Omatungururiro worumbo rwa Jerusalem
1 Orumbo rwotjihuro rwa tungururwa nai: Omupristeri Otjiuru Eljasib novapristeri ovakwao va tungurura Omuvero wOzonḓu, ave u yapura nave twa po ozongambezero novivangwa vyomuvero nozomboha novipate vyawo. Owo va tungurura orumbo nga kOruhungu rwEsere nOruhungu rwa Hananel.
2 Ovarumendu va Jeriko va tungurura orukondwa rworumbo okuryamisa komurungu.
Sakur, omuzandu wa Imri, wa tungurura orukondwa orukwao komurungu.
3 Onganda ya Senaa ya tunga Omuvero wEhundju; va twa po ozongambezero novivangwa vyomuvero nozomboha novipate vyomuvero mbwi.
4 Meremot, omuzandu wa Urija, omuzandu wa Kos, wa tungurura okuryamisa komurungu.
Mesulam, omuzandu wa Berekja, omuzandu wa Mesesabel, wa tungurura komurungu.
Sadok, omuzandu wa Baana, wa hondjizira komurungu.
5 Ovarumendu va Tekoa va tungurura orukondwa ndwi komurungu. Nungwari imba ovarumendu ovatjiukwa votjihuro va panḓa okuungura oviungura, mbi va pewa i ovatjevere.
6 Jojada, omuzandu wa Paseak, na Mesulam, omuzandu wa Besodja, va tungurura Omuvero wa Jesana. Va twa po ozongambezero novivangwa vyomuvero nozomboha novipate vyawo.
7 Omugibeon Melatja, nOmumeronto Jadon, novarumendu va Gibeon nova Mispa va tungurura okuryamisa orumbo nga komaturiro wongooneya yokongurova kwa Eufrat.
8 Usiel, omuzandu wa Harhaja, omuhambure wongoldo, wa hondjizira okutungurura komurungu.
Hananja, omuhoveke womaze omavawa, wa tungurura okuryamisa orumbo rwa Jerusalem nga kOrumbo Oruparanga.
9 Refaja, omuzandu wa Hur, omunane worumbembera rwehi ra Jerusalem, wa hondjizira orumbo okutungurura.
10 Jedaja, omuzandu wa Harumaf, wa tungurura orukondwa ndwi rworumbo ndwa ri popezu nondjuwo ye.
Hatus, omuzandu wa Hasabneja, wa hondjizira okuryamisa orumbo komurungu.
11 Malkija, omuzandu wa Harim, na Hasub, omuzandu wa Pahat-Moab, omba tungurura pamwe orukondwa rwarwe komurungu na indwi Oruhungu rwOmazuko.
12 Salum, omuzandu wa Lohes, omunane worumbembera orukwao rwehi ra Jerusalem, wa hondjizira orumbo okutungurura, nu wa vaterwa i ovasuko ve.
13 Hanun novature votjihuro tja Sanoak va tungurura Omuvero wOmukutu; va twa po ozongambezero novivangwa vyomuvero nozomboha novipate vyawo. Wina va tungurura orumbo okuza mbo oure wozometa 440 nga kOmuvero wOviyaya.
14 Malkija, omuzandu wa Rekab, omunane worukondwa Bet-Hakerem; ongwa tungurura Omuvero wOviyaya; neye wa twa po omivero nozomboha novipate vyawo.
15 Salum, omuzandu wa Kolhoses, omunane worukondwa Mispa, ongwa tungurura Omuvero wOruharwi. Eye wa twako omututu, na twa po omivero nozomboha novipate vyawo. Wina wa tungurura orumbo okuza pErindi ra Siloak, popezu notjikunino tjombara nga kozondondo nḓe punda okuza kOtjihuro tja David.
16 Nehemia, omuzandu wa Asbuk, omunane worumbembera rworukondwa Bet-Sur, wa tungurura okuryamisa orumbo nga komaendo womuhoko wa David nerindi nda ungurwa ngo nondjuwo yovarwe wovita.
