Ozombanda zovapristeri
(Eks 39:1-7)1 “Erumbi roye Aron novazandu ve, ooNadab na Abihu na Eleasar na Itamar, ngave etwe kove okuza motjiwaṋa tja Israel kutja ve ndji karere otja ovapristeri. 2 Nu ungurira erumbi roye Aron ozombanda ozondjapuke, kondjozikiro ye na komaharekero we. 3 Hungira na imba avehe mbu mbe urisa nombepo younongo, ve ungurire Aron ozombanda zokumuyapura kutja e ndji karere motjiungura tjoupristeri. 4 Ozombanda nḓu maze ungurwa ozo nḓa: Ondjaṱu yomorukoro, ombanda yokoviṱuve, norupera rwokombanda, nombanda yokehi ndja ungurwa nawa, nekori nekwamo. Inḓa ozo ozombanda ozondjapuke nḓu maze ungurirwa erumbi roye Aron novazandu ve kutja ve ndji karere otja ovapristeri. 5 Ovaungure ozonongo, ngave ungure nongoldo, nomarapi omarovazu nomaserarovazu nomaserandu pyu, norupera oruheze.
6 “Owo ngave ungure ombanda yokoviṱuve pongoldo, na perapi erovazu neserarovazu neserandu pyu, na porupera ndwa tungwa nozosepa ozoheze, vi rire oviungura vyongongo. 7 Nu ngai kare notukute twokoviṱuve tuvari tu twa ya taterwa ku yo komikuma vyayo aviyevari, tu mai kutwa na two. 8 Nu ekwamo, ndi mari kutu ombanda yokoviṱuve, ngari ungurwe komuhingo tjingewo, pongoldo na pomarapi oomarovazu nomaserarovazu nomaserandu pyu, na porupera ndwa tungwa nozosepa ozoheze, nu ri rire otjiṋa tjimwe na yo. 9 Nu toora omawe yevari wooniks, nu u korore mo omana wovanatje ovazandu va Jakob: 10 Omana hamboumwe kewe rimwe, nomana omakwao hamboumwe kewe ekwao otja kongwatero yawo. 11 Paha omukorore onongo a korore omana wovanatje ovazandu va Jakob momawe yevari nga, nu kondorokisa omawe nga nomukuro wongoldo. 12 Omawe yevari nga twa kotukute twombanda yokoviṱuve ye rire omawe omazemburukise komihoko omurongo na vivari vya Israel. Momuhngo mbwi Aron ma tjindi omana wawo koviṱuve vye, kokutja ami, ngu mbi ri Muhona, mbi zemburuke ovandu vandje aruhe. 13 Ove ungura ouṱiziro wongoldo, 14 nouketanga uvari wongoldo ongohoke mbwa wozewa tjimuna oungoze; nu kakaterisa imbwi ouketanga kouṱiziro mbwi.
Ondjaṱu yomorukoro
(Eks 39:8-21)15 “Nu ungura ondjaṱu yomorukoro yOmupristeri Otjiuru, ndji ma ungurisa momatyero wombango ya Ndjambi. Nga i ungurwe pongoldo, nomarapi omarovazu nomaserarovazu nomaserandu pyu, norupera ndwa tungwa nozosepa ozoheze tjimuna indji ombanda yokoviṱuve ndja ungurwa 16 Ngai kare nomikuma vine mbya yangwa kumwe, vyozosentimeta omirongo vivari na mbari koure na kouparanga. 17 Nu twako otuteto tune twomawe omahuze; oruteto orutenga ngaru kare nomawe womana nga: Okarneol notopas nosmarag; 18 oruteto orutjavari ngaru kare nomawe womana nga: Okarbonkel nosafir nojaspis; 19 oruteto orutjatatu ngaru kare nomawe womana nga: Ohiasint noagat noametis; 20 noruteto orutjaine ngaru kare nomawe womana nga: Okrisolit nooniks nosardoniks. Omawe aehe nga ngaye tuwe mouṱiziro wongoldo. 21 Ngape kare omawe omurongo na yevari, okutja ewe rimwe kena arihe rovazandu va Jakob, okukuramenapo omihoko vya Israel. 22 Ungura ouketanga wongoldo ongohoke kondjaṱu yomorukoro mbwa wozewa tjimuna oungoze. 23 Wina ungura ozongoho mbari zongoldo zondjaṱu yomorukoro nu u ze ya tatere kovikoro vivari vyayo vyokombanda. 24 Twa ko oungoze uvari wongoldo kozongoho inḓa mbari nḓe ri kovikoro vyokombanda. 25 Nu ovikoro mbi vivari vyoungoze kuta kouṱiziro imbwi uvari, nu u kakaterisa komurungu kotukute twombanda yokoviṱuve. 26 Wina ungura ozongoho mbari zongoldo, nu u ze ya tatere kovikoro vivari vyokehi vyondjaṱu yomorukoro, komukuma mbwi mbu ri kuṱa kombanda yokoviṱuve moukoto. 27 Nu ungura rukwao ozongoho mbari zongoldo, nu u ze ya tatere kotukute tuvari twombanda yokoviṱuve, kehi komurungu watwo, popezu nomupambo, kombanda yekwamo rombanda yokoviṱuve. 28 Inḓa ozongoho zondjaṱu yomorukoro ngaze kutwe nokangoze okarovazu kozongoho zombanda yokoviṱuve, indji ondjaṱu yomorukoro kutja i kare kombanda yekwamo rombanda yokoviṱuve, nokutja ai ha henduruka.
