Ondjuwo ya Muhona mai haṋewa
1 Ami mba muna Muhona a kurama potjipunguhiro. Eye wa rakiza nai: “Tona ozondomba zozongunḓe kutja ozongambezero ze zezere; nu ze nyanyaurira koviuru vyovandu! Nu imba avehe mba hupu po ami meve zepa nengaruvyo movita. Kape na umwe wawo ngu ma yenene okutaura, nu kape na umwe wovature ngu ma kahupa. 2 Nandave risere otjitoto motjovakoke eke randje mari kevetukurura; nandave rondo keyuru meve raurire pehi. 3 Nowo nandave kaṱara kondomba yondundu Karmel, ami meve teza e kevekambura; nandave vanga okurihoreka komeho wandje monḓimwi yokuvare, ingo ami me karaa onyoka i ye okuverumata. 4 Nandave kayenda komurungu wovanavita na wo kouhuura, ami me rakiza kutja ve ṱengaruvyo. Ami mbe rirongerera okuveyandeka nu hi nokuvevatera ko.”
5 Muhona Ndjambi Omunamasaaehe
ma ṱunu kehi noro ari zuzuka;
nu avehe mba tura mu ro mave ṱoruhoze.
Ehi mari surakana nokupukurukwa
otja onḓonḓu Nil mOengipte.
6 Muhona ongu tunga ovituwo vye meyuru,
nongu twako evaverwa keyuru nda vandeka ehi.
Eye ongu isana omeva kokuvare okuya,
nongu ye tirira kombanda yehi.
Ena re o Muhona!
7 Muhona ma tja nai: “Eṋe ku ami kamu ṱeki pamwe nOvakusi are, tjiwaṋa tja Israel? Indu kawami ngu mba tjindisire otjiwaṋa tja Israel mehi ra Engipte, nOvafilisti mOkaftor, nOvaaramea mOkir are? 8 Tareye, omeho wa Muhona Ndjambi ye tara kouhona ounauvi wa Israel, nu ami me u zengisa kombanda yehi. Nungwari himee yandeke ozondekurona za Jakob okumana.
9 “Ami me rakiza ne nyinganyingisa Ovaisrael mokati koviwaṋa avihe otja omundu tje sisa ovikokotwa notjisisiro nape ha wire ondwi pehi. 10 Ovarunde avehe votjiwaṋa tjandje mave ṱengaruvyo, imba avehe mbe tja: ‘Otjiwonga kamaatji ya, nu kamaatji vaza ku eṱe.’ ”
Otjiwaṋa tja Israel matji yarurwa koupe
11 Muhona ma tja nai: “Eyuva mari ya ami mu me yarura ouhona wa David koupe, mbu ri otja ondjuwo ndja wa, novitambatundu vyayo me vi tungu rukwao, nu me tungurura ouhona wa David tjimuna indu tji wa ri rukuru. 12 Tjazumba otjiwaṋa tja Israel otji matji huura ovature mba mba hupa mehi ra Edom na imbi oviwaṋa avihe muyamu tamunwa ena randje.” Muhona ngu vi tjita ma tja nao.
13 Muhona ma tja nai:
“Tara, omayuva maye ya omutaure wehi
mu ma vaza omukonde,
nomukame womandjembere
mu ma vaza omukune,
nozondundu mu maze surura
omeva womandjembere,
nozondunda azehe mu maze
ṱopikanisiwa i wo.
14 Nu ami me kotora otjiwaṋa tjandje Israel kehi ratjo.
Owo mave tungurura ovihuro vyawo mbya
hahaurwa nave tura mu vyo;
mave kunu ovikunino vyomivite
nave nu omavinu wavyo;
nu mave kunu ovikunino nave ri ovihape vyavyo.
15 Ami meve kunu mehi rawo,
nowo kamaave zukurwa rukwao mehi ndi
ami ndi mbe ve pere.” Muhona,
Ndjambi woye ongwa hungire.
