Ohange puna Ndjambi
1 Ndjambi nambano we tu vara otja ovasemba mena rongamburiro yetu. Nambano otji pe nohange pokati ketu na Ndjambi mu Muhona wetu Jesus Kristus. 2 Nu mena rongamburiro mu Kristus, eye we tu yeta kotjari tja Ndjambi nambano mu tu ri. Opu matu zu okurihivira omaundjiro wokutja tu norupa mondjozikiro ya Ndjambi. 3 Wina matu rihivire omauzeu wetu, tjinga amatu tjiwa kutja ye ungura onḓaro orure, 4 nonḓaro orure i ungura ongamburiro yatjiri, nongamburiro yatjiri i ungura omaundjiro; 5 nomaundjiro kaye yandja ohoṋi, Ndjambi tjinga a tirira orusuvero rwe momitima vyetu mOmbepo Ondjapuke eye ndje tu pa.
6 Nu ngunda atwa ri ovingundi, Kristus wa ṱira ovarunde moruveze Ndjambi ndwa twire po. 7 Ouzeu tjinene komundu okuṱira omundu omusemba mokuṱakamisa oveta. Nungwari mape ya ape kara omundu rumwe ngu ma kara nouvanḓe wokuṱira omundu womutima omuwa. 8 Nungwari Ndjambi we tu raisira kutja we tu suvera, indu Kristus tje tu ṱira ngunda atu ri ovarunde! 9 Nu tjinga atwa varwa otja ovasemba komurungu wa Ndjambi mena ronḓiro ye yohanganisiro, wina, tjiri, otjinga amatu yamwa tjinene komeho i ye komazenge wa Ndjambi. 10 Eṱe twa ri ovanavita na Ndjambi, nungwari we tu hanganisa na ye omuini mena ronḓiro yOmuna we. Nambano tjinga atwa hanganisiwa na Ndjambi, tjiri, matu yamwa tjinene komeho i omuinyo wa Kristus. 11 Nu kapo mbo porwapo, nungwari eṱe tu yorokera imbi Ndjambi mbya tjita mu Muhona wetu Jesus Kristus, nambano ngwe tu hanganisa na Ndjambi.
Adam na Kristus
12 Ourunde wa zira momundu umwe nau ya mouye, nonḓiro ai zu mourunde. Komuhingo mbwi onḓiro otji ya tuurunga movandu avehe, owo avehe tjinga ava tjita ourunde. 13 Nourunde wa ri mouye Omatwako wa Moses ngunda aye hiya yandjwa, nowo kau munika tji pe hi nomatwako. 14 Nungwari okuza ku Adam nga ku Moses onḓiro ya honaparera ovandu avehe, nangarire imba mbe ha tjitire ourunde momuhingo tjingewo mbwi Adam ma tjitire, indu tje ha ri nonḓuviro komarakiza wa Ndjambi.
Adam wa ri otjisanekero tja ingwi ngwa sere okuya. 15 Nungwari owo aveyevari mba kave sanene, orondu otjiyandjewa tja Ndjambi katji ṱeki pourunde wa Adam. Ouatjiri kutja ovandu ovengi va ṱa motjimbe tjourunde womundu umwe ngo. Nungwari otjari tja Ndjambi notjiyandjewa tji tja yandjwa kovandu ovengi mena rotjari tja ingwi Umwe Jesus Kristus, ovyo ovinene tjinene. 16 Otjiyandjewa tja Ndjambi katji ri otja ourunde womundu ngwi umwe. Nomundu umwe ngwi tja za nokukatuka, ombanguriro yomakatukiro otji ye ya, nungwari ozongatukiro ozengi tji za za nokutjitwa, otjiyandjewa tjondjesiro otji tje ya natji eta omasembamisiro. 17 Motjimbe tjomakatukiro womundu umwe ngwi onḓiro ya uta okuhonapara mena romundu umwe ngwi. Nungwari mena ra ingwi Umwe Jesus Kristus pe novingi tjinene komeho mbya tjitwa: Ovandu avehe mba mba pewa otjari tja Ndjambi okuura nu mba muna omasembamisiro otja otjiyandjewa mave honapara momuinyo mbu za mu Kristus.
18 Notja omakatukiro yemwe nga punga aya eta omberero kovandu avehe, ondjito imwe yonḓuviro opunga aya eta onguturiro nomuinyo kovandu avehe. 19 Ovandu avehe otja punga ava rira ovarunde motjimbe tjokuhazuva kwomundu umwe, owo avehe wina opunga amave varwa otja ovasemba komurungu wa Ndjambi motjimbe tjonḓuviro yOmundu umwe ngwi.
20 Inga Omatwako wa Moses ya wezirwa ko kokutja omakatukiro ye takavarere ko; nungwari ourunde punga awa takavarera ko, otjari tja Ndjambi opunga atja takavarera ko tjinene komeho. 21 Nokutja ourunde punga awa honapara motjimbe tjonḓiro, otjari tja Ndjambi wina opunga atja honapara motjimbe tjomausemba, notjo tje tu twara komuinyo waaruhe mu Jesus Kristus, oMuhona wetu.
