Oviungura vyonganda ya Kehat
1 Muhona wa hungira ku Moses na Aron a tja: 2 “Vareye Ovakehat vomuhoko wa Levi otja kozonganda na komaṱunḓu wawo 3 okuza powotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 4 Oviungura vyOvakehat mOndanda yOmahakaeneno ovyo mbi: Okuṱuna oviṋa vyOtjouyapukeyapuke.
5 “Ozondanda tji maze haṋewa, Aron novazandu ve ngave hite mOndanda nu ve turure erapi etjizikize, ndi ri komurungu wOtjipwikiro tjOmerikutiropamwe, nu ve tji kutjire na ro. 6 Owo ngave kutjire ko otjikutjire tjomikova omiheze, ve yare ko erapi eserarovazu nu ve hweke mo ovinḓe ovitjindiro vyatjo.
7 “Nu wina ngave yare ko erapi eserarovazu kotjiriro tjozomboroto zomaraisiro, nu ve twe ko oviyaha, novikangero vyomatwimisiro, novinwino, nomahoro wombunguhiro yomanuwa; wina ngaku tuwe ozomboroto ndu maze kara ko aruhe. 8 Okuzambo ngave yare ko erapi eserandu pyu, notjikutjire tjomikova omiheze kombanda yayo, nu ve hweke mo ovinḓe ovitjindiro vyatjo.
9 “Tjazumba ngave kambure onguyu oserarovazu, nu ve i kutjire kotjikurameno tjomamunine puna omamunine novikonde nouyaha watjo, nomahoro watjo aehe womaze womiṋinga. 10 Nowo ngave mange otjikurameno puna oviungurise vyatjo avihe momukova omuheze, nu ngave vi twe kotjitjindiro.
11 “Okuzambo ngave yare ko erapi eserarovazu kotjipunguhiro tjongoldo, nu ve kutjire ko omukova omuheze kombanda yayo, nu ve hweke mo ovinḓe ovitjindiro vyatjo. 12 Owo ngave toore oviungurise avihe, mbi ve ungura na vyo mOtjouyapuke, nu ve kutjire ko omukova omuheze, nu ve vi twe kotjitjindiro. 13 Ngave ise ko omutwe kotjipunguhiro tjozombunguhiro ozoningiririsiwa, nu ve yare ko erapi eserarovazu. 14 Nu ku tjo ngave twe ko oviungurise vyotjipunguhiro avihe, mbi ve ungura na vyo, okutja ovikangero novitwere noviwote, noviyaha vyomapemeneno; tjazumba ngave yare ko otjikutjire tjomikova omiheze, nu ve hweke mo ovinḓe ovitjindiro vyatjo. 15 Ozondanda tji maze haṋewa, nu Aron novazandu ve tji va mana okukutjira Otjouyapuke noviungurise vyatjo avihe, imba Ovakehat ngave ye okuvitjinda, nungwari ave ṱunu ko koviṋa oviyapuke mbi, tjapo ngaave ṱu.
“Imbi ombi ri oviungura vyOndanda yOmahakaeneno Ovakehat mbi mave sokutjita.
16 “Nu Eleasar, omuzandu womupristeri Aron, ma rire omutjevere womaze womiṋinga wotjiṱiziro tjomamunine, nowovyomoro omuwa nowombunguhiro yovikurya, ndji sokukara po aruhe, nowomaze omatwirise; eye nga tjevere Ondanda aihe yOmaturiro, noviṋa avihe vyayo mbya yapurirwa Muhona.”
17 Nu Muhona wa hungira ku Moses na Aron a tja: 18 “Ṱakamiseye onganda ya Kehat kutja ai ha yandekwa mokati kOvalevi. 19 Nungwari tjiteye nai kOvakehat kutja tji mave ya koviṋa oviyapukeyapuke, ave ha ṱu: Aron novazandu ve ngave hite mOtjouyapukeyapuke, nu ve mu raere imbi mbi ma sokutjita. 20 Nungwari imba Ovakehat ave ha hiti, nangarire okaruveze okaṱiṱi, okukamuna oviṋa mbi oviyapuke, tjapo ngaave ṱu.”
Oviungura vyonganda ya Gerson
21 Nu Muhona wa hungira ku Moses a tja: 22 “Vara Ovagerson avehe wina otja kozonganda na komaṱunḓu wawo. 23 Ve vara okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 24 Oviungura vyonganda yOvagerson vyoukarere wawo, noviṋa mbi mave sokutjinda, ovyo mbi: 25 Ngave tjinde omarapi wOndanda yOmahakaeneno, na wina Ondanda yOmahakaeneno notjikutjire tjayo, notjikutjire tjomikova omiheze tji tji ri kombanda, nerapi etjizikize ropomahitiro wOndanda yOmahakaeneno, 26 nomarapi omatjizikize worumbo rworupanda, nerapi etjizikize ropomahitiro worumbo ndu kondoroka Ondanda yOmahakaeneno notjipunguhiro, nozongoze zarwo, na imbi oviungurise avihe, mbi hepwa poviungura mbi; avihe, mbi mavi heperwa oviungura mbi, ombi mave sokutjita. 27 Oviungura avihe vyOvagerson, okutja avihe mbi mave tjindi na mbi mave ungura, ngavi tjitwe otja komarakiza wa Aron novazandu ve; ve urikireye oviṋa, auhe wawo mbi ma sokutjinda. 28 Imbi ombi ri oviungura vyOvagerson mOndanda yOmahakaeneno; owo mave vi tjiti kehi yondjeverero ya Itamar, omuzandu womupristeri Aron.”