Ovalevi mbaa ve ungura orumbo
17 Ovalevi mba tungurura otukondwa tworumbo komurungu, owo mba:
Rehum, omuzandu wa Bani, wa tungurura okuryamisa orumbo komurungu.
Nu Hasabja, omunane worumbembera rumwe rworukondwa Keila, wa hondjizira orumbo komurungu, mena rorukondwa rwe.
18 Binui, omuzandu wa Henadad, omunane worumbembera orukwao rworukondwa rwa Keila, wa tungurura okuryamisa komurungu.
19 Eser, omuzandu wa Jesua, omunane worukondwa Mispa, ongwa hondjizira orumbo momurungu wondjuwo yovirwise nga poṋa orumbo pu rwa katanaukira.
20 Baruk, omuzandu wa Sabai, ongwa hondjizira orumbo komurungu nga pomahitiro wondjuwo yOmupristeri Otjiuru Eljasib.
21 Meremot, omuzandu wa Urija, omuzandu wa Kos, wa tungurura orumbo komurungu okuza pomahitiro wondjuwo ya Eljasib nga komaandero wayo.
Ovapristeri mbaa ve ungura orumbo
22 Ovapristeri, mba zire mozondendera za Jerusalem, omba tungurura okuryamisa orumbo komurungu.
23 OoBenjamin na Hasub va tungurura orukondwa rworumbo komurungu ndwa hungamasana nozondjuwo zawo.
Asarja, omuzandu wa Maaseja, omuzandu wa Ananeja, wa tungurura orukondwa ndwi ndwa ri momurungu wondjuwo ye.
24 Binui, omuzandu wa Henadad, wa tungurura orukondwa rworumbo okuza pondjuwo ya Asarja nga kotjikoro tjorumbo.
25 Palal, omuzandu wa Usai, wa tungurura orumbo komurungu ama utire kotjikoro tjorumbo na koruhungu rwondjuwo youhona yokombanda, popezu norupanda rwotjovakamburwa.
Pedaja, omuzandu wa Paros, wa hondjizira orumbo komurungu 26 nga kohonga yokomuhuka popezu nOmuvero wOmeva noruhungu nduyaru tjevere ondjuwo ya Muhona. Indwi rwa ri popezu norukondwa rotjihuro nduyaru isanewa kutja Ofel, ovaungure vondjuwo ya Muhona mu va turire.
Ovatunge varwe
27 Ovarumendu va Tekoa va tungurura okuryamisa orukondwa rwawo orutjavari rworumbo komurungu, okuza kohonga momuhunga woruhungu orunene, ndu tjevera ondjuwo ya Muhona nga korumbo rwa Ofel.
28 Ovapristeri tjiva va tungurura orumbo okuyenda kuṱa keyuva kokunene okuza pOmuvero wOukambe; auhe aa tungu momurungu wondjuwo ye omuini.
29 Sadok, omuzandu wa Imer, wa tungurura orumbo ouhunga nondjuwo ye omuini.
Semaja, omuzandu wa Sekania, omutjevere wOmuvero wOkomuhuka, we ru tungurura komurungu.
30 Hananja, omuzandu wa Selemja, na Hanun, omuzandu outjahamboumwe wa Salaf, va tungurura orukondwa rwawo orutjavari rworumbo.
Mesulam, omuzandu wa Berekja, wa tungurura orumbo ouhunga nondjuwo ye.
31 Malkija, omuhambure wongoldo, we ru tungurura okuryamisa nga kondjuwo muyamu kara ovaungure vondjuwo ya Muhona, novarandise, nu ndja ri pOmuvero wOvatjevere, popezu netuwo rokombanda yotjikoro tjorumbo.
32 Ovahambure vongoldo novarandise va tungurura orukondwa orusenina rworumbo, okuza ketuwo rokotjikoro nga kOmuvero wOzonḓu.