29 “Nu Aron tji ma hiti mOtjouyapuke, eye nga tjinde inga omana wovazandu va Israel nga tuwa kondjaṱu yomorukoro, ndji hepwa momatyero kutja Muhona aruhe e rizemburuke na wo. 30 Mondjaṱu yomorukoro, ndji hepwa momatyero, wina twa mo ozohanga nḓa oUrim no Tumim; ngaze kare morukoro rwa Aron pomutima we, eye tji ma hiti ku Muhona. Aron tje ri komurungu wa Muhona, aruhe nga tjinde inḓa ozohanga zokutjita omatyero kOvaisrael, morukoro rwe.
Ozombanda zarwe zovapristeri
(Eks 39:22-31)31 “Nu indwi orupera rwokombanda yombanda yokoviṱuve ru ungura perapi erovazu porwayo. 32 Nu mokati karwo ngamu kare nondovi yokupitisira mo otjiuru. Nu ondovi ndji ngai kondorokisiwe nomukuro mbwa tungwa nozosepa. Omukuro mbwi ngau kare tjimuna owombanda yomukova kutja ai ha nyondoroka. 33 Nu komukuro wokehi ya tatera ko ozondenya ozondovazu nozoserarovazu nozoserandu pyu okukondorokisa, wina twako oundiwo oungoldo mokati kazo, 34 kutja okandiwo okangoldo nondenya vi hovekasane okukondoroka indwi orupera kehi. 35 Nu Aron nge ru zarere oukarere we woupristeri, kokutja indji ombosiro youndiwo i zuvake, neye a ha ṱu, tji ma hiti mOtjouyapuke komurungu wa Muhona, na tji ma piti.
36 “Tjazumba ungura ondjenge yongoldo ongohoke, nu u korore mu yo omambo nga: ‘Okuyapurirwa Muhona’. 37 I kuta kongoze ondovazu, nu u i twe kekori motjipara. 38 Aron nge i zare motjipara tje, nu komuhingo mbwi otji ma isa po ozondataiziro azehe nḓu maze kara po moviyambo avihe vyombunguhiro, Ovaisrael mbi mave yapurire Muhona. Aron Muhona a kare nonyuṋe moviyambo vyawo vyozombunguhiro.
39 “Wina ungura ombanda yokehi porupera oruheze ndwa tungwa nounongo, na indi ekori wina ungura komuhingo mbwi. Nu indi ekwamo ṱuna nozosepa zomavara omengi.
40 “Nu ungurira ovazandu va Aron ozombanda zokehi nomakwamo. Nu wina ve ungurira ozonḓuru kondjozikiro na kourenga. 41 Zarisa ozombanda nḓa merumbi roye Aron novazandu ve. Ve twirisa, ve zika nu ve yapura, kokutja ve ndji karere moviungura vyoupristeri. 42 Nu ve ungurira ozomburukweva zomarapi okuza komavango nga komatumbo, okutjizikiza omuzu wawo. 43 Aron novazandu ve ngave ze zare aruhe, tji mave hiti mOndanda yOmahakaeneno poo tji mave ya kotjipunguhiro okukarera mOtjouyapuke kutja ave ha tura ondjo nave ha ṱu. Inga ongu maye rire omazikamisiro waaruhe ku ye na kozondekurona ze.
