Omerikutirokumwe wokuzepa Jesus
(Mk 14:1-2Lk 22:1-2Jhn 11:45-53)1 Jesus tja manene okuhungira oviṋa mbi avihe arire tja tja kovahongewa ve: 2 “Otja tji mamu tjiwa nambano pa sewa omayuva yevari kOpaska, nOmuna wOmundu ma yandjwa kokupaperwa kotjikoroise.”
3 Novapristeri oviuru novanene arire tji va woronganene mondjuwo youhona ya Kajafas, Omupristeri Otjiuru, 4 kutja ve tye omuhingo mbu mave kambura na wo Jesus movineya kutja ve mu zepe, 5 nave tja: “Atu mu kambura momayuva womukandi wOpaska, tjapo otjiwaṋa ngaa tji zungana.”
Jesus ma twirisirwa mObetanie
(Mk 14:3-9Jhn 12:1-8)6 Jesus wa ri kObetanie mondjuwo ya Simon, omurumendu ngwa ri nomutjise wongana. 7 Nu Jesus ngunda e ri pomariro, arire tji pa hiti omukazendu ngwa ri nekende nde urire nomaze omavawa na tirire kotjiuru tja Jesus. 8 Ovahongewa tji va muna otjiṋa hi, va pindika nave pura ave tja: “Ongwaye tji ma morosa ovyomoro omuwa nai? 9 Ovyo andakuzu vya randisiwa kovimariva ovingi, nu imbi ovimariva avi yandjewa kovasyona!”
10 Jesus aa tjiwa imbi mbi mave hungire, nopa tjera ku wo: “Omukazendu ngwi mamu mu kendisire tjike? Eye we ndji ungurire otjiungura otjiwa. 11 Ovasyona aruhe mu ri pamwe, nungwari ami hi nokukara puna eṋe aruhe. 12 Ihi omukazendu ngwi tja tjiti okongwi okutirira omaze omavawa nga korutu rwandje okururongerisira ombakero yandje. 13 Nambano, tjiri, me mu raere, akuhe Ombuze Ombwa ndji ku mai kazuvarisiwa mouye auhe, ihi eye tja tjiti matji kaserekarerwa komazemburukiro we.”
Judas ma itavere okuhorora Jesus movineya
(Mk 14:10-11Lk 22:3-6)14 Nu umwe wovahongewa mba omurongo na vevari, ngu ku za Judas Iskariot, arire tja i kovapristeri oviuru 15 na kapura a tja: “Mamu ndji pe tjike tji mba yandja Jesus momake weṋu?” Owo va vara ovimariva ovisilveri omirongo vitatu nave mu pe. 16 Okuza keyuva ndo Judas aa paha omuhingo omuwa wokuyandja Jesus ku wo.
Jesus ma ri Omariro wOpaska puna ovahongewa ve
(Mk 14:12-21Lk 22:7-13, Lk 21-23Jhn 13:21-30)17 Nu meyuva etenga romayuva omanene wOzomboroto nḓe hi nosurise ovahongewa ve ere ku Jesus nave mu pura ave tja: “Ku movanga kutja tu kekuṱunine Omariro wOpaska ku pi?”
18 Eye arire tja tja ku wo: “Twendeye kotjihuro komurumendu worive, nu mu kemuraere nai: ‘Omuhonge ma tja: Oruveze rwandje rwa yenene. Ami me vanga okutjita Opaska puna ovahongewa vandje moyoye.’ ”
19 Ovahongewa arire tji va tjiti otja Jesus punga e ve raera nave kaṱuna Omariro wOpaska.
20 Nu tji ratoko Jesus novahongewa ve omurongo na vevari va haama pehi okurya. 21 Nu ngunda amave ri Jesus a tja: “Tjiri, me mu raere, umwe weṋu me ndji zepaisa movineya.” 22 Ovahongewa va ṱoruhoze tjinene nave utu okumupura koumweumwe ave tja: “Indu nai owami are, Muhona?”
23 Jesus wa zirire a tja: “Eye ngwi ngu ma tjaveke omboroto ye puna ami motjiyaha ongu me ndji zepaisa movineya. 24 Omuna wOmundu ma ṱu otja tjinga apa tjangwa momatjangwa, nungwari owee komundu ngo ngu ma zepaisa Omuna wOmundu movineya! Itja rira kokuwa andakuzu omundu ngo ke na indu wa kwaterwe!”
