Ongumbiro yondangero
Epsalme ra David.
1 Muhona eye ondjerera nombatero yandje,
me tira uṋe?
Muhona eye otjiṱunga tjandje,
hi na tji me tira.
2 Imba ovanauvi tji mave ndji rwisa,
na tji mave kondjisa okundjizepa,
owo oveni mave putara nave u.
3 Nande koverwa i otjimbumba tjovita,
ami himee tira ko;
ovanavita nandi ve ndji sekamene,
ami me kara pokuriyameka ku Ndjambi.
4 Ami mba ningira Muhona otjiṋa tjimwe;
otjiṋa tji mba ningira otjo hi:
Mba ningira kutja mbi ture mondjuwo ya
Muhona oure womuinyo wandje;
okutara ouwa wa Muhona
nokuningira kutja e ndji hongorere.
5 Moruveze roumba eye me ndji yama;
me ndji horeke mondjuwo ye,
ne ndji twa kombanda yoruuwa pondongamo.
6 Nambano ami me rihivire ovanavita
na ami mbe ndji kovere.
Nu mondjuwo ye me punguhire mo
ozombunguhiro nenyando;
ami me imburire Muhona nu me mu tanga.
7 Muhona, zuva ku ami, tji me ku kove;
ndji tjariparera nu ndji zuvira.
8 Ove tji wa tja: “Indjo u rikotamene ku ami,”
ami mba zira e tja: “Ii, meya, Muhona,
9 o horeke ko omurungu woye ku ami!”
O ramba omukarere woye tji wa ṱomazenge.
Oove ngu u ri ombatero yandje;
o ndji imbirahi nu o ndji esa,
Ndjambi, Omuyame wandje.
10 Nandarire kutja tate na mama ve ndji esa,
Muhona eye me ndji ṱakamisa.
11 Muhona, ndji urikira ondjira yoye,
nu ndji hongorera momurari omusemba,
tjinga ambi novanavita ovengi.
12 O ndji yandja mombango yovanavita na ami,
orondu ovahongonone vovizeze mbe
tjita oundandi ku ami ve ndji sekamena.
13 Ami me tjiwa kutja me kara nomuinyo
nga tji mee kamuna ouwa
wa Muhona mehi rovanamuinyo.
14 Undja ku Muhona.
Zeupara nu yanḓipara.
Undja uri ku Muhona!
Ongumbiro yondangero
Epsalme ra David.
1 Muhona eye ondjerera nombatero yandje,
me tira uṋe?
Muhona eye otjiṱunga tjandje,
hi na tji me tira.
2 Imba ovanauvi tji mave ndji rwisa,
na tji mave kondjisa okundjizepa,
owo oveni mave putara nave u.
3 Nande koverwa i otjimbumba tjovita,
ami himee tira ko;
ovanavita nandi ve ndji sekamene,
ami me kara pokuriyameka ku Ndjambi.
4 Ami mba ningira Muhona otjiṋa tjimwe;
otjiṋa tji mba ningira otjo hi:
Mba ningira kutja mbi ture mondjuwo ya
Muhona oure womuinyo wandje;
okutara ouwa wa Muhona
nokuningira kutja e ndji hongorere.
5 Moruveze roumba eye me ndji yama;
me ndji horeke mondjuwo ye,
ne ndji twa kombanda yoruuwa pondongamo.
6 Nambano ami me rihivire ovanavita
na ami mbe ndji kovere.
Nu mondjuwo ye me punguhire mo
ozombunguhiro nenyando;
ami me imburire Muhona nu me mu tanga.
7 Muhona, zuva ku ami, tji me ku kove;
ndji tjariparera nu ndji zuvira.
8 Ove tji wa tja: “Indjo u rikotamene ku ami,”
ami mba zira e tja: “Ii, meya, Muhona,
9 o horeke ko omurungu woye ku ami!”
O ramba omukarere woye tji wa ṱomazenge.
Oove ngu u ri ombatero yandje;
o ndji imbirahi nu o ndji esa,
Ndjambi, Omuyame wandje.
10 Nandarire kutja tate na mama ve ndji esa,
Muhona eye me ndji ṱakamisa.
11 Muhona, ndji urikira ondjira yoye,
nu ndji hongorera momurari omusemba,
tjinga ambi novanavita ovengi.
12 O ndji yandja mombango yovanavita na ami,
orondu ovahongonone vovizeze mbe
tjita oundandi ku ami ve ndji sekamena.
13 Ami me tjiwa kutja me kara nomuinyo
nga tji mee kamuna ouwa
wa Muhona mehi rovanamuinyo.
14 Undja ku Muhona.
Zeupara nu yanḓipara.
Undja uri ku Muhona!
