Eimburiro rondangero
1 Tangeye Muhona!
Tangeye ena ra Muhona; mu tangeye,
oweṋe vakarere va Muhona,
2 mbu mu kurama mondjuwo ya Muhona,
mondjuwo ya Muhona, Ndjambi wetu!
3 Tangeye Muhona, eye tjinga e ri omuwa;
imburireye ena re ondangero,
orondu okokuwa okutjita nao.
4 Muhona we ritoororera Jakob, ihi
otjiwaṋa tje Israel okurira ouini we.
5 Ami me tjiwa kutja Muhona eye
omunene, Muhona wetu eye
omunene poomukuru avehe.
6 Avihe mbi tjata ku Muhona eye u
vi tjita meyuru na kombanda yehi,
momeva kokuvare na momaurekoto wawo aehe.
7 Eye u sekamisa ovikamba okuza
komaandero wehi;
u ungura otutjeno nombura,
nu u tjita kutja ombepo i hinge.
8 MOengipte eye wa zepere omaveri
wovandu nowovinamuinyo.
9 Eye wa tjitira ove, Engipte,
oviṋa ovihimise novitirise,
na Farao novahongore ve avehe.
10 Eye wa yandeka oviwaṋa
ovingi ovinavisenginina,
nu wa zepa ozombara ozonamasa,
11 okutja oSihon, ombara yOvaamori,
na Og, ombara ya Basan,
nozombara azehe zehi ra Kanaan.
12 Eye wa yandja omahi wazo kotjiwaṋa tje,
ye rire ouini wOvaisrael.
13 Ena roye, Muhona, ri karerera nga aruhe,
ove u zemburukwa okuza
komuhoko nga komuhoko.
14 Muhona u rikendera otjiwaṋa tje,
eye u ṱira ovakarere ve ondjenda.
15 Oomukuru voviwaṋa va ungurwa
posilveri nongoldo;
owo va ungurwa i omake wovandu;
16 ve novinyo, nungwari kave hungire,
ve nomeho, nungwari kave munu;
17 ve nomatwi, nungwari kave zuu,
nu wina kave suvana.
18 Imba avehe mba ungura oomukuru mba
nu mbe riyameka ku wo,
ngave sane koviserekarera,
mbi va ungura.
19 Tangeye Muhona, tjiwaṋa tja Israel,
mu tangeye, oweṋe vapristeri va Ndjambi!
20 Tangeye Muhona, oweṋe Valevi;
mu tangeye, oweṋe amuhe mbu mu
rikotamena ku ye!
21 Muhona nga tangwe mOsion,
eye ngu tura mOjerusalem!
Tangeye Muhona!
Eimburiro rondangero
1 Tangeye Muhona!
Tangeye ena ra Muhona; mu tangeye,
oweṋe vakarere va Muhona,
2 mbu mu kurama mondjuwo ya Muhona,
mondjuwo ya Muhona, Ndjambi wetu!
3 Tangeye Muhona, eye tjinga e ri omuwa;
imburireye ena re ondangero,
orondu okokuwa okutjita nao.
4 Muhona we ritoororera Jakob, ihi
otjiwaṋa tje Israel okurira ouini we.
5 Ami me tjiwa kutja Muhona eye
omunene, Muhona wetu eye
omunene poomukuru avehe.
6 Avihe mbi tjata ku Muhona eye u
vi tjita meyuru na kombanda yehi,
momeva kokuvare na momaurekoto wawo aehe.
7 Eye u sekamisa ovikamba okuza
komaandero wehi;
u ungura otutjeno nombura,
nu u tjita kutja ombepo i hinge.
8 MOengipte eye wa zepere omaveri
wovandu nowovinamuinyo.
9 Eye wa tjitira ove, Engipte,
oviṋa ovihimise novitirise,
na Farao novahongore ve avehe.
10 Eye wa yandeka oviwaṋa
ovingi ovinavisenginina,
nu wa zepa ozombara ozonamasa,
11 okutja oSihon, ombara yOvaamori,
na Og, ombara ya Basan,
nozombara azehe zehi ra Kanaan.
12 Eye wa yandja omahi wazo kotjiwaṋa tje,
ye rire ouini wOvaisrael.
13 Ena roye, Muhona, ri karerera nga aruhe,
ove u zemburukwa okuza
komuhoko nga komuhoko.
14 Muhona u rikendera otjiwaṋa tje,
eye u ṱira ovakarere ve ondjenda.
15 Oomukuru voviwaṋa va ungurwa
posilveri nongoldo;
owo va ungurwa i omake wovandu;
16 ve novinyo, nungwari kave hungire,
ve nomeho, nungwari kave munu;
17 ve nomatwi, nungwari kave zuu,
nu wina kave suvana.
18 Imba avehe mba ungura oomukuru mba
nu mbe riyameka ku wo,
ngave sane koviserekarera,
mbi va ungura.
19 Tangeye Muhona, tjiwaṋa tja Israel,
mu tangeye, oweṋe vapristeri va Ndjambi!
20 Tangeye Muhona, oweṋe Valevi;
mu tangeye, oweṋe amuhe mbu mu
rikotamena ku ye!
21 Muhona nga tangwe mOsion,
eye ngu tura mOjerusalem!
Tangeye Muhona!
