1 Inga owo omambo wa Amos, omurise wozonḓu, ngwa zire kotjirongo tjena Tekoa. Ozombura mbari komurungu womanyinganyingiro wehi, Usija tja ri ombara ya Juda, na Jerobeam, omuzandu wa Joas, tja ri ombara ya Israel, Amos otja muna oviraisiro Ndjambi mbya tyera Israel.
2 Amos wa tja:
“Muhona ma tyere ovimboro kondundu Sion;
neraka re mari ṱuṱuma mOjerusalem.
Omaryo wovaṱuta maye kukuta,
noruhapo rwokondomba yondundu Karmel
maru tjituka otjivara.”
Ombanguriro ya Ndjambi koviwaṋa oviraranganda na Israel
Sirie
3 Muhona ma tja nai: “Ovature va Damaskus va tura ondjo povikando vitatu, nu ami meve ve verere otjiṋa hi, owo tjinga ava tatumisa ovature va Gilead noutwe tjinene. 4 Ami otji me hindi omuriro mondjuwo youhona yombara Hasael, nowo mau seseta oviṱunga ovinamasa vyombara Benhadad. 5 Me teya ovipate vyomivero vyotjihuro Damaskus, ne yandeke ovature vOrutjandja rwa Bikat-Awen, nomunane wa Bet-Eden; notjiwaṋa tja Sirie matji twarewa otja ovahuurwa kehi ra Kir.”
Filisti
6 Muhona ma tja nai: “Ovature va Gasa va tura ondjo povikando vitatu, nu ami meve ve verere otjiṋa hi, owo tjinga ava huura otjiwaṋa atjihe nave tji randisa kOvaedom tji rire ovakarere vawo. 7 Ami otji me hindi omuriro morumbo rwa Gasa, nowo mau seseta oviṱunga ovinamasa vyotjihuro. 8 Nu me yandeke ovature va Asdod nomunane wa Askelon. Nu ami me vere Ekron nga Ovafilisti mba hupu po tji va ṱu.” Muhona Ndjambi ongwa hungire.
Tirus
9 Muhona ma tja nai: “Ovature va Tirus va tura ondjo povikando vitatu, nu ami meve ve verere otjiṋa hi, owo tjinga ava huura otjiwaṋa atjihe nave tji twara kehi rOvaedom tji karire ovakarere vawo. Owo kave ṱakamisire omerikutiropamwe woupanga mbu va tjitire. 10 Ami otji me hindi omuriro morumbo rwa Tirus, nowo mau seseta oviṱunga ovinamasa vyotjihuro.”
Edom
11 Muhona ma tja nai: “Ovature va Edom va tura ondjo povikando vitatu, nu ami meve ve verere otjiṋa hi, owo tjinga ava tjera ovazamumwe vawo, Ovaisrael, nengaruvyo nave panḓa okuveṱira otjari, tjinga aave panḓere pomazenge nomapindi wawo. 12 Ami otji me hindi omuriro motjihuro Teman, nowo mau seseta oviṱunga ovinamasa vya Bosra.”
Amon
13 Muhona ma tja nai: “Ovature va Amon va tura ondjo povikando vitatu, nu ami meve ve verere otjiṋa hi, owo tjinga ava urura ovakazendu ovingundi mOgilead kokutja ve neneparisire ko omiruko vyehi rawo. 14 Ami otji me hindi omuriro morumbo rwa Raba, nowo mau seseta oviṱunga ovinamasa vyotjihuro. Nu meyuva rotjirwa mape kara ombimbi yovita notjirwa matji handja tjinene tjimuna otjivepo otjipukupuku. 15 Nombara yawo novahongore vayo mave huurwa.”
1 Inga owo omambo wa Amos, omurise wozonḓu, ngwa zire kotjirongo tjena Tekoa. Ozombura mbari komurungu womanyinganyingiro wehi, Usija tja ri ombara ya Juda, na Jerobeam, omuzandu wa Joas, tja ri ombara ya Israel, Amos otja muna oviraisiro Ndjambi mbya tyera Israel.
2 Amos wa tja:
“Muhona ma tyere ovimboro kondundu Sion;
neraka re mari ṱuṱuma mOjerusalem.
Omaryo wovaṱuta maye kukuta,
noruhapo rwokondomba yondundu Karmel
maru tjituka otjivara.”
Ombanguriro ya Ndjambi koviwaṋa oviraranganda na Israel
Sirie
3 Muhona ma tja nai: “Ovature va Damaskus va tura ondjo povikando vitatu, nu ami meve ve verere otjiṋa hi, owo tjinga ava tatumisa ovature va Gilead noutwe tjinene. 4 Ami otji me hindi omuriro mondjuwo youhona yombara Hasael, nowo mau seseta oviṱunga ovinamasa vyombara Benhadad. 5 Me teya ovipate vyomivero vyotjihuro Damaskus, ne yandeke ovature vOrutjandja rwa Bikat-Awen, nomunane wa Bet-Eden; notjiwaṋa tja Sirie matji twarewa otja ovahuurwa kehi ra Kir.”
Filisti
6 Muhona ma tja nai: “Ovature va Gasa va tura ondjo povikando vitatu, nu ami meve ve verere otjiṋa hi, owo tjinga ava huura otjiwaṋa atjihe nave tji randisa kOvaedom tji rire ovakarere vawo. 7 Ami otji me hindi omuriro morumbo rwa Gasa, nowo mau seseta oviṱunga ovinamasa vyotjihuro. 8 Nu me yandeke ovature va Asdod nomunane wa Askelon. Nu ami me vere Ekron nga Ovafilisti mba hupu po tji va ṱu.” Muhona Ndjambi ongwa hungire.
Tirus
9 Muhona ma tja nai: “Ovature va Tirus va tura ondjo povikando vitatu, nu ami meve ve verere otjiṋa hi, owo tjinga ava huura otjiwaṋa atjihe nave tji twara kehi rOvaedom tji karire ovakarere vawo. Owo kave ṱakamisire omerikutiropamwe woupanga mbu va tjitire. 10 Ami otji me hindi omuriro morumbo rwa Tirus, nowo mau seseta oviṱunga ovinamasa vyotjihuro.”
Edom
11 Muhona ma tja nai: “Ovature va Edom va tura ondjo povikando vitatu, nu ami meve ve verere otjiṋa hi, owo tjinga ava tjera ovazamumwe vawo, Ovaisrael, nengaruvyo nave panḓa okuveṱira otjari, tjinga aave panḓere pomazenge nomapindi wawo. 12 Ami otji me hindi omuriro motjihuro Teman, nowo mau seseta oviṱunga ovinamasa vya Bosra.”
Amon
13 Muhona ma tja nai: “Ovature va Amon va tura ondjo povikando vitatu, nu ami meve ve verere otjiṋa hi, owo tjinga ava urura ovakazendu ovingundi mOgilead kokutja ve neneparisire ko omiruko vyehi rawo. 14 Ami otji me hindi omuriro morumbo rwa Raba, nowo mau seseta oviṱunga ovinamasa vyotjihuro. Nu meyuva rotjirwa mape kara ombimbi yovita notjirwa matji handja tjinene tjimuna otjivepo otjipukupuku. 15 Nombara yawo novahongore vayo mave huurwa.”
