EMBO ORITJAINE ROMAPSALME
Ndjambi waaruhe nomundu ngu koka
Ongumbiro ya Moses, omukarere wa Ndjambi.
1 Muhona, ove wa ri omaundiro wetu
okuza komuhoko nga komuhoko.
2 Ngunda au hiya mema ozondundu
nau hiya uta ehi nouye,
tjandje ove opu u ri Ndjambi waaruhe,
notjinga amo karerere Ndjambi aruhe nga aruhe.
3 Ove u yarura ovandu koruuma no tja:
“Yarukeye koṋa ku mwa ri!”
4 Ozombura eyovi kove ze ri otja eyuva rimwe;
ze ri otja erero tji ra kapita,
notja oiri osupi mouṱuku.
5 Ove u twara ovandu otja omupupo;
owo kave kara orure tjimuna oruroto
tji ru ha kara orure!
Ve nyomoka tjimuna ehozu omuhuka,
6 ndi hapa nari ruku ozongara,
tjazumba ari kukuta nari koka ongurova.
7 Otji matu yandekwa mena romazenge woye,
nu matu urumisiwa mena romapindi woye.
8 Ove u twa ozongatukiro zetu
momurungu woye,
nomauvi ngu twa tjita mongumumu u ye
raisa mondjerera yomurungu woye.
9 Omayuva aehe womuinyo wetu ye
kapita momazenge woye,
ye kapita tjimuna okusuvana
kwetu kwatjimanga.
10 Tu hupa nga kozombura omirongo
hambombari nu tji tu nomasa tjinene,
tu vaza kozombura omirongo hambondatu;
nungwari imbi mbi ze tu etera ovyo
orukondjo neputi.
Tjiri, avihe vi kapita tjimanga,
neṱe matu zengi hakahana.
11 Owaṋi ngu tjiwa omasa womazenge woye?
Nu owaṋi ngu tira omapindi woye?
12 Tu honga omayuva womiinyo vyetu,
kutja omasupi pu peṱekipi,
kokutja eṱe tu kare ozonongo.
13 Muhona, tanauka ku eṱe!
Mo ṱomazenge na eṱe orure nai nga ruṋe?
Ṱotjari novakarere voye!
14 Tu urisa norusuvero rwoye orukarerere,
kokutja tu yoroke nu tu nyande
oure womayuva aehe ngunda atu nomuinyo.
15 Tu pa enyando tjimuna tji we tu pa ozombura
nḓe ṱeki mbo zoviwonga noumba.
16 Munisa eṱe, ovakarere voye,
oviungura vyoye ovinamasa,
nozondekurona zetu ze munisa ounene woye.
17 Muhona, Ndjambi wetu,
ozondaya zoye ngaze kare puna eṱe;
tu ṋingaparisa mu avihe mbi matu tjiti.
Tjiri, Muhona, tu ṋingaparisa!
EMBO ORITJAINE ROMAPSALME
Ndjambi waaruhe nomundu ngu koka
Ongumbiro ya Moses, omukarere wa Ndjambi.
1 Muhona, ove wa ri omaundiro wetu
okuza komuhoko nga komuhoko.
2 Ngunda au hiya mema ozondundu
nau hiya uta ehi nouye,
tjandje ove opu u ri Ndjambi waaruhe,
notjinga amo karerere Ndjambi aruhe nga aruhe.
3 Ove u yarura ovandu koruuma no tja:
“Yarukeye koṋa ku mwa ri!”
4 Ozombura eyovi kove ze ri otja eyuva rimwe;
ze ri otja erero tji ra kapita,
notja oiri osupi mouṱuku.
5 Ove u twara ovandu otja omupupo;
owo kave kara orure tjimuna oruroto
tji ru ha kara orure!
Ve nyomoka tjimuna ehozu omuhuka,
6 ndi hapa nari ruku ozongara,
tjazumba ari kukuta nari koka ongurova.
7 Otji matu yandekwa mena romazenge woye,
nu matu urumisiwa mena romapindi woye.
8 Ove u twa ozongatukiro zetu
momurungu woye,
nomauvi ngu twa tjita mongumumu u ye
raisa mondjerera yomurungu woye.
9 Omayuva aehe womuinyo wetu ye
kapita momazenge woye,
ye kapita tjimuna okusuvana
kwetu kwatjimanga.
10 Tu hupa nga kozombura omirongo
hambombari nu tji tu nomasa tjinene,
tu vaza kozombura omirongo hambondatu;
nungwari imbi mbi ze tu etera ovyo
orukondjo neputi.
Tjiri, avihe vi kapita tjimanga,
neṱe matu zengi hakahana.
11 Owaṋi ngu tjiwa omasa womazenge woye?
Nu owaṋi ngu tira omapindi woye?
12 Tu honga omayuva womiinyo vyetu,
kutja omasupi pu peṱekipi,
kokutja eṱe tu kare ozonongo.
13 Muhona, tanauka ku eṱe!
Mo ṱomazenge na eṱe orure nai nga ruṋe?
Ṱotjari novakarere voye!
14 Tu urisa norusuvero rwoye orukarerere,
kokutja tu yoroke nu tu nyande
oure womayuva aehe ngunda atu nomuinyo.
15 Tu pa enyando tjimuna tji we tu pa ozombura
nḓe ṱeki mbo zoviwonga noumba.
16 Munisa eṱe, ovakarere voye,
oviungura vyoye ovinamasa,
nozondekurona zetu ze munisa ounene woye.
17 Muhona, Ndjambi wetu,
ozondaya zoye ngaze kare puna eṱe;
tu ṋingaparisa mu avihe mbi matu tjiti.
Tjiri, Muhona, tu ṋingaparisa!
