Otjirumatwa tjovakazendu ovakupwa
1 Oviuru vyomaṱunḓu wonganda ya Gilead, omuzandu wa Makir, omuzandu wa Manasse, ngu ri umwe wonganda ya Josef, va ya ku Moses na kovanane ovakwao vOvaisrael. 2 Nowo va katja nai: “Muhona we ku rakiza okuhaṋena Ovaisrael ehi ndi mokuyumba ozohanga ri rire otjirumatwa tjawo. Nu wina eye we ku rakiza okuyandja otjirumatwa tjomuzamumwe wetu Selofhad kovasuko ve. 3 Novasuko mba tji mave kupwa i ovazandu vomihoko vyarwe vyOvaisrael, eṱa rawo mari isiwa ko keṱa rootate, nari weziwa kotjirumatwa tjomuhoko mbwi, owo nambano ku mave kakara. Komuhingo mbwi ihi otjirumatwa tji twa pewa mokuyumba ozohanga matji heṋuka. 4 Nu mOmbura indji yOmayaruriro wokoupe nonguturiro, imbi ovirumatwa avihe mbya randisiwa tji mavi yaruka koveni vavyo ovatenga, eṱa rovasuko va Selofhad mari weziwa kotjirumatwa tjomuhoko mbwi, owo nambano ku va kupwa, nari pandjara komuhoko wetu.”
5 Moses wa yandja omazikamisiro nga kOvaisrael otja komarakiza wa Muhona na tja: “Imba ovanatje vomuhoko wa Josef mbi mave hungire, ouatjiri. 6 Omarakiza wa Muhona kovasuko va Selofhad, owo nga: Ngave kupwe i ngamwa auhe ngu mave vanga; nungwari ngave kupwe momuhoko wa ihe uriri. 7 Indi eṱa rOvaisrael kari nakurundururwa okuza komuhoko mbwi nokuyandjewa komuhoko mbwina; orondu Omuisrael auhe ma sokuṱakamisa eṱa romuhoko wooihe. 8 Omukazendu auhe ngu ma rumata eṱa momihoko vyOvaisrael nga kupwe i umwe womuhoko wa ihe, kokutja auhe wOvaisrael a rumate eṱa rooihe. 9 Komuhingo mbwi indi eṱa kari nakurundururwa okuza komuhoko mbwi nokuyandjewa komuhoko mbwina, orondu omuhoko auhe wOvaisrael mau sokuṱakamisa eṱa rawo.”
10 Otja Muhona pa rakiza ku Moses, ovasuko va Selofhad opu va tjita. 11 OoMakla na Tirsa na Hogla na Milka na Noa, ovasuko va Selofhad, va kupwa i ovaramwe vawo. 12 Owo va kupwa i ovarumendu wozonganda za Manasse, omuzandu wa Josef. Komuhingo mbwi eṱa rawo otji ra kara momuhoko wa ihe.
13 Inga onge ri omatwako nomazikamisiro Muhona nga rakiza kOvaisrael notjinyo tja Moses, motutjandja twa Moab ponḓonḓu Jordan popezu na Jeriko.
Otjirumatwa tjovakazendu ovakupwa
1 Oviuru vyomaṱunḓu wonganda ya Gilead, omuzandu wa Makir, omuzandu wa Manasse, ngu ri umwe wonganda ya Josef, va ya ku Moses na kovanane ovakwao vOvaisrael. 2 Nowo va katja nai: “Muhona we ku rakiza okuhaṋena Ovaisrael ehi ndi mokuyumba ozohanga ri rire otjirumatwa tjawo. Nu wina eye we ku rakiza okuyandja otjirumatwa tjomuzamumwe wetu Selofhad kovasuko ve. 3 Novasuko mba tji mave kupwa i ovazandu vomihoko vyarwe vyOvaisrael, eṱa rawo mari isiwa ko keṱa rootate, nari weziwa kotjirumatwa tjomuhoko mbwi, owo nambano ku mave kakara. Komuhingo mbwi ihi otjirumatwa tji twa pewa mokuyumba ozohanga matji heṋuka. 4 Nu mOmbura indji yOmayaruriro wokoupe nonguturiro, imbi ovirumatwa avihe mbya randisiwa tji mavi yaruka koveni vavyo ovatenga, eṱa rovasuko va Selofhad mari weziwa kotjirumatwa tjomuhoko mbwi, owo nambano ku va kupwa, nari pandjara komuhoko wetu.”
5 Moses wa yandja omazikamisiro nga kOvaisrael otja komarakiza wa Muhona na tja: “Imba ovanatje vomuhoko wa Josef mbi mave hungire, ouatjiri. 6 Omarakiza wa Muhona kovasuko va Selofhad, owo nga: Ngave kupwe i ngamwa auhe ngu mave vanga; nungwari ngave kupwe momuhoko wa ihe uriri. 7 Indi eṱa rOvaisrael kari nakurundururwa okuza komuhoko mbwi nokuyandjewa komuhoko mbwina; orondu Omuisrael auhe ma sokuṱakamisa eṱa romuhoko wooihe. 8 Omukazendu auhe ngu ma rumata eṱa momihoko vyOvaisrael nga kupwe i umwe womuhoko wa ihe, kokutja auhe wOvaisrael a rumate eṱa rooihe. 9 Komuhingo mbwi indi eṱa kari nakurundururwa okuza komuhoko mbwi nokuyandjewa komuhoko mbwina, orondu omuhoko auhe wOvaisrael mau sokuṱakamisa eṱa rawo.”
10 Otja Muhona pa rakiza ku Moses, ovasuko va Selofhad opu va tjita. 11 OoMakla na Tirsa na Hogla na Milka na Noa, ovasuko va Selofhad, va kupwa i ovaramwe vawo. 12 Owo va kupwa i ovarumendu wozonganda za Manasse, omuzandu wa Josef. Komuhingo mbwi eṱa rawo otji ra kara momuhoko wa ihe.
13 Inga onge ri omatwako nomazikamisiro Muhona nga rakiza kOvaisrael notjinyo tja Moses, motutjandja twa Moab ponḓonḓu Jordan popezu na Jeriko.
