Okuhinokuyakurwa mombongo ya Muhona
1 “Omurumendu ngwa hahwa ozombuma poo ngwa kondwa orutu rwourumendu, ke nokuyenena okuyakurwa mombongo ya Muhona.
2 “Omundu ekombezumo ke nokuyenena okuyakurwa mombongo ya Muhona, nandarire omuhoko outjamurongo wozondekurona ze.
3 “Kape nOmuamoni poo Omumoab ngu ma yenene okuyakurwa mombongo ya Muhona, nandarire omuhoko outjamurongo wozondekurona zawo. 4 Owo kave mu pere ovikurya nomeva morutjindo rweṋu okuza mOengipte, nu va kuta Balaam, omuzandu wa Beor, ngwa zire kOpetor mOmesopotamie, kutja e mu senge. 5 Nungwari Muhona, Ndjambi woye, ka vangere okupuratena ku Balaam; neye we ku rundururira osengiro, i rire ondaya, tjinga e ku suvera. 6 Ngunda au nomuinuyo, o rikende okupahera oviwaṋa mbi ohange nouṋingandu.
7 “O nyengwa Omuedom; tjinga e ri omuzamumwe woye. Nu o nyengwa Omuengipte, tjinga awa turire mehi re otja owozonganda. 8 Ovanatje mbu mave kwatwa mozondekurona zawo zomuhoko outjatatu, mave yenene okuyakurwa mombongo ya Muhona.
Okuṱiza ozondanda zovita oukohoke
9 “Tji u ri mozondanda moruveze rwovita, ṱakamisa kutja o ha tjiti otjiṋa ngamwa atjihe tji matji ku zunḓarisa. 10 Tji pe nomurumendu mokati keṋu ngwa rire omuhakohoke mena rokuriningenisa moruroto ouṱuku, nga pite mozondanda; a yaruka mo. 11 Komapeta omanene nge rikohe, tjazumba otji ma yenene okukotoka mozondanda, motjiserauva.
12 “Kara noruveze romerinaneno mokuti pendje yozondanda. 13 Kara notjihupuro mokati koviungure vyoye, okusa na tjo okatoto, tji u nouzeu, nokusira na tjo tji wa zu nokuyenda mokuti. 14 Ṱizeye ozondanda zeṋu oukohoke, orondu Muhona, Ndjambi weṋu u ri mokati kozondanda zeṋu okumuyama nokumuna outoṋi kombanda yovanavita na eṋe. Muhona a munu otjiṋa tjondjambu mokati keṋu, tjapo ngee mu pe etambo.
Omatwako pekepeke
15 “Tji pe nomukarere ngwa hene komuhona we, ne ya kove kutja u mu yame, o mu yarura ku ye. 16 Eye nga ture pove, notjirongo tjoye tjimwe tji me ritoororore; nu ko nakusokumutatumisa.
17 “Ape kara Omuisrael, omuzandu poo omukazona, ngu ma kakoronduparera pondjuwo onḓere yoomukuru vovisenginina. 18 Ko nokueta ko otjimariva tjoukorondu womurumendu poo womukazendu kondjuwo ya Muhona, Ndjambi woye, otja otjiyambo tjombunguhiro yomakwizikiro, ovimariva mbi tjinga avi ri oviyaukise ku Muhona.
19 “Tji mo yazemisa ovimariva poo oviparure poo kangamwa atjihe kOmuisrael omukweṋu, o ningire ko ovihohe poo oviweziwa. 20 Ove mo yenene okuningira ovihohe ku imbi mbi wa yazemisa kowozonganda, nungwari ko nakuyenena okuningira ovihohe ku imbi mbi wa yazemisa kOmuisrael omukweṋu. Ṱakamisa etwako ndi kutja Muhona Ndjambi woye, a kasere ondaya koviṋa avihe, mbi mo katjita mehi ndi ndi mo kakambura ri rire ouini woye.
21 “Tji mo tjiti omakwizikiro ku Muhona, Ndjambi woye, o wombo okuyenenisa imbi mbi wa kwizike, Muhona, Ndjambi woye, tjinga ama ṋiṋikiza kutja u yenenise omakwizikiro woye, nu tji u ha tjitire nao mo riturisa ondjo. 22 Tji u hinakutjita omakwizikiro, ko nakuriturisa ondjo. 23 Nungwari tji wa tjiti omakwizikiro nombango yoye omuini, ṱakamisa kutja u ye yenenise.
24 “Tji mo kahita motjikunino tjomivite tjOmuisrael omukweṋu mo yenene okurya omandjembere otja konḓero yoye, nungwari ko nakuyenena okutwa okapunda mondjaṱu yoye. 25 Tji mo kahita motjikunino tje tjovikokotwa mo yenene okupora ovihweka nomake woye, nungwari ko nakuyenena okukonda ovihweka notjikonde.
