1 Elisa wa zira na tja “Puratena ku ihi Muhona tji ma hungire. Mependukirwa raindo moruveze tjingero ndwi mo yenene okuranda ozokirograma ndatu zovikokotwa imbi oviwaviwa poo ozokirograma hamboumwe zovirya kotjimariva otjisilveri tjimwe, morupanda rwomarandero mOsamaria.”
2 Omukarere ohongora, omuvatere wombara, wa tja nai ku Elisa: “Ihi kamaatji tjitwa, nandarire kutja Muhona ma rokisa ombura nambano nai!”
Elisa wa zira a tja: “Ove mo tji munu ama tji tjitwa, nungwari ove komoo ri otjikurya.”
Omawomborokero wotjimbumba tjOvasirie tjovita
3 Pa ri ovarumendu vane pendje yomuvero wotjihuro tja Samaria mba ri nomutjise wongana. Nowo verihungirire oveni ave tja: “Matu undjire tjike mba nga tji twa koka? 4 Kape nombatero okuhita motjihuro, tjinga imo amatu kaṱondjara; nungwari tji twa kara mba, wina matu koka. Nambano ngatu yende kozondanda zOvasirie; otjiṋa otjivi tjinene tji mave tjiti ku eṱe okutuzepa, nungwari ngahino mave tu yama.” 5 Nu tji kwa uta okuzorera, owo otji va ya kozondanda zOvasirie, nungwari tji ve kezevaza, kapa ri omundu mbo. 6 Muhona wa tjitire kutja Ovasirie ve zuve otjiṋa tji matji pose tjimuna omeero wotjimbumba otjinene tjovita noukambe nomatemba wovita. Ovasirie otji ve ripura kutja ombara ya Israel ya kakwa ombatero kozombara zOvahetite nozOvaengipte novimbumba vyazo okuverwisa. 7 Ovasirie otji va taurisire ominyo vyawo ongurova ndjo, nave isa oukambe nousino wawo; nozondanda za isiwa nao otja tji za ri.
8 Ovarumendu imba vane tji va kavaza kotjikoro tjozondanda, otji va kahita mondanda imwe nave ri nave nu imbi mbya ri mu yo, nave twara osilveri nongoldo nozombanda mbi va muna, nave kevihoreka. Tjazumba otji va kotoka nave kahita mondanda yarwe, nave tjiti omuhingo tjingewo. 9 Okuzambo otji verihungirire oveni ave tja: “Atu tjiti nai! Tu nombuze ombwa, nu atu ha kara na yo oveni. Tji twa undju nga tji pa tji okuiserekarera, tjiri, matu tura ondjo. Ngatu yende nambano nai tu kaserekarere kovahongore vombara!” 10 Otji va isa ozondanda zOvasirie ave i kotjihuro tja Samaria, ave kaisana ovatjevere mba ri pomuvero nave ve serekarerere nai: “Eṱe twa ire kozondanda zOvasirie nu katu ka mwine nu katu kazuvire ko omundu; oukambe nousino wa kutwa, nozondanda za ri nao uriri otja Ovasirie tji ve ze esa!”
11 Imba ovatjevere va zuvarisa ombuze ndjo, noyo ya serekarerwa mondjuwo youhona. 12 Nandarire kutja a ri ouṱuku, ombara ya penduka nai tja kovahongore vayo: “Ami me mu raere imbi Ovasirie mbi mave ripura okutjita. Owo mave tjiwa ondjara, ndji ri mwi, notji va isa ozondanda zawo nave kaṱara mokuti. Owo mave tjangovasi eṱe matu isa otjihuro okukapaha ovikurya, tjazumba ve tu kambure nu ve huure ihi otjihuro.”
13 Umwe wovahongore ve wa tja nai: “ovandu mwi motjihuro va nyonoka tjimuna imba mba koka rukuru. Ngatu hinde ovarumendu tjiva koukambe mbwi utano mbwa hupu, tu zuve kutja kwa tjitwa tjike.” 14 Owo va toorora ovarumendu tjiva; nombara ye ve hinda momatemba yevari wovita, nomaraerero wokutja ve katjiwe imbi mbya tjitwa kotjimbumba tjOvasirie tjovita. 15 Novarumendu mba va ya kOjordan, nu mondjira va muna ozombanda novirwise Ovasirie mbi ve vi esa, indu tji va taura. Tjazumba va kotoka nave serekarere kombara. 16 Otjiwaṋa tja Samaria tja kahuura ozondanda zOvasirie. Nu imbi ovikokotwa oviwaviwa ozokirograma ndatu, novirya ozokirograma hamboumwe vya randisiwa kotjimariva tjimwe otjisilveri otja Muhona pa hungirire.
17 Pa kara nai kutja ombara ya Israel ya twa omukarere nguye i hongorere pomuvero wotjihuro okuutjevera. Omukarere ngwi otja yatwa i ovandu nga tja koka; eye otja koka otja Elisa pa ukire indu ombara tji ya ire okukemuvarura. 18 Elisa tja raerere ombara kutja mependukirwa, moruveze tjingero ndwi, imbi ovikokotwa oviwaviwa ozokirograma ndatu, novirya ozokirograma hamboumwe mavi randisiwa kotjimariva tjimwe otjisilveri porupanda rwomarandero wa Samaria, 19 nu omukarere ohongora otja zirire nai: “Ihi kamaatji tjiwa, nandarire kutja Muhona ma rokisa ombura nambano nai!” Elisa wa zirire na tja: “Ove mo tji munu ama tji tjitwa, nungwari komoo ri otjikurya.” 20 Notjiṋa hi otji tja tjitwa ku ye; eye wa yatwa i ovandu pomuvero wotjihuro nga tja koka.
