israel. Ve honga ondjira osemba mu mave ryanga, nu tjazumba u rokise ombura mehi roye, ndi wa yandja kotjiwaṋa tjoye ri rire ouini watjo oukarerere.
37 “Tji mu nourumbu mehi poo omutjise omuzeu poo ovikunwa tji vya nyonwa i ombepo ombyu poo i omutjise wovikokotwa poo i ehapu rozombahu, poo otjiwaṋa tjoye tji tja rwisiwa i ovanavita na tjo poo tji mu nomutjise poo ouvere mokati katjo, 38 tji zuvira ozongumbiro zatjo. Tji pe novandu motjiwaṋa tjoye Israel mbe noruhoze momitima nave roporora omaoko wawo mongumbiro kondjuwo ndji, 39 ve zuvira ongumbiro yawo. Ve zuvira moyoye meyuru, nu ve isira, nu tjita ku auhe otja pa pu pokutjitwa, ove tjinga au tjiwa omeripura wovandu avehe. 40 Ovandu voye otji mave ku tira oruveze aruhe ngunda ava tura mehi, ndi wa yandja kootate mukururume.
41 “Owozonganda ngu tura kehi rokokure tja zuu ena roye enene, 42 na imbi oviṋa ovinene, mbi wa tjita kotjiwaṋa tjoye, nu tje ya okurikotamena kove nokukumbira pondjuwo ndji, 43 mu zuvira ongumbiro ye. Mu zuvira meyuru mu u tura, nu u yenenise imbi eye mbi me ku ningire okutjita, ovandu avehe kombanda yehi kutja ve ku tjiwe nokukutira tjimuna otjiwaṋa tjoye omuini tji tji tjita. Nowo otji mave tjiwa kutja ondjuwo ndji ndji mba tunga, ove omu u kumbirwa mo.
44 “Ove tji wa rakiza kotjiwaṋa tjoye okukarwa novanavita na tjo, notjo atji kumbu kove ama tji tara kotjihuro hi tji wa toorora, na kondjuwo ndji ndji mbe ku tungira, 45 tji zuvira ozongumbiro zatjo. Tji zuvira meyuru, nu u tji pe outoṋi.
46 “Otjiwaṋa tjoye tji tja tura ondjo komurungu woye, tjinga ape hi na omundu ngu ha tura ondjo, nu momazenge woye tji wa tjiti kutja ovanavita na tjo ve tji havere, nokutjitwara kehi rarwe otja ovahuurwa, nandarire kutja okokure, 47 tji zuvira ozongumbiro zatjo. Tji tje ritanaurire mehi ndo natji kumbu kove, ama tji rihepura kutja otjinauvi nu tja tjita ouvi, tji zuvira ozongumbiro zatjo, Muhona. 48 Nu tji tje ritanaurire tjiri kove nomitima vyawo avihe mehi ndo, natji kumbu kove, ngunda ama tji tara kehi ndi ndi wa yandja kooihe mukururume, na kotjihuro ihi tji wa toorora, na kondjuwo ndji ndji mbe ku tungira, 49 tji zuvira ozongumbiro zatjo. Tji zuvira moyoye meyuru, nu u tji tjariparere. 50 Isira otjiwaṋa tjoye omauvi nozongatukiro zatjo komurungu woye, nu tjita kutja ovanavita na tjo ve tji ṱire ondjenda. 51 Otjo otjiwaṋa tjoye omuini tji wa pitisa mOengipte motjiwiyu.
52 “Naruhe tara nondjingonekero kotjiwaṋa tjoye Israel na kombara yatjo, nu tji zuvira ongumbiro yatjo aruhe tji matji ku ombatero kove. 53 Ove we tji toorora mokati koviwaṋa avihe mbi ri kombanda yehi okurira otjiwaṋa tjoye omuini otja punga awa rakizire komukarere woye Moses, indu ove tji wa pitisire ootate mukururume mOengipte, Muhona Ndjambi.”