25 Nu Judas ngwe mu zepaisa movineya wa purire a tja: “Indu nai owami are, Muhonge?” Jesus a ziri a tja: “Opo pu mo hee.”
Omazikiro wOmariro wa Muhona wOngurova
(Mk 14:22-26Lk 22:14-201Kor 11:23-25)26 Nowo ngunda amave ri Jesus wa toora omboroto, e i sere ondaya, e i koyora ne i yandja kovahongewa ve a tja: “Kambureye mu rye, ihi otjo orutu rwandje.”
27 Tjazumba wa toora otjinwino a tja okuhepa ku Ndjambi ne ve pe a tja: “Nwee mu tjo amuhe. 28 Ihi otjo ombinḓu yandje yomerikutiropamwe wa Ndjambi, indji ombinḓu yandje ndji mai tirahirwa ovengi kondjesiro yourunde. 29 Tjiri, me mu raere, ami himee nu ko omeva nga womuvite rukwao nga keyuva ndi ndi me keyenwa koupe mouhona wa Tate.”
30 Nu tji va za nokuimbura eimburiro arire tji va i kOndundu yOmiṋinga.
Jesus ma tjivisa omapataṋeno wa Petrus
(Mk 14:27-31Lk 22:31-34Jhn 13:36-38)31 Oruveze tjingero ndo, Jesus wa tjere ku wo: “Ouṱuku mbunombwi eṋe amuhe mamu tupuka amu ndji esa, orondu omatjangwa maye tja: ‘Ndjambi ma zepa omurise, nozonḓu zorupanda aze pizuka.’ 32 Nungwari ami tji mba penduka movakoke me mu hongorere kOgalilea.”
33 Petrus wa tjere ku Jesus: “Avehe nandave ku esa, ami hi na ku kwesa!”
34 Jesus a tja ku Petrus: “Tjiri, me ku raere, mouṱuku mbunombwi ohunguriva ngunda ai hiya vandara, ove tjandje we ndji pataṋa povikando vitatu.”
35 Petrus wa zirire a tja: “Nandi mba ṱokuṱa puna ove, himee ku pataṋa ko!”
Novahongewa ovakwao avehe va hungira omambo tjingewo ngo.
Jesus ma kumbire mOgetsemane
(Mk 14:32-42Lk 22:39-46)36 Okuzambo Jesus wa ire puna ovahongewa ve kotjikunino tjena Getsemane na ka tja ku wo: “Kareye pehi mba, ami ngunda ame i ngwina okukakumba.” 37 Eye wa toorere Petrus na imba ovazandu vevari va Sebedeus okuyenda puna ye, neye a utu okuhihamwa omutima nokuhara omburuma, 38 na tja ku wo: “Omuinyo wandje wa toora ombamisiro tjinene. Kareye mba katumba puna ami.”
39 Eye wa kawondjere ohumburuko kaṱiṱi, a kawa onḓurumika na kumbu a tja: “Tate, tji mape sorwa, varamisa otjinwino tjomihihamo hi na ami. Nu a ha rire otja ami pu me vanga, nungwari nga rire otja ove pu movanga.”
40 Tjazumba Jesus arire tja kotoka ku imba ovahongewa ve vetatu ne ve vaza ava rara; neye wa tjere ku Petrus: “Okutjavi eṋe muvetatu tji mu ha yenenene okukara katumba puna ami nangarire oiri imwe? 41 Kareye katumba nu mu kumbe kutja amu ha hiti momarorero. Ombepo mai vanga, nungwari indji onyama otjingundi.”
42 Nu Jesus wa yarukire rukwao na kakumba a tja: “Otjinwino tjomihihamo hi tji tji hi nokusora okuisiwa po pu ami, ngunda ambi hiya nwa ko, indji ombango yoye ngai tjitwe.” 43 Eye wa kotokere rukwao ne yokuvaza ovahongewa ava rara, omeho wawo tjinga aya pamisirwe i ozomboṱu.
44 Jesus we ve sire rukwao aveyerike na kakumba porutjatatu ama hungire omambo tjingewo. 45 Okuzambo a kotoka kovahongewa na tja: “Ingee mwa rara nu mwa suva are? Tareye, oiri ye ya Omuna wOmundu ndji ma yandjwa momake wovarunde. 46 Sekameye tu yende! Tareye, ingwi ngu me ndji zepaisa movineya, eye ngo weya!”
