Paulus me riyeura omuini komurungu wa Agripa
1 Agripa wa tjere ku Paulus: “Ove nambano u nousemba okuriyeura omuini.” Paulus arire tja yere eke a tja:
2 “Mbara Agripa! Ami me rivara omuṋingandu kutja ndinondi me riyeura omuini komurungu woye koviṋa avihe Ovajuda mbi mave ndji kuminine, 3 ove tjinene tjinga amo tjiwa nawa otuzo atuhe twOvajuda nozombata zawo. Otji me ku ningire kutja u puratene ku ami nomuretima.
4 “Ovajuda avehe mave tjiwa ongarero yandje okuza kouṱiṱi wandje. Owo mave tjiwa omuhingo mbu mbe kura, rutenga mehi retu oveni, tjazumba na mOjerusalem. 5 Aruhe ve tjiwa, ndovazu ve nombango okuhongonona kutja okuza korukuru ami mbe kura otja okaṋepo kotjira tjongamburiro onḓeu, ihi tjOvafarisei. 6 Nambano mba kurama mba okupangurirwa omaundjiro ngu mbi na wo momakwizikiro Ndjambi nga tjitire kootate mukururume, 7 ihi otjiṋa tjingetjo imbi omihoko omurongo na vivari vyotjiwaṋa tjetu tji vya undjire okupewa tjaave rikotamene ku Ndjambi omutenya nouṱuku. Nu omotjimbe tjomaundjiro nga, muhona ombara, ami tji me kumininwa i Ovajuda! 8 Okutjavi ku eṋe mbu mu ri mba tje ri ouzeu okukambura kutja Ndjambi u pendura ovaṱi?
9 “Ami omuini mba tjangovasi me tjiti oviṋa avihe pu me sora okuyandisa ena ra Jesus wa Nasaret. 10 Imbi ombi mba tjitire mOjerusalem. Ami mba perwe ouvara i ovapristeri oviuru nu e patere mo ovakambure ovengi motjovakamburwa; nowo tji va pangurirwe kokuṱa, ami wina mba itaverere kombanguriro ndjo. 11 Potuingi mbe ve yandjere kondatumisire mozosinagoge ne kondjo kutja owo ve nakaure ongamburiro yawo. Ami mba ri nomazenge tjinene na wo nga tjee i kovihuro vyozonganda okukevetatumisa.
Paulus ma serekarere ondanaukiro ye
(Oviu 9:1-19Oviu 22:6-16)12 “Nu omotjimbe tjotjiṋa hi ami pu mba ira kOdamaskus ambi nouvara nomarakiza ngu mba perwe i ovapristeri oviuru. 13 A ri mondjira mutenya, muhona ombara, tji mba mwine ondjerera ondjere tjinene pu indji oyeyuva amai zu keyuru nai kondoroka ami na imba mba ri puna ami. 14 Eṱe atuhe twa wira pehi, nami arire tji mba zuu eraka ndi mari tja nai ku ami mOtjiheberi: ‘Saul, Saul! Mo ndji tjerere tjike? Ove mo rihihamisa omuini tji mo yaruka mu ami, tjinga au hi na indu moo sora okundjipirura!’ 15 Ami arire tji mba pura e tja: ‘Oovyaṋi, Muhona?’ Nu eye a ziri a tja: ‘Owami Jesus ngu mo tjere. 16 Nungwari sekama u kurame kozombaze. Ami mbe rimunikisa kove okukutoorora u rire omukarere wandje. Ove mo serekarere kovakweṋu imbi mbi wa munu ndinondi na imbi ami mbi me ku raisire moruveze ndu maru ya. 17 Ami me ku yama kOvaisrael naimba mbe he ri Ovajuda ku me ku hindi. 18 Ove mo ve paturura omeho no ve tanaurire kondjerera okuza konḓorera na ku Ndjambi okuza komasa wa Satan, kokutja mongamburiro yawo mu ami owo ve isirwe ourunde wawo, nu ve pewe oruveze mokati kotjiwaṋa tja Ndjambi otjitoororwa.’