Salomo ma sere Ovaisrael ondaya rukwao
54 Salomo tja za nokukumba ku Muhona, wa sekama momurungu wotjipunguhiro poṋa pa worera ozongoro a yere omaoko we keyuru. 55 Eye wa ningirira Ovaisrael avehe mba wongara mbo, ondaya ya Ndjambi neraka enene na tja: 56 “Muhona nga tangwe, ngwa yandja ohange kotjiwaṋa tje otja pa kwizika. Eye wa yenenisa omakwizikiro we omawa aehe, nga tjitire komukarere we Moses. 57 Muhona, Ndjambi wetu, nga kare puna eṱe otja tjinga a ri puna ootate mukururume; eye e he tu esa, nu e he tu imbirahi. 58 Eye nge tu tjite kutja tu kare nonḓuviro ku ye, aruhe tu hupe otja eye tji ma vanga, nu tu ṱakamise omatwako nomazikamisiro nomaraerero we, nga yandja kootate mukururume. 59 Muhona, Ndjambi wetu, nga zemburuke aruhe ongumbiro ndji nomeriyarikaṋeno nga, ngu mba tjiti ku ye. Eye aruhe nga kare notjari kOvaisrael na kombara yawo otja kouhepe wawo meyuva arihe. 60 Komuhingo mbwi oviwaṋa avihe, mbi ri kombanda yehi, otji mavi tjiwa kutja Muhona eye onguri Ndjambi erike, nu kape na warwe. 61 Ove, tjiwaṋa tje, aruhe kara nouṱakame ku Muhona, Ndjambi wetu, mokuṱakamisa omatwako nomazikamisiro we otja tji wa tjiti ndinondi.”
Omayapuriro wondjuwo ya Muhona
(2Eku 7:4-10)62 Nombara Salomo nOvaisrael avehe va punguhira Muhona ozombunguhiro. 63 Eye wa punguha ozongombe 22,000 nozonyanda 120,000 ze rire ozombunguhiro zohange. Komuhingo mbwi ombara nOvaisrael avehe otji va yapurira Muhona ondjuwo ndji. 64 Meyuva tjingero ndo ombara wina otji ya yapura orupanda rwomokati, ndwa ri momurungu wondjuwo ya Muhona, oyo puyai punguhire ozombunguhiro ozoningiririsiwa nozovikurya, nozonḓura zovinamuinyo ze rire ozombunguhiro zohange, kotjipunguhiro. Ihi otjipunguhiro tjongoporo tji tja ri mondjuwo tja ri otjiṱiṱi tjinene kozombunguhiro azehe nḓa.
65 Tjazumba ombara Salomo nOvaisrael avehe, okuza pomakapitiro wondundu Hamat kuṱa keyuva kokunene nga komukuro wa Engipte kuṱa keyuva kokumuho, otji va tjita Omukandi wOviranda vyOmaso komurungu wa Muhona, Ndjambi wetu, oure womayuva hambombari. 66 Nu meyuva oritjahambondatu Salomo otja hinda otjiwaṋa okuyaruka kozonganda. Avehe va tanga ombara nave yaruka kozoyawo nenyando nondjoroka mena roviṋa avihe mbi Muhona mbya yandja komukarere we David na kotjiwaṋa tje Israel.
Otjipwikiro tjOmerikutiropamwe matji etwa mondjuwo ya Muhona
(2Eku 5:2—6:2)1 Ombara Salomo wa woronganisira ovanane vOvaisrael na imbi oviuru vyomihoko novyomaṱunḓu wOvaisrael mOjerusalem kutja ve kaete Otjipwikiro tjOmerikutiropamwe wa Muhona kOsion, Otjihuro tja David, nu ve tji ete kondjuwo ya Muhona. 2 Ovarumendu avehe vOvaisrael va woronganena pOmukandi wOviranda vyOmaso momueze Etanim, imbwi outjahambombari. 3 Novanane avehe tji va worongana, ovapristeri arire tji va toora Otjipwikiro tjOmerikutiropamwe 4 nave tji twara kondjuwo ya Muhona. Ovapristeri nOvalevi wina va twara Ondanda yOmahakaeneno noviungurise avihe oviyapuke mbya ri mu yo kondjuwo ya Muhona. 5 Nombara Salomo nOvaisrael avehe va woronganena momurungu wOtjipwikiro tjOmerikutiropamwe, nave punguha ozonyanda nozongombe ozengi tjinene nḓe hi notjivaro. 6 Tjazumba ovapristeri otji va toora Otjipwikiro tjOmerikutiropamwe nave ketjitwa metuwo romokwara rondjuwo, okutja mOtjouyapukeyapuke, kehi yovivava vyovakerubi. 7 Novivava vyawo vya nyaturukira kombanda yOtjipwikiro tjOmerikutiropamwe nave tji kutjire pamwe noviti vyatjo ovitjindiro. 8 Noviti ovitjindiro, mbi ri mbo nga ku ndinondi, vya ri ovire nai nga ovikoro vyavyo tjaavi munikire metuwo nda ri komurungu wOtjouyapukeyapuke; nungwari kaavi sora okumunikira pendje. 9 Kamwa ri otjiṋa tjarwe mOtjipwikiro tjOmerikutiropamwe posi yovitjangero imbi vivari vyomawe, Moses mbya twire mu tjo kondundu Sinai, Muhona ka tjitire omerikutiropamwe nOvaisrael, indu tji va zire kOengipte.
