Ombara yousemba
1 Tara, eyuva rimwe mape kara ombara, ndji mai honapara nousemba, novahongore mbu mave nana oviwaṋa osemba. 2 Auhe wawo ma kara otja omawameno kombepo, notja poṋa pomaundiro kotjivepo tjombura. Owo mave sana noturonḓu tu tu pupa mokuti onguza, nomuzire woruuwa orunene mehi nda kukuta. 3 Omeho wa imba mbe muna, kaye nokupoṱupara; nomatwi wa imba mbe zuva, maye kengeza. 4 Owo kave tji nokukara nokuhinomuretima rukwao, nungwari mave ungura nozondunge, nu mave hungire nawa ongahukiro imbi mbi mave hee. 5 Kape na ngu me ripura kutja eyova eye omutengwandu poo ngu ma tja omundu otjiporoporo eye omuṱakame. 6 Eyova ri hungira ouyova nu ri ripura okutjita ouvi. Imbi mbi ri tjita, na imbi mbi ri ripura, ovyo ondjambu ku Muhona; noro kamaari parura ovanandjara, nu kamaari kovisa ovananyota. 7 Omundu omunavineya eye u tjita ouvi, nu u ripura okutjita ozondjito zouvi kutja a nyonene po ovasyona novizeze vye, nokutja a tjaere ovahepe okumuna ousemba wawo. 8 Nungwari omundu omutengwandu eye omuṱakame mozondjito ze, nu u zikama mousemba.
Okupangura nokuyarura ko
9 Oweṋe, vakazendu, mbu mu hupa oupupu nokuhinomerikendero, purateneye ku imbi mbi me hungire! 10 Eṋe nandi mwa kowa nambano, oruveze tjingero ndwi mombura ndji mai yende mamu yaraara, orondu tji ku hi nokukara omandjembere eṋe okunikora, novihape okupora. 11 Eṋe mwa hupa oupupu, nokuhinomerikendero; nungwari nambano zezereye nondira! Hukureye ozombanda zeṋu nu mu rivarange nozombanda zoruhoze pomahuri. 12 Ritoneye moviari vyeṋu moruhoze, ovikunino ovihapise nomivite tjinga avya nyonwa, 13 novihwa vyomakuiya nominanyiva tjinga avya hapa movikunino vyotjiwaṋa tjandje. Ririreye ozondjuwo azehe ovandu mu va kara nondjoroka, notjihuro tji tja ri nenyando tjinene. 14 Nangarire ondjuwo youhona mai isiwa tjo, notjihuro ohongora matji isiwa ongaango oparukaze. Ondunda yotjiṱunga noruhungu romatjeverero mavi rire omatundu nga aruhe. Ozongoro zokuti maze ryanga mo, norupanda rwozonyanda maru ri mo.
15 Nungwari otjikando tjimwe rukwao Ndjambi ma tirire Ombepo ye kombanda yetu. Ehi nda ri onguza otji mari rire ehapise, nomahi womakunino maye eta ovihape ovingi oviwa. 16 Akuhe mehi, mokuti onguza na mehi ehapise, ousemba nouṱakame mau tjitwa. 17 Auhe tjinga ama tjiti imbi mbi ri ovisemba, otjinga amape kara ohange norusuvo orukarerere. 18 Otjiwaṋa tja Ndjambi matji kara nokuhinongendo, nu mozonganda zatjo mamu kara ohange nokuhinatjipo. 19 Nungwari ozombawe zombura maze wire momahwa, notjihuro matji yandekwa. 20 Oweṋe ovaṋingandu mbu mamu kunu momeva omengi, nu mbu mamu risa ozongombe nousino momaryo wouyara!
Ombara yousemba
1 Tara, eyuva rimwe mape kara ombara, ndji mai honapara nousemba, novahongore mbu mave nana oviwaṋa osemba. 2 Auhe wawo ma kara otja omawameno kombepo, notja poṋa pomaundiro kotjivepo tjombura. Owo mave sana noturonḓu tu tu pupa mokuti onguza, nomuzire woruuwa orunene mehi nda kukuta. 3 Omeho wa imba mbe muna, kaye nokupoṱupara; nomatwi wa imba mbe zuva, maye kengeza. 4 Owo kave tji nokukara nokuhinomuretima rukwao, nungwari mave ungura nozondunge, nu mave hungire nawa ongahukiro imbi mbi mave hee. 5 Kape na ngu me ripura kutja eyova eye omutengwandu poo ngu ma tja omundu otjiporoporo eye omuṱakame. 6 Eyova ri hungira ouyova nu ri ripura okutjita ouvi. Imbi mbi ri tjita, na imbi mbi ri ripura, ovyo ondjambu ku Muhona; noro kamaari parura ovanandjara, nu kamaari kovisa ovananyota. 7 Omundu omunavineya eye u tjita ouvi, nu u ripura okutjita ozondjito zouvi kutja a nyonene po ovasyona novizeze vye, nokutja a tjaere ovahepe okumuna ousemba wawo. 8 Nungwari omundu omutengwandu eye omuṱakame mozondjito ze, nu u zikama mousemba.
Okupangura nokuyarura ko
9 Oweṋe, vakazendu, mbu mu hupa oupupu nokuhinomerikendero, purateneye ku imbi mbi me hungire! 10 Eṋe nandi mwa kowa nambano, oruveze tjingero ndwi mombura ndji mai yende mamu yaraara, orondu tji ku hi nokukara omandjembere eṋe okunikora, novihape okupora. 11 Eṋe mwa hupa oupupu, nokuhinomerikendero; nungwari nambano zezereye nondira! Hukureye ozombanda zeṋu nu mu rivarange nozombanda zoruhoze pomahuri. 12 Ritoneye moviari vyeṋu moruhoze, ovikunino ovihapise nomivite tjinga avya nyonwa, 13 novihwa vyomakuiya nominanyiva tjinga avya hapa movikunino vyotjiwaṋa tjandje. Ririreye ozondjuwo azehe ovandu mu va kara nondjoroka, notjihuro tji tja ri nenyando tjinene. 14 Nangarire ondjuwo youhona mai isiwa tjo, notjihuro ohongora matji isiwa ongaango oparukaze. Ondunda yotjiṱunga noruhungu romatjeverero mavi rire omatundu nga aruhe. Ozongoro zokuti maze ryanga mo, norupanda rwozonyanda maru ri mo.
15 Nungwari otjikando tjimwe rukwao Ndjambi ma tirire Ombepo ye kombanda yetu. Ehi nda ri onguza otji mari rire ehapise, nomahi womakunino maye eta ovihape ovingi oviwa. 16 Akuhe mehi, mokuti onguza na mehi ehapise, ousemba nouṱakame mau tjitwa. 17 Auhe tjinga ama tjiti imbi mbi ri ovisemba, otjinga amape kara ohange norusuvo orukarerere. 18 Otjiwaṋa tja Ndjambi matji kara nokuhinongendo, nu mozonganda zatjo mamu kara ohange nokuhinatjipo. 19 Nungwari ozombawe zombura maze wire momahwa, notjihuro matji yandekwa. 20 Oweṋe ovaṋingandu mbu mamu kunu momeva omengi, nu mbu mamu risa ozongombe nousino momaryo wouyara!
