Omasukarisiro mOgilgal
1 Ozombara azehe zOvaamori, nḓa turire munda mbwina na Jordan kongurova, nozombara azehe zOvakanaan, nḓa turire meṋe yOmuronga Mediterania, tji za zuva kutja Muhona wa kahisire onḓonḓu Jordan nokutja Ovaisrael va kondere yo, otji za mumapara naze rihahiza okurwa nOvaisrael.
2 Muhona wa raera ku Josua a tja: “Ungura otuvyo pozombawe u sukareke na two Ovaisrael mbe hiya sukara.” 3 Josua otja ungura otuvyo pozombawe, narire tja sukarisire Ovaisrael pOtjivanda tjOmasukarisiro. 4 Eye wa tjita nai, orondu ovarumendu avehe, mba ri ovanene, ovarwe wovita, mba tjindire mOengipte, va yenda amave kokere mokuti onguza. 5 Ovavena avehe, mba tjindire mOengipte, va sukarere, nungwari kapa ri umwe wa imba mba kwaterwa mokuti onguza morutjindo rwawo ngwa sukarere. 6 Ovaisrael morutjindo rwawo va kara oure wozombura omirongo vine mokuti onguza. Moruveze ndo ovarumendu avehe votjiwondo tjokurwa ovita, mba zire mOengipte, tjandje va koka, tjinga ave ha karere nonḓuviro ku Muhona. Muhona we ve raerere kutja kave nokumuna ehi ndi etumbe nehapise nda kwizikire ooihe mukururume kutja meve pe. 7 Ovanatje vawo ovazandu, mba yarukire moruveze rwawo, kava sukarisirwe ngunda ave ryanga mokuti onguza. Inḓa onḓa ri ozondekurona ozondenga nḓa sukarisiwa i Josua.
8 Omasukarisiro tji ya za nokutjitwa, otjiwaṋa atjihe otji tja kara pehi mozondanda nga ovirwaro tji vya veruka. 9 Nu Muhona wa tja ku Josua: “Ndinondi ami mba isa ko ohoṋi ya Engipte ku eṋe.” Poṋa mbo opu pa rukirwa Gilgal nga ku ndinondi.
10 Ovaisrael ngunda ava ri mozondanda zawo mOgilgal morutjandja rwa Jeriko otji va tjita Opaska mongurova yeyuva oritjamurongo na yane romueze. 11 Meyuva rokombunda yaindo otji va rya ovikunwa mbya hapere mOkanaan, okutja ovikokotwa mbya terekwa mezuko, nomboroto ndja terekwa nokuhinosure. 12 Kombunda yanao ovimana vya yanda okurauka keyuru, nOvaisrael kaave vi munu rukwao. Okuza koruveze ndo otjaave ri ovikunwa mbyaa vi hapa mOkanaan.
Josua nomurumendu ngwa ri nengaruvyo
13 Josua tjeya popezu na Jeriko mokamanga arire tja munu omurumendu ngwa kurama momurungu we, nengaruvyo meke. Josua wa ya ku ye ne mu pura nai: “Oove umwe wovarwe vetu wovita poo oove omunavita na eṱe?”
14 Nomurumendu wa zira a tja: “Kako! Ami mbe ya otja omuhongore wotjimbumba tja Muhona tjovita.”
Josua wa wa onḓurumika e rikotamene ku ye na tja: “Owami omukarere woye, nove movanga kutja mbi tjite tjike?”
15 Nomuhongore wotjimbumba tja Muhona tjovita wa zira nai: “Hukura ozongaku, orondu poṋa pu wa kurama opopayapuke.” Nu Josua wa tjita otja punga a raerwa.
Omasukarisiro mOgilgal
1 Ozombara azehe zOvaamori, nḓa turire munda mbwina na Jordan kongurova, nozombara azehe zOvakanaan, nḓa turire meṋe yOmuronga Mediterania, tji za zuva kutja Muhona wa kahisire onḓonḓu Jordan nokutja Ovaisrael va kondere yo, otji za mumapara naze rihahiza okurwa nOvaisrael.
2 Muhona wa raera ku Josua a tja: “Ungura otuvyo pozombawe u sukareke na two Ovaisrael mbe hiya sukara.” 3 Josua otja ungura otuvyo pozombawe, narire tja sukarisire Ovaisrael pOtjivanda tjOmasukarisiro. 4 Eye wa tjita nai, orondu ovarumendu avehe, mba ri ovanene, ovarwe wovita, mba tjindire mOengipte, va yenda amave kokere mokuti onguza. 5 Ovavena avehe, mba tjindire mOengipte, va sukarere, nungwari kapa ri umwe wa imba mba kwaterwa mokuti onguza morutjindo rwawo ngwa sukarere. 6 Ovaisrael morutjindo rwawo va kara oure wozombura omirongo vine mokuti onguza. Moruveze ndo ovarumendu avehe votjiwondo tjokurwa ovita, mba zire mOengipte, tjandje va koka, tjinga ave ha karere nonḓuviro ku Muhona. Muhona we ve raerere kutja kave nokumuna ehi ndi etumbe nehapise nda kwizikire ooihe mukururume kutja meve pe. 7 Ovanatje vawo ovazandu, mba yarukire moruveze rwawo, kava sukarisirwe ngunda ave ryanga mokuti onguza. Inḓa onḓa ri ozondekurona ozondenga nḓa sukarisiwa i Josua.
8 Omasukarisiro tji ya za nokutjitwa, otjiwaṋa atjihe otji tja kara pehi mozondanda nga ovirwaro tji vya veruka. 9 Nu Muhona wa tja ku Josua: “Ndinondi ami mba isa ko ohoṋi ya Engipte ku eṋe.” Poṋa mbo opu pa rukirwa Gilgal nga ku ndinondi.
10 Ovaisrael ngunda ava ri mozondanda zawo mOgilgal morutjandja rwa Jeriko otji va tjita Opaska mongurova yeyuva oritjamurongo na yane romueze. 11 Meyuva rokombunda yaindo otji va rya ovikunwa mbya hapere mOkanaan, okutja ovikokotwa mbya terekwa mezuko, nomboroto ndja terekwa nokuhinosure. 12 Kombunda yanao ovimana vya yanda okurauka keyuru, nOvaisrael kaave vi munu rukwao. Okuza koruveze ndo otjaave ri ovikunwa mbyaa vi hapa mOkanaan.
Josua nomurumendu ngwa ri nengaruvyo
13 Josua tjeya popezu na Jeriko mokamanga arire tja munu omurumendu ngwa kurama momurungu we, nengaruvyo meke. Josua wa ya ku ye ne mu pura nai: “Oove umwe wovarwe vetu wovita poo oove omunavita na eṱe?”
14 Nomurumendu wa zira a tja: “Kako! Ami mbe ya otja omuhongore wotjimbumba tja Muhona tjovita.”
Josua wa wa onḓurumika e rikotamene ku ye na tja: “Owami omukarere woye, nove movanga kutja mbi tjite tjike?”
15 Nomuhongore wotjimbumba tja Muhona tjovita wa zira nai: “Hukura ozongaku, orondu poṋa pu wa kurama opopayapuke.” Nu Josua wa tjita otja punga a raerwa.