Ondjuwo ya Muhona mai haṋewa
1 Ami mba muna Muhona a kurama potjipunguhiro. Eye wa rakiza nai: “Tona ozondomba zozongunḓe kutja ozongambezero ze zezere; nu ze nyanyaurira koviuru vyovandu! Nu imba avehe mba hupu po ami meve zepa nengaruvyo movita. Kape na umwe wawo ngu ma yenene okutaura, nu kape na umwe wovature ngu ma kahupa. 2 Nandave risere otjitoto motjovakoke eke randje mari kevetukurura; nandave rondo keyuru meve raurire pehi. 3 Nowo nandave kaṱara kondomba yondundu Karmel, ami meve teza e kevekambura; nandave vanga okurihoreka komeho wandje monḓimwi yokuvare, ingo ami me karaa onyoka i ye okuverumata. 4 Nandave kayenda komurungu wovanavita na wo kouhuura, ami me rakiza kutja ve ṱengaruvyo. Ami mbe rirongerera okuveyandeka nu hi nokuvevatera ko.”
5 Muhona Ndjambi Omunamasaaehe
ma ṱunu kehi noro ari zuzuka;
nu avehe mba tura mu ro mave ṱoruhoze.
Ehi mari surakana nokupukurukwa
otja onḓonḓu Nil mOengipte.
6 Muhona ongu tunga ovituwo vye meyuru,
nongu twako evaverwa keyuru nda vandeka ehi.
Eye ongu isana omeva kokuvare okuya,
nongu ye tirira kombanda yehi.
Ena re o Muhona!
7 Muhona ma tja nai: “Eṋe ku ami kamu ṱeki pamwe nOvakusi are, tjiwaṋa tja Israel? Indu kawami ngu mba tjindisire otjiwaṋa tja Israel mehi ra Engipte, nOvafilisti mOkaftor, nOvaaramea mOkir are? 8 Tareye, omeho wa Muhona Ndjambi ye tara kouhona ounauvi wa Israel, nu ami me u zengisa kombanda yehi. Nungwari himee yandeke ozondekurona za Jakob okumana.
9 “Ami me rakiza ne nyinganyingisa Ovaisrael mokati koviwaṋa avihe otja omundu tje sisa ovikokotwa notjisisiro nape ha wire ondwi pehi. 10 Ovarunde avehe votjiwaṋa tjandje mave ṱengaruvyo, imba avehe mbe tja: ‘Otjiwonga kamaatji ya, nu kamaatji vaza ku eṱe.’ ”
Otjiwaṋa tja Israel matji yarurwa koupe
11 Muhona ma tja nai: “Eyuva mari ya ami mu me yarura ouhona wa David koupe, mbu ri otja ondjuwo ndja wa, novitambatundu vyayo me vi tungu rukwao, nu me tungurura ouhona wa David tjimuna indu tji wa ri rukuru. 12 Tjazumba otjiwaṋa tja Israel otji matji huura ovature mba mba hupa mehi ra Edom na imbi oviwaṋa avihe muyamu tamunwa ena randje.” Muhona ngu vi tjita ma tja nao.
13 Muhona ma tja nai:
“Tara, omayuva maye ya omutaure wehi
mu ma vaza omukonde,
nomukame womandjembere
mu ma vaza omukune,
nozondundu mu maze surura
omeva womandjembere,
nozondunda azehe mu maze
ṱopikanisiwa i wo.
14 Nu ami me kotora otjiwaṋa tjandje Israel kehi ratjo.
Owo mave tungurura ovihuro vyawo mbya
hahaurwa nave tura mu vyo;
mave kunu ovikunino vyomivite
nave nu omavinu wavyo;
nu mave kunu ovikunino nave ri ovihape vyavyo.
15 Ami meve kunu mehi rawo,
nowo kamaave zukurwa rukwao mehi ndi
ami ndi mbe ve pere.” Muhona,
Ndjambi woye ongwa hungire.