Ohange puna Ndjambi
1 Ndjambi nambano we tu vara otja ovasemba mena rongamburiro yetu. Nambano otji pe nohange pokati ketu na Ndjambi mu Muhona wetu Jesus Kristus. 2 Nu mena rongamburiro mu Kristus, eye we tu yeta kotjari tja Ndjambi nambano mu tu ri. Opu matu zu okurihivira omaundjiro wokutja tu norupa mondjozikiro ya Ndjambi. 3 Wina matu rihivire omauzeu wetu, tjinga amatu tjiwa kutja ye ungura onḓaro orure, 4 nonḓaro orure i ungura ongamburiro yatjiri, nongamburiro yatjiri i ungura omaundjiro; 5 nomaundjiro kaye yandja ohoṋi, Ndjambi tjinga a tirira orusuvero rwe momitima vyetu mOmbepo Ondjapuke eye ndje tu pa.
6 Nu ngunda atwa ri ovingundi, Kristus wa ṱira ovarunde moruveze Ndjambi ndwa twire po. 7 Ouzeu tjinene komundu okuṱira omundu omusemba mokuṱakamisa oveta. Nungwari mape ya ape kara omundu rumwe ngu ma kara nouvanḓe wokuṱira omundu womutima omuwa. 8 Nungwari Ndjambi we tu raisira kutja we tu suvera, indu Kristus tje tu ṱira ngunda atu ri ovarunde! 9 Nu tjinga atwa varwa otja ovasemba komurungu wa Ndjambi mena ronḓiro ye yohanganisiro, wina, tjiri, otjinga amatu yamwa tjinene komeho i ye komazenge wa Ndjambi. 10 Eṱe twa ri ovanavita na Ndjambi, nungwari we tu hanganisa na ye omuini mena ronḓiro yOmuna we. Nambano tjinga atwa hanganisiwa na Ndjambi, tjiri, matu yamwa tjinene komeho i omuinyo wa Kristus. 11 Nu kapo mbo porwapo, nungwari eṱe tu yorokera imbi Ndjambi mbya tjita mu Muhona wetu Jesus Kristus, nambano ngwe tu hanganisa na Ndjambi.
Adam na Kristus
12 Ourunde wa zira momundu umwe nau ya mouye, nonḓiro ai zu mourunde. Komuhingo mbwi onḓiro otji ya tuurunga movandu avehe, owo avehe tjinga ava tjita ourunde. 13 Nourunde wa ri mouye Omatwako wa Moses ngunda aye hiya yandjwa, nowo kau munika tji pe hi nomatwako. 14 Nungwari okuza ku Adam nga ku Moses onḓiro ya honaparera ovandu avehe, nangarire imba mbe ha tjitire ourunde momuhingo tjingewo mbwi Adam ma tjitire, indu tje ha ri nonḓuviro komarakiza wa Ndjambi.
Adam wa ri otjisanekero tja ingwi ngwa sere okuya. 15 Nungwari owo aveyevari mba kave sanene, orondu otjiyandjewa tja Ndjambi katji ṱeki pourunde wa Adam. Ouatjiri kutja ovandu ovengi va ṱa motjimbe tjourunde womundu umwe ngo. Nungwari otjari tja Ndjambi notjiyandjewa tji tja yandjwa kovandu ovengi mena rotjari tja ingwi Umwe Jesus Kristus, ovyo ovinene tjinene. 16 Otjiyandjewa tja Ndjambi katji ri otja ourunde womundu ngwi umwe. Nomundu umwe ngwi tja za nokukatuka, ombanguriro yomakatukiro otji ye ya, nungwari ozongatukiro ozengi tji za za nokutjitwa, otjiyandjewa tjondjesiro otji tje ya natji eta omasembamisiro. 17 Motjimbe tjomakatukiro womundu umwe ngwi onḓiro ya uta okuhonapara mena romundu umwe ngwi. Nungwari mena ra ingwi Umwe Jesus Kristus pe novingi tjinene komeho mbya tjitwa: Ovandu avehe mba mba pewa otjari tja Ndjambi okuura nu mba muna omasembamisiro otja otjiyandjewa mave honapara momuinyo mbu za mu Kristus.
18 Notja omakatukiro yemwe nga punga aya eta omberero kovandu avehe, ondjito imwe yonḓuviro opunga aya eta onguturiro nomuinyo kovandu avehe. 19 Ovandu avehe otja punga ava rira ovarunde motjimbe tjokuhazuva kwomundu umwe, owo avehe wina opunga amave varwa otja ovasemba komurungu wa Ndjambi motjimbe tjonḓuviro yOmundu umwe ngwi.
20 Inga Omatwako wa Moses ya wezirwa ko kokutja omakatukiro ye takavarere ko; nungwari ourunde punga awa takavarera ko, otjari tja Ndjambi opunga atja takavarera ko tjinene komeho. 21 Nokutja ourunde punga awa honapara motjimbe tjonḓiro, otjari tja Ndjambi wina opunga atja honapara motjimbe tjomausemba, notjo tje tu twara komuinyo waaruhe mu Jesus Kristus, oMuhona wetu.