1 Elisa wa zira na tja “Puratena ku ihi Muhona tji ma hungire. Mependukirwa raindo moruveze tjingero ndwi mo yenene okuranda ozokirograma ndatu zovikokotwa imbi oviwaviwa poo ozokirograma hamboumwe zovirya kotjimariva otjisilveri tjimwe, morupanda rwomarandero mOsamaria.”
2 Omukarere ohongora, omuvatere wombara, wa tja nai ku Elisa: “Ihi kamaatji tjitwa, nandarire kutja Muhona ma rokisa ombura nambano nai!”
Elisa wa zira a tja: “Ove mo tji munu ama tji tjitwa, nungwari ove komoo ri otjikurya.”
Omawomborokero wotjimbumba tjOvasirie tjovita
3 Pa ri ovarumendu vane pendje yomuvero wotjihuro tja Samaria mba ri nomutjise wongana. Nowo verihungirire oveni ave tja: “Matu undjire tjike mba nga tji twa koka? 4 Kape nombatero okuhita motjihuro, tjinga imo amatu kaṱondjara; nungwari tji twa kara mba, wina matu koka. Nambano ngatu yende kozondanda zOvasirie; otjiṋa otjivi tjinene tji mave tjiti ku eṱe okutuzepa, nungwari ngahino mave tu yama.” 5 Nu tji kwa uta okuzorera, owo otji va ya kozondanda zOvasirie, nungwari tji ve kezevaza, kapa ri omundu mbo. 6 Muhona wa tjitire kutja Ovasirie ve zuve otjiṋa tji matji pose tjimuna omeero wotjimbumba otjinene tjovita noukambe nomatemba wovita. Ovasirie otji ve ripura kutja ombara ya Israel ya kakwa ombatero kozombara zOvahetite nozOvaengipte novimbumba vyazo okuverwisa. 7 Ovasirie otji va taurisire ominyo vyawo ongurova ndjo, nave isa oukambe nousino wawo; nozondanda za isiwa nao otja tji za ri.
8 Ovarumendu imba vane tji va kavaza kotjikoro tjozondanda, otji va kahita mondanda imwe nave ri nave nu imbi mbya ri mu yo, nave twara osilveri nongoldo nozombanda mbi va muna, nave kevihoreka. Tjazumba otji va kotoka nave kahita mondanda yarwe, nave tjiti omuhingo tjingewo. 9 Okuzambo otji verihungirire oveni ave tja: “Atu tjiti nai! Tu nombuze ombwa, nu atu ha kara na yo oveni. Tji twa undju nga tji pa tji okuiserekarera, tjiri, matu tura ondjo. Ngatu yende nambano nai tu kaserekarere kovahongore vombara!” 10 Otji va isa ozondanda zOvasirie ave i kotjihuro tja Samaria, ave kaisana ovatjevere mba ri pomuvero nave ve serekarerere nai: “Eṱe twa ire kozondanda zOvasirie nu katu ka mwine nu katu kazuvire ko omundu; oukambe nousino wa kutwa, nozondanda za ri nao uriri otja Ovasirie tji ve ze esa!”
11 Imba ovatjevere va zuvarisa ombuze ndjo, noyo ya serekarerwa mondjuwo youhona. 12 Nandarire kutja a ri ouṱuku, ombara ya penduka nai tja kovahongore vayo: “Ami me mu raere imbi Ovasirie mbi mave ripura okutjita. Owo mave tjiwa ondjara, ndji ri mwi, notji va isa ozondanda zawo nave kaṱara mokuti. Owo mave tjangovasi eṱe matu isa otjihuro okukapaha ovikurya, tjazumba ve tu kambure nu ve huure ihi otjihuro.”
13 Umwe wovahongore ve wa tja nai: “ovandu mwi motjihuro va nyonoka tjimuna imba mba koka rukuru. Ngatu hinde ovarumendu tjiva koukambe mbwi utano mbwa hupu, tu zuve kutja kwa tjitwa tjike.” 14 Owo va toorora ovarumendu tjiva; nombara ye ve hinda momatemba yevari wovita, nomaraerero wokutja ve katjiwe imbi mbya tjitwa kotjimbumba tjOvasirie tjovita. 15 Novarumendu mba va ya kOjordan, nu mondjira va muna ozombanda novirwise Ovasirie mbi ve vi esa, indu tji va taura. Tjazumba va kotoka nave serekarere kombara. 16 Otjiwaṋa tja Samaria tja kahuura ozondanda zOvasirie. Nu imbi ovikokotwa oviwaviwa ozokirograma ndatu, novirya ozokirograma hamboumwe vya randisiwa kotjimariva tjimwe otjisilveri otja Muhona pa hungirire.
17 Pa kara nai kutja ombara ya Israel ya twa omukarere nguye i hongorere pomuvero wotjihuro okuutjevera. Omukarere ngwi otja yatwa i ovandu nga tja koka; eye otja koka otja Elisa pa ukire indu ombara tji ya ire okukemuvarura. 18 Elisa tja raerere ombara kutja mependukirwa, moruveze tjingero ndwi, imbi ovikokotwa oviwaviwa ozokirograma ndatu, novirya ozokirograma hamboumwe mavi randisiwa kotjimariva tjimwe otjisilveri porupanda rwomarandero wa Samaria, 19 nu omukarere ohongora otja zirire nai: “Ihi kamaatji tjiwa, nandarire kutja Muhona ma rokisa ombura nambano nai!” Elisa wa zirire na tja: “Ove mo tji munu ama tji tjitwa, nungwari komoo ri otjikurya.” 20 Notjiṋa hi otji tja tjitwa ku ye; eye wa yatwa i ovandu pomuvero wotjihuro nga tja koka.