Jesus ma kamburwa
(Mk 14:43-50Lk 22:47-53Jhn 18:3-12)47 Nu Jesus ngunda ama hungire, Judas, umwe wovahongewa omurongo na vevari, arire tje ya. Eye wa ri puna otjimbumba otjinene tjovandu mbe ripangaṋene nomangaruvyo nozongwinya, nu mba hindirwe i ovapristeri oviuru novanene. 48 Ingwi omuhorore wa Jesus wa yandjere otjiraisiro kotjimbumba a tja: “Omurumendu ngwi ngu me hupite onguri ye ngu mamu vanga. Mu kambureye”.
49 Nu Judas wa ire osemba ku Jesus na tja: “Minikwa, Muhonge.” Na rire tje mu hupite.
50 Jesus wa zirire a tja: “Tjita ihi tji wa yendere okutjita, mukwetu!”
Nowo ve ya, ave twako omake ku Jesus nave mu kambura. 51 Nu umwe wa imba mba ri puna Jesus wa nana engaruvyo re, a ke na ro omukarere wOmupristeri Otjiuru ne mu kondo okutwi. 52 Jesus arire tja tja: “Yarura mo engaruvyo roye motjihweka tjaro. Avehe mbu mave toora engaruvyo mave ṱengaruvyo. 53 Ko nokutjiwa kutja ami me sora okuningira ombatero ku Tate, neye tjimanga e ndji hindire ovimbumba vyovaengeri vyovita ovingi okukapita omurongo na vivari are? 54 Nungwari tji pa kara nao, omatjangwa maye sokuyenenisiwa vi ngu maye tja otjiṋa hi tji sokutjitwa?”
55 Tjazumba Jesus a hungire kotjimbumba a tja: “Mwe ya nomangaruvyo nozongwinya okundjikambura aayo owami omurunde are? Eyuva arihe peke ami ee kara pehi nokuhonga ovandu mondjuwo ya Muhona, neṋe kamu ndji kamburire ko. 56 Nungwari oviṋa avihe mbi vya tjitirwa kutja imbi ovaprofete mbi va tjanga momatjangwa vi yenenisiwe.”
Okuzambo ovahongewa avehe arire tji ve mu esa nave tupuka.
Jesus komurungu wombanguriro
(Mk 14:53-65Lk 22:54-55, Lk 63-71Jhn 18:13-14, Jhn 19-24)57 Novandu mba mba kamburire Jesus ve mu twarere kondjuwo ya Kajafas, Omupristeri Otjiuru, nu imbo opu pa woronganena ozonongo zomambo novanene. 58 Petrus wa kongorera Jesus e ri ohumburuko nga porupanda rwondjuwo yOmupristeri Otjiuru. Eye wa hitire morupanda ndwi na kakara pehi puna ovatjevere a mune kutja avihe mavi kayanda vi. 59 Ovapristeri oviuru nOtjira tjOvajuda va paha omuhingo woposyo okukuminina na wo Jesus kutja a rire pu ve mu zepere; 60 nungwari owo kave u mwine ko, nangarire kutja ovengi ve ere komurungu okuyekuyandja omahongonona woposyo. Korusenina arire tji pe yokukurama ovarumendu vevari, 61 nave tja: “Omundu ngwi wa tja: ‘Ami me haṋa ondjuwo ya Ndjambi ndji, nu moure womayuva yetatu e i tungurura rukwao.’ ”
62 NOmupristeri Otjiuru wa sekama na tja ku Jesus: “Ko na tji mo ziri koviṋa imbi mbi mave tja wa tjita are?” 63 Nungwari Jesus wa mwinine uriri. Norukwao Omupristeri Otjiuru a hungire ku ye a tja: “Mena ra Ndjambi omunamuinyo ami nambano me ku yanisa u tu raere kutja oove Omutwirisiwa, Omuna wa Ndjambi!”
64 Jesus e mu ziri a tja: “Opo punga amo hee. Nungwari me mu raere amuhe kutja okuza ku nai eṋe mamu munu Omuna wOmundu a haama kokunene kwa ingwi Omunamasaaehe, nama yende movikamba vyeyuru!”
