Ozohiva Ozosilveri
1 Norukwao Muhona wa hungira ku Moses a tja: 2 “Riungurira ozohiva mbari nḓa hamburwa posilveri, okuisana nokuworonganisa na zo ombongarero, nokutjivisa kutja ozondanda ze haṋewe. 3 Ozohiva nḓa tji maza tonwa azeyembari, ombongo aihe ngai woronganene pove pomahitiro wOndanda yOmahakaeneno. 4 Nungwari tji pa tonwa ohiva imwe uriri, imba ovanane aveyerike vomihoko vyOvaisrael nga rire mba woronganene pove. 5 Nungwari tji ya tonwa ousupi, omihoko mbya tona ozondanda zawo komuhuka ngavi womboroke. 6 Nu tji ya tonwa ousupi ovikando vivari, okutja omihoko mbi mbi ri kuṱa keyuva kokumuho ngavi haṋe ozondanda zawo. Ohiva nga i tonwe ndji mai rire otjiraisiro tji matji ve raere kutja nga ve ute okukaondja, 7 nungwari tji mamu isana ombongarero yombongo aihe, ohiva nga tonwe orure nu ai rokoha. 8 Ozohiva nḓa ngaze tonwe i ovazandu va Aron, ovapristeri; omazikamisiro nga ngaye rire omakarerere ku eṋe na kozondekurona zeṋu.
9 “Nu tji mamu tjiti ovita novanavita na eṋe mehi reṋu, toneye ozohiva nondokohero; nami ngu mbi ri Muhona, Ndjambi weṋu, memu vatere nu memu yama kovanavita na eṋe. 10 Toneye nangarire momayuva ngu mamu yoroka tji mu ri momikandi vyeṋu vyOmatendameno wOmueze, na momikandi vyeṋu vyarwe, Eṋe toneye ozohiva pozombunguhiro zeṋu ozoningiririsiwa nozohange, nami ngu mbi ri Muhona, Ndjambi weṋu, memu vatere.”
Ovaisrael mave haṋa ozondanda
11 Meyuva oritjamirongo vivari romueze outjavari kombura oitjavari, Ovaisrael tji va za mOengipte, otjikamba otji tja yeruruka okuza kOndanda yOmahakaeneno mu mu nOtjipwikiro tjOmerikutiropamwe. 12 NOvaisrael va kaenda u yenda wawo okupita mokuti onguza Sinai, notjikamba tja kahaama mokuti onguza Paran.
13 Nowo otji va womboroka kotjikando otjitenga otja komarakiza Muhona nga yandja ku Moses, 14 nu oruveze aruhe ndu va kaenda, va ri kehi yerakiza tjingero. Imba mba ri kehi yerapi romunda womuhoko wa Juda va tenga po okupita, otja koumbumba wawo wovita, nomunane wotjimbumba atjihe hi wa ri Nakson, omuzandu wa Aminadab. 15 Nomunane wotjimbumba tjomuhoko wa Isakar wa ri Netanel, omuzandu wa Suar. 16 Nomunane wotjimbumba tjomuhoko wa Sebulon wa ri Eliab, omuzandu wa Helon.
17 Nu Ondanda yOmahakaeneno otji ya haṋewa; novazandu va Gerson nova Merari mbaa ve i tjindi arire tji va womboroka.
18 Tjazumba imba overapi romunda womuhoko wa Ruben va womboroka otja koumbumba wawo wovita, nomunane wotjimbumba atjihe hi wa ri Elisur, omuzandu wa Sedeur. 19 Nomunane wotjimbumba tjomuhoko wa Simeon wa ri Selumiel, omuzandu wa Surisadai. 20 Nomunane wotjimbumba tjomuhoko wa Gad wa ri Eljasaf, omuzandu wa Reguel.
21 Tjazumba imba Ovakehat, ovatjinde voviṋa oviyapuke va womboroka. Nu indji Ondanda yOmahakaeneno ya zikwa, Ovakehat ngunda ave hiya vaza.
22 Kombunda yanao imba overapi romunda womuhoko wa Efraim va kumuka otja koumbumba wawo wovita; nomunane wotjimbumba atjihe hi wa ri Elisama, omuzandu wa Amihud. 23 Nomunane wotjimbumba tjomuhoko wa Manasse wa ri Gamliel, omuzandu wa Pedasur. 24 Nomunane wotjimbumba tjomuhoko wa Benjamin wa ri Abidan, omuzandu wa Gideoni.