Paulus ma serekarere oviungura vye
19 “Mbara Agripa, ami opu mba yakurira otjirimunikise hi tji tja zire keyuru. 20 Ami mba tenga okuzuvarisa mOdamaskus na mOjerusalem, tjazumba a rire mehi arihe ra Judea na mokati kaimba mbe he ri Ovajuda kutja ve ritanaure kourunde wawo, ve tanaukire ku Ndjambi, nu ve tjite oviṋa, mbi mavi raisa kutja owo ve ritanaura. 21 Mena roviṋa mbi Ovajuda opu ve ndji kamburira ngunda ambi ri mondjuwo ya Muhona, ave vanga okundjizepa. 22 Nungwari nga ku ndinondi ami mba vaterwa i Ndjambi, nopu mba zu okukurama mba okuyandja omahongonona wandje ku eṋe amuhe ovanene nouṱiṱi. Imbi mbi me hungire otjingevyo mbi mbya hungirirwe i ovaprofete na Moses kutja maavi tjitwa. 23 Owo va tjere Omutwirisiwa u sokuhihamisiwa nongu ma rire omutenga okupenduka movakoke kokutja a ete ondjerera yondjamo kOvajuda na ku imba mbe he ri Ovajuda.”
24 Paulus ngunda ame riyeura komuhingo mbwi, Festus arire tja ravaere a tja: “Paulus, ove wa vere oviyoze! Omerihongero woye omengi ye ku purukisa ozondunge!”
25 Paulus wa zira a tja: “Ami hi verere oviyoze, muhona ombara. Ami me hungire ouatjiri mbu mau munika. 26 Mbara Agripa, ami me hungire kove nokuhinooma momutima, tjinga amo tjiwa nawa oviṋa avihe mbi. Mbi nouatjiri wokutja oviṋa avihe mbi ove wa tara ko nawa, ovyo tjinga avi ha tjitirwe mongumumu. 27 Mbara Agripa, ove u kambura movaprofete? Ami me tjiwa kutja u kambura mu wo!”
28 Agripa wa tjere ku Paulus: “Mo tjangovasi mokaruveze okasupi nai mo ndji tanaurire koukriste are?”
29 Paulus a ziri a tja: “Kutja ma rire okaruveze okasupi poo ma rire orure, indji ongumbiro yandje ku Ndjambi oyo ndji yokutja ove na imba amuhe mbu mamu puratene ku ami ndinondi mu rire otja ami nai, posi yomapando nga!”
30 Ombara nongooneya na Bernise novakwao avehe va sekamene, 31 nu ngunda amave ka wondja arire tji verihungirire oveni ave tja: “Omurumendu ngwi ke notjiṋa tja tjita pa pwire okuṱa poo okuyumbwa motjovakamburwa.” 32 Nu Agripa a tja ku Festus: “Omurumendu ngwi atja kuturwa andakuzu kaye omuini ngwe rivangere otjombanguriro tjombara yokombanda.”
Paulus me riyeura omuini komurungu wa Agripa
1 Agripa wa tjere ku Paulus: “Ove nambano u nousemba okuriyeura omuini.” Paulus arire tja yere eke a tja:
2 “Mbara Agripa! Ami me rivara omuṋingandu kutja ndinondi me riyeura omuini komurungu woye koviṋa avihe Ovajuda mbi mave ndji kuminine, 3 ove tjinene tjinga amo tjiwa nawa otuzo atuhe twOvajuda nozombata zawo. Otji me ku ningire kutja u puratene ku ami nomuretima.
4 “Ovajuda avehe mave tjiwa ongarero yandje okuza kouṱiṱi wandje. Owo mave tjiwa omuhingo mbu mbe kura, rutenga mehi retu oveni, tjazumba na mOjerusalem. 5 Aruhe ve tjiwa, ndovazu ve nombango okuhongonona kutja okuza korukuru ami mbe kura otja okaṋepo kotjira tjongamburiro onḓeu, ihi tjOvafarisei. 6 Nambano mba kurama mba okupangurirwa omaundjiro ngu mbi na wo momakwizikiro Ndjambi nga tjitire kootate mukururume, 7 ihi otjiṋa tjingetjo imbi omihoko omurongo na vivari vyotjiwaṋa tjetu tji vya undjire okupewa tjaave rikotamene ku Ndjambi omutenya nouṱuku. Nu omotjimbe tjomaundjiro nga, muhona ombara, ami tji me kumininwa i Ovajuda! 8 Okutjavi ku eṋe mbu mu ri mba tje ri ouzeu okukambura kutja Ndjambi u pendura ovaṱi?
9 “Ami omuini mba tjangovasi me tjiti oviṋa avihe pu me sora okuyandisa ena ra Jesus wa Nasaret. 10 Imbi ombi mba tjitire mOjerusalem. Ami mba perwe ouvara i ovapristeri oviuru nu e patere mo ovakambure ovengi motjovakamburwa; nowo tji va pangurirwe kokuṱa, ami wina mba itaverere kombanguriro ndjo. 11 Potuingi mbe ve yandjere kondatumisire mozosinagoge ne kondjo kutja owo ve nakaure ongamburiro yawo. Ami mba ri nomazenge tjinene na wo nga tjee i kovihuro vyozonganda okukevetatumisa.