65 Omupristeri Otjiuru arire tja taura ozombanda ze korutu na tja: “Wa yamburura Ndjambi! Ovahongonone mbu matu hepa ovatjike rukwao! Mwe rizuvire oveni nambano nai tja yamburura Ndjambi. 66 Mamu ripura vi?”
Owo va zirire ave tja: “Eye u nondjo nu u sokuṱa.”
67 Okuzambo arire tji ve mu tjekere omate momurungu nave mu tono; nu imba mbe mu tonene otupyu 68 va tjere: “Oove omuprofete nu, Omutwirisiwa! Tu raera kutja owaṋi ngwe ku tono?”
Petrus ma pataṋa Jesus
(Mk 14:66-72Lk 22:56-62Jhn 18:15-18, Jhn 25-27)69 Petrus ngunda a haama pendje morupanda, umwe wovakarere ovasuko wOmupristeri Otjiuru we ere ku ye na tja: “Ove wina wa ri puna Jesus wa Galilea.”
70 Nungwari Petrus wa pataṋa komurungu wawo avehe na tja: “Hi nokutjiwa kutja mo hungire tjike!” 71 Tjazumba a i komahitiro worupanda. Omukarere omukwao omusuko tje mu muna wa tjere kovarumendu mba ri mbo: “Eye wa ri puna Jesus wa Nasaret.”
72 Petrus wa pataṋa rukwao na ziri a tja: “Ami me yana, tjiri, kutja omurumendu ngo hi mu i.”
73 Nu kombunda yoruveze orusupi ovarumendu, mba kuramene mbo arire tji ve ya ku Petrus nave tja: “Ouatjiri, oove umwe wawo, nangarire ingwi okuhungira kweraka roye maku ku horora!”
74 Poṋa mbo, Petrus wa uta okusenga nokuyana a tja: “Omurumendu ngo hi mu i.”
Nohunguriva arire tji ya vandara, 75 nu Petrus a zemburuka omambo Jesus nga hungirire indu tja tjere: “Ohunguriva ngunda ai hiya vandara, ove tjandje we ndji pataṋa tutatu.” Neye otja pita na karira tjinene.
Omerikutirokumwe wokuzepa Jesus
(Mk 14:1-2Lk 22:1-2Jhn 11:45-53)1 Jesus tja manene okuhungira oviṋa mbi avihe arire tja tja kovahongewa ve: 2 “Otja tji mamu tjiwa nambano pa sewa omayuva yevari kOpaska, nOmuna wOmundu ma yandjwa kokupaperwa kotjikoroise.”
3 Novapristeri oviuru novanene arire tji va woronganene mondjuwo youhona ya Kajafas, Omupristeri Otjiuru, 4 kutja ve tye omuhingo mbu mave kambura na wo Jesus movineya kutja ve mu zepe, 5 nave tja: “Atu mu kambura momayuva womukandi wOpaska, tjapo otjiwaṋa ngaa tji zungana.”
Jesus ma twirisirwa mObetanie
(Mk 14:3-9Jhn 12:1-8)6 Jesus wa ri kObetanie mondjuwo ya Simon, omurumendu ngwa ri nomutjise wongana. 7 Nu Jesus ngunda e ri pomariro, arire tji pa hiti omukazendu ngwa ri nekende nde urire nomaze omavawa na tirire kotjiuru tja Jesus. 8 Ovahongewa tji va muna otjiṋa hi, va pindika nave pura ave tja: “Ongwaye tji ma morosa ovyomoro omuwa nai? 9 Ovyo andakuzu vya randisiwa kovimariva ovingi, nu imbi ovimariva avi yandjewa kovasyona!”
10 Jesus aa tjiwa imbi mbi mave hungire, nopa tjera ku wo: “Omukazendu ngwi mamu mu kendisire tjike? Eye we ndji ungurire otjiungura otjiwa. 11 Ovasyona aruhe mu ri pamwe, nungwari ami hi nokukara puna eṋe aruhe. 12 Ihi omukazendu ngwi tja tjiti okongwi okutirira omaze omavawa nga korutu rwandje okururongerisira ombakero yandje. 13 Nambano, tjiri, me mu raere, akuhe Ombuze Ombwa ndji ku mai kazuvarisiwa mouye auhe, ihi eye tja tjiti matji kaserekarerwa komazemburukiro we.”