Omatungururiro worumbo rwa Jerusalem
1 Orumbo rwotjihuro rwa tungururwa nai: Omupristeri Otjiuru Eljasib novapristeri ovakwao va tungurura Omuvero wOzonḓu, ave u yapura nave twa po ozongambezero novivangwa vyomuvero nozomboha novipate vyawo. Owo va tungurura orumbo nga kOruhungu rwEsere nOruhungu rwa Hananel.
2 Ovarumendu va Jeriko va tungurura orukondwa rworumbo okuryamisa komurungu.
Sakur, omuzandu wa Imri, wa tungurura orukondwa orukwao komurungu.
3 Onganda ya Senaa ya tunga Omuvero wEhundju; va twa po ozongambezero novivangwa vyomuvero nozomboha novipate vyomuvero mbwi.
4 Meremot, omuzandu wa Urija, omuzandu wa Kos, wa tungurura okuryamisa komurungu.
Mesulam, omuzandu wa Berekja, omuzandu wa Mesesabel, wa tungurura komurungu.
Sadok, omuzandu wa Baana, wa hondjizira komurungu.
5 Ovarumendu va Tekoa va tungurura orukondwa ndwi komurungu. Nungwari imba ovarumendu ovatjiukwa votjihuro va panḓa okuungura oviungura, mbi va pewa i ovatjevere.
6 Jojada, omuzandu wa Paseak, na Mesulam, omuzandu wa Besodja, va tungurura Omuvero wa Jesana. Va twa po ozongambezero novivangwa vyomuvero nozomboha novipate vyawo.
7 Omugibeon Melatja, nOmumeronto Jadon, novarumendu va Gibeon nova Mispa va tungurura okuryamisa orumbo nga komaturiro wongooneya yokongurova kwa Eufrat.
8 Usiel, omuzandu wa Harhaja, omuhambure wongoldo, wa hondjizira okutungurura komurungu.
Hananja, omuhoveke womaze omavawa, wa tungurura okuryamisa orumbo rwa Jerusalem nga kOrumbo Oruparanga.
9 Refaja, omuzandu wa Hur, omunane worumbembera rwehi ra Jerusalem, wa hondjizira orumbo okutungurura.
10 Jedaja, omuzandu wa Harumaf, wa tungurura orukondwa ndwi rworumbo ndwa ri popezu nondjuwo ye.
Hatus, omuzandu wa Hasabneja, wa hondjizira okuryamisa orumbo komurungu.
11 Malkija, omuzandu wa Harim, na Hasub, omuzandu wa Pahat-Moab, omba tungurura pamwe orukondwa rwarwe komurungu na indwi Oruhungu rwOmazuko.
12 Salum, omuzandu wa Lohes, omunane worumbembera orukwao rwehi ra Jerusalem, wa hondjizira orumbo okutungurura, nu wa vaterwa i ovasuko ve.
13 Hanun novature votjihuro tja Sanoak va tungurura Omuvero wOmukutu; va twa po ozongambezero novivangwa vyomuvero nozomboha novipate vyawo. Wina va tungurura orumbo okuza mbo oure wozometa 440 nga kOmuvero wOviyaya.
14 Malkija, omuzandu wa Rekab, omunane worukondwa Bet-Hakerem; ongwa tungurura Omuvero wOviyaya; neye wa twa po omivero nozomboha novipate vyawo.
15 Salum, omuzandu wa Kolhoses, omunane worukondwa Mispa, ongwa tungurura Omuvero wOruharwi. Eye wa twako omututu, na twa po omivero nozomboha novipate vyawo. Wina wa tungurura orumbo okuza pErindi ra Siloak, popezu notjikunino tjombara nga kozondondo nḓe punda okuza kOtjihuro tja David.
16 Nehemia, omuzandu wa Asbuk, omunane worumbembera rworukondwa Bet-Sur, wa tungurura okuryamisa orumbo nga komaendo womuhoko wa David nerindi nda ungurwa ngo nondjuwo yovarwe wovita.
