Usija ma rire ombara mOjuda
(2Eku 26:1-23)1 Mombura oitjamirongo vivari na hambombari youhona wa Jerobeam II, ombara ya Israel, Usija, omuzandu wa Amasja, otja rira ombara mOjuda, 2 e notjiwondo tjozombura omurongo na hamboumwe; neye wa honapara oure wozombura omirongo vitano nambari mOjerusalem. Ina wa ri Jekolja, ngwa zire kOjerusalem. 3 Usija wa tjita imbi mbyaa vi tjata kuMuhona ama horere kotjikaro tjaihe Amasja. 4 Nungwari imba poṋa apehe pomerikotameneno kovisenginina kozondunda kape nyonenwe, novandu va kara pokupunguhira ozombunguhiro nokutwimisira ovyomoro omuwa poṋa mbo. 5 Muhona wa vera Usija nomutjise wongana mbwa kara na wo oure womuinyo we auhe. Eye wa turire mondjuwo ye peke na kuturwa koviungura vye avihe. Omuzandu we Jotam ongwa ri omunane wehi moruveze rwa ihe.
6 Oviṋa avihe vyarwe Usija mbya tjita vya tjangwa mEkuruhungi rOzombara za Juda. 7 Usija wa koka na pakwa momaendo wouhona mOtjihuro tja David, nomuzandu we Jotam we mu pingena mouhona.
Sakaria ma rire ombara mOisrael
8 Mombura oitjamirongo vitatu na hambondatu youhona wa Usija, ombara ya Juda, Sakaria, omuzandu wa Jerobeam II, otja rira ombara ya Israel; neye wa honapara oure womieze hamboumwe mOsamaria. 9 Eye wa tura ondjo komurungu wa Muhona tjimuna imba mba ri po komurungu we. Eye wa horera kotjikaro otjivi tjombara Jerobeam, omuzandu wa Nebat, ngwa porere Ovaisrael ku Muhona. 10 Salum, omuzandu wa Jabes, we rikuta kuna ovandu okusekamena ombara Sakaria, nave mu zepere mOibleam; nu Salum we mu pingena mouhona.
11 Oviṋa avihe vyarwe Sakaria mbya tjita vya tjangwa mEkuruhungi rOzombara za Israel.
12 Komuhingo mbwi omakwizikiro Muhona nga tjitire kombara Jehu otji ya yenenisiwa, inga nga tjere: “Ozondekurona zoye nga komuhoko outjaine maze rire ozombara mOisrael.”
Salum ma rire ombara mOisrael
13 Mombura oitjamirongo vitatu na muvyu youhona wa Usija, ombara ya Juda, Salum, omuzandu wa Jabes, otja rira ombara mOisrael; neye wa honapara oure womueze umwe mOsamaria.
14 Menahem, omuzandu wa Gadi, wa zire mOtirsa na i kOsamaria, a kazepa Salum ne mu pingene mouhona. 15 Oviṋa avihe vyarwe Salum mbya tjita puna inga omerikutirokumwe we novakwao vya tjangwa mEkuruhungi rOzombara za Israel. 16 Menahem ngunda a ri mondjira okuza kOtirsa otja nyona otjihuro Tifsa oparukaze, novature vatjo nehi nda kondoroka tjo, orondu otjihuro hi katji riyandjere ku ye. Eye wina wa urura omazumo wovakazendu ovingundi avehe.
Menahem ma rire ombara mOisrael
17 Mombura oitjamirongo vitatu na muvyu youhona wa Usija, ombara ya Juda, Menahem, omuzandu wa Gadi, otja rira ombara ya Israel; neye wa honapara oure wozombura omurongo mOsamaria. 18 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa katukisire Ovaisrael nga keyuva ronḓiro ye. 19 Tiglat-Pileser, ombara ya Asirie, wa rwisa Ovaisrael; nu Menahem we mu pa osilveri yondjinda mangara ozokirograma 34,000, kokutja a mwine po ombatero okuzeuparisa ouhona we mehi. 20 Menahem wa muna ovimariva kovarumendu ovatumbe vOvaisrael mokuṋiṋikiza kutja auhe a yandje ovimariva ovisiliveri omirongo vitano. Tiglat-Pileser otja yaruka kOasirie.
