Muhona eye ombara yoviwaṋa avihe
Komuimburise. Epsalme rovazandu va Kora.
1 Oweṋe viwaṋa amuhe, toneye omake,
yorokereye Ndjambi,
amamu nyanda nokuyoroka.
2 Orondu Muhona
wOkombandambanda eye omuurumise;
neye Ombara onene kombanda yehi arihe.
3 Eye wa wisa oviwaṋa kehi yetu,
nomihoko kehi yozombaze zetu.
4 Eye we tu varekera ehi ri rire otjirumatwa tjetu,
indi ehi ewa emanise ra Jakob,
eye ngwa suvera.
5 Ndjambi ma rondo kotjihavero
tje tjouhona nondjorokero,
Muhona ma rondo nombosiro yozohiva.
6 Imburireye Ndjambi nondangero;
imburireye Ombara yetu amamu i tanga!
7 Ndjambi eye Ombara kombanda yehi arihe;
Mu imburireye eimburiro!
8 Ndjambi u honaparera oviwaṋa;
Ndjambi wa haama kotjihavero tje tjouhona otjiyapuke.
9 Ovanane moviwaṋa va wongara
puna otjiwaṋa tja Ndjambi wa Abraham;
orondu Ndjambi omunauvara
povimbumba avihe vyovita.
Eye u ri kombanda tjinene.
Muhona eye ombara yoviwaṋa avihe
Komuimburise. Epsalme rovazandu va Kora.
1 Oweṋe viwaṋa amuhe, toneye omake,
yorokereye Ndjambi,
amamu nyanda nokuyoroka.
2 Orondu Muhona
wOkombandambanda eye omuurumise;
neye Ombara onene kombanda yehi arihe.
3 Eye wa wisa oviwaṋa kehi yetu,
nomihoko kehi yozombaze zetu.
4 Eye we tu varekera ehi ri rire otjirumatwa tjetu,
indi ehi ewa emanise ra Jakob,
eye ngwa suvera.
5 Ndjambi ma rondo kotjihavero
tje tjouhona nondjorokero,
Muhona ma rondo nombosiro yozohiva.
6 Imburireye Ndjambi nondangero;
imburireye Ombara yetu amamu i tanga!
7 Ndjambi eye Ombara kombanda yehi arihe;
Mu imburireye eimburiro!
8 Ndjambi u honaparera oviwaṋa;
Ndjambi wa haama kotjihavero tje tjouhona otjiyapuke.
9 Ovanane moviwaṋa va wongara
puna otjiwaṋa tja Ndjambi wa Abraham;
orondu Ndjambi omunauvara
povimbumba avihe vyovita.
Eye u ri kombanda tjinene.