25 Tjazumba imba overapi romunda womuhoko wa Dan va kumuka otja koumbumba wawo wovita; owo omba ri ovasenina povimbumba avihe; nomunane wotjimbumba tjawo wa ri Ahieser, omuzandu wa Amisadai. 26 Nomunane wotjimbumba tjomuhoko wa Aser wa ri Pagiel, omuzandu wa Okran. 27 Nomunane wotjimbumba tjomuhoko wa Naftali wa ri Ahira, omuzandu wa Enan. 28 Inga onga ri omakawondjero womotuteto twOvaisrael otja koumbumba wawo aruhe tjaave haṋa ozondanda ve womboroke.
29 Nu Moses wa tja nai komukwe we Hobab, omuzandu wOmumidian Jetro: “Eṱe tu ri pokutjindira koṋa Muhona ka tja me tu pe. Tjinda puna eṱe, nu eṱe matu ku ṱunu nawa; orondu Muhona wa kwizikira Ovaisrael ouwa.”
30 Nungwari Hobab we mu zira a tja: “Hi nakuyenda puna eṋe; me yaruka koyandje na kovazamumwe vandje.”
31 Moses wa tja ku ye: “Arikana, o tu esa! Oove ngu mo tjiwa poṋa pu matu ziki ozondanda mokuti onguza, noove ngu mo tu hongorere. 32 Ove tji mo i puna eṱe, ouwa Muhona mbu ma katjita ku eṱe, matu kahaṋasana kuna ove wina.”
33 Ovaisrael tji va zapo pOsinai, ondundu ondjapuke, va kaenda oure womayuva yetatu, nOtjipwikiro tjOmerikutiropamwe wa Muhona tje ve hongorera okukevepahera pu mave ziki ozondanda. 34 Notjikamba tja Muhona tja ri kombanda yawo mutenya, owo tji va womboroka.
35 Aruhe Otjipwikiro tjOmerikutiropamwe tji matji womboroka, Moses aa tja: “Sekama, Muhona, u pize ovanavita na ove novekutonde kutja ve taure komurungu woye!” 36 Nu aruhe tji matji kurama aa tja: “Kotoka, Muhona komayovi womihoko vya Israel!”
Ozohiva Ozosilveri
1 Norukwao Muhona wa hungira ku Moses a tja: 2 “Riungurira ozohiva mbari nḓa hamburwa posilveri, okuisana nokuworonganisa na zo ombongarero, nokutjivisa kutja ozondanda ze haṋewe. 3 Ozohiva nḓa tji maza tonwa azeyembari, ombongo aihe ngai woronganene pove pomahitiro wOndanda yOmahakaeneno. 4 Nungwari tji pa tonwa ohiva imwe uriri, imba ovanane aveyerike vomihoko vyOvaisrael nga rire mba woronganene pove. 5 Nungwari tji ya tonwa ousupi, omihoko mbya tona ozondanda zawo komuhuka ngavi womboroke. 6 Nu tji ya tonwa ousupi ovikando vivari, okutja omihoko mbi mbi ri kuṱa keyuva kokumuho ngavi haṋe ozondanda zawo. Ohiva nga i tonwe ndji mai rire otjiraisiro tji matji ve raere kutja nga ve ute okukaondja, 7 nungwari tji mamu isana ombongarero yombongo aihe, ohiva nga tonwe orure nu ai rokoha. 8 Ozohiva nḓa ngaze tonwe i ovazandu va Aron, ovapristeri; omazikamisiro nga ngaye rire omakarerere ku eṋe na kozondekurona zeṋu.
9 “Nu tji mamu tjiti ovita novanavita na eṋe mehi reṋu, toneye ozohiva nondokohero; nami ngu mbi ri Muhona, Ndjambi weṋu, memu vatere nu memu yama kovanavita na eṋe. 10 Toneye nangarire momayuva ngu mamu yoroka tji mu ri momikandi vyeṋu vyOmatendameno wOmueze, na momikandi vyeṋu vyarwe, Eṋe toneye ozohiva pozombunguhiro zeṋu ozoningiririsiwa nozohange, nami ngu mbi ri Muhona, Ndjambi weṋu, memu vatere.”
Ovaisrael mave haṋa ozondanda
11 Meyuva oritjamirongo vivari romueze outjavari kombura oitjavari, Ovaisrael tji va za mOengipte, otjikamba otji tja yeruruka okuza kOndanda yOmahakaeneno mu mu nOtjipwikiro tjOmerikutiropamwe. 12 NOvaisrael va kaenda u yenda wawo okupita mokuti onguza Sinai, notjikamba tja kahaama mokuti onguza Paran.