Ozombanda zovapristeri
(Eks 39:1-7)1 “Erumbi roye Aron novazandu ve, ooNadab na Abihu na Eleasar na Itamar, ngave etwe kove okuza motjiwaṋa tja Israel kutja ve ndji karere otja ovapristeri. 2 Nu ungurira erumbi roye Aron ozombanda ozondjapuke, kondjozikiro ye na komaharekero we. 3 Hungira na imba avehe mbu mbe urisa nombepo younongo, ve ungurire Aron ozombanda zokumuyapura kutja e ndji karere motjiungura tjoupristeri. 4 Ozombanda nḓu maze ungurwa ozo nḓa: Ondjaṱu yomorukoro, ombanda yokoviṱuve, norupera rwokombanda, nombanda yokehi ndja ungurwa nawa, nekori nekwamo. Inḓa ozo ozombanda ozondjapuke nḓu maze ungurirwa erumbi roye Aron novazandu ve kutja ve ndji karere otja ovapristeri. 5 Ovaungure ozonongo, ngave ungure nongoldo, nomarapi omarovazu nomaserarovazu nomaserandu pyu, norupera oruheze.
6 “Owo ngave ungure ombanda yokoviṱuve pongoldo, na perapi erovazu neserarovazu neserandu pyu, na porupera ndwa tungwa nozosepa ozoheze, vi rire oviungura vyongongo. 7 Nu ngai kare notukute twokoviṱuve tuvari tu twa ya taterwa ku yo komikuma vyayo aviyevari, tu mai kutwa na two. 8 Nu ekwamo, ndi mari kutu ombanda yokoviṱuve, ngari ungurwe komuhingo tjingewo, pongoldo na pomarapi oomarovazu nomaserarovazu nomaserandu pyu, na porupera ndwa tungwa nozosepa ozoheze, nu ri rire otjiṋa tjimwe na yo. 9 Nu toora omawe yevari wooniks, nu u korore mo omana wovanatje ovazandu va Jakob: 10 Omana hamboumwe kewe rimwe, nomana omakwao hamboumwe kewe ekwao otja kongwatero yawo. 11 Paha omukorore onongo a korore omana wovanatje ovazandu va Jakob momawe yevari nga, nu kondorokisa omawe nga nomukuro wongoldo. 12 Omawe yevari nga twa kotukute twombanda yokoviṱuve ye rire omawe omazemburukise komihoko omurongo na vivari vya Israel. Momuhngo mbwi Aron ma tjindi omana wawo koviṱuve vye, kokutja ami, ngu mbi ri Muhona, mbi zemburuke ovandu vandje aruhe. 13 Ove ungura ouṱiziro wongoldo, 14 nouketanga uvari wongoldo ongohoke mbwa wozewa tjimuna oungoze; nu kakaterisa imbwi ouketanga kouṱiziro mbwi.
Ondjaṱu yomorukoro
(Eks 39:8-21)15 “Nu ungura ondjaṱu yomorukoro yOmupristeri Otjiuru, ndji ma ungurisa momatyero wombango ya Ndjambi. Nga i ungurwe pongoldo, nomarapi omarovazu nomaserarovazu nomaserandu pyu, norupera ndwa tungwa nozosepa ozoheze tjimuna indji ombanda yokoviṱuve ndja ungurwa 16 Ngai kare nomikuma vine mbya yangwa kumwe, vyozosentimeta omirongo vivari na mbari koure na kouparanga. 17 Nu twako otuteto tune twomawe omahuze; oruteto orutenga ngaru kare nomawe womana nga: Okarneol notopas nosmarag; 18 oruteto orutjavari ngaru kare nomawe womana nga: Okarbonkel nosafir nojaspis; 19 oruteto orutjatatu ngaru kare nomawe womana nga: Ohiasint noagat noametis; 20 noruteto orutjaine ngaru kare nomawe womana nga: Okrisolit nooniks nosardoniks. Omawe aehe nga ngaye tuwe mouṱiziro wongoldo. 21 Ngape kare omawe omurongo na yevari, okutja ewe rimwe kena arihe rovazandu va Jakob, okukuramenapo omihoko vya Israel. 22 Ungura ouketanga wongoldo ongohoke kondjaṱu yomorukoro mbwa wozewa tjimuna oungoze. 23 Wina ungura ozongoho mbari zongoldo zondjaṱu yomorukoro nu u ze ya tatere kovikoro vivari vyayo vyokombanda. 24 Twa ko oungoze uvari wongoldo kozongoho inḓa mbari nḓe ri kovikoro vyokombanda. 25 Nu ovikoro mbi vivari vyoungoze kuta kouṱiziro imbwi uvari, nu u kakaterisa komurungu kotukute twombanda yokoviṱuve. 26 Wina ungura ozongoho mbari zongoldo, nu u ze ya tatere kovikoro vivari vyokehi vyondjaṱu yomorukoro, komukuma mbwi mbu ri kuṱa kombanda yokoviṱuve moukoto. 27 Nu ungura rukwao ozongoho mbari zongoldo, nu u ze ya tatere kotukute tuvari twombanda yokoviṱuve, kehi komurungu watwo, popezu nomupambo, kombanda yekwamo rombanda yokoviṱuve. 28 Inḓa ozongoho zondjaṱu yomorukoro ngaze kutwe nokangoze okarovazu kozongoho zombanda yokoviṱuve, indji ondjaṱu yomorukoro kutja i kare kombanda yekwamo rombanda yokoviṱuve, nokutja ai ha henduruka.