Judas ma itavere okuhorora Jesus movineya
(Mk 14:10-11Lk 22:3-6)14 Nu umwe wovahongewa mba omurongo na vevari, ngu ku za Judas Iskariot, arire tja i kovapristeri oviuru 15 na kapura a tja: “Mamu ndji pe tjike tji mba yandja Jesus momake weṋu?” Owo va vara ovimariva ovisilveri omirongo vitatu nave mu pe. 16 Okuza keyuva ndo Judas aa paha omuhingo omuwa wokuyandja Jesus ku wo.
Jesus ma ri Omariro wOpaska puna ovahongewa ve
(Mk 14:12-21Lk 22:7-13, Lk 21-23Jhn 13:21-30)17 Nu meyuva etenga romayuva omanene wOzomboroto nḓe hi nosurise ovahongewa ve ere ku Jesus nave mu pura ave tja: “Ku movanga kutja tu kekuṱunine Omariro wOpaska ku pi?”
18 Eye arire tja tja ku wo: “Twendeye kotjihuro komurumendu worive, nu mu kemuraere nai: ‘Omuhonge ma tja: Oruveze rwandje rwa yenene. Ami me vanga okutjita Opaska puna ovahongewa vandje moyoye.’ ”
19 Ovahongewa arire tji va tjiti otja Jesus punga e ve raera nave kaṱuna Omariro wOpaska.
20 Nu tji ratoko Jesus novahongewa ve omurongo na vevari va haama pehi okurya. 21 Nu ngunda amave ri Jesus a tja: “Tjiri, me mu raere, umwe weṋu me ndji zepaisa movineya.” 22 Ovahongewa va ṱoruhoze tjinene nave utu okumupura koumweumwe ave tja: “Indu nai owami are, Muhona?”
23 Jesus wa zirire a tja: “Eye ngwi ngu ma tjaveke omboroto ye puna ami motjiyaha ongu me ndji zepaisa movineya. 24 Omuna wOmundu ma ṱu otja tjinga apa tjangwa momatjangwa, nungwari owee komundu ngo ngu ma zepaisa Omuna wOmundu movineya! Itja rira kokuwa andakuzu omundu ngo ke na indu wa kwaterwe!”
25 Nu Judas ngwe mu zepaisa movineya wa purire a tja: “Indu nai owami are, Muhonge?” Jesus a ziri a tja: “Opo pu mo hee.”
Omazikiro wOmariro wa Muhona wOngurova
(Mk 14:22-26Lk 22:14-201Kor 11:23-25)26 Nowo ngunda amave ri Jesus wa toora omboroto, e i sere ondaya, e i koyora ne i yandja kovahongewa ve a tja: “Kambureye mu rye, ihi otjo orutu rwandje.”
27 Tjazumba wa toora otjinwino a tja okuhepa ku Ndjambi ne ve pe a tja: “Nwee mu tjo amuhe. 28 Ihi otjo ombinḓu yandje yomerikutiropamwe wa Ndjambi, indji ombinḓu yandje ndji mai tirahirwa ovengi kondjesiro yourunde. 29 Tjiri, me mu raere, ami himee nu ko omeva nga womuvite rukwao nga keyuva ndi ndi me keyenwa koupe mouhona wa Tate.”
30 Nu tji va za nokuimbura eimburiro arire tji va i kOndundu yOmiṋinga.
Jesus ma tjivisa omapataṋeno wa Petrus
(Mk 14:27-31Lk 22:31-34Jhn 13:36-38)31 Oruveze tjingero ndo, Jesus wa tjere ku wo: “Ouṱuku mbunombwi eṋe amuhe mamu tupuka amu ndji esa, orondu omatjangwa maye tja: ‘Ndjambi ma zepa omurise, nozonḓu zorupanda aze pizuka.’ 32 Nungwari ami tji mba penduka movakoke me mu hongorere kOgalilea.”
33 Petrus wa tjere ku Jesus: “Avehe nandave ku esa, ami hi na ku kwesa!”
34 Jesus a tja ku Petrus: “Tjiri, me ku raere, mouṱuku mbunombwi ohunguriva ngunda ai hiya vandara, ove tjandje we ndji pataṋa povikando vitatu.”
