Omeritjaerero omahasemba kovikurya
1 Mombura oitjaine Darius tja ri ombara, meyuva oritjaine komueze outjamuvyu, okutja omueze Kislev, Muhona we ndji pa ombuze.
2 Ovature va Betel va hindire Sareser na Rekem-Melek puna ovarumendu vawo kondjuwo ya Muhona Omunamasaaehe kutja ve kakumbire okumuna ondaya ya Muhona 3 nokukapura ovapristeri novaprofete epuriro ndi: “Twa sokupanḓera pomutambo mena romanyoneno wondjuwo ya Muhona mokuritjaera kovikurya momueze outjatano otja pu tu tjita oure wozombura azehe nga mba are?”
4 Ombuze ya Muhona Omunamasaaehe ndje ya ku ami, 5 oyo ndji: “Raera ovature vehi novapristeri kutja owo tjaave ritjaere kovikurya nokuṱoruhoze momueze outjatano noutjahamboumwe moure wozombura nḓa omirongo hambombari, owo kaave tjitire okundjiyozika. 6 Nu tjaave ri nokunwa, ave tjitire okurikovisa oveni.”
7 Ombuze ndji Muhona ondja hungira novinyo vyovaprofete ovatenga moruveze ndwi Jerusalem mu tja ri otjiṋingandu, nu mu tja ri novandu ovengi mbe ha turire movirongo mbye tji kondoroka porwavyo, nungwari wina mba turire morukondwa rwehi rokeyuva kokumuho na meṋe yovivanda vyokongurova.
Okukara nokuhinonḓuviro oku kwa eta omahuuriro
8 Muhona wa yandja ombuze ndji ku Sakaria: 9 “Rukuru ami mba yandjere omarakiza nga kotjiwaṋa tjandje: ‘Kondjeye kutja ousemba u tjitwe nu mu raise orusuvero nouwa kovakweṋu. 10 Amu ṋiṋikiza ko ovahepundu nozosewa novandu wozonganda mba tura mokati keṋu, nu amu ṋiṋikiza ko ngamwa auhe ngu nouhepe. Amu kara ko nomeripura wokuhihamisasana.’ ”
11 “Nungwari otjiwaṋa tjandje tja ri otjirangaranga, nu tja panḓa okupuratena. Wina tje riworoparisa kutja atji ha zuu. 12 Novandu vatjo va kukutisa omitima vyawo tjimuna oruuwa. Owo tjinga ave ha puratenene komahongero ngu mba hindire ku wo novinyo vyovaprofete, ami otji mba pindika tjinene. 13 Nowo tjinga ave ha puratenene tjiye hungire, ami otji mbi he ve zirire ko indu tjaave kumbu ku ami. 14 Otja otjivepo ami mbe ve piza kutja ve kature momahi wozonganda. Ehi rawo ewa ndi ra isiwa ongaango, amu hi nomundu ngwa tura mu ro.”
Omeritjaerero omahasemba kovikurya
1 Mombura oitjaine Darius tja ri ombara, meyuva oritjaine komueze outjamuvyu, okutja omueze Kislev, Muhona we ndji pa ombuze.
2 Ovature va Betel va hindire Sareser na Rekem-Melek puna ovarumendu vawo kondjuwo ya Muhona Omunamasaaehe kutja ve kakumbire okumuna ondaya ya Muhona 3 nokukapura ovapristeri novaprofete epuriro ndi: “Twa sokupanḓera pomutambo mena romanyoneno wondjuwo ya Muhona mokuritjaera kovikurya momueze outjatano otja pu tu tjita oure wozombura azehe nga mba are?”
4 Ombuze ya Muhona Omunamasaaehe ndje ya ku ami, 5 oyo ndji: “Raera ovature vehi novapristeri kutja owo tjaave ritjaere kovikurya nokuṱoruhoze momueze outjatano noutjahamboumwe moure wozombura nḓa omirongo hambombari, owo kaave tjitire okundjiyozika. 6 Nu tjaave ri nokunwa, ave tjitire okurikovisa oveni.”
7 Ombuze ndji Muhona ondja hungira novinyo vyovaprofete ovatenga moruveze ndwi Jerusalem mu tja ri otjiṋingandu, nu mu tja ri novandu ovengi mbe ha turire movirongo mbye tji kondoroka porwavyo, nungwari wina mba turire morukondwa rwehi rokeyuva kokumuho na meṋe yovivanda vyokongurova.
Okukara nokuhinonḓuviro oku kwa eta omahuuriro
8 Muhona wa yandja ombuze ndji ku Sakaria: 9 “Rukuru ami mba yandjere omarakiza nga kotjiwaṋa tjandje: ‘Kondjeye kutja ousemba u tjitwe nu mu raise orusuvero nouwa kovakweṋu. 10 Amu ṋiṋikiza ko ovahepundu nozosewa novandu wozonganda mba tura mokati keṋu, nu amu ṋiṋikiza ko ngamwa auhe ngu nouhepe. Amu kara ko nomeripura wokuhihamisasana.’ ”
11 “Nungwari otjiwaṋa tjandje tja ri otjirangaranga, nu tja panḓa okupuratena. Wina tje riworoparisa kutja atji ha zuu. 12 Novandu vatjo va kukutisa omitima vyawo tjimuna oruuwa. Owo tjinga ave ha puratenene komahongero ngu mba hindire ku wo novinyo vyovaprofete, ami otji mba pindika tjinene. 13 Nowo tjinga ave ha puratenene tjiye hungire, ami otji mbi he ve zirire ko indu tjaave kumbu ku ami. 14 Otja otjivepo ami mbe ve piza kutja ve kature momahi wozonganda. Ehi rawo ewa ndi ra isiwa ongaango, amu hi nomundu ngwa tura mu ro.”