29 “Nu Aron tji ma hiti mOtjouyapuke, eye nga tjinde inga omana wovazandu va Israel nga tuwa kondjaṱu yomorukoro, ndji hepwa momatyero kutja Muhona aruhe e rizemburuke na wo. 30 Mondjaṱu yomorukoro, ndji hepwa momatyero, wina twa mo ozohanga nḓa oUrim no Tumim; ngaze kare morukoro rwa Aron pomutima we, eye tji ma hiti ku Muhona. Aron tje ri komurungu wa Muhona, aruhe nga tjinde inḓa ozohanga zokutjita omatyero kOvaisrael, morukoro rwe.
Ozombanda zarwe zovapristeri
(Eks 39:22-31)31 “Nu indwi orupera rwokombanda yombanda yokoviṱuve ru ungura perapi erovazu porwayo. 32 Nu mokati karwo ngamu kare nondovi yokupitisira mo otjiuru. Nu ondovi ndji ngai kondorokisiwe nomukuro mbwa tungwa nozosepa. Omukuro mbwi ngau kare tjimuna owombanda yomukova kutja ai ha nyondoroka. 33 Nu komukuro wokehi ya tatera ko ozondenya ozondovazu nozoserarovazu nozoserandu pyu okukondorokisa, wina twako oundiwo oungoldo mokati kazo, 34 kutja okandiwo okangoldo nondenya vi hovekasane okukondoroka indwi orupera kehi. 35 Nu Aron nge ru zarere oukarere we woupristeri, kokutja indji ombosiro youndiwo i zuvake, neye a ha ṱu, tji ma hiti mOtjouyapuke komurungu wa Muhona, na tji ma piti.
36 “Tjazumba ungura ondjenge yongoldo ongohoke, nu u korore mu yo omambo nga: ‘Okuyapurirwa Muhona’. 37 I kuta kongoze ondovazu, nu u i twe kekori motjipara. 38 Aron nge i zare motjipara tje, nu komuhingo mbwi otji ma isa po ozondataiziro azehe nḓu maze kara po moviyambo avihe vyombunguhiro, Ovaisrael mbi mave yapurire Muhona. Aron Muhona a kare nonyuṋe moviyambo vyawo vyozombunguhiro.
39 “Wina ungura ombanda yokehi porupera oruheze ndwa tungwa nounongo, na indi ekori wina ungura komuhingo mbwi. Nu indi ekwamo ṱuna nozosepa zomavara omengi.
40 “Nu ungurira ovazandu va Aron ozombanda zokehi nomakwamo. Nu wina ve ungurira ozonḓuru kondjozikiro na kourenga. 41 Zarisa ozombanda nḓa merumbi roye Aron novazandu ve. Ve twirisa, ve zika nu ve yapura, kokutja ve ndji karere moviungura vyoupristeri. 42 Nu ve ungurira ozomburukweva zomarapi okuza komavango nga komatumbo, okutjizikiza omuzu wawo. 43 Aron novazandu ve ngave ze zare aruhe, tji mave hiti mOndanda yOmahakaeneno poo tji mave ya kotjipunguhiro okukarera mOtjouyapuke kutja ave ha tura ondjo nave ha ṱu. Inga ongu maye rire omazikamisiro waaruhe ku ye na kozondekurona ze.