10 Novapristeri tji va pita mondjuwo ya Muhona, kamanga otjikamba otji tje urisa ondjuwo ya Muhona. 11 Nowo kave yarukire mu yo okutjita oviungura vyawo, ongeṋangeṋeno ya Muhona tjinga aye urisa indji ondjuwo ya Muhona 12 Nu Salomo otja kumba na tja:
“Ove, Muhona, wa twa eyuva meyuru,
nu vari ove we ritoororera okukara movikamba na monḓorera.
13 Nambano nai mbe ku tungire ondjuwo,
mu mo tura nga aruhe.”
Salomo ma hungire notjiwaṋa
(2Eku 6:3-11)14 Notjiwaṋa atjihe ngunda atja kurama mbo, ombara Salomo wa tanauka na tara ku tjo, ne tji ningirire ondaya ya Ndjambi. 15 Neye wa tja nai: “Nga tangwe Muhona, Ndjambi wa Israel! Eye wa yenenisa omakwizikiro nga tjita ku tate David, indu tja tja: 16 ‘Okuza keyuva, ndi mba pitisa otjiwaṋa tjandje mOengipte, ami hi toororere otjihuro ngamwa mehi arihe ra Israel, mu mwa sokutungwa ondjuwo ondjapuke mu me kumbirwa. Nungwari mba toorora ove, David, okurira ombara wotjiwaṋa tjandje Israel.’ ”
17 Salomo wa hungira komurungu na tja: “Tate David wa vanga okutungira Muhona, Ndjambi wa Israel, ondjuwo ondjapuke, 18 nungwari Muhona wa tja nai ku tate David: ‘Ami mbi nohange na ove kutja wa vanga okundjitungira ondjuwo ondjapuke. 19 Nungwari kaove ngu mo i tungu, David; ma rire omuzandu woye ongu me ndji tungire ondjuwo ondjapuke.’
20 “Nambano Muhona wa yenenisa omakwizikiro we nga tjita. Ami mba pingena tate David okurira ombara ya Israel, nu mba tungire Muhona, Ndjambi wa Israel, ondjuwo. 21 Ami wina mba ṱuna oruveze mondjuwo rwOtjipwikiro tjOmerikutiropamwe mu mu novitjangero imbi vivari vyomawe vyomerikutiropamwe, Muhona nga tjita puna ootate mukururume, indu tje ve pitisire mehi ra Engipte.”
Ongumbiro ya Salomo
(2Eku 6:12-42)22 Notjiwaṋa atjihe ngunda atji ri mbo, Salomo wa kakurama komurungu wotjipunguhiro tja Muhona. Eye wa yera omaoko we keyuru, 23 na kumbu a tja: “Muhona, Ndjambi wa Israel, kape na omukuru ngu ri otja ove kombanda meyuru poo kehi kombanda yehi! Oove omuṱakame komerikutiropamwe woye nu u raisa orusuvero rwoye orukarerere kotjiwaṋa tjoye tji tji nonḓuviro kove nomutima watjo auhe. 24 Ove wa ṱakamisa omakwizikiro ngu wa tjita ku tate David, omukarere woye; nu ndinondi wa yenenisa imbi mbi wa kwizika. 25 Nambano Muhona, Ndjambi wa Israel, ami me kumbu kutja ove u ṱakamise omakwizikiro nga omakwao ngu wa tjita ku tate David, indu tji we mu raera nai: ‘Ami aruhe me ku pe ondekurona, ndji mai ku pingene okurira ombara ya Israel, indu ozondekurona zoye tji maze kara nonḓuviro ku ami tjimuna ove tji wa kara na yo ku ami.’ 26 Nu komuhingo mbwi otji me kumbu, Ndjambi wa Israel, kutja ove u yenenise omakwizikiro ngu wa tjita ku tate David, omukarere woye.