35 Petrus wa zirire a tja: “Nandi mba ṱokuṱa puna ove, himee ku pataṋa ko!”
Novahongewa ovakwao avehe va hungira omambo tjingewo ngo.
Jesus ma kumbire mOgetsemane
(Mk 14:32-42Lk 22:39-46)36 Okuzambo Jesus wa ire puna ovahongewa ve kotjikunino tjena Getsemane na ka tja ku wo: “Kareye pehi mba, ami ngunda ame i ngwina okukakumba.” 37 Eye wa toorere Petrus na imba ovazandu vevari va Sebedeus okuyenda puna ye, neye a utu okuhihamwa omutima nokuhara omburuma, 38 na tja ku wo: “Omuinyo wandje wa toora ombamisiro tjinene. Kareye mba katumba puna ami.”
39 Eye wa kawondjere ohumburuko kaṱiṱi, a kawa onḓurumika na kumbu a tja: “Tate, tji mape sorwa, varamisa otjinwino tjomihihamo hi na ami. Nu a ha rire otja ami pu me vanga, nungwari nga rire otja ove pu movanga.”
40 Tjazumba Jesus arire tja kotoka ku imba ovahongewa ve vetatu ne ve vaza ava rara; neye wa tjere ku Petrus: “Okutjavi eṋe muvetatu tji mu ha yenenene okukara katumba puna ami nangarire oiri imwe? 41 Kareye katumba nu mu kumbe kutja amu ha hiti momarorero. Ombepo mai vanga, nungwari indji onyama otjingundi.”
42 Nu Jesus wa yarukire rukwao na kakumba a tja: “Otjinwino tjomihihamo hi tji tji hi nokusora okuisiwa po pu ami, ngunda ambi hiya nwa ko, indji ombango yoye ngai tjitwe.” 43 Eye wa kotokere rukwao ne yokuvaza ovahongewa ava rara, omeho wawo tjinga aya pamisirwe i ozomboṱu.
44 Jesus we ve sire rukwao aveyerike na kakumba porutjatatu ama hungire omambo tjingewo. 45 Okuzambo a kotoka kovahongewa na tja: “Ingee mwa rara nu mwa suva are? Tareye, oiri ye ya Omuna wOmundu ndji ma yandjwa momake wovarunde. 46 Sekameye tu yende! Tareye, ingwi ngu me ndji zepaisa movineya, eye ngo weya!”
Jesus ma kamburwa
(Mk 14:43-50Lk 22:47-53Jhn 18:3-12)47 Nu Jesus ngunda ama hungire, Judas, umwe wovahongewa omurongo na vevari, arire tje ya. Eye wa ri puna otjimbumba otjinene tjovandu mbe ripangaṋene nomangaruvyo nozongwinya, nu mba hindirwe i ovapristeri oviuru novanene. 48 Ingwi omuhorore wa Jesus wa yandjere otjiraisiro kotjimbumba a tja: “Omurumendu ngwi ngu me hupite onguri ye ngu mamu vanga. Mu kambureye”.
49 Nu Judas wa ire osemba ku Jesus na tja: “Minikwa, Muhonge.” Na rire tje mu hupite.
50 Jesus wa zirire a tja: “Tjita ihi tji wa yendere okutjita, mukwetu!”
Nowo ve ya, ave twako omake ku Jesus nave mu kambura. 51 Nu umwe wa imba mba ri puna Jesus wa nana engaruvyo re, a ke na ro omukarere wOmupristeri Otjiuru ne mu kondo okutwi. 52 Jesus arire tja tja: “Yarura mo engaruvyo roye motjihweka tjaro. Avehe mbu mave toora engaruvyo mave ṱengaruvyo. 53 Ko nokutjiwa kutja ami me sora okuningira ombatero ku Tate, neye tjimanga e ndji hindire ovimbumba vyovaengeri vyovita ovingi okukapita omurongo na vivari are? 54 Nungwari tji pa kara nao, omatjangwa maye sokuyenenisiwa vi ngu maye tja otjiṋa hi tji sokutjitwa?”
55 Tjazumba Jesus a hungire kotjimbumba a tja: “Mwe ya nomangaruvyo nozongwinya okundjikambura aayo owami omurunde are? Eyuva arihe peke ami ee kara pehi nokuhonga ovandu mondjuwo ya Muhona, neṋe kamu ndji kamburire ko. 56 Nungwari oviṋa avihe mbi vya tjitirwa kutja imbi ovaprofete mbi va tjanga momatjangwa vi yenenisiwe.”
