Ouvi womundu
Komuimburise. Epsalme ra David, omukarere wa Muhona.
1 Ouvi u hungira komunauvi
moukoto womutima we;
eye ke nondira ku Ndjambi.
2 Eye tjinga e ritongamisa tjinene,
otje tjangovasi Ndjambi ke
nokukonḓonona ouvi we noku u pangura.
3 Omambo we ye ura novineya novizeze;
eye wa isa rukuru okuripura nokutjita ouwa.
4 Momara we eye u rizemburuka nouvi,
nu u panḓera mondjira, ndji he ri osemba,
nouvi ke u nyengwa ko.
Ouwa wa Ndjambi
5 Muhona, orusuvero roye
orukarerere ru vaza nga komayuru,
nouṱakame woye u kavaza nga kovikamba.
6 Ousemba woye wa tongama
tjimuna ozondundu za Ndjambi.
Ozombanguriro zoye ze ri otja
ourekoto womevakokuvare.
Ove u hupisa ovandu novinamuinyo.
7 Tjiri, orusuvero roye
orukarerere oro otjihuze!
Omaundiro wetu ye ri
momuzire wovivava vyoye.
8 Ove u tu kutisa nouingi
wovikurya mbi u tu pa;
nu u tu kovisa nomeva
wombura youwa woye.
9 Oove oruharwi rwomuinyo,
nu mondjerera yoye omu
tu muna mo ondjerera.
10 Orusuvero roye orukarerere
ngaru karerere ku imba mbe ku tjiwa,
nu tjita ousemba woye ku
imba mbe riyameka kove.
11 O yandjere ovandu ovirangaranga okundjirwisa,
nokutja ovandu ovanauvi ve ndji rambe.
12 Tara, ovanauvi va wire mbo, va vandwa pehi,
nu kamaave sekama ko rukwao.
Ouvi womundu
Komuimburise. Epsalme ra David, omukarere wa Muhona.
1 Ouvi u hungira komunauvi
moukoto womutima we;
eye ke nondira ku Ndjambi.
2 Eye tjinga e ritongamisa tjinene,
otje tjangovasi Ndjambi ke
nokukonḓonona ouvi we noku u pangura.
3 Omambo we ye ura novineya novizeze;
eye wa isa rukuru okuripura nokutjita ouwa.
4 Momara we eye u rizemburuka nouvi,
nu u panḓera mondjira, ndji he ri osemba,
nouvi ke u nyengwa ko.
Ouwa wa Ndjambi
5 Muhona, orusuvero roye
orukarerere ru vaza nga komayuru,
nouṱakame woye u kavaza nga kovikamba.
6 Ousemba woye wa tongama
tjimuna ozondundu za Ndjambi.
Ozombanguriro zoye ze ri otja
ourekoto womevakokuvare.
Ove u hupisa ovandu novinamuinyo.
7 Tjiri, orusuvero roye
orukarerere oro otjihuze!
Omaundiro wetu ye ri
momuzire wovivava vyoye.
8 Ove u tu kutisa nouingi
wovikurya mbi u tu pa;
nu u tu kovisa nomeva
wombura youwa woye.
9 Oove oruharwi rwomuinyo,
nu mondjerera yoye omu
tu muna mo ondjerera.
10 Orusuvero roye orukarerere
ngaru karerere ku imba mbe ku tjiwa,
nu tjita ousemba woye ku
imba mbe riyameka kove.
11 O yandjere ovandu ovirangaranga okundjirwisa,
nokutja ovandu ovanauvi ve ndji rambe.
12 Tara, ovanauvi va wire mbo, va vandwa pehi,
nu kamaave sekama ko rukwao.
