Okutanga nokutja okuhepa ku Ndjambi
Komuimburise. Epsalme ra David. Eimburiro.
1 Ndjambi, okokuwa ku eṱe okukutanga mOsion,
nokuyenenisa omakwizikiro wetu kove,
2 ove ngu u zuvira ozongumbiro.
Ovandu koṋa akuhe mave ya kove
3 okuyekurihepura ourunde wawo.
Nangarire kutja ozongatukiro zetu
ozengi tjinene,
ove mo tu isire zo.
4 Ovaṋingandu imba mbu mo
toorora okutumbuza kove,
kutja ve ture motjouyapuke tjoye.
Eṱe matu kovisiwa noviṋa oviwa
vyondjuwo yoye,
indji ondaya yondjuwo yoye ondjapuke.
5 Ove u tu zuvira nouṱakame
nokutjita oviṋa ovihimise okutuyama,
Ndjambi, ngu u ri ondjamo yetu.
Ovandu mouye auhe na
komaandero wokuvare
ve riyameka kove.
6 Ove wa zikamisa ozondundu
momasa woye,
amo raisa ouvara woye ounene.
7 U mwinisa ondokohero yokuvare,
noporisa okuhwaara kwozongazona,
nomazunganeno woviwaṋa.
8 Imba mbe tura komaandero wouye,
otji ve tira oviṋa ovihimise
mbi wa tjita.
Oviungura vyoye vi yorokisa ouye auhe,
okuza komukuma wokomuhuka
nga kowokongurova.
9 Ove u rikendera ehi mokurokisa ombura;
uri tumbisa nohapisa ro.
Oruronḓu rwa Ndjambi rwe ura nomeva,
nu mo hapisa ovikokotwa mehi.
Ove mo tjiti nai;
10 mo tjatja omahi womakunino nga taurwa,
nu mo ye ningeke nomeva;
mo serura ovitumbehi nomata wombura,
nu mo sere ondaya kovihape vyawo.
11 Ove mo hareke ombura
nomakondero wondjoura;
akuhe ku mo i maku kara ouingi wovihape.
12 Omaryo moviana ye ura nondjoura;
nozondunda ze ura nenyando.
13 Okuti kwe ura nozonyanda;
nomahi womakunino ya vandekwa
novikokotwa.
Oviṋa avihe mavi nyanda nu mavi
imbura nondjoroka.
Okutanga nokutja okuhepa ku Ndjambi
Komuimburise. Epsalme ra David. Eimburiro.
1 Ndjambi, okokuwa ku eṱe okukutanga mOsion,
nokuyenenisa omakwizikiro wetu kove,
2 ove ngu u zuvira ozongumbiro.
Ovandu koṋa akuhe mave ya kove
3 okuyekurihepura ourunde wawo.
Nangarire kutja ozongatukiro zetu
ozengi tjinene,
ove mo tu isire zo.
4 Ovaṋingandu imba mbu mo
toorora okutumbuza kove,
kutja ve ture motjouyapuke tjoye.
Eṱe matu kovisiwa noviṋa oviwa
vyondjuwo yoye,
indji ondaya yondjuwo yoye ondjapuke.
5 Ove u tu zuvira nouṱakame
nokutjita oviṋa ovihimise okutuyama,
Ndjambi, ngu u ri ondjamo yetu.
Ovandu mouye auhe na
komaandero wokuvare
ve riyameka kove.
6 Ove wa zikamisa ozondundu
momasa woye,
amo raisa ouvara woye ounene.
7 U mwinisa ondokohero yokuvare,
noporisa okuhwaara kwozongazona,
nomazunganeno woviwaṋa.
8 Imba mbe tura komaandero wouye,
otji ve tira oviṋa ovihimise
mbi wa tjita.
Oviungura vyoye vi yorokisa ouye auhe,
okuza komukuma wokomuhuka
nga kowokongurova.
9 Ove u rikendera ehi mokurokisa ombura;
uri tumbisa nohapisa ro.
Oruronḓu rwa Ndjambi rwe ura nomeva,
nu mo hapisa ovikokotwa mehi.
Ove mo tjiti nai;
10 mo tjatja omahi womakunino nga taurwa,
nu mo ye ningeke nomeva;
mo serura ovitumbehi nomata wombura,
nu mo sere ondaya kovihape vyawo.
11 Ove mo hareke ombura
nomakondero wondjoura;
akuhe ku mo i maku kara ouingi wovihape.
12 Omaryo moviana ye ura nondjoura;
nozondunda ze ura nenyando.
13 Okuti kwe ura nozonyanda;
nomahi womakunino ya vandekwa
novikokotwa.
Oviṋa avihe mavi nyanda nu mavi
imbura nondjoroka.
