Ongumbiro yOmbatero
Komuimburise. Epsalme ra David.
1 Mo ndji zembi orure nai nga ruṋe,
Muhona? Nga aruhe are?
Mo horeke omurungu woye
ku ami orure nai nga ruṋe?
2 Hi tjinde ouzeu momuinyo
wandje orure nai nga ruṋe?
Hi kare noruhoze momutima wandje
ouṱuku nomutenya nga ruṋe?
Ovanavita na ami mave ndji
havere nai nga ruṋe?
3 Tara ku ami, Muhona,
Ndjambi wandje, nu u ndji zuvire!
Ndji pa omasa omape kutja e ha koka,
4 kokutja omunavita na ami e he rihivi nai:
“Ami mbe mu havere”,
nokutja omundjitonde a ha nyandere onḓiro yandje.
5 Ami me riyameke korusuvero rwoye orukarerere,
nomutima wandje mau nyandere ombatero yoye.
6 Me imburire ove, Muhona,
orondu ove we ndji tjitira ouwa.
Ongumbiro yOmbatero
Komuimburise. Epsalme ra David.
1 Mo ndji zembi orure nai nga ruṋe,
Muhona? Nga aruhe are?
Mo horeke omurungu woye
ku ami orure nai nga ruṋe?
2 Hi tjinde ouzeu momuinyo
wandje orure nai nga ruṋe?
Hi kare noruhoze momutima wandje
ouṱuku nomutenya nga ruṋe?
Ovanavita na ami mave ndji
havere nai nga ruṋe?
3 Tara ku ami, Muhona,
Ndjambi wandje, nu u ndji zuvire!
Ndji pa omasa omape kutja e ha koka,
4 kokutja omunavita na ami e he rihivi nai:
“Ami mbe mu havere”,
nokutja omundjitonde a ha nyandere onḓiro yandje.
5 Ami me riyameke korusuvero rwoye orukarerere,
nomutima wandje mau nyandere ombatero yoye.
6 Me imburire ove, Muhona,
orondu ove we ndji tjitira ouwa.