Paulus ma serekarere ondanaukiro ye
(Oviu 9:1-19Oviu 22:6-16)12 “Nu omotjimbe tjotjiṋa hi ami pu mba ira kOdamaskus ambi nouvara nomarakiza ngu mba perwe i ovapristeri oviuru. 13 A ri mondjira mutenya, muhona ombara, tji mba mwine ondjerera ondjere tjinene pu indji oyeyuva amai zu keyuru nai kondoroka ami na imba mba ri puna ami. 14 Eṱe atuhe twa wira pehi, nami arire tji mba zuu eraka ndi mari tja nai ku ami mOtjiheberi: ‘Saul, Saul! Mo ndji tjerere tjike? Ove mo rihihamisa omuini tji mo yaruka mu ami, tjinga au hi na indu moo sora okundjipirura!’ 15 Ami arire tji mba pura e tja: ‘Oovyaṋi, Muhona?’ Nu eye a ziri a tja: ‘Owami Jesus ngu mo tjere. 16 Nungwari sekama u kurame kozombaze. Ami mbe rimunikisa kove okukutoorora u rire omukarere wandje. Ove mo serekarere kovakweṋu imbi mbi wa munu ndinondi na imbi ami mbi me ku raisire moruveze ndu maru ya. 17 Ami me ku yama kOvaisrael naimba mbe he ri Ovajuda ku me ku hindi. 18 Ove mo ve paturura omeho no ve tanaurire kondjerera okuza konḓorera na ku Ndjambi okuza komasa wa Satan, kokutja mongamburiro yawo mu ami owo ve isirwe ourunde wawo, nu ve pewe oruveze mokati kotjiwaṋa tja Ndjambi otjitoororwa.’
Paulus ma serekarere oviungura vye
19 “Mbara Agripa, ami opu mba yakurira otjirimunikise hi tji tja zire keyuru. 20 Ami mba tenga okuzuvarisa mOdamaskus na mOjerusalem, tjazumba a rire mehi arihe ra Judea na mokati kaimba mbe he ri Ovajuda kutja ve ritanaure kourunde wawo, ve tanaukire ku Ndjambi, nu ve tjite oviṋa, mbi mavi raisa kutja owo ve ritanaura. 21 Mena roviṋa mbi Ovajuda opu ve ndji kamburira ngunda ambi ri mondjuwo ya Muhona, ave vanga okundjizepa. 22 Nungwari nga ku ndinondi ami mba vaterwa i Ndjambi, nopu mba zu okukurama mba okuyandja omahongonona wandje ku eṋe amuhe ovanene nouṱiṱi. Imbi mbi me hungire otjingevyo mbi mbya hungirirwe i ovaprofete na Moses kutja maavi tjitwa. 23 Owo va tjere Omutwirisiwa u sokuhihamisiwa nongu ma rire omutenga okupenduka movakoke kokutja a ete ondjerera yondjamo kOvajuda na ku imba mbe he ri Ovajuda.”
24 Paulus ngunda ame riyeura komuhingo mbwi, Festus arire tja ravaere a tja: “Paulus, ove wa vere oviyoze! Omerihongero woye omengi ye ku purukisa ozondunge!”
25 Paulus wa zira a tja: “Ami hi verere oviyoze, muhona ombara. Ami me hungire ouatjiri mbu mau munika. 26 Mbara Agripa, ami me hungire kove nokuhinooma momutima, tjinga amo tjiwa nawa oviṋa avihe mbi. Mbi nouatjiri wokutja oviṋa avihe mbi ove wa tara ko nawa, ovyo tjinga avi ha tjitirwe mongumumu. 27 Mbara Agripa, ove u kambura movaprofete? Ami me tjiwa kutja u kambura mu wo!”
28 Agripa wa tjere ku Paulus: “Mo tjangovasi mokaruveze okasupi nai mo ndji tanaurire koukriste are?”
29 Paulus a ziri a tja: “Kutja ma rire okaruveze okasupi poo ma rire orure, indji ongumbiro yandje ku Ndjambi oyo ndji yokutja ove na imba amuhe mbu mamu puratene ku ami ndinondi mu rire otja ami nai, posi yomapando nga!”
30 Ombara nongooneya na Bernise novakwao avehe va sekamene, 31 nu ngunda amave ka wondja arire tji verihungirire oveni ave tja: “Omurumendu ngwi ke notjiṋa tja tjita pa pwire okuṱa poo okuyumbwa motjovakamburwa.” 32 Nu Agripa a tja ku Festus: “Omurumendu ngwi atja kuturwa andakuzu kaye omuini ngwe rivangere otjombanguriro tjombara yokombanda.”
