Onḓiro nombakero ya Moses
1 Nu Moses tja za motutjandja twa Moab wa karonda kondundu Nebo, kondomba yozondundu Pisga, ndji ri komukuma wokomuhuka wa Jeriko. Muhona we mu raisira ehi arihe ndi, okutja ehi ra Gilead nga kOdan; 2 nehi arihe ra Naftali, nehi ra Efraim nora Manasse, nehi arihe ra Juda nga kOmuronga Mediterania kuṱa kongurova; 3 nehi arihe rokeyuva kokumuho, na indi ronḓonḓu Jordan, nomukutu wa Jeriko, ihi otjihuro tjomavare nga kOsoar. 4 Muhona wa tja nai ku Moses: “Indi ondi ri ehi ami ndi mba kwizikira ooAbraham na Isak na Jakob noruyano ame tja: ‘Ami me ri yandja kozondekurona zoye,’ ami me ku munisa ro nomeho woye omuini, nungwari ove ko nakukonda ku wo.”
5 Nu Moses, omukarere wa Muhona, wa kokera ngo mehi ra Moab otja Muhona pa heere. 6 Nu Muhona we mu paka motjana hi mehi ra Moab ouhunga notjirongo Bet-Peor, nungwari kape na umwe ngwa tjiwa eyendo re, nga ku ndinondi. 7 Nu Moses wa ri notjiwondo tjozombura esere rimwe nomirongo vivari tja koka; nomeho we kaye ngundiparere, nomasa we kaye manukire. 8 NOvaisrael va rira Moses motutjandja twa Moab oure womayuva omirongo vitatu.
9 Nu Josua, omuzandu wa Nun, we urisiwa nombepo younongo, Moses tjinga e mu yambekere omake. NOvaisrael va zuva ku ye nave tjiti otja Muhona pa rakizire ku Moses.
10 Nu okuzambo nga mba kapeya penduka omuprofete rukwao mOisrael otja Moses ngwa munasana na Muhona omurungu nomurungu. 11 Nu kape nomuprofete warwe nga mba ngwa tjita oviraisiro ovihimise tjimuna imbi Muhona mbya rakizire ku Moses okuvitjita ku Farao, ombara ya Engipte, na kovakarere ve avehe, na kehi re arihe. 12 Kape nomuprofete warwe ngwa yenena okutjita oviṋa ovinene novitirise Moses mbya tjita momurungu wOvaisrael avehe.
Onḓiro nombakero ya Moses
1 Nu Moses tja za motutjandja twa Moab wa karonda kondundu Nebo, kondomba yozondundu Pisga, ndji ri komukuma wokomuhuka wa Jeriko. Muhona we mu raisira ehi arihe ndi, okutja ehi ra Gilead nga kOdan; 2 nehi arihe ra Naftali, nehi ra Efraim nora Manasse, nehi arihe ra Juda nga kOmuronga Mediterania kuṱa kongurova; 3 nehi arihe rokeyuva kokumuho, na indi ronḓonḓu Jordan, nomukutu wa Jeriko, ihi otjihuro tjomavare nga kOsoar. 4 Muhona wa tja nai ku Moses: “Indi ondi ri ehi ami ndi mba kwizikira ooAbraham na Isak na Jakob noruyano ame tja: ‘Ami me ri yandja kozondekurona zoye,’ ami me ku munisa ro nomeho woye omuini, nungwari ove ko nakukonda ku wo.”
5 Nu Moses, omukarere wa Muhona, wa kokera ngo mehi ra Moab otja Muhona pa heere. 6 Nu Muhona we mu paka motjana hi mehi ra Moab ouhunga notjirongo Bet-Peor, nungwari kape na umwe ngwa tjiwa eyendo re, nga ku ndinondi. 7 Nu Moses wa ri notjiwondo tjozombura esere rimwe nomirongo vivari tja koka; nomeho we kaye ngundiparere, nomasa we kaye manukire. 8 NOvaisrael va rira Moses motutjandja twa Moab oure womayuva omirongo vitatu.
9 Nu Josua, omuzandu wa Nun, we urisiwa nombepo younongo, Moses tjinga e mu yambekere omake. NOvaisrael va zuva ku ye nave tjiti otja Muhona pa rakizire ku Moses.
10 Nu okuzambo nga mba kapeya penduka omuprofete rukwao mOisrael otja Moses ngwa munasana na Muhona omurungu nomurungu. 11 Nu kape nomuprofete warwe nga mba ngwa tjita oviraisiro ovihimise tjimuna imbi Muhona mbya rakizire ku Moses okuvitjita ku Farao, ombara ya Engipte, na kovakarere ve avehe, na kehi re arihe. 12 Kape nomuprofete warwe ngwa yenena okutjita oviṋa ovinene novitirise Moses mbya tjita momurungu wOvaisrael avehe.