Oviungura vyonganda ya Merari
29 Muhona wa tja ku Moses: “Vara Ovamerari otja kozonganda na komaṱunḓu wawo. 30 Ve vara okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 31 Oviungura vyawo vyokutjinda oviṋa vyOndanda yOmahakaeneno, ovyo mbi: Otutapo twOndanda yOmahakaeneno, nomiti omityakaṋa vyavyo, nozongunḓe nozombaze zazo, 32 nozongunḓe zorumbo ndu kondoroka, nozombaze, nozomboha nozongoze zazo, okutja oviungurise avihe, mbi heperwa oviungura mbi. Auhe wawo mu urikireye oviṋa, mbi ma sokutjinda. 33 Imbi ombi ri oviungura vyOvamerari mOndanda yOmahakaeneno; owo mave vi tjiti kehi yondjeverero ya Itamar, omuzandu womupristeri Aron.”
Omavarero wOvalevi
34-47 Otja komarakiza wa Muhona Moses na Aron novanane vombongarero va vara inḓa ozonganda ndatu zOvalevi, ooya Kehat noya Gerson noya Merari otja kozonganda na komaṱunḓu wawo, avehe okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno, komuhingo mbwi:
Ovakehat va ri 2 750,
Ovagerson va ri 2 630,
Ovamerari va ri 3 200.
48 Ovavarwa avehe kumwe wozonganda ndatu nḓa zOvalevi va ri 8 580.
49 Omundu auhe wa pewa otjiungura tje tjokukarera poo tjokutjinda oviṋa otja Muhona pa rakiza ku Moses; auhe otja varwa otja Muhona pa rakiza ku Moses.
Oviungura vyonganda ya Kehat
1 Muhona wa hungira ku Moses na Aron a tja: 2 “Vareye Ovakehat vomuhoko wa Levi otja kozonganda na komaṱunḓu wawo 3 okuza powotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 4 Oviungura vyOvakehat mOndanda yOmahakaeneno ovyo mbi: Okuṱuna oviṋa vyOtjouyapukeyapuke.
5 “Ozondanda tji maze haṋewa, Aron novazandu ve ngave hite mOndanda nu ve turure erapi etjizikize, ndi ri komurungu wOtjipwikiro tjOmerikutiropamwe, nu ve tji kutjire na ro. 6 Owo ngave kutjire ko otjikutjire tjomikova omiheze, ve yare ko erapi eserarovazu nu ve hweke mo ovinḓe ovitjindiro vyatjo.
7 “Nu wina ngave yare ko erapi eserarovazu kotjiriro tjozomboroto zomaraisiro, nu ve twe ko oviyaha, novikangero vyomatwimisiro, novinwino, nomahoro wombunguhiro yomanuwa; wina ngaku tuwe ozomboroto ndu maze kara ko aruhe. 8 Okuzambo ngave yare ko erapi eserandu pyu, notjikutjire tjomikova omiheze kombanda yayo, nu ve hweke mo ovinḓe ovitjindiro vyatjo.
9 “Tjazumba ngave kambure onguyu oserarovazu, nu ve i kutjire kotjikurameno tjomamunine puna omamunine novikonde nouyaha watjo, nomahoro watjo aehe womaze womiṋinga. 10 Nowo ngave mange otjikurameno puna oviungurise vyatjo avihe momukova omuheze, nu ngave vi twe kotjitjindiro.
11 “Okuzambo ngave yare ko erapi eserarovazu kotjipunguhiro tjongoldo, nu ve kutjire ko omukova omuheze kombanda yayo, nu ve hweke mo ovinḓe ovitjindiro vyatjo. 12 Owo ngave toore oviungurise avihe, mbi ve ungura na vyo mOtjouyapuke, nu ve kutjire ko omukova omuheze, nu ve vi twe kotjitjindiro. 13 Ngave ise ko omutwe kotjipunguhiro tjozombunguhiro ozoningiririsiwa, nu ve yare ko erapi eserarovazu. 14 Nu ku tjo ngave twe ko oviungurise vyotjipunguhiro avihe, mbi ve ungura na vyo, okutja ovikangero novitwere noviwote, noviyaha vyomapemeneno; tjazumba ngave yare ko otjikutjire tjomikova omiheze, nu ve hweke mo ovinḓe ovitjindiro vyatjo. 15 Ozondanda tji maze haṋewa, nu Aron novazandu ve tji va mana okukutjira Otjouyapuke noviungurise vyatjo avihe, imba Ovakehat ngave ye okuvitjinda, nungwari ave ṱunu ko koviṋa oviyapuke mbi, tjapo ngaave ṱu.