27 “Ndjambi, tjiri, hapo mape ya ove o tura kombanda yehi? Nandarire eyuru arihe kari yenene kove, nu ondjuwo indji ndji mba tunga mai yenene vi kove? 28 Arikana, ndji zuvira ongumbiro yandje nomeriyarikaṋeno wandje, Muhona, Ndjambi wandje; ndji zuvira ondjuriro nongumbiro yandje, ndji me kumbu kove ndinondi. 29 Tjevera ondjuwo ndji omutenya nouṱuku; poṋa mba ove pu wa toorora okukumbirwa po. Ndji zuvira, tji me kumbire mondjuwo ndji. 30 Zuvira ozongumbiro zandje nozotjiwaṋa tjoye, aruhe matji kumbire moṋa mwi. Moyoye meyuru tu zuvira nu tu isira.
31 “Omundu tji ma kumininwa kutja wa tjiti ouvi komukwao, na etwa kotjipunguhiro tjoye mondjuwo ndji a yane kutja ke nondjo, 32 Muhona, zuva meyuru, nu pangura ovakarere voye. Vera ingwi omunandjo pu pa yenene, nu kutura ingwi omuhinandjo.
33 “Otjiwaṋa tjoye tji tja haverwa i ovanavita na tjo mena rokutja tja tura ondjo komurungu woye, nu tjazumba otjo atji ritanaurire kove, natji ku yozike, natji ningire ondjesiro mondjuwo ndji, 34 tji zuvira meyuru. Isira otjiwaṋa tjoye Israel omauvi watjo, nu tji yarura kehi, ndi wa yandja kooihe mukururume.
35 “Otjiwaṋa tjoye tji tja tura ondjo komurungu woye, nove tji we tji vere nokuhinokutjita ombura, nu tjazumba otjo atji ritanaura, atji tara kondjuwo ndji natji kumbu nokukutanga, 36 tji zuvira meyuru. Isira omauvi wombara nowotjiwaṋa tja Israel. Ve honga ondjira osemba mu mave ryanga, nu tjazumba u rokise ombura mehi roye, ndi wa yandja kotjiwaṋa tjoye ri rire ouini watjo oukarerere.
37 “Tji mu nourumbu mehi poo omutjise omuzeu poo ovikunwa tji vya nyonwa i ombepo ombyu poo i omutjise wovikokotwa poo i ehapu rozombahu, poo otjiwaṋa tjoye tji tja rwisiwa i ovanavita na tjo poo tji mu nomutjise poo ouvere mokati katjo, 38 tji zuvira ozongumbiro zatjo. Tji pe novandu motjiwaṋa tjoye Israel mbe noruhoze momitima nave roporora omaoko wawo mongumbiro kondjuwo ndji, 39 ve zuvira ongumbiro yawo. Ve zuvira moyoye meyuru, nu ve isira, nu tjita ku auhe otja pa pu pokutjitwa, ove tjinga au tjiwa omeripura wovandu avehe. 40 Ovandu voye otji mave ku tira oruveze aruhe ngunda ava tura mehi, ndi wa yandja kootate mukururume.
41 “Owozonganda ngu tura kehi rokokure tja zuu ena roye enene, 42 na imbi oviṋa ovinene, mbi wa tjita kotjiwaṋa tjoye, nu tje ya okurikotamena kove nokukumbira pondjuwo ndji, 43 mu zuvira ongumbiro ye. Mu zuvira meyuru mu u tura, nu u yenenise imbi eye mbi me ku ningire okutjita, ovandu avehe kombanda yehi kutja ve ku tjiwe nokukutira tjimuna otjiwaṋa tjoye omuini tji tji tjita. Nowo otji mave tjiwa kutja ondjuwo ndji ndji mba tunga, ove omu u kumbirwa mo.
44 “Ove tji wa rakiza kotjiwaṋa tjoye okukarwa novanavita na tjo, notjo atji kumbu kove ama tji tara kotjihuro hi tji wa toorora, na kondjuwo ndji ndji mbe ku tungira, 45 tji zuvira ozongumbiro zatjo. Tji zuvira meyuru, nu u tji pe outoṋi.
