Ongumbiro yombatero
Ongumbiro ya David.
1 Puratena ku ami, Muhona,
nu ndji zuvira tjinga ambi
ri omunandjenda nomusyona.
2 Yama omuinyo wandje konḓiro,
orondu owami owoye.
Oove Ndjambi wandje;
vatera omukarere
woye ngu riyameka kove.
3 Tjariparera ami, Muhona,
tjinga ame ku kove eyuva arihe.
4 Yorokisa omukarere woye, Muhona,
orondu ozongumbiro zandje maze rondo kove.
5 Muhona, oove omuwa, nu u isira;
Ove u nounyaṋutima ouingi ku
avehe mbe kumba kove.
6 Puratena kongumbiro yandje, Muhona,
nu zuva keraka romerihekeneno wandje.
7 Meyuva rombamisiro yandje me ku kove,
orondu ove mo ndji zuvire.
8 Kape na mukuru, ngu ri otja ove, Muhona;
nu kape noviungura,
mbi sasanekwa na imbi ovyoye.
9 Oviwaṋa avihe mbi wa uta,
mavi ya okurikotamena kove, Muhona;
nu mavi eta ondatero kena roye.
10 Oove, omunene, nu u tjita ovihimise,
oove erike ngu u ri Ndjambi.
11 Muhona, ndji honga imbi mbi
movanga kutja mbi tjite,
nu ami me kara nonḓuviro kove.
Ndji pa omutima mbu ha ivaiva
kutja mbi kare nondira kove.
12 Me ku tanga nomutima wandje auhe,
Muhona, Ndjambi wandje,
nu me yozike ena roye nga aruhe.
13 Orusuvero rwoye, tjiri, orwo orunene ku ami;
Ove we ndji yama mourekoto wotjovakoke.
14 Ndjambi, ovandu ovirangaranga
ve ndji sekamene;
notjira tjovatjite voutwe matji
kondjo okundjizepa,
imba ovandu mbe hi na ko na tja na ove.
15 Nungwari ove, Muhona,
oove Ndjambi wotjari nowounyaṋutima;
u nomuretima nondjingonekero
onene nouṱakame.
16 Tanauka ku ami nu u ndji tjariparere;
yandja omasa woye komukarere woye,
nu u yame omuzandu
womukarere woye omusuko.
17 Ndji pa otjiraisiro tjouwa woye, Muhona;
imba mbe ndji tonda mave
tji munu nave ṱohoṋi,
ove tjinga awe ndji vatera
nawe ndji huhumiṋa.
Ongumbiro yombatero
Ongumbiro ya David.
1 Puratena ku ami, Muhona,
nu ndji zuvira tjinga ambi
ri omunandjenda nomusyona.
2 Yama omuinyo wandje konḓiro,
orondu owami owoye.
Oove Ndjambi wandje;
vatera omukarere
woye ngu riyameka kove.
3 Tjariparera ami, Muhona,
tjinga ame ku kove eyuva arihe.
4 Yorokisa omukarere woye, Muhona,
orondu ozongumbiro zandje maze rondo kove.
5 Muhona, oove omuwa, nu u isira;
Ove u nounyaṋutima ouingi ku
avehe mbe kumba kove.
6 Puratena kongumbiro yandje, Muhona,
nu zuva keraka romerihekeneno wandje.
7 Meyuva rombamisiro yandje me ku kove,
orondu ove mo ndji zuvire.
8 Kape na mukuru, ngu ri otja ove, Muhona;
nu kape noviungura,
mbi sasanekwa na imbi ovyoye.
9 Oviwaṋa avihe mbi wa uta,
mavi ya okurikotamena kove, Muhona;
nu mavi eta ondatero kena roye.
10 Oove, omunene, nu u tjita ovihimise,
oove erike ngu u ri Ndjambi.
11 Muhona, ndji honga imbi mbi
movanga kutja mbi tjite,
nu ami me kara nonḓuviro kove.
Ndji pa omutima mbu ha ivaiva
kutja mbi kare nondira kove.
12 Me ku tanga nomutima wandje auhe,
Muhona, Ndjambi wandje,
nu me yozike ena roye nga aruhe.
13 Orusuvero rwoye, tjiri, orwo orunene ku ami;
Ove we ndji yama mourekoto wotjovakoke.
14 Ndjambi, ovandu ovirangaranga
ve ndji sekamene;
notjira tjovatjite voutwe matji
kondjo okundjizepa,
imba ovandu mbe hi na ko na tja na ove.
15 Nungwari ove, Muhona,
oove Ndjambi wotjari nowounyaṋutima;
u nomuretima nondjingonekero
onene nouṱakame.
16 Tanauka ku ami nu u ndji tjariparere;
yandja omasa woye komukarere woye,
nu u yame omuzandu
womukarere woye omusuko.
17 Ndji pa otjiraisiro tjouwa woye, Muhona;
imba mbe ndji tonda mave
tji munu nave ṱohoṋi,
ove tjinga awe ndji vatera
nawe ndji huhumiṋa.
