Ovitjitwa vya David mOjerusalem
(2Sam 5:11-16)1 Hiram, ombara ya Tirus, wa tuma ovahindwa ku David ne mu hindire omiti vyotupapa novatunge womawe novahonge vomiti kutja ve katungire David ondjuwo youhona. 2 David otja tjiwa kutja Muhona we mu zika okurira ombara ya Israel, nokutja wa tongamisa ouhona we mena rotjiwaṋa tje Israel.
3 David wa kupire ovakazendu varwe ovengi mOjerusalem nu wa kwata ovazandu novakazona ovengi. 4 Omana wovanatje ve, mba kwatera mOjerusalem, owo nga: OoShamua na Sobab na Natan na Salomo, 5 na Jibhar na Elisua na Elpelet, 6 na Noga na Nefeg na Jafia, 7 na Elisama na Beeljada na Elifelet.
David ma havere Ovafilisti
(2Sam 5:17-25)8 Ovafilisti tji va zuva kutja David wa zikwa a rire ombara yehi arihe ra Israel, otjimbumba tjawo otji tja ya okukemukambura. Komuhingo mbwi David otja pita okukevetjakanena. 9 Ovafilisti va vaza kOrutjandja rwa Refaim nave utu okuhuura. 10 David wa pura Ndjambi a tja: “Hi karwise Ovafilisti? Mo ve yandja meke randje?”
Nu Muhona wa zira nai: “Ii, karwise Ovafilisti, meve yandja meke roye!”
11 David otje ve rwisira mObaal-Perasim ne ve havere. Eye wa tja nai: “Ndjambi we ndji pa omasa kutja mbi taurire mokati kotjimbumba tjovarwe tjimuna omupupo.” Poṋa mbo opu pa rukirwa Baal-Perasim. 12 Ovafilisti tji va taura va isa oviserekarera vyovisenginina vyawo mbo; nu David wa rakiza kutja vi ningiririsiwe.
13 Mokamanga Ovafilisti va yaruka korutjandja nave kauta okupunda oviṋa rukwao. 14 David wa kapura Ndjambi rukwao, nu Muhona wa zira a tja: “O ve rwisa okuzamba, nungwari kondoroka, u keverwisire munda mbwina, popezu nehwa romiti omivawa. 15 Tji wa zuu ombosiro kozondomba zomiti, hakahana okuverwisa, ami tjinga ame ku hongorere kutja u havere otjimbumba tjOvafilisti tjovita.” 16 David wa tjita otja Ndjambi pe mu rakizire na ramba Ovafilisti okuza kOgibeon nga kOgeser. 17 Ondangu ya David ya zuvaka akuhe, nu Muhona wa tjita kutja oviwaṋa avihe vi mu tire.
Ovitjitwa vya David mOjerusalem
(2Sam 5:11-16)1 Hiram, ombara ya Tirus, wa tuma ovahindwa ku David ne mu hindire omiti vyotupapa novatunge womawe novahonge vomiti kutja ve katungire David ondjuwo youhona. 2 David otja tjiwa kutja Muhona we mu zika okurira ombara ya Israel, nokutja wa tongamisa ouhona we mena rotjiwaṋa tje Israel.
3 David wa kupire ovakazendu varwe ovengi mOjerusalem nu wa kwata ovazandu novakazona ovengi. 4 Omana wovanatje ve, mba kwatera mOjerusalem, owo nga: OoShamua na Sobab na Natan na Salomo, 5 na Jibhar na Elisua na Elpelet, 6 na Noga na Nefeg na Jafia, 7 na Elisama na Beeljada na Elifelet.
David ma havere Ovafilisti
(2Sam 5:17-25)8 Ovafilisti tji va zuva kutja David wa zikwa a rire ombara yehi arihe ra Israel, otjimbumba tjawo otji tja ya okukemukambura. Komuhingo mbwi David otja pita okukevetjakanena. 9 Ovafilisti va vaza kOrutjandja rwa Refaim nave utu okuhuura. 10 David wa pura Ndjambi a tja: “Hi karwise Ovafilisti? Mo ve yandja meke randje?”
Nu Muhona wa zira nai: “Ii, karwise Ovafilisti, meve yandja meke roye!”
11 David otje ve rwisira mObaal-Perasim ne ve havere. Eye wa tja nai: “Ndjambi we ndji pa omasa kutja mbi taurire mokati kotjimbumba tjovarwe tjimuna omupupo.” Poṋa mbo opu pa rukirwa Baal-Perasim. 12 Ovafilisti tji va taura va isa oviserekarera vyovisenginina vyawo mbo; nu David wa rakiza kutja vi ningiririsiwe.
13 Mokamanga Ovafilisti va yaruka korutjandja nave kauta okupunda oviṋa rukwao. 14 David wa kapura Ndjambi rukwao, nu Muhona wa zira a tja: “O ve rwisa okuzamba, nungwari kondoroka, u keverwisire munda mbwina, popezu nehwa romiti omivawa. 15 Tji wa zuu ombosiro kozondomba zomiti, hakahana okuverwisa, ami tjinga ame ku hongorere kutja u havere otjimbumba tjOvafilisti tjovita.” 16 David wa tjita otja Ndjambi pe mu rakizire na ramba Ovafilisti okuza kOgibeon nga kOgeser. 17 Ondangu ya David ya zuvaka akuhe, nu Muhona wa tjita kutja oviwaṋa avihe vi mu tire.