46 “Otjiwaṋa tjoye tji tja tura ondjo komurungu woye, tjinga ape hi na omundu ngu ha tura ondjo, nu momazenge woye tji wa tjiti kutja ovanavita na tjo ve tji havere, nokutjitwara kehi rarwe otja ovahuurwa, nandarire kutja okokure, 47 tji zuvira ozongumbiro zatjo. Tji tje ritanaurire mehi ndo natji kumbu kove, ama tji rihepura kutja otjinauvi nu tja tjita ouvi, tji zuvira ozongumbiro zatjo, Muhona. 48 Nu tji tje ritanaurire tjiri kove nomitima vyawo avihe mehi ndo, natji kumbu kove, ngunda ama tji tara kehi ndi ndi wa yandja kooihe mukururume, na kotjihuro ihi tji wa toorora, na kondjuwo ndji ndji mbe ku tungira, 49 tji zuvira ozongumbiro zatjo. Tji zuvira moyoye meyuru, nu u tji tjariparere. 50 Isira otjiwaṋa tjoye omauvi nozongatukiro zatjo komurungu woye, nu tjita kutja ovanavita na tjo ve tji ṱire ondjenda. 51 Otjo otjiwaṋa tjoye omuini tji wa pitisa mOengipte motjiwiyu.
52 “Naruhe tara nondjingonekero kotjiwaṋa tjoye Israel na kombara yatjo, nu tji zuvira ongumbiro yatjo aruhe tji matji ku ombatero kove. 53 Ove we tji toorora mokati koviwaṋa avihe mbi ri kombanda yehi okurira otjiwaṋa tjoye omuini otja punga awa rakizire komukarere woye Moses, indu ove tji wa pitisire ootate mukururume mOengipte, Muhona Ndjambi.”
Salomo ma sere Ovaisrael ondaya rukwao
54 Salomo tja za nokukumba ku Muhona, wa sekama momurungu wotjipunguhiro poṋa pa worera ozongoro a yere omaoko we keyuru. 55 Eye wa ningirira Ovaisrael avehe mba wongara mbo, ondaya ya Ndjambi neraka enene na tja: 56 “Muhona nga tangwe, ngwa yandja ohange kotjiwaṋa tje otja pa kwizika. Eye wa yenenisa omakwizikiro we omawa aehe, nga tjitire komukarere we Moses. 57 Muhona, Ndjambi wetu, nga kare puna eṱe otja tjinga a ri puna ootate mukururume; eye e he tu esa, nu e he tu imbirahi. 58 Eye nge tu tjite kutja tu kare nonḓuviro ku ye, aruhe tu hupe otja eye tji ma vanga, nu tu ṱakamise omatwako nomazikamisiro nomaraerero we, nga yandja kootate mukururume. 59 Muhona, Ndjambi wetu, nga zemburuke aruhe ongumbiro ndji nomeriyarikaṋeno nga, ngu mba tjiti ku ye. Eye aruhe nga kare notjari kOvaisrael na kombara yawo otja kouhepe wawo meyuva arihe. 60 Komuhingo mbwi oviwaṋa avihe, mbi ri kombanda yehi, otji mavi tjiwa kutja Muhona eye onguri Ndjambi erike, nu kape na warwe. 61 Ove, tjiwaṋa tje, aruhe kara nouṱakame ku Muhona, Ndjambi wetu, mokuṱakamisa omatwako nomazikamisiro we otja tji wa tjiti ndinondi.”
Omayapuriro wondjuwo ya Muhona
(2Eku 7:4-10)62 Nombara Salomo nOvaisrael avehe va punguhira Muhona ozombunguhiro. 63 Eye wa punguha ozongombe 22,000 nozonyanda 120,000 ze rire ozombunguhiro zohange. Komuhingo mbwi ombara nOvaisrael avehe otji va yapurira Muhona ondjuwo ndji. 64 Meyuva tjingero ndo ombara wina otji ya yapura orupanda rwomokati, ndwa ri momurungu wondjuwo ya Muhona, oyo puyai punguhire ozombunguhiro ozoningiririsiwa nozovikurya, nozonḓura zovinamuinyo ze rire ozombunguhiro zohange, kotjipunguhiro. Ihi otjipunguhiro tjongoporo tji tja ri mondjuwo tja ri otjiṱiṱi tjinene kozombunguhiro azehe nḓa.
65 Tjazumba ombara Salomo nOvaisrael avehe, okuza pomakapitiro wondundu Hamat kuṱa keyuva kokunene nga komukuro wa Engipte kuṱa keyuva kokumuho, otji va tjita Omukandi wOviranda vyOmaso komurungu wa Muhona, Ndjambi wetu, oure womayuva hambombari. 66 Nu meyuva oritjahambondatu Salomo otja hinda otjiwaṋa okuyaruka kozonganda. Avehe va tanga ombara nave yaruka kozoyawo nenyando nondjoroka mena roviṋa avihe mbi Muhona mbya yandja komukarere we David na kotjiwaṋa tje Israel.