21 Oviṋa avihe vyarwe Menahem mbya tjita vya tjangwa mEkuruhungi rOzombara za Israel. 22 Eye wa koka na pakwa, nomuzandu we Pekakja we mu pingena mouhona.
Pekakja ma rire ombara mOisrael
23 Mombura oitjamirongo vitano youhona wa Usija, ombara ya Juda, Pekakja, omuzandu wa Menahem, otja rira ombara mOisrael; neye wa honapara oure wozombura mbari mOsamaria. 24 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa porere otjiwaṋa tjOvaisrael ku Muhona. 25 Pekak, omuzandu wa Remalja, omuhongore wotjimbumba tjovita, we rikuta kumwe novarumendu omirongo vitano votjihuro Gilead, nave zepere Pekah motjiṱunga tjomokuara kwondjuwo youhona mOsamaria; nu Pekah we mu pingena mouhona.
26 Oviṋa avihe vyarwe Pekakja mbya tjita vya tjangwa mEkuruhungi rOzombara za Israel.
Pekah ma rire ombara mOisrael
27 Mombura oitjamirongo vitano na mbari youhona wa Usija, ombara ya Juda, Pekah, omuzandu wa Remalja, otja rira ombara mOisrael; neye wa honapara oure wozombura omirongo vivari mOsamaria. 28 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa porere Ovaisrael ku Muhona.
29 Pekah ngunda a ri ombara, Tiglat-Pileser, ombara ya Asirie, wa huura ovihuro ooIjon na Abel-Bet-Maaka na Janoak na Kedes na Hasor, nehi ra Gilead, Galilea nora Naftali, na twara ovandu kOasur otja ovahuurwa.
30 Mombura oitjamirongo vivari youhona wa Jotam, omuzandu wa Usija, ombara ya Juda, Hosea, omuzandu wa Ela, we rikuta kuna ovakwao nave zepa ombara Pekah; nu Hosea we mu pingena mouhona. 31 Oviṋa avihe vyarwe Pekah mbya tjita vya tjangwa mEkuruhungi rOzombara za Israel.
Jotam ma rire ombara mOjuda
(2Eku 27:1-9)32 Mombura oitjavari youhona wa Pekah, omuzandu wa Remalja, ombara ya Israel, Jotam, omuzandu wa Usija, otja rira ombara mOjuda, 33 e notjiwondo tjozombura omirongo vivari nandano; neye wa honapara oure wozombura omurongo na hamboumwe mOjerusalem. Ina wa ri Jerusalem, omusuko wa Sadok. 34 Jotam wa tjita imbi mbyaa vi tjata ku Muhona, ama horere kotjikaro tjaihe Usija. 35 Nungwari poṋa apehe pomerikotameneno kovisenginina kozondunda opo kape nyonenwe, novandu va kara pokupunguhira ozombunguhiro nokutwimisira ovyomoro omuwa poṋa mbo. Jotam ongwa ungura Omuvero wOkombanda wondjuwo ya Muhona mbu ri komukuma wokeyuva kokunene.
36 Oviṋa avihe vyarwe Jotam mbya tjita vya tjangwa mEkuruhungi rOzombara za Juda. 37 Eye ongwa ri ombara, indu Muhona rutenga tja hinda Resin, ombara ya Sirie, na Pekah, ombara ya Israel okukarwisa Juda. 38 Jotam wa koka na pakwa momaendo wouhona mOtjihuro tja David; nomuzandu we Ahas we mu pingena mouhona.