Okuzambo ovahongewa avehe arire tji ve mu esa nave tupuka.
Jesus komurungu wombanguriro
(Mk 14:53-65Lk 22:54-55, Lk 63-71Jhn 18:13-14, Jhn 19-24)57 Novandu mba mba kamburire Jesus ve mu twarere kondjuwo ya Kajafas, Omupristeri Otjiuru, nu imbo opu pa woronganena ozonongo zomambo novanene. 58 Petrus wa kongorera Jesus e ri ohumburuko nga porupanda rwondjuwo yOmupristeri Otjiuru. Eye wa hitire morupanda ndwi na kakara pehi puna ovatjevere a mune kutja avihe mavi kayanda vi. 59 Ovapristeri oviuru nOtjira tjOvajuda va paha omuhingo woposyo okukuminina na wo Jesus kutja a rire pu ve mu zepere; 60 nungwari owo kave u mwine ko, nangarire kutja ovengi ve ere komurungu okuyekuyandja omahongonona woposyo. Korusenina arire tji pe yokukurama ovarumendu vevari, 61 nave tja: “Omundu ngwi wa tja: ‘Ami me haṋa ondjuwo ya Ndjambi ndji, nu moure womayuva yetatu e i tungurura rukwao.’ ”
62 NOmupristeri Otjiuru wa sekama na tja ku Jesus: “Ko na tji mo ziri koviṋa imbi mbi mave tja wa tjita are?” 63 Nungwari Jesus wa mwinine uriri. Norukwao Omupristeri Otjiuru a hungire ku ye a tja: “Mena ra Ndjambi omunamuinyo ami nambano me ku yanisa u tu raere kutja oove Omutwirisiwa, Omuna wa Ndjambi!”
64 Jesus e mu ziri a tja: “Opo punga amo hee. Nungwari me mu raere amuhe kutja okuza ku nai eṋe mamu munu Omuna wOmundu a haama kokunene kwa ingwi Omunamasaaehe, nama yende movikamba vyeyuru!”
65 Omupristeri Otjiuru arire tja taura ozombanda ze korutu na tja: “Wa yamburura Ndjambi! Ovahongonone mbu matu hepa ovatjike rukwao! Mwe rizuvire oveni nambano nai tja yamburura Ndjambi. 66 Mamu ripura vi?”
Owo va zirire ave tja: “Eye u nondjo nu u sokuṱa.”
67 Okuzambo arire tji ve mu tjekere omate momurungu nave mu tono; nu imba mbe mu tonene otupyu 68 va tjere: “Oove omuprofete nu, Omutwirisiwa! Tu raera kutja owaṋi ngwe ku tono?”
Petrus ma pataṋa Jesus
(Mk 14:66-72Lk 22:56-62Jhn 18:15-18, Jhn 25-27)69 Petrus ngunda a haama pendje morupanda, umwe wovakarere ovasuko wOmupristeri Otjiuru we ere ku ye na tja: “Ove wina wa ri puna Jesus wa Galilea.”
70 Nungwari Petrus wa pataṋa komurungu wawo avehe na tja: “Hi nokutjiwa kutja mo hungire tjike!” 71 Tjazumba a i komahitiro worupanda. Omukarere omukwao omusuko tje mu muna wa tjere kovarumendu mba ri mbo: “Eye wa ri puna Jesus wa Nasaret.”
72 Petrus wa pataṋa rukwao na ziri a tja: “Ami me yana, tjiri, kutja omurumendu ngo hi mu i.”
73 Nu kombunda yoruveze orusupi ovarumendu, mba kuramene mbo arire tji ve ya ku Petrus nave tja: “Ouatjiri, oove umwe wawo, nangarire ingwi okuhungira kweraka roye maku ku horora!”
74 Poṋa mbo, Petrus wa uta okusenga nokuyana a tja: “Omurumendu ngo hi mu i.”
Nohunguriva arire tji ya vandara, 75 nu Petrus a zemburuka omambo Jesus nga hungirire indu tja tjere: “Ohunguriva ngunda ai hiya vandara, ove tjandje we ndji pataṋa tutatu.” Neye otja pita na karira tjinene.