Ovalevi mbaa ve ungura orumbo
17 Ovalevi mba tungurura otukondwa tworumbo komurungu, owo mba:
Rehum, omuzandu wa Bani, wa tungurura okuryamisa orumbo komurungu.
Nu Hasabja, omunane worumbembera rumwe rworukondwa Keila, wa hondjizira orumbo komurungu, mena rorukondwa rwe.
18 Binui, omuzandu wa Henadad, omunane worumbembera orukwao rworukondwa rwa Keila, wa tungurura okuryamisa komurungu.
19 Eser, omuzandu wa Jesua, omunane worukondwa Mispa, ongwa hondjizira orumbo momurungu wondjuwo yovirwise nga poṋa orumbo pu rwa katanaukira.
20 Baruk, omuzandu wa Sabai, ongwa hondjizira orumbo komurungu nga pomahitiro wondjuwo yOmupristeri Otjiuru Eljasib.
21 Meremot, omuzandu wa Urija, omuzandu wa Kos, wa tungurura orumbo komurungu okuza pomahitiro wondjuwo ya Eljasib nga komaandero wayo.
Ovapristeri mbaa ve ungura orumbo
22 Ovapristeri, mba zire mozondendera za Jerusalem, omba tungurura okuryamisa orumbo komurungu.
23 OoBenjamin na Hasub va tungurura orukondwa rworumbo komurungu ndwa hungamasana nozondjuwo zawo.
Asarja, omuzandu wa Maaseja, omuzandu wa Ananeja, wa tungurura orukondwa ndwi ndwa ri momurungu wondjuwo ye.
24 Binui, omuzandu wa Henadad, wa tungurura orukondwa rworumbo okuza pondjuwo ya Asarja nga kotjikoro tjorumbo.
25 Palal, omuzandu wa Usai, wa tungurura orumbo komurungu ama utire kotjikoro tjorumbo na koruhungu rwondjuwo youhona yokombanda, popezu norupanda rwotjovakamburwa.
Pedaja, omuzandu wa Paros, wa hondjizira orumbo komurungu 26 nga kohonga yokomuhuka popezu nOmuvero wOmeva noruhungu nduyaru tjevere ondjuwo ya Muhona. Indwi rwa ri popezu norukondwa rotjihuro nduyaru isanewa kutja Ofel, ovaungure vondjuwo ya Muhona mu va turire.
Ovatunge varwe
27 Ovarumendu va Tekoa va tungurura okuryamisa orukondwa rwawo orutjavari rworumbo komurungu, okuza kohonga momuhunga woruhungu orunene, ndu tjevera ondjuwo ya Muhona nga korumbo rwa Ofel.
28 Ovapristeri tjiva va tungurura orumbo okuyenda kuṱa keyuva kokunene okuza pOmuvero wOukambe; auhe aa tungu momurungu wondjuwo ye omuini.
29 Sadok, omuzandu wa Imer, wa tungurura orumbo ouhunga nondjuwo ye omuini.
Semaja, omuzandu wa Sekania, omutjevere wOmuvero wOkomuhuka, we ru tungurura komurungu.
30 Hananja, omuzandu wa Selemja, na Hanun, omuzandu outjahamboumwe wa Salaf, va tungurura orukondwa rwawo orutjavari rworumbo.
Mesulam, omuzandu wa Berekja, wa tungurura orumbo ouhunga nondjuwo ye.
31 Malkija, omuhambure wongoldo, we ru tungurura okuryamisa nga kondjuwo muyamu kara ovaungure vondjuwo ya Muhona, novarandise, nu ndja ri pOmuvero wOvatjevere, popezu netuwo rokombanda yotjikoro tjorumbo.
32 Ovahambure vongoldo novarandise va tungurura orukondwa orusenina rworumbo, okuza ketuwo rokotjikoro nga kOmuvero wOzonḓu.
