Omahaṋeno wehi rokongurova kwa Jordan
1 Inga owo omahi Ovaisrael ngu va perwe mehi ra Kanaan ye rire ouini wawo. Eleasar, omupristeri, na womaṱunḓu womihoko vya Israel, ve ye haṋa movandu. 2 Omahi womihoko muvyu nohinga ya zikamisiwa nokuumbirwa ozohanga otja Muhona pa rakizire ku Moses. 3 Moses wa yandjere orukondwa rumwe rwehi komihoko vivari nohinga, okutja orukondwa ndwa ri komukuma wokomuhuka wa Jordan; nungwari ka yandjere ko ehi kOvalevi. 4 Ozondekurona za Josef za haṋenwe momihoko vivari: Oowa Manasse nowa Efraim. Ovalevi kave perwe orukondwa rwehi. Moruveze rwanao va pewa ovihuro okutura mo, nomahi womaryo wozongombe nowozonyanda zawo. 5 Ovaisrael va haṋa ehi ndi otja Muhona pa rakizire ku Moses.
Otjihuro Hebron matji yandjewa ku Kaleb
6 Ovandu tjiva vomuhoko wa Juda ve ya ku Josua mOgilgal. Nu Kaleb, omuzandu wa Jefune, Omukeni wa tja nai ku ye: “Ove mo tjiwa imbi Muhona mbya hungirira eṱe atuyevari ku Moses, omukarere wa Ndjambi, mOkades-Barnea. 7 Ami mba ri nozombura omirongo vine Moses, omukarere wa Muhona, tje ndji hindire okuza mOkades-Barnea mbi kahore ehi. Nu ami mbe mu serekarera ouatjiri auhe mbu mba tjivirwe. 8 Imba ovandu, mba ire puna ami va mumaparisire otjiwaṋa. Nungwari ami mba kara nonḓuviro nouṱakame ku Muhona, Ndjambi wandje. 9 Meyuva ndo Moses we ndji yanena a tja: ‘Tjinga awa kara nonḓuviro ku Muhona, Ndjambi wandje, ove novanatje voye mamu pewa ehi ndi mu wa ryangere ri rire ouini weṋu.’ 10 Nambano tara, pa kapita ozombura omirongo vine nandano, Muhona tja hungirire nao ku Moses. Rwa ri oruveze ndwi Ovaisrael tjaave tuurunga okuti onguza. Nu Muhona otja pa kwizika we ndji hupisa nga ku ndinondi. Nambano tara, mbi nozombura omirongo hambondatu nandano, 11 nu ndino ingee mbi nomasa tjimuna moruveze ndwi Moses ndwe ndji hindire. Ingee me yenene okurwa ovita, na kangamwa otjiṋa atjihe tji mba sokutjita. 12 Nambano, ndji pa ehi ndi rozondundu Muhona nde ndji kwizikirire meyuva ndo ami novandu vandje ndi twa kotokere okuyekukuraera. Eṱe twe ku raerere kutja ingo ku nOvaanakim mbe tura movihuro ovinene vyotumbo twomawe. Ngahino Muhona ma kara puna ami, nami meve ramba otja Muhona pa heere.”
13 Josua wa sera Kaleb, omuzandu wa Jefune, ondaya, ne mu pe otjihuro Hebron tji rire ouini we. 14 Hebron ingee nga mba otjozondekurona za Kaleb, omuzandu wa Jefune, Omukeni, eye tjinga a ri nouṱakame nonḓuviro ku Muhona, Ndjambi wa Israel. 15 Rukuru Hebron tja rukirwe kutja otjihuro tja Arba. Arba ongwa ri omurumendu omure worutu orunene pOvaanakim avehe.
Okuzambo otji pa kara ohange mehi ndo.
Omahaṋeno wehi rokongurova kwa Jordan
1 Inga owo omahi Ovaisrael ngu va perwe mehi ra Kanaan ye rire ouini wawo. Eleasar, omupristeri, na womaṱunḓu womihoko vya Israel, ve ye haṋa movandu. 2 Omahi womihoko muvyu nohinga ya zikamisiwa nokuumbirwa ozohanga otja Muhona pa rakizire ku Moses. 3 Moses wa yandjere orukondwa rumwe rwehi komihoko vivari nohinga, okutja orukondwa ndwa ri komukuma wokomuhuka wa Jordan; nungwari ka yandjere ko ehi kOvalevi. 4 Ozondekurona za Josef za haṋenwe momihoko vivari: Oowa Manasse nowa Efraim. Ovalevi kave perwe orukondwa rwehi. Moruveze rwanao va pewa ovihuro okutura mo, nomahi womaryo wozongombe nowozonyanda zawo. 5 Ovaisrael va haṋa ehi ndi otja Muhona pa rakizire ku Moses.
Otjihuro Hebron matji yandjewa ku Kaleb
6 Ovandu tjiva vomuhoko wa Juda ve ya ku Josua mOgilgal. Nu Kaleb, omuzandu wa Jefune, Omukeni wa tja nai ku ye: “Ove mo tjiwa imbi Muhona mbya hungirira eṱe atuyevari ku Moses, omukarere wa Ndjambi, mOkades-Barnea. 7 Ami mba ri nozombura omirongo vine Moses, omukarere wa Muhona, tje ndji hindire okuza mOkades-Barnea mbi kahore ehi. Nu ami mbe mu serekarera ouatjiri auhe mbu mba tjivirwe. 8 Imba ovandu, mba ire puna ami va mumaparisire otjiwaṋa. Nungwari ami mba kara nonḓuviro nouṱakame ku Muhona, Ndjambi wandje. 9 Meyuva ndo Moses we ndji yanena a tja: ‘Tjinga awa kara nonḓuviro ku Muhona, Ndjambi wandje, ove novanatje voye mamu pewa ehi ndi mu wa ryangere ri rire ouini weṋu.’ 10 Nambano tara, pa kapita ozombura omirongo vine nandano, Muhona tja hungirire nao ku Moses. Rwa ri oruveze ndwi Ovaisrael tjaave tuurunga okuti onguza. Nu Muhona otja pa kwizika we ndji hupisa nga ku ndinondi. Nambano tara, mbi nozombura omirongo hambondatu nandano, 11 nu ndino ingee mbi nomasa tjimuna moruveze ndwi Moses ndwe ndji hindire. Ingee me yenene okurwa ovita, na kangamwa otjiṋa atjihe tji mba sokutjita. 12 Nambano, ndji pa ehi ndi rozondundu Muhona nde ndji kwizikirire meyuva ndo ami novandu vandje ndi twa kotokere okuyekukuraera. Eṱe twe ku raerere kutja ingo ku nOvaanakim mbe tura movihuro ovinene vyotumbo twomawe. Ngahino Muhona ma kara puna ami, nami meve ramba otja Muhona pa heere.”
13 Josua wa sera Kaleb, omuzandu wa Jefune, ondaya, ne mu pe otjihuro Hebron tji rire ouini we. 14 Hebron ingee nga mba otjozondekurona za Kaleb, omuzandu wa Jefune, Omukeni, eye tjinga a ri nouṱakame nonḓuviro ku Muhona, Ndjambi wa Israel. 15 Rukuru Hebron tja rukirwe kutja otjihuro tja Arba. Arba ongwa ri omurumendu omure worutu orunene pOvaanakim avehe.
Okuzambo otji pa kara ohange mehi ndo.
