1 Zuveye embo ndi, vakazendu va Samaria, mbu mwa ṋunisiwa tjimuna ozongombe ozonḓenḓu za Basan kondundu ya Samaria, mbu mu tatumisa ovingundi nokuṋiṋikiza ovasyona, nu mbu mu rakiza nai kovarumendu veṋu: “Tu etereye omavinu tu nwe!” 2 Muhona Ndjambi we riyanena mouyapuke we a tja: “Omayuva, tjiri, maye ya eṋe mu mamu kananwa nozombate; nu imba oveṋu mba sewa po mave kananwa nozongoorero zozohi. 3 Neṋe mamu nanenwa mozondovi zotumbo tu tu ri popezu namu nakaurirwa kOhermon.”
Okuhinonḓuviro kwOvaisrael
4 Muhona Ndjambi ma tja nai: “Tjiwaṋa tja Israel, twendeye kObetel mu katjite ouvi na kOgilgal mu katjitire ko ouvi komeho! Eteye ozombunguhiro zeṋu zovinamuinyo omuhuka auhe notjitjamurongo tjeṋu eyuva oritjatatu arihe! 5 Ningiririseye omboroto ndji nosurise i rire ombunguhiro yokutja okuhepa; tjiviseye kutja ozombunguhiro zombango yeṋu oveni ze punguhwe, orondu imbi ombi mwa suvera okutjita.
6 “Owami ngu mba eta ourumbu movihuro vyeṋu avihe, nungwari eṋe kamu na indu mwa kotokere ku ami. 7 Ami mbe mu pata ombura ngunda akwa sewa omieze vitatu komakondero. Mba rokisa ombura motjihuro tjimwe nu tjarwe atji ha rokwa. Otjikunino tjimwe tja rokwa, nu tjarwe tjandje tja kukuta, orondu ami hi hindire ombura ku tjo. 8 Novature vovihuro vivari poo vitatu va tupuka nga kotjihuro tjarwe okukanwa omeva nave ha kakowa. Nungwari eṋe kamu na indu mwa kotokere ku ami.
9 “Ami mba hinda omitjise vyovihape kutja vi sesete ovikokotwa vyeṋu, nozombahu za rya ovikunino vyeṋu avihe, nomivite nomikuyu nomiṋinga vyeṋu wina. Nungwari eṋe kamu na indu mwa kotokere ku ami.
10 “Ami mbe mu hindira otjiwonga tjomutjise omuzeu otja ihi tji mba hindire kOengipte rukuru. Omitanda vyeṋu mbe vi zepa nengaruvyo nu e huura oukambe weṋu. Mba pamisa omayuru weṋu nomaworero woturova mozondanda zeṋu. Nungwari eṋe kamu na indu mwa kotokere ku ami.
11 “Ami mbe mu yandeka otja tji mba yandekere Sodom na Gomora. Eṋe mwa ri otja otjiyumbu tji tja hakanwa momuriro. Nungwari eṋe kamu na indu mwa kotokere ku ami. 12 Ami nambano otji me mu vere, tjiwaṋa tja Israel. Nu tjinga ame tjiti nai, eṋe Vaisrael, rirongerereye okupangurwa i ami.”
13 Ndjambi ongwa ungura ozondundu nokumema ovivepo. Eye u tjivisa omeripura we komundu nu u tjitukisa omutenya okurira ouṱuku. U ryanga kozondomba azehe zehi. Ena re Muhona Ndjambi Omunamasaaehe!
1 Zuveye embo ndi, vakazendu va Samaria, mbu mwa ṋunisiwa tjimuna ozongombe ozonḓenḓu za Basan kondundu ya Samaria, mbu mu tatumisa ovingundi nokuṋiṋikiza ovasyona, nu mbu mu rakiza nai kovarumendu veṋu: “Tu etereye omavinu tu nwe!” 2 Muhona Ndjambi we riyanena mouyapuke we a tja: “Omayuva, tjiri, maye ya eṋe mu mamu kananwa nozombate; nu imba oveṋu mba sewa po mave kananwa nozongoorero zozohi. 3 Neṋe mamu nanenwa mozondovi zotumbo tu tu ri popezu namu nakaurirwa kOhermon.”
Okuhinonḓuviro kwOvaisrael
4 Muhona Ndjambi ma tja nai: “Tjiwaṋa tja Israel, twendeye kObetel mu katjite ouvi na kOgilgal mu katjitire ko ouvi komeho! Eteye ozombunguhiro zeṋu zovinamuinyo omuhuka auhe notjitjamurongo tjeṋu eyuva oritjatatu arihe! 5 Ningiririseye omboroto ndji nosurise i rire ombunguhiro yokutja okuhepa; tjiviseye kutja ozombunguhiro zombango yeṋu oveni ze punguhwe, orondu imbi ombi mwa suvera okutjita.
6 “Owami ngu mba eta ourumbu movihuro vyeṋu avihe, nungwari eṋe kamu na indu mwa kotokere ku ami. 7 Ami mbe mu pata ombura ngunda akwa sewa omieze vitatu komakondero. Mba rokisa ombura motjihuro tjimwe nu tjarwe atji ha rokwa. Otjikunino tjimwe tja rokwa, nu tjarwe tjandje tja kukuta, orondu ami hi hindire ombura ku tjo. 8 Novature vovihuro vivari poo vitatu va tupuka nga kotjihuro tjarwe okukanwa omeva nave ha kakowa. Nungwari eṋe kamu na indu mwa kotokere ku ami.
9 “Ami mba hinda omitjise vyovihape kutja vi sesete ovikokotwa vyeṋu, nozombahu za rya ovikunino vyeṋu avihe, nomivite nomikuyu nomiṋinga vyeṋu wina. Nungwari eṋe kamu na indu mwa kotokere ku ami.
10 “Ami mbe mu hindira otjiwonga tjomutjise omuzeu otja ihi tji mba hindire kOengipte rukuru. Omitanda vyeṋu mbe vi zepa nengaruvyo nu e huura oukambe weṋu. Mba pamisa omayuru weṋu nomaworero woturova mozondanda zeṋu. Nungwari eṋe kamu na indu mwa kotokere ku ami.
11 “Ami mbe mu yandeka otja tji mba yandekere Sodom na Gomora. Eṋe mwa ri otja otjiyumbu tji tja hakanwa momuriro. Nungwari eṋe kamu na indu mwa kotokere ku ami. 12 Ami nambano otji me mu vere, tjiwaṋa tja Israel. Nu tjinga ame tjiti nai, eṋe Vaisrael, rirongerereye okupangurwa i ami.”
13 Ndjambi ongwa ungura ozondundu nokumema ovivepo. Eye u tjivisa omeripura we komundu nu u tjitukisa omutenya okurira ouṱuku. U ryanga kozondomba azehe zehi. Ena re Muhona Ndjambi Omunamasaaehe!