13 Nowo otji va womboroka kotjikando otjitenga otja komarakiza Muhona nga yandja ku Moses, 14 nu oruveze aruhe ndu va kaenda, va ri kehi yerakiza tjingero. Imba mba ri kehi yerapi romunda womuhoko wa Juda va tenga po okupita, otja koumbumba wawo wovita, nomunane wotjimbumba atjihe hi wa ri Nakson, omuzandu wa Aminadab. 15 Nomunane wotjimbumba tjomuhoko wa Isakar wa ri Netanel, omuzandu wa Suar. 16 Nomunane wotjimbumba tjomuhoko wa Sebulon wa ri Eliab, omuzandu wa Helon.
17 Nu Ondanda yOmahakaeneno otji ya haṋewa; novazandu va Gerson nova Merari mbaa ve i tjindi arire tji va womboroka.
18 Tjazumba imba overapi romunda womuhoko wa Ruben va womboroka otja koumbumba wawo wovita, nomunane wotjimbumba atjihe hi wa ri Elisur, omuzandu wa Sedeur. 19 Nomunane wotjimbumba tjomuhoko wa Simeon wa ri Selumiel, omuzandu wa Surisadai. 20 Nomunane wotjimbumba tjomuhoko wa Gad wa ri Eljasaf, omuzandu wa Reguel.
21 Tjazumba imba Ovakehat, ovatjinde voviṋa oviyapuke va womboroka. Nu indji Ondanda yOmahakaeneno ya zikwa, Ovakehat ngunda ave hiya vaza.
22 Kombunda yanao imba overapi romunda womuhoko wa Efraim va kumuka otja koumbumba wawo wovita; nomunane wotjimbumba atjihe hi wa ri Elisama, omuzandu wa Amihud. 23 Nomunane wotjimbumba tjomuhoko wa Manasse wa ri Gamliel, omuzandu wa Pedasur. 24 Nomunane wotjimbumba tjomuhoko wa Benjamin wa ri Abidan, omuzandu wa Gideoni.
25 Tjazumba imba overapi romunda womuhoko wa Dan va kumuka otja koumbumba wawo wovita; owo omba ri ovasenina povimbumba avihe; nomunane wotjimbumba tjawo wa ri Ahieser, omuzandu wa Amisadai. 26 Nomunane wotjimbumba tjomuhoko wa Aser wa ri Pagiel, omuzandu wa Okran. 27 Nomunane wotjimbumba tjomuhoko wa Naftali wa ri Ahira, omuzandu wa Enan. 28 Inga onga ri omakawondjero womotuteto twOvaisrael otja koumbumba wawo aruhe tjaave haṋa ozondanda ve womboroke.
29 Nu Moses wa tja nai komukwe we Hobab, omuzandu wOmumidian Jetro: “Eṱe tu ri pokutjindira koṋa Muhona ka tja me tu pe. Tjinda puna eṱe, nu eṱe matu ku ṱunu nawa; orondu Muhona wa kwizikira Ovaisrael ouwa.”
30 Nungwari Hobab we mu zira a tja: “Hi nakuyenda puna eṋe; me yaruka koyandje na kovazamumwe vandje.”
31 Moses wa tja ku ye: “Arikana, o tu esa! Oove ngu mo tjiwa poṋa pu matu ziki ozondanda mokuti onguza, noove ngu mo tu hongorere. 32 Ove tji mo i puna eṱe, ouwa Muhona mbu ma katjita ku eṱe, matu kahaṋasana kuna ove wina.”
33 Ovaisrael tji va zapo pOsinai, ondundu ondjapuke, va kaenda oure womayuva yetatu, nOtjipwikiro tjOmerikutiropamwe wa Muhona tje ve hongorera okukevepahera pu mave ziki ozondanda. 34 Notjikamba tja Muhona tja ri kombanda yawo mutenya, owo tji va womboroka.
35 Aruhe Otjipwikiro tjOmerikutiropamwe tji matji womboroka, Moses aa tja: “Sekama, Muhona, u pize ovanavita na ove novekutonde kutja ve taure komurungu woye!” 36 Nu aruhe tji matji kurama aa tja: “Kotoka, Muhona komayovi womihoko vya Israel!”