“Imbi ombi ri oviungura vyOndanda yOmahakaeneno Ovakehat mbi mave sokutjita.
16 “Nu Eleasar, omuzandu womupristeri Aron, ma rire omutjevere womaze womiṋinga wotjiṱiziro tjomamunine, nowovyomoro omuwa nowombunguhiro yovikurya, ndji sokukara po aruhe, nowomaze omatwirise; eye nga tjevere Ondanda aihe yOmaturiro, noviṋa avihe vyayo mbya yapurirwa Muhona.”
17 Nu Muhona wa hungira ku Moses na Aron a tja: 18 “Ṱakamiseye onganda ya Kehat kutja ai ha yandekwa mokati kOvalevi. 19 Nungwari tjiteye nai kOvakehat kutja tji mave ya koviṋa oviyapukeyapuke, ave ha ṱu: Aron novazandu ve ngave hite mOtjouyapukeyapuke, nu ve mu raere imbi mbi ma sokutjita. 20 Nungwari imba Ovakehat ave ha hiti, nangarire okaruveze okaṱiṱi, okukamuna oviṋa mbi oviyapuke, tjapo ngaave ṱu.”
Oviungura vyonganda ya Gerson
21 Nu Muhona wa hungira ku Moses a tja: 22 “Vara Ovagerson avehe wina otja kozonganda na komaṱunḓu wawo. 23 Ve vara okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 24 Oviungura vyonganda yOvagerson vyoukarere wawo, noviṋa mbi mave sokutjinda, ovyo mbi: 25 Ngave tjinde omarapi wOndanda yOmahakaeneno, na wina Ondanda yOmahakaeneno notjikutjire tjayo, notjikutjire tjomikova omiheze tji tji ri kombanda, nerapi etjizikize ropomahitiro wOndanda yOmahakaeneno, 26 nomarapi omatjizikize worumbo rworupanda, nerapi etjizikize ropomahitiro worumbo ndu kondoroka Ondanda yOmahakaeneno notjipunguhiro, nozongoze zarwo, na imbi oviungurise avihe, mbi hepwa poviungura mbi; avihe, mbi mavi heperwa oviungura mbi, ombi mave sokutjita. 27 Oviungura avihe vyOvagerson, okutja avihe mbi mave tjindi na mbi mave ungura, ngavi tjitwe otja komarakiza wa Aron novazandu ve; ve urikireye oviṋa, auhe wawo mbi ma sokutjinda. 28 Imbi ombi ri oviungura vyOvagerson mOndanda yOmahakaeneno; owo mave vi tjiti kehi yondjeverero ya Itamar, omuzandu womupristeri Aron.”
Oviungura vyonganda ya Merari
29 Muhona wa tja ku Moses: “Vara Ovamerari otja kozonganda na komaṱunḓu wawo. 30 Ve vara okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno. 31 Oviungura vyawo vyokutjinda oviṋa vyOndanda yOmahakaeneno, ovyo mbi: Otutapo twOndanda yOmahakaeneno, nomiti omityakaṋa vyavyo, nozongunḓe nozombaze zazo, 32 nozongunḓe zorumbo ndu kondoroka, nozombaze, nozomboha nozongoze zazo, okutja oviungurise avihe, mbi heperwa oviungura mbi. Auhe wawo mu urikireye oviṋa, mbi ma sokutjinda. 33 Imbi ombi ri oviungura vyOvamerari mOndanda yOmahakaeneno; owo mave vi tjiti kehi yondjeverero ya Itamar, omuzandu womupristeri Aron.”
Omavarero wOvalevi
34-47 Otja komarakiza wa Muhona Moses na Aron novanane vombongarero va vara inḓa ozonganda ndatu zOvalevi, ooya Kehat noya Gerson noya Merari otja kozonganda na komaṱunḓu wawo, avehe okuza kowotjiwondo tjozombura omirongo vitatu nga kowomirongo vitano, avehe mba yenena okuungura mOndanda yOmahakaeneno, komuhingo mbwi:
Ovakehat va ri 2 750,
Ovagerson va ri 2 630,
Ovamerari va ri 3 200.
48 Ovavarwa avehe kumwe wozonganda ndatu nḓa zOvalevi va ri 8 580.
49 Omundu auhe wa pewa otjiungura tje tjokukarera poo tjokutjinda oviṋa otja Muhona pa rakiza ku Moses; auhe otja varwa otja Muhona pa rakiza ku Moses.