Usija ma rire ombara mOjuda
(2Eku 26:1-23)1 Mombura oitjamirongo vivari na hambombari youhona wa Jerobeam II, ombara ya Israel, Usija, omuzandu wa Amasja, otja rira ombara mOjuda, 2 e notjiwondo tjozombura omurongo na hamboumwe; neye wa honapara oure wozombura omirongo vitano nambari mOjerusalem. Ina wa ri Jekolja, ngwa zire kOjerusalem. 3 Usija wa tjita imbi mbyaa vi tjata kuMuhona ama horere kotjikaro tjaihe Amasja. 4 Nungwari imba poṋa apehe pomerikotameneno kovisenginina kozondunda kape nyonenwe, novandu va kara pokupunguhira ozombunguhiro nokutwimisira ovyomoro omuwa poṋa mbo. 5 Muhona wa vera Usija nomutjise wongana mbwa kara na wo oure womuinyo we auhe. Eye wa turire mondjuwo ye peke na kuturwa koviungura vye avihe. Omuzandu we Jotam ongwa ri omunane wehi moruveze rwa ihe.
6 Oviṋa avihe vyarwe Usija mbya tjita vya tjangwa mEkuruhungi rOzombara za Juda. 7 Usija wa koka na pakwa momaendo wouhona mOtjihuro tja David, nomuzandu we Jotam we mu pingena mouhona.
Sakaria ma rire ombara mOisrael
8 Mombura oitjamirongo vitatu na hambondatu youhona wa Usija, ombara ya Juda, Sakaria, omuzandu wa Jerobeam II, otja rira ombara ya Israel; neye wa honapara oure womieze hamboumwe mOsamaria. 9 Eye wa tura ondjo komurungu wa Muhona tjimuna imba mba ri po komurungu we. Eye wa horera kotjikaro otjivi tjombara Jerobeam, omuzandu wa Nebat, ngwa porere Ovaisrael ku Muhona. 10 Salum, omuzandu wa Jabes, we rikuta kuna ovandu okusekamena ombara Sakaria, nave mu zepere mOibleam; nu Salum we mu pingena mouhona.
11 Oviṋa avihe vyarwe Sakaria mbya tjita vya tjangwa mEkuruhungi rOzombara za Israel.
12 Komuhingo mbwi omakwizikiro Muhona nga tjitire kombara Jehu otji ya yenenisiwa, inga nga tjere: “Ozondekurona zoye nga komuhoko outjaine maze rire ozombara mOisrael.”
Salum ma rire ombara mOisrael
13 Mombura oitjamirongo vitatu na muvyu youhona wa Usija, ombara ya Juda, Salum, omuzandu wa Jabes, otja rira ombara mOisrael; neye wa honapara oure womueze umwe mOsamaria.
14 Menahem, omuzandu wa Gadi, wa zire mOtirsa na i kOsamaria, a kazepa Salum ne mu pingene mouhona. 15 Oviṋa avihe vyarwe Salum mbya tjita puna inga omerikutirokumwe we novakwao vya tjangwa mEkuruhungi rOzombara za Israel. 16 Menahem ngunda a ri mondjira okuza kOtirsa otja nyona otjihuro Tifsa oparukaze, novature vatjo nehi nda kondoroka tjo, orondu otjihuro hi katji riyandjere ku ye. Eye wina wa urura omazumo wovakazendu ovingundi avehe.
Menahem ma rire ombara mOisrael
17 Mombura oitjamirongo vitatu na muvyu youhona wa Usija, ombara ya Juda, Menahem, omuzandu wa Gadi, otja rira ombara ya Israel; neye wa honapara oure wozombura omurongo mOsamaria. 18 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa katukisire Ovaisrael nga keyuva ronḓiro ye. 19 Tiglat-Pileser, ombara ya Asirie, wa rwisa Ovaisrael; nu Menahem we mu pa osilveri yondjinda mangara ozokirograma 34,000, kokutja a mwine po ombatero okuzeuparisa ouhona we mehi. 20 Menahem wa muna ovimariva kovarumendu ovatumbe vOvaisrael mokuṋiṋikiza kutja auhe a yandje ovimariva ovisiliveri omirongo vitano. Tiglat-Pileser otja yaruka kOasirie.