Okuhinokuyakurwa mombongo ya Muhona
1 “Omurumendu ngwa hahwa ozombuma poo ngwa kondwa orutu rwourumendu, ke nokuyenena okuyakurwa mombongo ya Muhona.
2 “Omundu ekombezumo ke nokuyenena okuyakurwa mombongo ya Muhona, nandarire omuhoko outjamurongo wozondekurona ze.
3 “Kape nOmuamoni poo Omumoab ngu ma yenene okuyakurwa mombongo ya Muhona, nandarire omuhoko outjamurongo wozondekurona zawo. 4 Owo kave mu pere ovikurya nomeva morutjindo rweṋu okuza mOengipte, nu va kuta Balaam, omuzandu wa Beor, ngwa zire kOpetor mOmesopotamie, kutja e mu senge. 5 Nungwari Muhona, Ndjambi woye, ka vangere okupuratena ku Balaam; neye we ku rundururira osengiro, i rire ondaya, tjinga e ku suvera. 6 Ngunda au nomuinuyo, o rikende okupahera oviwaṋa mbi ohange nouṋingandu.
7 “O nyengwa Omuedom; tjinga e ri omuzamumwe woye. Nu o nyengwa Omuengipte, tjinga awa turire mehi re otja owozonganda. 8 Ovanatje mbu mave kwatwa mozondekurona zawo zomuhoko outjatatu, mave yenene okuyakurwa mombongo ya Muhona.
Okuṱiza ozondanda zovita oukohoke
9 “Tji u ri mozondanda moruveze rwovita, ṱakamisa kutja o ha tjiti otjiṋa ngamwa atjihe tji matji ku zunḓarisa. 10 Tji pe nomurumendu mokati keṋu ngwa rire omuhakohoke mena rokuriningenisa moruroto ouṱuku, nga pite mozondanda; a yaruka mo. 11 Komapeta omanene nge rikohe, tjazumba otji ma yenene okukotoka mozondanda, motjiserauva.
12 “Kara noruveze romerinaneno mokuti pendje yozondanda. 13 Kara notjihupuro mokati koviungure vyoye, okusa na tjo okatoto, tji u nouzeu, nokusira na tjo tji wa zu nokuyenda mokuti. 14 Ṱizeye ozondanda zeṋu oukohoke, orondu Muhona, Ndjambi weṋu u ri mokati kozondanda zeṋu okumuyama nokumuna outoṋi kombanda yovanavita na eṋe. Muhona a munu otjiṋa tjondjambu mokati keṋu, tjapo ngee mu pe etambo.
Omatwako pekepeke
15 “Tji pe nomukarere ngwa hene komuhona we, ne ya kove kutja u mu yame, o mu yarura ku ye. 16 Eye nga ture pove, notjirongo tjoye tjimwe tji me ritoororore; nu ko nakusokumutatumisa.
17 “Ape kara Omuisrael, omuzandu poo omukazona, ngu ma kakoronduparera pondjuwo onḓere yoomukuru vovisenginina. 18 Ko nokueta ko otjimariva tjoukorondu womurumendu poo womukazendu kondjuwo ya Muhona, Ndjambi woye, otja otjiyambo tjombunguhiro yomakwizikiro, ovimariva mbi tjinga avi ri oviyaukise ku Muhona.
19 “Tji mo yazemisa ovimariva poo oviparure poo kangamwa atjihe kOmuisrael omukweṋu, o ningire ko ovihohe poo oviweziwa. 20 Ove mo yenene okuningira ovihohe ku imbi mbi wa yazemisa kowozonganda, nungwari ko nakuyenena okuningira ovihohe ku imbi mbi wa yazemisa kOmuisrael omukweṋu. Ṱakamisa etwako ndi kutja Muhona Ndjambi woye, a kasere ondaya koviṋa avihe, mbi mo katjita mehi ndi ndi mo kakambura ri rire ouini woye.
21 “Tji mo tjiti omakwizikiro ku Muhona, Ndjambi woye, o wombo okuyenenisa imbi mbi wa kwizike, Muhona, Ndjambi woye, tjinga ama ṋiṋikiza kutja u yenenise omakwizikiro woye, nu tji u ha tjitire nao mo riturisa ondjo. 22 Tji u hinakutjita omakwizikiro, ko nakuriturisa ondjo. 23 Nungwari tji wa tjiti omakwizikiro nombango yoye omuini, ṱakamisa kutja u ye yenenise.
24 “Tji mo kahita motjikunino tjomivite tjOmuisrael omukweṋu mo yenene okurya omandjembere otja konḓero yoye, nungwari ko nakuyenena okutwa okapunda mondjaṱu yoye. 25 Tji mo kahita motjikunino tje tjovikokotwa mo yenene okupora ovihweka nomake woye, nungwari ko nakuyenena okukonda ovihweka notjikonde.
