Ongumbiro yomundu ngwa tjitwa ovineya kepanga
Komuimburise wotjiketara. Epsalme ra David.
1 Zuvira ongumbiro yandje, Ndjambi;
nu o rihoreke komerihekeneno wandje.
2 Puratena ku ami, nu u ndji zuvire;
omeripura wandje maye ndji kurungisa.
3 Ami mba urumisiwa i ozondandero
zovanavita na ami,
mba ṱukuṱurwa i oṋiṋikizire yovanauvi.
Owo ve ndji etera oumba;
ve ndji pindikira,
nu ve ndji nyengwa.
4 Ami mbi na ondira momutima wandje;
nu ondira yonḓiro yendji ṱukuṱura.
5 Ondiriro nomazezerero ya hita mu ami,
nu mba hara ooma.
6 Opu me ripurire nai:
“Andakuzu mbi novivava tjimuna imbi ovyonguti,
etje tuka ne kakara pehi porive;
7 nu etje tuka kokure
ne kakara mokuti onguza;
8 etje hakahana okukeripahera
omawameno kombepo otjindandi
na kotjipukupuku.”
9 Pambauza omaraka wovanavita na ami, Muhona!
Orondu me munu ozondjito zoutwe
noviposa motjihuro,
10 avye tji kovere omutenya nouṱuku,
navye urisa tjo nomazepero neputi.
11 Omanyoneno porwe onge ri apehe motjihuro;
nomivanda vyatjo vye ura noṋiṋikizire novineya.
12 Andakuzu omunavita na ami
ongwe ndji nyekerere,
etje zara;
andakuzu omundjitonde ongwe rihivire ami,
etje rihoreka ku ye.
13 Nungwari oove omundu ngu tu ṱa pamwe,
omukwetu nepanga randje ropopezu.
14 Twa kara nomahungi wetu pamwe mongumumu,
nu twe rikotamena pamwe
mondjuwo ya Muhona.
15 Ovanavita na ami ngave koke,
oruveze rwawo ngunda aru hiya yenena;
ngave punde nomuinyo motjovakoke;
orondu ouvi porwe ombu ri
momaturiro wawo na momitima vyawo.
16 Nungwari ami me ku ku Ndjambi,
nu Muhona me ndji yama.
17 Ongurova nomuhuka nomutenya
me uru nokutjema,
neye ma zuu ondjuriro yandje.
18 Eye ma yama omuinyo wandje nokuhinooma
ku imba mbu mave ndji rwisa,
orondu owo ovengi tjinene.
19 Ndjambi ngwa honapara okuza korukuru,
me ndji zuvire nu meve havere;
orondu owo ve panḓa okuritanaura,
nu kave tira Ndjambi.
20 Epanga randje ekuru ra sekamena ovakwao,
nu ra teya omakwizikiro waro.
21 Omambo waro ya ri omaheze pongondivi,
nungwari momutima waro mwa ri ovita;
omambo waro ya ri omatarazu pomaze,
nungwari owo ya ri otja omangaruvyo omatwe.
22 Yandja omerikendero woye ku Muhona,
neye me ku tjevere.
Eye kamaa tarere ovasemba amave haverwa.
23 Ove, Ndjambi, mo pundisa ovarunde novanavizeze
morutjiva rwonḓiro,
nomayuva womuinyo wawo maye kondwa pokati.
Nungwari ami me riyameke kove.
Ongumbiro yomundu ngwa tjitwa ovineya kepanga
Komuimburise wotjiketara. Epsalme ra David.
1 Zuvira ongumbiro yandje, Ndjambi;
nu o rihoreke komerihekeneno wandje.
2 Puratena ku ami, nu u ndji zuvire;
omeripura wandje maye ndji kurungisa.
3 Ami mba urumisiwa i ozondandero
zovanavita na ami,
mba ṱukuṱurwa i oṋiṋikizire yovanauvi.
Owo ve ndji etera oumba;
ve ndji pindikira,
nu ve ndji nyengwa.
4 Ami mbi na ondira momutima wandje;
nu ondira yonḓiro yendji ṱukuṱura.
5 Ondiriro nomazezerero ya hita mu ami,
nu mba hara ooma.
6 Opu me ripurire nai:
“Andakuzu mbi novivava tjimuna imbi ovyonguti,
etje tuka ne kakara pehi porive;
7 nu etje tuka kokure
ne kakara mokuti onguza;
8 etje hakahana okukeripahera
omawameno kombepo otjindandi
na kotjipukupuku.”
9 Pambauza omaraka wovanavita na ami, Muhona!
Orondu me munu ozondjito zoutwe
noviposa motjihuro,
10 avye tji kovere omutenya nouṱuku,
navye urisa tjo nomazepero neputi.
11 Omanyoneno porwe onge ri apehe motjihuro;
nomivanda vyatjo vye ura noṋiṋikizire novineya.
12 Andakuzu omunavita na ami
ongwe ndji nyekerere,
etje zara;
andakuzu omundjitonde ongwe rihivire ami,
etje rihoreka ku ye.
13 Nungwari oove omundu ngu tu ṱa pamwe,
omukwetu nepanga randje ropopezu.
14 Twa kara nomahungi wetu pamwe mongumumu,
nu twe rikotamena pamwe
mondjuwo ya Muhona.
15 Ovanavita na ami ngave koke,
oruveze rwawo ngunda aru hiya yenena;
ngave punde nomuinyo motjovakoke;
orondu ouvi porwe ombu ri
momaturiro wawo na momitima vyawo.
16 Nungwari ami me ku ku Ndjambi,
nu Muhona me ndji yama.
17 Ongurova nomuhuka nomutenya
me uru nokutjema,
neye ma zuu ondjuriro yandje.
18 Eye ma yama omuinyo wandje nokuhinooma
ku imba mbu mave ndji rwisa,
orondu owo ovengi tjinene.
19 Ndjambi ngwa honapara okuza korukuru,
me ndji zuvire nu meve havere;
orondu owo ve panḓa okuritanaura,
nu kave tira Ndjambi.
20 Epanga randje ekuru ra sekamena ovakwao,
nu ra teya omakwizikiro waro.
21 Omambo waro ya ri omaheze pongondivi,
nungwari momutima waro mwa ri ovita;
omambo waro ya ri omatarazu pomaze,
nungwari owo ya ri otja omangaruvyo omatwe.
22 Yandja omerikendero woye ku Muhona,
neye me ku tjevere.
Eye kamaa tarere ovasemba amave haverwa.
23 Ove, Ndjambi, mo pundisa ovarunde novanavizeze
morutjiva rwonḓiro,
nomayuva womuinyo wawo maye kondwa pokati.
Nungwari ami me riyameke kove.