21 Oviṋa avihe vyarwe Menahem mbya tjita vya tjangwa mEkuruhungi rOzombara za Israel. 22 Eye wa koka na pakwa, nomuzandu we Pekakja we mu pingena mouhona.
Pekakja ma rire ombara mOisrael
23 Mombura oitjamirongo vitano youhona wa Usija, ombara ya Juda, Pekakja, omuzandu wa Menahem, otja rira ombara mOisrael; neye wa honapara oure wozombura mbari mOsamaria. 24 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa porere otjiwaṋa tjOvaisrael ku Muhona. 25 Pekak, omuzandu wa Remalja, omuhongore wotjimbumba tjovita, we rikuta kumwe novarumendu omirongo vitano votjihuro Gilead, nave zepere Pekah motjiṱunga tjomokuara kwondjuwo youhona mOsamaria; nu Pekah we mu pingena mouhona.
26 Oviṋa avihe vyarwe Pekakja mbya tjita vya tjangwa mEkuruhungi rOzombara za Israel.
Pekah ma rire ombara mOisrael
27 Mombura oitjamirongo vitano na mbari youhona wa Usija, ombara ya Juda, Pekah, omuzandu wa Remalja, otja rira ombara mOisrael; neye wa honapara oure wozombura omirongo vivari mOsamaria. 28 Eye wa tura ondjo komurungu wa Muhona na horere kotjikaro otjivi tjombara Jerobeam, omuzandu wa Nebat, ngwa porere Ovaisrael ku Muhona.
29 Pekah ngunda a ri ombara, Tiglat-Pileser, ombara ya Asirie, wa huura ovihuro ooIjon na Abel-Bet-Maaka na Janoak na Kedes na Hasor, nehi ra Gilead, Galilea nora Naftali, na twara ovandu kOasur otja ovahuurwa.
30 Mombura oitjamirongo vivari youhona wa Jotam, omuzandu wa Usija, ombara ya Juda, Hosea, omuzandu wa Ela, we rikuta kuna ovakwao nave zepa ombara Pekah; nu Hosea we mu pingena mouhona. 31 Oviṋa avihe vyarwe Pekah mbya tjita vya tjangwa mEkuruhungi rOzombara za Israel.
Jotam ma rire ombara mOjuda
(2Eku 27:1-9)32 Mombura oitjavari youhona wa Pekah, omuzandu wa Remalja, ombara ya Israel, Jotam, omuzandu wa Usija, otja rira ombara mOjuda, 33 e notjiwondo tjozombura omirongo vivari nandano; neye wa honapara oure wozombura omurongo na hamboumwe mOjerusalem. Ina wa ri Jerusalem, omusuko wa Sadok. 34 Jotam wa tjita imbi mbyaa vi tjata ku Muhona, ama horere kotjikaro tjaihe Usija. 35 Nungwari poṋa apehe pomerikotameneno kovisenginina kozondunda opo kape nyonenwe, novandu va kara pokupunguhira ozombunguhiro nokutwimisira ovyomoro omuwa poṋa mbo. Jotam ongwa ungura Omuvero wOkombanda wondjuwo ya Muhona mbu ri komukuma wokeyuva kokunene.
36 Oviṋa avihe vyarwe Jotam mbya tjita vya tjangwa mEkuruhungi rOzombara za Juda. 37 Eye ongwa ri ombara, indu Muhona rutenga tja hinda Resin, ombara ya Sirie, na Pekah, ombara ya Israel okukarwisa Juda. 38 Jotam wa koka na pakwa momaendo wouhona mOtjihuro tja David; nomuzandu we Ahas we mu pingena mouhona.
